“അല്‌പ​ബു​ദ്ധി ഏതു വാക്കും വിശ്വ​സി​ക്കു​ന്നു”

ഇരുന്നൂ​റി​ല​ധി​കം വർഷം മുമ്പ്‌ പത്രങ്ങ​ളിൽ വന്നിരുന്ന എല്ലാ കാര്യ​ങ്ങ​ളും ഒരു വ്യക്തിക്ക്‌ വിശ്വ​സി​ക്കാൻ കഴിയി​ല്ലാ​യി​രു​ന്നി​രി​ക്കണം, 21-ാം നൂറ്റാ​ണ്ടിൽ ഇന്റർനെ​റ്റിൽനി​ന്നു വായി​ക്കാ​വുന്ന മിക്ക കാര്യ​ങ്ങ​ളു​ടെ അവസ്ഥയും അതുത​ന്നെ​യാണ്‌. ആധുനിക സാങ്കേ​തി​ക​വി​ദ്യ​യു​ടെ കടന്നു​വ​ര​വോ​ടെ ഒട്ടേറെ വിവരങ്ങൾ ലഭ്യമാണ്‌. അതിൽ ശരിയും തെറ്റും, നല്ലതും ചീത്തയും, ഉപകാരം ഉള്ളതും ഇല്ലാത്ത​തും ആയ പല വിവര​ങ്ങ​ളും ഉണ്ട്‌. എന്നാൽ നമ്മൾ ഇതിൽനിന്ന്‌ എന്തു കാണുന്നു എന്തു വായി​ക്കു​ന്നു എന്നതിൽ നല്ല വിവേചന പ്രകട​മാ​ക്കണം. പ്രത്യേ​കിച്ച്‌, ഇന്റർനെ​റ്റി​ന്റെ ലോകത്ത്‌ പിച്ച​വെ​ച്ചു​തു​ട​ങ്ങു​ന്നവർ ഒരു റിപ്പോർട്ടോ വാർത്ത​യോ, എത്രകണ്ട്‌ വിചി​ത്ര​മോ ആശ്ചര്യ​ജ​ന​ക​മോ ആയിരു​ന്നാ​ലും ഇത്‌ ഓൺ​ലൈ​നിൽ വന്നതല്ലേ അല്ലെങ്കിൽ ഇ-മെയിൽ വഴി എന്റെ സുഹൃത്ത്‌ അയച്ചു​ത​ന്ന​തല്ലേ എന്നുക​രു​തി അത്‌ വിശ്വ​സി​ക്കാൻ ഇടയു​ണ്ടോ! ബൈബിൾ നല്ല കാരണ​ത്തോ​ടെ ഈ മുന്നറി​യി​പ്പു നൽകുന്നു: “അല്‌പ​ബു​ദ്ധി ഏതു വാക്കും വിശ്വ​സി​ക്കു​ന്നു; സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷി​ച്ചു​കൊ​ള്ളു​ന്നു.”—സദൃ. 14:15.

നമ്മുടെ കമ്പ്യൂ​ട്ട​റി​ന്റെ സ്‌ക്രീ​നിൽ തെളി​യുന്ന തട്ടിപ്പു​കൾ, കെട്ടു​ക​ഥകൾ, ചതിക്കു​ഴി​കൾ, മറ്റു തെറ്റായ വിവരങ്ങൾ എന്നിവ​യെ​ല്ലാം തിരി​ച്ച​റി​ഞ്ഞു​കൊണ്ട്‌ നമുക്ക്‌ എങ്ങനെ ‘സൂക്ഷ്‌മ​ബു​ദ്ധി​കൾ’ ആകാൻ കഴിയും? ആദ്യം നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘ഇക്കാര്യം വിശ്വാ​സ​യോ​ഗ്യ​മോ ഔദ്യോ​ഗി​ക​മോ ആയ വെബ്‌​സൈ​റ്റിൽനി​ന്നാ​ണോ അതോ ഏതെങ്കി​ലും ഒരു ബ്ലോഗിൽനി​ന്നോ ഒരു അജ്ഞാത ഉറവി​ട​ത്തിൽനി​ന്നോ ആണോ? തട്ടിപ്പു​കൾ നടത്തുന്ന സൈറ്റു​ക​ളെ​ക്കു​റിച്ച്‌ വിവരങ്ങൾ നൽകുന്ന വെബ്‌​സൈ​റ്റു​ക​ളിൽ (anti-hoax websites) ഈ സൈറ്റി​ന്റെ പേര്‌ ഇപ്പോൾത്തന്നെ പറഞ്ഞി​ട്ടു​ണ്ടോ?’a അങ്ങനെ​യെ​ങ്കിൽ “വിവേചന” ഉപയോ​ഗി​ക്കുക. (എബ്രാ. 5:14) ഒരു വാർത്ത അവിശ്വ​സ​നീ​യ​മാ​യി തോന്നു​ന്നെ​ങ്കിൽ, അത്‌ അങ്ങനെ​ത​ന്നെ​യാ​യി​രി​ക്കാ​നാണ്‌ സാധ്യത. അതു​പോ​ലെ, ഒരു വിവരം മറ്റുള്ള​വരെ താഴ്‌ത്തി​മ​തി​ക്കു​ന്ന​താ​ണെ​ങ്കി​ലോ? ഇങ്ങനെ​യൊന്ന്‌ ചിന്തി​ക്കുക: ഇത്തരം വിവരങ്ങൾ പരത്തു​ന്ന​തി​ലൂ​ടെ ആർക്കാണ്‌ പ്രയോ​ജനം കിട്ടു​ന്നത്‌, ഇനി ഇത്‌ പറയു​ന്ന​വർക്ക്‌ അതിനു പിന്നിൽ എന്തെങ്കി​ലും ഗൂഢോ​ദ്ദേ​ശ്യ​മു​ണ്ടോ?

എന്ത്‌ കിട്ടി​യാ​ലും മറ്റുള്ള​വർക്ക്‌ അയച്ചു​കൊ​ടു​ത്തേ മതിയാ​കൂ എന്നു ചിന്തി​ക്കു​ന്ന​വർ

ചില ആളുകൾ, മിക്ക സാഹച​ര്യ​ങ്ങ​ളി​ലും മറ്റുള്ള​വ​രു​ടെ ശ്രദ്ധ കിട്ടു​ന്ന​തി​നു​വേണ്ടി, ഞാൻ ആയിരി​ക്കണം ഇത്‌ മറ്റുള്ള​വരെ ആദ്യം അറിയി​ക്കു​ന്നത്‌ എന്ന്‌ ചിന്തിച്ച്‌, പരിച​യ​ത്തി​ലുള്ള എല്ലാവർക്കും തങ്ങൾക്കു കിട്ടുന്ന ഏതൊരു വിവര​വും അയച്ചു​കൊ​ടു​ക്കു​ന്നു; അതിന്റെ വിശ്വാ​സ്യ​ത​യോ അതു​കൊ​ണ്ടു​ണ്ടാ​കാ​വുന്ന പരിണ​ത​ഫ​ല​ങ്ങ​ളോ ചിന്തി​ക്കാ​തെ. (2 ശമൂ. 13:28-33) എന്നാൽ നമ്മൾ ‘സൂക്ഷ്‌മ​ബു​ദ്ധി​കൾ’ ആണെങ്കിൽ, ഈ വിവരങ്ങൾ ഏതെങ്കി​ലും ഒരു വ്യക്തി​ക്കോ സംഘട​ന​യ്‌ക്കോ എങ്ങനെ ഹാനി വരുത്തി​യേ​ക്കാ​മെന്ന്‌ ചിന്തി​ക്കും; ഒരുപക്ഷേ അവരുടെ സത്‌പേ​രി​നെ ഇത്‌ എങ്ങനെ ബാധി​ക്കും എന്നു​പോ​ലും.

ഒരു വിവരം സത്യമാ​ണോ എന്ന്‌ കണ്ടെത്താൻ ശ്രമം കൂടി​യേ​തീ​രൂ. അതു​കൊ​ണ്ടാണ്‌ ചിലർ വിവരങ്ങൾ ശരിയാ​ണോ തെറ്റാ​ണോ എന്നു സ്വയം കണ്ടെത്താ​തെ, അത്‌ ലഭിക്കു​ന്ന​വർതന്നെ കണ്ടുപി​ടി​ക്കട്ടെ എന്നു വെക്കു​ന്നത്‌. എന്നാൽ അത്‌ ലഭിക്കുന്ന ആ വ്യക്തിക്ക്‌ അതിന്‌ എത്ര സമയം വേണ്ടി​വ​രും? സമയം അമൂല്യ​മാണ്‌. (എഫെ. 5:15, 16) അയയ്‌ക്കുന്ന കാര്യ​ത്തെ​ക്കു​റിച്ച്‌, “സംശയ​മുണ്ട്‌, എന്നാലും അയച്ചേ​ക്കാം” എന്നു വിചാ​രി​ക്കു​ന്ന​തി​നു പകരം “സംശയ​മുണ്ട്‌, അതു​കൊണ്ട്‌ അയയ്‌ക്കണ്ട” എന്നു തീരു​മാ​നി​ക്കു​ന്ന​താ​യി​രി​ക്കും ബുദ്ധി.

സ്വയം ഇങ്ങനെ ചോദി​ക്കുക: ‘കിട്ടുന്ന ഇ-മെയിൽ എല്ലാം മറ്റുള്ള​വർക്ക്‌ അയച്ചു​കൊ​ടു​ത്തേ മതിയാ​കൂ എന്നു ചിന്തി​ക്കുന്ന ഒരാളാ​യി മാറി​യോ ഞാൻ? തെറ്റോ പച്ചക്കള്ള​മോ ആണെന്ന്‌ പിന്നീട്‌ തെളിഞ്ഞ ഒരു വിവരം അയച്ചതി​നെ​പ്രതി, ആരോ​ടെ​ങ്കി​ലും എപ്പോ​ഴെ​ങ്കി​ലും എനിക്ക്‌ ക്ഷമാപണം നടത്തേ​ണ്ടി​വ​ന്നി​ട്ടു​ണ്ടോ? “കിട്ടുന്ന ഇ-മെയിൽ എല്ലാം ഇങ്ങോട്ട്‌ അയയ്‌ക്ക​രുത്‌” എന്ന്‌ ആരെങ്കി​ലും എപ്പോ​ഴെ​ങ്കി​ലും എന്നോട്‌ പറഞ്ഞി​ട്ടു​ണ്ടോ?’ നിങ്ങൾ ആർക്കാ​ണോ ഇ-മെയിൽ അയയ്‌ക്കു​ന്നത്‌, അവർക്കും ഇന്റർനെ​റ്റിൽ നോക്കി വിവരങ്ങൾ കണ്ടെത്താ​നുള്ള സൗകര്യം ഉണ്ടെന്നുള്ള കാര്യം മറക്കരുത്‌. തമാശ​ക്ക​ഥ​ക​ളോ വീഡി​യോ​ക​ളോ സ്ലൈഡ്‌ പ്രദർശ​ന​ങ്ങ​ളോ കൊണ്ട്‌ നിങ്ങൾ അവരെ മൂടേണ്ട ഒരു കാര്യ​വു​മില്ല. ഒരു ബൈബി​ള​ധി​ഷ്‌ഠിത പ്രസം​ഗ​ത്തി​ന്റെ ശബ്ദരേ​ഖ​യോ കുറി​പ്പു​ക​ളോ അയയ്‌ക്കു​ന്ന​തും ജ്ഞാനമാ​യി​രി​ക്കില്ല.b കൂടാതെ, ഗവേഷണം ചെയ്‌തു കണ്ടെത്തിയ വിവരങ്ങൾ, ബൈബിൾപ​ഠ​ന​ത്തി​നു​വേണ്ടി തിര​ഞ്ഞെ​ടുത്ത വാക്യങ്ങൾ, സഭാ​യോ​ഗ​ങ്ങ​ളിൽ പറയാ​നുള്ള ഉത്തരങ്ങൾ തുടങ്ങി​യവ അയച്ചു​കൊ​ടു​ക്കു​ന്ന​തും സഹോ​ദ​ര​ങ്ങ​ളു​ടെ വ്യക്തി​പ​ര​മായ പഠനത്തി​ന്റെ വിലകു​റ​ച്ചു​കാ​ണാൻ ഇടയാ​ക്കും.

യഹോ​വ​യു​ടെ സംഘട​ന​യെ​ക്കു​റിച്ച്‌ ഒരു തെറ്റായ വാർത്ത ഇന്റർനെ​റ്റിൽ കാണു​ക​യാ​ണെ​ങ്കിൽ നിങ്ങൾ എന്തു ചെയ്യണം? അത്‌ അപ്പാടെ തള്ളിക്ക​ള​യണം. മറ്റുള്ള​വ​രു​ടെ അഭി​പ്രാ​യം അറിയു​ന്ന​തിന്‌ ഈ വാർത്ത അവരുടെ ശ്രദ്ധയിൽപ്പെ​ടു​ത്ത​ണ​മെന്ന്‌ ചിലർക്ക്‌ തോന്നി​യേ​ക്കാം. പക്ഷേ, അതെല്ലാം വിഷലി​പ്‌ത​മായ കാര്യങ്ങൾ പ്രചരി​പ്പി​ക്കാ​നേ ഉപകരി​ക്കൂ! ഇന്റർനെ​റ്റിൽ കാണുന്ന എന്തെങ്കി​ലും നമ്മളെ അസ്വസ്ഥ​രാ​ക്കു​ന്നെ​ങ്കിൽ, നമ്മൾ യഹോ​വ​യോട്‌ ജ്ഞാനത്തി​നാ​യി അപേക്ഷി​ക്കു​ക​യും പക്വത​യുള്ള സഹോ​ദ​ര​ന്മാ​രോട്‌ വ്യക്തി​പ​ര​മാ​യി അതെക്കു​റിച്ച്‌ സംസാ​രി​ക്കു​ക​യും വേണം. (യാക്കോ. 1:5, 6; യൂദാ 22, 23) വ്യാജ​മായ കുറ്റാ​രോ​പ​ണ​ങ്ങൾക്ക്‌ ഇരയായ യേശു, തന്റെ അനുഗാ​മി​ക​ളോട്‌, ശത്രുക്കൾ അവരെ പീഡി​പ്പി​ക്കു​ക​യും “എല്ലാവിധ തിന്മക​ളും” അവർക്കെ​തി​രെ “കളവായി പറയു​ക​യും” ചെയ്യു​മെന്ന്‌ പറഞ്ഞു. (മത്താ. 5:11; 11:19; യോഹ. 10:19-21) “വകതി​രി​വു നിന്നെ കാക്കും; വിവേകം നിന്നെ സൂക്ഷി​ക്കും. അതു നിന്നെ ദുഷ്ടന്റെ വഴിയിൽനി​ന്നും വികടം പറയു​ന്ന​വ​രു​ടെ കൂട്ടത്തിൽനി​ന്നും വിടു​വി​ക്കും. . . . അവർ വളഞ്ഞവ​ഴി​ക്കു പോകു​ന്ന​വ​രും ചൊവ്വ​ല്ലാത്ത പാതയിൽ നടക്കു​ന്ന​വ​രും ആകുന്നു.”—സദൃ. 2:10-16.

മറ്റുള്ള​വ​രു​ടെ അവകാ​ശത്തെ മാനി​ക്കു​ക

ആത്മീയ​സ്വ​ഭാ​വ​മുള്ള ഏതെങ്കി​ലും വാർത്ത​യെ​യോ അനുഭ​വ​ത്തെ​യോ കുറിച്ച്‌ നമുക്ക്‌ കേട്ടറിവ്‌ മാത്ര​മേ​യു​ള്ളൂ എങ്കിൽ നമ്മൾ അതെക്കു​റിച്ച്‌ വളരെ ശ്രദ്ധയു​ള്ള​വ​രാ​യി​രി​ക്കണം. ഒരു വാർത്ത ചില​പ്പോൾ സത്യമാ​യി​രി​ക്കാം, എന്നുക​രു​തി അത്‌ പ്രചരി​പ്പി​ക്ക​ണ​മെ​ന്നില്ല. സത്യമായ കാര്യ​ങ്ങൾപോ​ലും മറ്റുള്ള​വ​രോട്‌ പറയു​ന്നത്‌ ചില അവസര​ങ്ങ​ളിൽ തെറ്റോ സ്‌നേ​ഹ​മി​ല്ലാ​യ്‌മ​യോ ആയിരു​ന്നേ​ക്കാം. (മത്താ. 7:12) ഉദാഹ​ര​ണ​ത്തിന്‌, അനാവ​ശ്യ​മാ​യി കാര്യങ്ങൾ പ്രചരി​പ്പി​ക്കു​ന്നത്‌ സ്‌നേ​ഹ​പു​ര​സ്സ​ര​മോ മറ്റുള്ള​വരെ ഏതെങ്കി​ലും തരത്തിൽ പ്രോ​ത്സാ​ഹി​പ്പി​ക്കു​ന്ന​തോ ആയിരി​ക്കില്ല; ചില​പ്പോൾ അത്‌ സത്യമാ​ണെ​ങ്കിൽക്കൂ​ടി. (2 തെസ്സ. 3:11; 1 തിമൊ. 5:13) ചില വാർത്തകൾ രഹസ്യ​സ്വ​ഭാ​വ​മു​ള്ള​താ​യി​രി​ക്കാം, അതു​കൊ​ണ്ടു​തന്നെ ഉചിത​മായ സമയത്ത്‌ ഉചിത​മായ രീതി​യിൽ അത്‌ അവതരി​പ്പി​ക്കു​ന്ന​തി​നുള്ള മറ്റുള്ള​വ​രു​ടെ അവകാ​ശത്തെ നമ്മൾ മാനി​ക്കണം. സമയത്തിന്‌ മുമ്പേ ഏതെങ്കി​ലും കാര്യങ്ങൾ പറഞ്ഞു​പ​ര​ത്തു​ന്നത്‌ വലിയ കുഴപ്പങ്ങൾ വരുത്തി​വെ​ച്ചേ​ക്കാം.

പിടി​ച്ചാൽ കിട്ടാത്ത വേഗത്തിൽ വാർത്തകൾ—ശരിയും തെറ്റും, നല്ലതും ചീത്തയും, ഉപകാരം ഉള്ളതും ഇല്ലാത്ത​തും—പരത്തുക ഇന്ന്‌ വളരെ എളുപ്പ​മാണ്‌. ഒരു വ്യക്തി, ചില​പ്പോൾ ഒരാൾക്കാ​യി​രി​ക്കാം ഒരു ഇ-മെയി​ലോ മെസ്സേ​ജോ അയയ്‌ക്കു​ന്നത്‌. അത്‌ പ്രചരി​പ്പി​ക്ക​ണ​മെ​ന്നൊ​ന്നും അദ്ദേഹ​ത്തിന്‌ ഉദ്ദേശ്യ​വു​മി​ല്ലാ​യി​രി​ക്കാം. എന്നാൽ, ഒരൊറ്റ നിമി​ഷം​കൊണ്ട്‌ ലോക​ത്തിൽ എവിടെ വേണ​മെ​ങ്കി​ലും അതിന്‌ എത്താനാ​കും എന്ന കാര്യം മറക്കരുത്‌. അതു​കൊണ്ട്‌, കിട്ടുന്ന വിവരങ്ങൾ തിടു​ക്ക​ത്തി​ലും വകതി​രി​വി​ല്ലാ​തെ​യും മറ്റുള്ള​വർക്ക്‌ അയയ്‌ക്കാ​നുള്ള പ്രവണത നമുക്ക്‌ ചെറു​ക്കാം. ഇനി, ശ്രദ്ധപി​ടി​ച്ചു​പ​റ്റുന്ന തരം വാർത്തകൾ കാണു​ക​യോ വായി​ക്കു​ക​യോ ചെയ്യു​ക​യാ​ണെ​ങ്കി​ലോ? ഒരു കാര്യം ഓർക്കുക. സ്‌നേഹം അകാര​ണ​മാ​യി ഒന്നും സംശയി​ക്കു​ന്നില്ല, എന്നുക​രു​തി എല്ലാം ശരിയാ​ണെന്ന്‌ വിശ്വ​സി​ക്കു​ന്നു​മില്ല. ‘ഭോഷ്‌കി​ന്റെ അപ്പനായ’ പിശാ​ചി​ന്റെ അടിമ​ക​ളായ ആളുകൾ, യഹോ​വ​യു​ടെ സംഘട​ന​യ്‌ക്കും സഹോ​ദ​ര​ങ്ങൾക്കും എതിരെ ദ്രോ​ഹ​ബു​ദ്ധി​യോ​ടെ ദുഷ്‌പ്ര​ച​ര​ണ​ങ്ങ​ളോ നുണക​ളോ അഴിച്ചു​വി​ടാ​റുണ്ട്‌. എന്നാൽ സ്‌നേഹം അതൊ​ന്നും വിശ്വ​സി​ക്കു​കയേ ഇല്ല. (യോഹ. 8:44; 1 കൊരി. 13:7) ചിന്താ​പ്രാ​പ്‌തി​യും വിവേ​ക​വും നമ്മളെ ‘സൂക്ഷ്‌മ​ബു​ദ്ധി​കൾ’ ആകാൻ സഹായി​ക്കും. കൂടാതെ, ദിവ​സേ​ന​യെ​ന്നോ​ണം വർധിച്ച അളവിൽ നമുക്ക്‌ കിട്ടുന്ന വിവരങ്ങൾ എങ്ങനെ ഉത്തരവാ​ദി​ത്വ​ത്തോ​ടെ കൈകാ​ര്യം ചെയ്യണ​മെ​ന്നും അവ കാണി​ച്ചു​ത​രു​ന്നു. ബൈബിൾ പ്രസ്‌താ​വി​ക്കു​ന്ന​തു​പോ​ലെ, “അല്‌പ​ബു​ദ്ധി​കൾ ഭോഷ​ത്വം അവകാ​ശ​മാ​ക്കി​ക്കൊ​ള്ളു​ന്നു; സൂക്ഷ്‌മ​ബു​ദ്ധി​ക​ളോ പരിജ്ഞാ​നം അണിയു​ന്നു.”—സദൃ. 14:18.