‘നിങ്ങളു​ടെ വിടുതൽ അടുത്തു​വ​രു​ന്നു!’

1. എ.ഡി. 66-ൽ എന്ത്‌ സംഭവി​ച്ചു? (ലേഖനാ​രം​ഭ​ത്തി​ലെ ചിത്രം കാണുക.)

എ.ഡി. 66-ൽ യെരു​ശ​ലേ​മിൽ ജീവി​ച്ചി​രുന്ന ഒരു ക്രിസ്‌ത്യാ​നി​യാണ്‌ നിങ്ങൾ എന്നു വിചാ​രി​ക്കുക. നിങ്ങൾക്ക്‌ ചുറ്റും പല കാര്യങ്ങൾ സംഭവി​ക്കു​ന്നു. ഒരു റോമൻ നാടു​വാ​ഴി​യായ ഫ്‌ളോ​റസ്‌, ആലയഭ​ണ്ഡാ​ര​ത്തിൽനിന്ന്‌ 17 താലന്ത്‌ മോഷ്ടി​ച്ചു. കോപാ​കു​ല​രായ യഹൂദ​ന്മാർ ധാരാളം റോമൻ പടയാ​ളി​കളെ കൊന്നിട്ട്‌ റോമാ​ക്കാ​രിൽനിന്ന്‌ സ്വാത​ന്ത്ര്യം നേടി​യ​താ​യി പ്രഖ്യാ​പി​ച്ചു. പക്ഷേ റോം തിരി​ച്ച​ടി​ച്ചു. സെസ്റ്റ്യസ്‌ ഗാലസി​ന്റെ നേതൃ​ത്വ​ത്തി​ലുള്ള 30,000 പട്ടാള​ക്കാർ മൂന്ന്‌ മാസത്തി​നു​ള്ളിൽ യെരു​ശ​ലേം വളഞ്ഞു. യഹൂദാ​വി​പ്ല​വ​കാ​രി​കൾ ആലയമ​തിൽക്കെ​ട്ടി​നു​ള്ളിൽ ഒളിച്ചു. തുടർന്ന്‌ റോമൻ പട്ടാള​ക്കാർ ആലയത്തി​ന്റെ പുറത്തെ മതിലിന്‌ അടുത്തു​വന്ന്‌ അത്‌ പൊളി​ക്കാ​നുള്ള ശ്രമങ്ങൾ തുടങ്ങി. നഗരത്തി​നു​ള്ളി​ലുള്ള എല്ലാവ​രും പരി​ഭ്രാ​ന്ത​രാ​യി. ഇതെല്ലാം കാണു​മ്പോൾ നിങ്ങൾക്ക്‌ എന്ത്‌ തോന്നു​മാ​യി​രു​ന്നു?

2. റോമൻ സൈന്യം നഗരം വളഞ്ഞതു​ക​ണ്ട​പ്പോൾ ക്രിസ്‌ത്യാ​നി​കൾ എന്തു ചെയ്യണ​മാ​യി​രു​ന്നു, അത്‌ എങ്ങനെ സാധി​ക്കു​മാ​യി​രു​ന്നു?

² ഈ സംഭവ​ത്തെ​ക്കു​റിച്ച്‌ മുന്നറി​യിപ്പ്‌ നൽകി​ക്കൊണ്ട്‌ വർഷങ്ങൾക്കു മുമ്പ്‌ യേശു തന്റെ അനുഗാ​മി​ക​ളോട്‌ ഇങ്ങനെ നിർദേ​ശി​ച്ചു: “സൈന്യ​ങ്ങൾ യെരു​ശ​ലേ​മി​നു ചുറ്റും പാളയ​മ​ടി​ച്ചി​രി​ക്കു​ന്നതു കാണു​മ്പോൾ അവളുടെ ശൂന്യ​മാ​ക്കൽ അടുത്തി​രി​ക്കു​ന്നു എന്ന്‌ അറിഞ്ഞു​കൊ​ള്ളു​വിൻ. അപ്പോൾ യെഹൂ​ദ്യ​യി​ലു​ള്ളവർ മലകളി​ലേക്ക്‌ ഓടി​പ്പോ​കട്ടെ. യെരു​ശ​ലേ​മി​ലു​ള്ളവർ പുറ​പ്പെ​ട്ടു​പോ​കട്ടെ; നാട്ടിൻപു​റ​ങ്ങ​ളി​ലു​ള്ളവർ അവളിൽ കടക്കു​ക​യു​മ​രുത്‌.” (ലൂക്കോ. 21:20, 21) നഗരത്തി​നു ചുറ്റും പട്ടാള​ക്കാർ നിൽക്കു​മ്പോൾ യെരു​ശ​ലേം വിട്ടു​പോ​കാ​നുള്ള യേശു​വി​ന്റെ നിർദേശം അവർക്ക്‌ എങ്ങനെ അനുസ​രി​ക്കാൻ കഴിയു​മാ​യി​രു​ന്നു? തികച്ചും അപ്രതീ​ക്ഷി​ത​മായ ഒന്ന്‌ സംഭവി​ച്ചു. റോമൻ സൈന്യം യെരു​ശ​ലേ​മിൽനിന്ന്‌ പെട്ടെന്നു തിരി​കെ​പ്പോ​യി! യേശു പറഞ്ഞതു​പോ​ലെ, ആ ആക്രമണം ‘ചുരുങ്ങി.’ (മത്താ. 24:22) സൈന്യം തിരി​കെ​പ്പോയ സ്ഥിതിക്ക്‌, വിശ്വ​സ്‌ത​രായ ക്രിസ്‌ത്യാ​നി​കൾക്ക്‌ യേശു​വി​നെ അനുസ​രി​ച്ചു​കൊണ്ട്‌ എത്രയും​വേഗം മലകളി​ലേക്ക്‌ ഓടി​പ്പോ​കാ​നുള്ള അവസരം ഉണ്ടായി​രു​ന്നു.a പിന്നീട്‌ എ.ഡി. 70-ൽ പുതി​യൊ​രു റോമൻ സൈന്യം യെരു​ശ​ലേ​മി​ലേക്ക്‌ തിരി​കെ​വന്നു. ഇത്തവണ അവർ നഗരം നശിപ്പി​ച്ചു. എന്നാൽ യേശു​വി​ന്റെ നിർദേ​ശങ്ങൾ അനുസ​രിച്ച എല്ലാവ​രും രക്ഷപ്പെട്ടു.

3. ഒന്നാം നൂറ്റാ​ണ്ടി​ലേ​തിന്‌ സമാന​മായ ഏത്‌ സാഹച​ര്യം ക്രിസ്‌ത്യാ​നി​കൾ പെട്ടെ​ന്നു​തന്നെ നേരി​ടും, ഈ ലേഖന​ത്തിൽ നമ്മൾ എന്ത്‌ ചർച്ച ചെയ്യും?

³ യേശു നൽകിയ മുന്നറി​യി​പ്പും നിർദേ​ശ​ങ്ങ​ളും നമ്മുടെ നാളി​ലും ബാധക​മാണ്‌. ഉടൻതന്നെ “മഹാകഷ്ടം” ആരംഭി​ക്കു​മ്പോൾ നമ്മളും സമാന​മായ ഒരു സാഹച​ര്യ​ത്തി​ലാ​കും. അപ്പോൾ എന്താണ്‌ നടക്കാൻപോ​കു​ന്ന​തെന്ന്‌ ഒന്നാം നൂറ്റാ​ണ്ടി​ലെ സംഭവങ്ങൾ ഉപയോ​ഗിച്ച്‌ യേശു വിശദീ​ക​രി​ച്ചു. (മത്താ. 24:3, 21, 29) യെരു​ശ​ലേ​മി​ന്റെ നാശത്തെ അതിജീ​വിച്ച വിശ്വ​സ്‌ത​രായ ക്രിസ്‌ത്യാ​നി​ക​ളെ​പ്പോ​ലെ, മുഴു​ഭൂ​മി​യി​ലും ഉണ്ടാകാൻപോ​കുന്ന മഹാവി​പ​ത്തി​നെ അതിജീ​വി​ക്കാൻ ഒരു “മഹാപു​രു​ഷാര”മുണ്ടാ​യി​രി​ക്കും. (വെളി​പാട്‌ 7:9, 13, 14 വായി​ക്കുക.) ഭാവി​യിൽ സംഭവി​ക്കാൻപോ​കുന്ന ഈ കാര്യ​ങ്ങ​ളെ​ക്കു​റിച്ച്‌ ബൈബിൾ പറയു​ന്നത്‌ എന്താ​ണെന്നു നമ്മൾ മനസ്സി​ലാ​ക്കേ​ണ്ടത്‌ വളരെ പ്രധാ​ന​മാണ്‌. എന്തു​കൊണ്ട്‌? കാരണം നമ്മുടെ ജീവൻ അതിനെ ആശ്രയി​ച്ചാ​ണി​രി​ക്കു​ന്നത്‌. അതു​കൊണ്ട്‌ ഈ സംഭവങ്ങൾ നമ്മളെ വ്യക്തി​പ​ര​മാ​യി എങ്ങനെ ബാധി​ക്കു​മെന്ന്‌ ചർച്ച ചെയ്യാം.

മഹാകഷ്ടം തുടങ്ങു​ന്നു

4. മഹാകഷ്ടം എങ്ങനെ തുടങ്ങും?

⁴ മഹാകഷ്ടം എങ്ങനെ​യാ​യി​രി​ക്കും തുടങ്ങുക? എല്ലാ വ്യാജ​മ​ത​ങ്ങ​ളു​ടെ​യും നാശ​ത്തോ​ടെ. ബൈബി​ളിൽ വ്യാജ​മ​തത്തെ “മഹതി​യാം ബാബി​ലോൺ, വേശ്യ​ക​ളു​ടെ . . . മാതാവ്‌” എന്നാണ്‌ വിളി​ച്ചി​രി​ക്കു​ന്നത്‌. (വെളി. 17:5-7) എന്തു​കൊ​ണ്ടാണ്‌ വ്യാജ​മ​തത്തെ വേശ്യ എന്ന്‌ വിളി​ച്ചി​രി​ക്കു​ന്നത്‌? കാരണം അതിലെ മതഗു​രു​ക്ക​ന്മാർ ദൈവ​ത്തോട്‌ വിശ്വ​സ്‌ത​രാ​യി​രു​ന്നി​ട്ടില്ല. യേശു​വി​നെ​യും അവന്റെ രാജ്യ​ത്തെ​യും വിശ്വ​സ്‌ത​മാ​യി പിന്തു​ണ​യ്‌ക്കു​ന്ന​തി​നു പകരം, തങ്ങളുടെ സ്വാധീ​ന​ശക്തി വർധി​പ്പി​ക്കു​ന്ന​തിന്‌ അവർ മനുഷ്യ​ഗ​വ​ണ്മെ​ന്റു​കളെ പിന്താ​ങ്ങു​ക​യും ബൈബിൾപ​ഠി​പ്പി​ക്ക​ലു​കൾ അവഗണി​ക്കു​ക​യും ചെയ്‌തി​രി​ക്കു​ന്നു. നിർമ​ല​രായ അഭിഷി​ക്ത​രിൽനിന്ന്‌ തികച്ചും വ്യത്യ​സ്‌ത​രാണ്‌ അവർ. (2 കൊരി. 11:2; യാക്കോ. 1:27; വെളി. 14:4) എന്നാൽ മഹതി​യാം ബാബി​ലോ​ണി​നെ നശിപ്പി​ക്കു​ന്നത്‌ ആരായി​രി​ക്കും? ‘കടുഞ്ചു​വ​പ്പു​നി​റ​മുള്ള ഒരു കാട്ടു​മൃ​ഗ​ത്തി​ന്റെ’ ‘പത്തു​കൊ​മ്പു​കൾ,’ ‘തന്റെ പദ്ധതി’ നടപ്പാ​ക്കാൻ യഹോവ ഇടയാ​ക്കും. ‘കടുഞ്ചു​വ​പ്പു​നി​റ​മുള്ള കാട്ടു​മൃ​ഗം’ ഐക്യ​രാ​ഷ്‌ട്ര സംഘട​നയെ പ്രതി​നി​ധീ​ക​രി​ക്കു​ന്നു. അതിനെ പിന്താ​ങ്ങുന്ന എല്ലാ രാഷ്‌ട്രീ​യ​ശ​ക്തി​ക​ളെ​യു​മാണ്‌ ‘പത്തു​കൊ​മ്പു​കൾ’ പ്രതി​നി​ധീ​ക​രി​ക്കു​ന്നത്‌.—വെളി​പാട്‌ 17:3, 16-18 വായി​ക്കുക.

5, 6. മഹതി​യാം ബാബി​ലോ​ണി​ന്റെ നാശ​ത്തോ​ടെ അതിലെ എല്ലാ അംഗങ്ങ​ളും കൊല്ല​പ്പെ​ടു​ക​യി​ല്ലെന്ന്‌ നമ്മൾ പറയു​ന്നത്‌ എന്തു​കൊണ്ട്‌?

⁵ മഹതി​യാം ബാബി​ലോ​ണി​നെ നശിപ്പി​ക്കു​മ്പോൾ ആ വ്യാജ​മ​ത​ങ്ങ​ളി​ലുള്ള എല്ലാവ​രും കൊല്ല​പ്പെ​ടും എന്ന്‌ നമ്മൾ നിഗമനം ചെയ്യണ​മോ? വേണ്ട. ആ നാളു​ക​ളെ​ക്കു​റിച്ച്‌ എഴുതാൻ യഹോവ സെഖര്യാ​പ്ര​വാ​ച​കനെ നിശ്ശ്വ​സ്‌ത​നാ​ക്കി. ആ വിവര​ണ​ത്തിൽ, മുമ്പ്‌ വ്യാജ​മ​ത​ത്തി​ന്റെ ഭാഗമാ​യി​രുന്ന ഒരാൾ അന്ന്‌ ഇങ്ങനെ പറയു​മെന്ന്‌ പറഞ്ഞി​രി​ക്കു​ന്നു: “ഞാൻ പ്രവാ​ച​കനല്ല, കൃഷി​ക്കാ​ര​ന​ത്രേ; എന്റെ ബാല്യ​ത്തിൽ തന്നേ ഒരാൾ എന്നെ വിലെക്കു മേടി​ച്ചി​രി​ക്കു​ന്നു എന്നു അവൻ പറയും. എന്നാൽ അവനോ​ടു: നിന്റെ കയ്യിൽ കാണുന്ന ഈ മുറി​വു​കൾ എന്തു എന്നു ചോദി​ക്കു​ന്ന​തി​ന്നു അവൻ: എന്നെ സ്‌നേ​ഹി​ക്കു​ന്ന​വ​രു​ടെ വീട്ടിൽവെച്ചു ഞാൻ അടി​കൊ​ണ്ട​താ​കു​ന്നു എന്നു ഉത്തരം പറയും.” (സെഖ. 13:4-6) അതായത്‌, മതനേ​താ​ക്ക​ന്മാ​രിൽ ചിലർപോ​ലും തങ്ങളുടെ മതപര​മായ ജീവി​ത​ഗതി ഉപേക്ഷിച്ച്‌ തങ്ങൾ ഒരിക്ക​ലും ആ വ്യാജ​മ​ത​ങ്ങ​ളു​ടെ ഭാഗമാ​യി​രു​ന്നി​ല്ലെന്ന്‌ അവകാ​ശ​പ്പെ​ടും.

⁶ ആ സമയത്ത്‌ ദൈവ​ജ​ന​ത്തിന്‌ എന്ത്‌ സംഭവി​ക്കും? യേശു വിശദീ​ക​രി​ക്കു​ന്നു: “ആ നാളുകൾ ചുരു​ക്ക​പ്പെ​ടു​ന്നി​ല്ലെ​ങ്കിൽ ആരും രക്ഷിക്ക​പ്പെ​ടു​ക​യില്ല. എന്നാൽ തിര​ഞ്ഞെ​ടു​ക്ക​പ്പെ​ട്ട​വ​രെ​പ്രതി ആ നാളുകൾ ചുരു​ക്ക​പ്പെ​ടും.” (മത്താ. 24:22) ഒന്നാം നൂറ്റാ​ണ്ടിൽ യെരു​ശ​ലേ​മി​ലു​ണ്ടായ കഷ്ടം ‘ചുരു​ക്ക​പ്പെട്ടു.’ ഇത്‌, “തിര​ഞ്ഞെ​ടു​ക്ക​പ്പെട്ട”വരായ അഭിഷി​ക്ത​ക്രി​സ്‌ത്യാ​നി​കൾക്ക്‌ ഓടി​പ്പോ​കാ​നുള്ള അവസരം നൽകി. സമാന​മാ​യി, മഹാക​ഷ്ട​ത്തി​ന്റെ ആദ്യഭാ​ഗം “തിര​ഞ്ഞെ​ടു​ക്ക​പ്പെ​ട്ട​വ​രെ​പ്രതി” “ചുരു​ക്ക​പ്പെ​ടും.” ദൈവ​ജ​നത്തെ നശിപ്പി​ക്കാൻ ‘പത്തു​കൊ​മ്പു​കളെ,’ അതായത്‌, രാഷ്‌ട്രീയ ശക്തികളെ അനുവ​ദി​ക്കില്ല. ആദ്യത്തെ ആക്രമ​ണ​ത്തി​നു ശേഷം അൽപ്പകാ​ലം അവസ്ഥകൾ ശാന്തമാ​യി​രി​ക്കും.

പരി​ശോ​ധ​ന​യു​ടെ​യും ന്യായ​വി​ധി​യു​ടെ​യും ഒരു കാലഘട്ടം

7, 8. വ്യാജ​മ​ത​ത്തി​ന്റെ നാശത്തി​നു ശേഷം എന്തിനുള്ള അവസര​മു​ണ്ടാ​യി​രി​ക്കും, അന്ന്‌ ദൈവ​ജനം മറ്റുള്ള​വ​രിൽനിന്ന്‌ എങ്ങനെ വ്യത്യ​സ്‌ത​രാ​യി​രി​ക്കും?

⁷ വ്യാജ​മ​ത​ത്തി​ന്റെ നാശത്തിന്‌ ശേഷം എന്തു സംഭവി​ക്കും? നമ്മുടെ ഹൃദയ​ത്തിൽ യഥാർഥ​ത്തിൽ എന്താണു​ള്ള​തെന്ന്‌ വെളി​പ്പെ​ടു​ത്താ​നുള്ള സമയമാ​യി​രി​ക്കും അത്‌. അന്ന്‌ മിക്ക ആളുക​ളും സംരക്ഷ​ണ​ത്തി​നും സഹായ​ത്തി​നും ആയി “പർവത​ങ്ങ​ളി​ലെ പാറ​ക്കെട്ടു”കളിൽ, അതായത്‌, മനുഷ്യ​സം​ഘ​ട​ന​ക​ളിൽ അഭയം​തേ​ടാൻ ശ്രമി​ക്കും. (വെളി. 6:15-17) എന്നാൽ യഹോ​വ​യു​ടെ ജനം സംരക്ഷ​ണ​ത്തി​നാ​യി യഹോ​വ​യി​ലേക്കു തിരി​യും. ഒന്നാം നൂറ്റാ​ണ്ടി​ലു​ണ്ടായ ആക്രമണം ‘ചുരു​ങ്ങി​യ​പ്പോൾ,’ എല്ലാ യഹൂദ​ന്മാർക്കും പെട്ടെന്നു ക്രിസ്‌ത്യാ​നി​ക​ളാ​യി മാറാ​നുള്ള ഒരു സമയമാ​യി​രു​ന്നില്ല അത്‌. പകരം, അപ്പോൾത്തന്നെ ക്രിസ്‌ത്യാ​നി​ക​ളാ​യി​രു​ന്ന​വർക്ക്‌ യേശു​വി​ന്റെ നിർദേശം അനുസ​രി​ച്ചു​കൊണ്ട്‌ യെരു​ശ​ലേ​മി​നു പുറത്ത്‌ പോകാ​നുള്ള സമയമാ​യി​രു​ന്നു അത്‌. സമാന​മാ​യി ഭാവി​യിൽ മഹതി​യാം ബാബി​ലോ​ണി​നെ​തി​രെ​യുള്ള ആക്രമണം ‘ചുരു​ങ്ങു​മ്പോൾ’ അനേക​മാ​ളു​കൾ പെട്ടെന്നു സത്യ​ക്രി​സ്‌ത്യാ​നി​ക​ളാ​യി​ത്തീ​രു​മെന്ന്‌ നമുക്ക്‌ പ്രതീ​ക്ഷി​ക്കാ​നാ​കില്ല. മറിച്ച്‌ എല്ലാ സത്യാ​രാ​ധ​കർക്കും യഹോ​വ​യോ​ടുള്ള സ്‌നേഹം തെളി​യി​ക്കാ​നും അഭിഷി​ക്തരെ പിന്തു​ണ​യ്‌ക്കാ​നും ഉള്ള അവസര​മാ​യി​രി​ക്കും അത്‌.—മത്താ. 25:34-40.

⁸ ആ പരി​ശോ​ധ​നാ​കാ​ല​ഘ​ട്ട​ത്തിൽ സംഭവി​ക്കു​ന്നത്‌ എന്തായി​രി​ക്കു​മെന്ന്‌ കൃത്യ​മാ​യി നമുക്ക്‌ അറിയില്ല. എങ്കിലും, ജീവിതം എളുപ്പ​മാ​യി​രി​ക്കി​ല്ലെ​ന്നും പല ത്യാഗ​ങ്ങ​ളും ചെയ്യേ​ണ്ടി​വ​രു​മെ​ന്നും നമ്മൾ പ്രതീ​ക്ഷി​ക്കു​ന്നു. ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്ക്‌, അതിജീ​വി​ക്കു​ന്ന​തി​നാ​യി തങ്ങളുടെ വീടുകൾ ഉപേക്ഷി​ക്കേ​ണ്ട​താ​യും അനേകം പ്രയാ​സങ്ങൾ സഹി​ക്കേ​ണ്ട​താ​യും വന്നു. (മർക്കോ. 13:15-18) നമ്മൾ സ്വയം ഇങ്ങനെ ചോദി​ക്കണം: ‘ഭൗതി​ക​വ​സ്‌തു​ക്കൾ ഉപേക്ഷി​ക്കാൻ ഞാൻ തയ്യാറാ​ണോ? യഹോ​വ​യോട്‌ വിശ്വ​സ്‌ത​നാ​യി തുടരാൻ ചെയ്യേ​ണ്ട​തെ​ല്ലാം ചെയ്യാൻ ഞാൻ ഒരുക്ക​മു​ള്ള​വ​നാ​ണോ?’ ദാനി​യേൽ പ്രവാ​ച​ക​നെ​പ്പോ​ലെ, എന്തെല്ലാം സംഭവി​ച്ചാ​ലും അന്ന്‌ നമ്മുടെ ദൈവത്തെ ആരാധി​ക്കു​ന്നത്‌ നമ്മൾ മാത്ര​മാ​യി​രി​ക്കു​മെന്ന്‌ ഓർക്കുക!—ദാനീ. 6:10, 11.

9, 10. (എ) മഹാക​ഷ്ട​ത്തി​ന്റെ സമയത്ത്‌ ദൈവ​ജനം ഏത്‌ സന്ദേശം പ്രഖ്യാ​പി​ക്കും? (ബി) ദൈവ​ജ​ന​ത്തി​ന്റെ ശത്രുക്കൾ എങ്ങനെ പ്രതി​ക​രി​ക്കും?

⁹ ‘രാജ്യ​ത്തി​ന്റെ സുവി​ശേഷം’ പ്രസം​ഗി​ക്കാ​നുള്ള സമയം ആയിരി​ക്കില്ല മഹാകഷ്ടം. അതിനുള്ള സമയം അപ്പോ​ഴേ​ക്കും കഴിഞ്ഞി​ട്ടു​ണ്ടാ​കും. “അന്ത്യ”ത്തിനുള്ള സമയം വന്നിരി​ക്കും! (മത്താ. 24:14) എല്ലാ ആളുക​ളെ​യും ബാധി​ക്കുന്ന ന്യായ​വി​ധി​യു​ടെ ശക്തമായ സന്ദേശ​മാ​യി​രി​ക്കും ദൈവ​ജനം അന്ന്‌ ധൈര്യ​ത്തോ​ടെ പ്രഖ്യാ​പി​ക്കു​ന്നത്‌. സാത്താന്റെ ദുഷ്ട​ലോ​കം പൂർണ​മാ​യി നശിപ്പി​ക്ക​പ്പെ​ടാൻപോ​കു​ന്നു എന്നതാ​യി​രി​ക്കാം ആ സന്ദേശം. ഈ സന്ദേശത്തെ കന്മഴ​യോട്‌ ഉപമി​ച്ചു​കൊണ്ട്‌ ബൈബിൾ ഇങ്ങനെ പറയുന്നു: “ആകാശ​ത്തു​നിന്ന്‌ വലി​യൊ​രു കന്മഴയു​ണ്ടാ​യി; ഒരു താല​ന്തോ​ളം കനമുള്ള വലിയ കല്ലുകൾ മനുഷ്യ​രു​ടെ​മേൽ പതിച്ചു. കന്മഴബാ​ധ​നി​മി​ത്തം മനുഷ്യർ ദൈവത്തെ ദുഷിച്ചു; എന്തെന്നാൽ അത്‌ അത്ര ഭയങ്കര​മാ​യി​രു​ന്നു.”—വെളി. 16:21.

¹⁰ ശക്തമായ ആ സന്ദേശം നമ്മുടെ ശത്രുക്കൾ കേൾക്കും. ബൈബി​ളിൽ മാഗോ​ഗി​ലെ ഗോഗ്‌ എന്ന്‌ പറഞ്ഞി​രി​ക്കുന്ന രാഷ്‌ട്ര​ങ്ങ​ളു​ടെ കൂട്ടം ഇതി​നോട്‌ എങ്ങനെ പ്രതി​ക​രി​ക്കു​മെന്ന്‌ വിശദീ​ക​രി​ക്കാൻ യഹോവ യെഹെ​സ്‌കേൽ പ്രവാ​ച​കനെ നിശ്ശ്വ​സ്‌ത​നാ​ക്കി. അത്‌ ഇങ്ങനെ പറയുന്നു: “യഹോ​വ​യായ കർത്താവു ഇപ്രകാ​രം അരുളി​ച്ചെ​യ്യു​ന്നു: അന്നാളിൽ നിന്റെ ഹൃദയ​ത്തിൽ ചില ആലോ​ച​നകൾ തോന്നും; നീ ഒരു ദുരു​പാ​യം നിരൂ​പി​ക്കും; മതിലി​ല്ലാത്ത ഗ്രാമങ്ങൾ ഉള്ള ദേശത്തു ഞാൻ ചെല്ലും; കൊള്ള​യി​ടേ​ണ്ട​തി​ന്നും കവർച്ച ചെയ്യേ​ണ്ട​തി​ന്നും ശൂന്യ​മാ​യ്‌ക്കി​ട​ന്നി​ട്ടു വീണ്ടും നിവാ​സി​ക​ളുള്ള സ്ഥലങ്ങൾക്കു നേരെ​യും ജാതി​ക​ളു​ടെ ഇടയിൽനി​ന്നു ശേഖരി​ക്ക​പ്പെ​ട്ടും കന്നുകാ​ലി​ക​ളെ​യും ധനത്തെ​യും സമ്പാദി​ച്ചും ഭൂമി​യു​ടെ മദ്ധ്യേ വസിച്ചും ഇരിക്കുന്ന ഒരു ജനത്തിന്റെ നേരെ​യും കൈ നീട്ടേ​ണ്ട​തി​ന്നും ഒട്ടൊ​ഴി​യാ​തെ മതിലും ഓടാ​മ്പ​ലും കതകും​കൂ​ടാ​തെ നിർഭയം വസിച്ചു സ്വൈ​ര​മാ​യി​രി​ക്കു​ന്ന​വ​രു​ടെ നേരെ ഞാൻ ചെല്ലും എന്നും നീ പറയും.” (യെഹെ. 38:10-12) “ഭൂമി​യു​ടെ മദ്ധ്യേ” വസിച്ചാൽ എന്നപോ​ലെ ദൈവ​ജനം മറ്റുള്ള എല്ലാവ​രിൽനി​ന്നും വ്യത്യ​സ്‌ത​രാ​യി നില​കൊ​ള്ളും. ഇതെല്ലാം കാണു​മ്പോൾ രാഷ്ട​ങ്ങ്രൾക്ക്‌ അടങ്ങി​യി​രി​ക്കാ​നാ​കില്ല. യഹോ​വ​യു​ടെ അഭിഷി​ക്ത​രെ​യും അവരെ പിന്തു​ണ​യ്‌ക്കു​ന്ന​വ​രെ​യും ആക്രമി​ക്കാൻ അവർ വ്യഗ്ര​ത​യോ​ടെ​യി​രി​ക്കും.

11. (എ) മഹാക​ഷ്ട​ത്തി​ന്റെ സമയത്ത്‌ നടക്കാൻപോ​കുന്ന കാര്യ​ങ്ങ​ളു​ടെ ക്രമ​ത്തെ​ക്കു​റിച്ച്‌ നമ്മൾ എന്ത്‌ മനസ്സിൽപ്പി​ടി​ക്കണം? (ബി) അടയാ​ളങ്ങൾ കാണു​മ്പോൾ ആളുകൾ എങ്ങനെ പ്രതി​ക​രി​ക്കും?

¹¹ പിന്നീട്‌ എന്ത്‌ സംഭവി​ക്കും? മഹാക​ഷ്ട​ത്തി​ന്റെ സമയത്ത്‌ നടക്കാൻപോ​കുന്ന പല കാര്യ​ങ്ങ​ളു​ടെ​യും ക്രമം ഏതാ​ണെന്ന്‌ ബൈബിൾ കൃത്യ​മാ​യി പറയു​ന്നില്ല എന്ന്‌ മനസ്സിൽപ്പി​ടി​ക്കുക. എങ്കിലും ചില സംഭവങ്ങൾ ഒരേ സമയത്ത്‌ നടക്കാൻ സാധ്യ​ത​യുണ്ട്‌. ഈ വ്യവസ്ഥി​തി​യു​ടെ അന്ത്യ​ത്തെ​ക്കു​റി​ച്ചുള്ള പ്രവച​ന​ത്തിൽ യേശു ഇങ്ങനെ പറഞ്ഞു: “സൂര്യ​നി​ലും ചന്ദ്രനി​ലും നക്ഷത്ര​ങ്ങ​ളി​ലും അടയാ​ളങ്ങൾ കാണും. കടലിന്റെ ഗർജന​വും ക്ഷോഭ​വും​നി​മി​ത്തം ഭൂമി​യിൽ ജനതകൾ പോം​വഴി അറിയാ​തെ കഠോ​ര​വേ​ദ​ന​യി​ലാ​കും. ആകാശ​ത്തി​ലെ ശക്തികൾ ഉലയു​ന്ന​തു​കൊണ്ട്‌ ഭൂലോ​ക​ത്തിന്‌ എന്തു ഭവിക്കാൻ പോകു​ന്നു എന്ന ഭീതി​യും ആശങ്കയും​നി​മി​ത്തം മനുഷ്യർ ചേതന​യറ്റു നിൽക്കും. അപ്പോൾ മനുഷ്യ​പു​ത്രൻ ശക്തി​യോ​ടും വലിയ മഹത്ത്വ​ത്തോ​ടും​കൂ​ടെ മേഘത്തിൽ വരുന്നത്‌ അവർ കാണും.” (ലൂക്കോ. 21:25-27; മർക്കോസ്‌ 13:24-26 വായി​ക്കുക.) ഈ പ്രവചനം നിവൃ​ത്തി​യേ​റു​മ്പോൾ അക്ഷരീ​യ​മാ​യി ആകാശ​ത്തിൽ ഭീതി​യു​ള​വാ​ക്കുന്ന അടയാ​ള​ങ്ങ​ളും സംഭവ​ങ്ങ​ളും ഉണ്ടാകു​മോ? കാത്തി​രു​ന്നു കാണാം. എന്തുത​ന്നെ​യാ​യി​രു​ന്നാ​ലും ദൈവ​ത്തി​ന്റെ ശത്രുക്കൾ ആ അടയാ​ളങ്ങൾ കാണു​മ്പോൾ പേടിച്ച്‌ പരി​ഭ്രാ​ന്ത​രാ​കും എന്ന കാര്യം ഉറപ്പാണ്‌.

12, 13. (എ) യേശു “ശക്തി​യോ​ടും വലിയ മഹത്ത്വ​ത്തോ​ടും​കൂ​ടെ” വരു​മ്പോൾ എന്തു സംഭവി​ക്കും? (ബി) അന്ന്‌ ദൈവ​ദാ​സർ എങ്ങനെ പ്രതി​ക​രി​ക്കും?

¹² യേശു “ശക്തി​യോ​ടും വലിയ മഹത്ത്വ​ത്തോ​ടും​കൂ​ടെ” വരു​മ്പോൾ എന്തു സംഭവി​ക്കും? വിശ്വ​സ്‌ത​രാ​യ​വർക്ക്‌ അവൻ പ്രതി​ഫലം നൽകും; അല്ലാത്ത​വർക്ക്‌ ശിക്ഷയും. (മത്താ. 24:46, 47, 50, 51; 25:19, 28-30) ഇത്‌ കൂടു​ത​ലാ​യി വിശദീ​ക​രി​ക്കാൻ യേശു ഒരു ദൃഷ്ടാന്തം ഉപയോ​ഗി​ച്ചു. അവൻ പറഞ്ഞു: “മനുഷ്യ​പു​ത്രൻ സകല ദൂതന്മാ​രോ​ടു​മൊ​പ്പം തന്റെ മഹത്ത്വ​ത്തിൽ വരു​മ്പോൾ അവൻ തന്റെ മഹിമ​യാർന്ന സിംഹാ​സ​ന​ത്തി​ലി​രി​ക്കും. സകല ജനതക​ളും അവന്റെ മുമ്പാകെ ഒരുമി​ച്ചു​കൂ​ട്ട​പ്പെ​ടും. ഇടയൻ കോലാ​ടു​ക​ളിൽനി​ന്നു ചെമ്മരി​യാ​ടു​കളെ വേർതി​രി​ക്കു​ന്ന​തു​പോ​ലെ അവൻ ആളുകളെ തമ്മിൽ വേർതി​രി​ക്കും. അവൻ ചെമ്മരി​യാ​ടു​കളെ തന്റെ വലത്തും കോലാ​ടു​കളെ തന്റെ ഇടത്തും നിറു​ത്തും.” (മത്താ. 25:31-33) ചെമ്മരി​യാ​ടു​കൾക്കും കോലാ​ടു​കൾക്കും എന്ത്‌ സംഭവി​ക്കും? കോലാ​ടു​കൾ, അതായത്‌ വിശ്വ​സ്‌ത​ര​ല്ലാ​ത്തവർ, “നിത്യ​ച്ഛേ​ദ​ന​ത്തി​ലേക്കു പോകു”മെന്ന വിധി​യും ചെമ്മരി​യാ​ടു​കൾ, അതായത്‌ വിശ്വ​സ്‌ത​രാ​യവർ, ‘നിത്യ​ജീ​വൻ’ ലഭിക്കു​മെന്ന വിധി​യും കേൾക്കും.—മത്താ. 25:46.

¹³ തങ്ങളെ കാത്തി​രി​ക്കു​ന്നത്‌ നാശമാ​ണെന്ന്‌ മനസ്സി​ലാ​ക്കു​മ്പോൾ കോലാ​ടു​ക​ളു​ടെ പ്രതി​ക​രണം എന്തായി​രി​ക്കും? അവർ “മാറത്ത​ടി​ച്ചു വിലപി​ക്കും.” (മത്താ. 24:30) എന്നാൽ അഭിഷി​ക്ത​രും അഭിഷി​ക്തരെ പിന്തു​ണ​യ്‌ക്കു​ന്ന​വ​രും എങ്ങനെ പ്രതി​ക​രി​ക്കും? “ഇവയൊ​ക്കെ​യും സംഭവി​ച്ചു​തു​ട​ങ്ങു​മ്പോൾ, നിങ്ങളു​ടെ വിടുതൽ അടുത്തു​വ​രു​ന്ന​തി​നാൽ നിവർന്നു തല ഉയർത്തു​വിൻ” എന്ന യേശു​വി​ന്റെ വാക്കുകൾ അവർ അനുസ​രി​ക്കും.—ലൂക്കോ. 21:28.

ദൈവ​രാ​ജ്യ​ത്തിൽ പ്രകാ​ശി​ക്കു​ന്നു

14, 15. മാഗോ​ഗി​ലെ ഗോഗി​ന്റെ ആക്രമണം തുടങ്ങി​യ​തി​നു ശേഷം ഏത്‌ കൂട്ടി​ച്ചേർക്കൽ നടക്കും, എങ്ങനെ?

¹⁴ മാഗോ​ഗി​ലെ ഗോഗ്‌ ദൈവ​ജ​നത്തെ ആക്രമിച്ച്‌ തുടങ്ങു​മ്പോൾ എന്ത്‌ സംഭവി​ക്കും? മനുഷ്യ​പു​ത്രൻ “ദൂതന്മാ​രെ അയച്ച്‌ താൻ തിര​ഞ്ഞെ​ടു​ത്തി​രി​ക്കു​ന്ന​വരെ ഭൂമി​യു​ടെ അറുതി​മു​തൽ ആകാശ​ത്തി​ന്റെ അറുതി​വരെ നാലു​ദി​ക്കിൽനി​ന്നും കൂട്ടി​ച്ചേർക്കും” എന്ന്‌ ബൈബിൾ പറയുന്നു. (മർക്കോ. 13:27; മത്താ. 24:31) ഓരോ അഭിഷി​ക്ത​രു​ടെ​യും പ്രാഥ​മി​ക​മു​ദ്ര​യി​ട​ലി​നെ അല്ല ഈ കൂട്ടി​ച്ചേർക്കൽ അർഥമാ​ക്കു​ന്നത്‌. ഭൂമി​യിൽ ശേഷി​ച്ചി​രി​ക്കുന്ന അഭിഷി​ക്ത​രു​ടെ അന്തിമ​മു​ദ്ര​യി​ട​ലും അല്ല അത്‌. (മത്താ. 13:37, 38) കാരണം ഈ അന്തിമ​മു​ദ്ര​യി​ടൽ നടക്കു​ന്നത്‌ മഹാകഷ്ടം തുടങ്ങു​ന്ന​തിന്‌ തൊട്ടു​മു​മ്പാ​യി​രി​ക്കും. (വെളി. 7:1-4) അങ്ങനെ​യെ​ങ്കിൽ എന്താണ്‌ ഈ കൂട്ടി​ച്ചേർക്കൽ? ഭൂമി​യിൽ ശേഷി​ച്ചി​രി​ക്കുന്ന അഭിഷി​ക്തർ സ്വർഗീ​യ​പ്ര​തി​ഫലം കൈപ്പ​റ്റു​ന്ന​തി​നെ​യാണ്‌ ഇത്‌ അർഥമാ​ക്കു​ന്നത്‌. (1 തെസ്സ. 4:15-17; വെളി. 14:1) മാഗോ​ഗി​ലെ ഗോഗ്‌ ആക്രമണം തുടങ്ങി​യ​തിന്‌ ശേഷമുള്ള ഒരു സമയത്താ​യി​രി​ക്കും അത്‌ സംഭവി​ക്കു​ന്നത്‌. (യെഹെ. 38:11) അങ്ങനെ യേശു പറഞ്ഞതു​പോ​ലെ​തന്നെ “നീതി​മാ​ന്മാർ തങ്ങളുടെ പിതാ​വി​ന്റെ രാജ്യ​ത്തിൽ സൂര്യ​നെ​പ്പോ​ലെ പ്രകാ​ശി​ക്കും.”—മത്താ. 13:43.b

¹⁵ ഇതിന്‌ അർഥം അഭിഷി​ക്തർ “ഉത്‌പ്രാ​പണം” പ്രാപി​ക്കു​മെ​ന്നാ​ണോ? ക്രൈ​സ്‌ത​വ​ലോ​ക​ത്തി​ലെ അനേക​രും വിശ്വ​സി​ക്കു​ന്നത്‌ ക്രിസ്‌ത്യാ​നി​കൾ ഈ ഭൂമി​യിൽനിന്ന്‌ മനുഷ്യ​ശ​രീ​ര​ത്തോ​ടെ സ്വർഗ​ത്തി​ലേക്ക്‌ എടുക്ക​പ്പെ​ടും, അതായത്‌ ഉത്‌പ്രാ​പണം പ്രാപി​ക്കും, എന്നാണ്‌. ഭൂമി ഭരിക്കാൻ യേശു വരുന്നത്‌ തങ്ങളുടെ കണ്ണാലെ കാണു​മെ​ന്നും അവർ വിശ്വ​സി​ക്കു​ന്നു. പക്ഷേ “മനുഷ്യ​പു​ത്രന്റെ അടയാളം ആകാശത്തു ദൃശ്യ​മാ​കു”മെന്നും യേശു “ആകാശ​മേ​ഘ​ങ്ങ​ളി​ന്മേൽ വരു”മെന്നും പറയു​ന്ന​തി​ലൂ​ടെ യേശു തിരി​ച്ചു​വ​രു​മ്പോൾ അവനെ കാണാ​നാ​കി​ല്ലെന്ന്‌ ബൈബിൾ വ്യക്തമാ​ക്കു​ന്നു. (മത്താ. 24:30) “മാംസ​ര​ക്ത​ങ്ങൾക്കു ദൈവ​രാ​ജ്യം അവകാ​ശ​മാ​ക്കാൻ കഴിയു​ക​യില്ല” എന്നും ബൈബിൾ പറയുന്നു. അതു​കൊണ്ട്‌ സ്വർഗ​ത്തി​ലേക്ക്‌ എടുക്ക​പ്പെ​ടു​ന്നവർ ആദ്യം “രൂപാന്തര”പ്പെടേ​ണ്ട​തുണ്ട്‌. “അന്ത്യകാ​ഹളം മുഴങ്ങു​മ്പോൾ, കണ്ണിമ​യ്‌ക്കുന്ന വേഗത്തിൽ ക്ഷണനേ​രം​കൊണ്ട്‌ ഇതു സംഭവി​ക്കും.”c (1 കൊരി​ന്ത്യർ 15:50-53 വായി​ക്കുക.) നമ്മൾ ഇതിനെ “ഉത്‌പ്രാ​പണം” എന്ന്‌ വിളി​ക്കു​ന്നില്ല. കാരണം ക്രൈ​സ്‌ത​വ​ലോ​ക​ത്തി​ന്റെ പഠിപ്പി​ക്കൽ ഈ പദത്തിന്‌ തെറ്റായ ഒരു വ്യാഖ്യാ​ന​മാണ്‌ നൽകി​യി​രി​ക്കു​ന്നത്‌. എന്നിരു​ന്നാ​ലും ഭൂമി​യി​ലുള്ള വിശ്വ​സ്‌ത​രായ അഭിഷി​ക്തർ ഞൊടി​യി​ട​യിൽ കൂട്ടി​ച്ചേർക്ക​പ്പെ​ടും.

16, 17. കുഞ്ഞാ​ടി​ന്റെ കല്യാ​ണ​ത്തി​നു മുമ്പ്‌ എന്ത്‌ സംഭവി​ക്കും?

¹⁶ അഭിഷി​ക്ത​ക്രി​സ്‌ത്യാ​നി​ക​ളായ 1,44,000 പേരും സ്വർഗ​ത്തിൽ എത്തിയാൽ കുഞ്ഞാ​ടി​ന്റെ കല്യാ​ണ​ത്തി​നുള്ള അവസാ​നഘട്ട ഒരുക്കങ്ങൾ തുടങ്ങാ​നാ​കും. (വെളി. 19:9) എന്നാൽ ആവേശ​ക​ര​മായ ആ സംഭവ​ത്തി​നു മുമ്പ്‌ മറ്റൊരു കാര്യം നടക്കേ​ണ്ട​തുണ്ട്‌. അവശേ​ഷി​ക്കുന്ന അഭിഷി​ക്തർ ഭൂമി​യി​ലു​ണ്ടാ​യി​രി​ക്കു​മ്പോൾത്തന്നെ ഗോഗ്‌ ദൈവ​ജ​നത്തെ ആക്രമി​ക്കും എന്ന്‌ ഓർക്കുക. (യെഹെ. 38:16) ദൈവ​ജനം അപ്പോൾ എന്ത്‌ ചെയ്യും? അവർ പിൻവ​രുന്ന നിർദേശം പിൻപ​റ്റും: “ഈ പടയിൽ പൊരു​തു​വാൻ നിങ്ങൾക്കു ആവശ്യം ഇല്ല; . . . നിങ്ങൾ സ്ഥിരമാ​യി നിന്നു യഹോവ നിങ്ങൾക്കു വരുത്തുന്ന രക്ഷ കണ്ടു​കൊൾവിൻ; ഭയപ്പെ​ട​രു​തു, ഭ്രമി​ക്ക​യും അരുത്‌.” (2 ദിന. 20:17) ഗോഗി​ന്റെ ആക്രമണം തുടങ്ങി അധികം​താ​മ​സി​യാ​തെ​തന്നെ അവശേ​ഷി​ക്കുന്ന അഭിഷി​ക്ത​രെ​ല്ലാം സ്വർഗ​ത്തി​ലേക്ക്‌ എടുക്ക​പ്പെ​ടും. തുടർന്ന്‌ ഗോഗി​ന്റെ ആക്രമ​ണ​ത്തോട്‌ സ്വർഗ​ത്തി​ലു​ള്ളവർ എങ്ങനെ​യാണ്‌ പ്രതി​ക​രി​ക്കു​ന്ന​തെന്ന്‌ വെളി​പാട്‌ 17:14 പറയുന്നു. ദൈവ​ജ​ന​ത്തി​ന്റെ ശത്രുക്കൾ “കുഞ്ഞാ​ടി​നോ​ടു പോരാ​ടും; എന്നാൽ കുഞ്ഞാട്‌ കർത്താ​ധി​കർത്താ​വും രാജാ​ധി​രാ​ജാ​വും ആകയാൽ അവരെ ജയിക്കും. വിളി​ക്ക​പ്പെ​ട്ട​വ​രും തിര​ഞ്ഞെ​ടു​ക്ക​പ്പെ​ട്ട​വ​രും വിശ്വ​സ്‌ത​രു​മാ​യി അവനോ​ടു​കൂ​ടെ ഉള്ളവരും അവരെ ജയിക്കും.” അങ്ങനെ യേശു, സ്വർഗ​ത്തി​ലുള്ള 1,44,000 അഭിഷി​ക്ത​രാ​ജാ​ക്ക​ന്മാ​രോ​ടൊ​പ്പം ഭൂമി​യി​ലുള്ള ദൈവ​ജ​നത്തെ സംരക്ഷി​ക്കും.

¹⁷ അതെത്തു​ടർന്നു​ണ്ടാ​കുന്ന അർമ്മ​ഗെ​ദ്ദോൻ യുദ്ധത്തിൽ യഹോ​വ​യു​ടെ വിശു​ദ്ധ​നാ​മം മഹത്ത്വീ​ക​രി​ക്ക​പ്പെ​ടും. (വെളി. 16:16) കോലാ​ടു​ക​ളാ​യി വേർതി​രിച്ച്‌ വിധിച്ച എല്ലാവ​രെ​യും നശിപ്പി​ക്കും. ഭൂമി​യിൽ മേലാൽ ദുഷ്ടത​യു​ണ്ടാ​യി​രി​ക്കു​ക​യില്ല. “മഹാപു​രു​ഷാ​രം” അർമ്മ​ഗെ​ദ്ദോ​നെ അതിജീ​വി​ക്കും. ഒടുവിൽ വെളി​പാട്‌ പുസ്‌തകം അതിന്റെ ആവേ​ശോ​ജ്ജ്വ​ല​മായ പാരമ്യ​ത്തി​ലെ​ത്തും—കുഞ്ഞാ​ടി​ന്റെ കല്യാണം! (വെളി. 21:1-4)d ഭൂമി​യിൽ അതിജീ​വ​ക​രായ സകലരും ദൈവ​ത്തി​ന്റെ പ്രീതി ആസ്വദി​ക്കും; അവന്റെ ആഴമായ സ്‌നേ​ഹ​വും ഉദാര​ത​യും അനുഭ​വി​ച്ച​റി​യും. ആ നാളി​നാ​യി നമ്മൾ ആകാം​ക്ഷ​യോ​ടെ കാത്തി​രി​ക്കു​ന്നു. എത്ര മഹനീ​യ​മായ ഒരു വിവാ​ഹ​വേ​ള​യാ​യി​രി​ക്കും അത്‌!—2 പത്രോസ്‌ 3:13 വായി​ക്കുക.

18. ആവേ​ശോ​ജ്ജ്വ​ല​മായ സംഭവങ്ങൾ ഉടൻ അരങ്ങേ​റാ​നി​രി​ക്കെ നമ്മൾ എന്ത്‌ ചെയ്യാൻ ദൃഢനി​ശ്ച​യ​മു​ള്ള​വ​രാ​യി​രി​ക്കണം?

¹⁸ ഈ ആവേ​ശോ​ജ്ജ്വ​ല​മായ സംഭവങ്ങൾ ഉടൻ അരങ്ങേ​റാ​നി​രി​ക്കെ നമ്മൾ ഓരോ​രു​ത്ത​രും ഇപ്പോൾ എന്തു ചെയ്യണം? പത്രോസ്‌ അപ്പൊ​സ്‌ത​ലനെ ഇങ്ങനെ എഴുതാൻ യഹോവ നിശ്ശ്വ​സ്‌ത​നാ​ക്കി: “ഇവയൊ​ക്കെ​യും ഇങ്ങനെ അഴിഞ്ഞു​പോ​കാ​നു​ള്ള​താ​ക​യാൽ യഹോ​വ​യു​ടെ ദിവസ​ത്തി​ന്റെ വരവി​നാ​യി കാത്തി​രു​ന്നും അതിനെ സദാ മനസ്സിൽക്ക​ണ്ടും​കൊണ്ട്‌ വിശു​ദ്ധ​വും ഭക്തിപൂർണ​വു​മായ ജീവിതം നയിക്കു​ന്ന​തിൽ നിങ്ങൾ എത്ര ശുഷ്‌കാ​ന്തി​യു​ള്ളവർ ആയിരി​ക്കണം! . . . ആകയാൽ പ്രിയരേ, നിങ്ങൾ ഇവയ്‌ക്കാ​യി കാത്തി​രി​ക്കു​ക​യാൽ കറയും കളങ്കവും ഇല്ലാതെ സമാധാ​ന​ത്തിൽ വസിക്കു​ന്ന​വ​രാ​യി അവനു നിങ്ങൾ കാണ​പ്പെ​ടേ​ണ്ട​തിന്‌ നിങ്ങളാ​ലാ​വോ​ളം ഉത്സാഹി​ക്കു​വിൻ.” (2 പത്രോ. 3:11, 12, 14) അതിനാൽ സമാധാ​ന​പ്ര​ഭു​വായ യേശു​വിന്‌ പിന്തുണ നൽകി​ക്കൊണ്ട്‌ നമുക്ക്‌ വ്യാജ​മ​ത​ത്തിൽനിന്ന്‌ പൂർണ​മാ​യി വിട്ടു​നിൽക്കാം. അങ്ങനെ നമ്മുടെ ആരാധന നിർമ​ല​മാ​യി സൂക്ഷി​ക്കാൻ ദൃഢനി​ശ്ചയം ചെയ്യാം!