ഇന്റർനെ​റ്റി​ന്റെ ഉപയോ​ഗം—അപകടങ്ങൾ സംബന്ധിച്ച്‌ ജാഗ്രത പാലി​ക്കുക!

¹ യഹോ​വ​യു​ടെ ജനം ആരോ​ഗ്യാ​വ​ഹ​മായ സഹവാസം ആസ്വദി​ക്കു​ന്നു. അവർ വയൽ ശുശ്രൂ​ഷ​യിൽ നിന്നുള്ള അനുഭ​വങ്ങൾ പങ്കു​വെ​ക്കു​ന്നത്‌ ആസ്വദി​ക്കു​ക​യും യഹോ​വ​യു​ടെ സാക്ഷി​ക​ളോ​ടും ഗോള​വ്യാ​പ​ക​വേ​ല​യോ​ടും ഉള്ള ബന്ധത്തിൽ നടക്കുന്ന സംഭവങ്ങൾ കേൾക്കു​ന്നത്‌ വിലമ​തി​ക്കു​ക​യും ചെയ്യുന്നു. ഒരു പ്രതി​സ​ന്ധി​യോ പ്രകൃതി വിപത്തോ പോലെ നമ്മുടെ സഹോ​ദ​ര​ങ്ങൾക്കു സംഭവി​ക്കുന്ന ഏതൊരു പ്രത്യേക സംഗതി​യെ​ക്കു​റി​ച്ചും അവരെ സഹായി​ക്കാ​നാ​യി തങ്ങൾക്ക്‌ എന്തു ചെയ്യാ​നാ​കും എന്നതി​നെ​ക്കു​റി​ച്ചും അറിയാൻ അവർ ആഗ്രഹി​ക്കു​ന്നു. നമ്മുടെ സഹോദര ഐക്യ​ത്തെ​യാണ്‌ അത്തരത്തി​ലുള്ള താത്‌പ​ര്യം പ്രകട​മാ​ക്കു​ന്നത്‌. നാം അന്യോ​ന്യം സ്‌നേ​ഹി​ക്കു​ന്നു​വെന്ന്‌ അതു തെളി​യി​ക്കു​ക​യും ചെയ്യുന്നു.—യോഹ. 13:34, 35.

² ഇന്നു നമുക്ക്‌ ലോക സംഭവങ്ങൾ പെട്ടെന്നു തന്നെ അറിയാൻ സാധി​ക്കു​ന്നു. റേഡി​യോ​യും ടെലി​വി​ഷ​നും സംഭവ​ത്തി​ന്റെ മുഴു വിശദാം​ശ​ങ്ങ​ളും സഹിതം ലോക​മെ​മ്പാ​ടു​മുള്ള പ്രേക്ഷ​കർക്കു തത്‌സ​മയം വാർത്തകൾ പ്രക്ഷേ​പണം ചെയ്യുന്നു. ടെലി​ഫോൺ മുഖാ​ന്ത​ര​വും ലോക​ത്തി​നു ചുറ്റു​മുള്ള ആളുക​ളു​മാ​യി ഉടനടി സംസാ​രി​ക്കാൻ സാധി​ക്കു​ന്നു. വാർത്താ​വി​നി​മയ രംഗത്ത്‌ പ്രചു​ര​പ്ര​ചാ​രം നേടുന്ന മറ്റൊരു പ്രതി​ഭാ​സ​മാണ്‌ ഇന്റർനെറ്റ്‌.—1997 ജൂലൈ 22 ലക്കം ഉണരുക! കാണുക.

³ ലോക വ്യാപ​ക​മാ​യി വേഗത്തി​ലുള്ള വ്യക്തിഗത വാർത്താ​വി​നി​മ​യ​ത്തി​നു വഴി തുറന്നത്‌ ടെലി​ഫോ​ണി​ന്റെ കണ്ടുപി​ടി​ത്ത​മാണ്‌. ടെലി​ഫോൺ വളരെ പ്രയോ​ജ​ന​മു​ള്ള​താ​ണെ​ങ്കി​ലും അത്‌ എങ്ങനെ ഉപയോ​ഗി​ക്കു​ന്നു എന്നതു സംബന്ധി​ച്ചു ജാഗ്രത പാലി​ക്കണം. കാരണം, അനുചിത സഹവാ​സ​ത്തി​നോ പ്രവർത്ത​ന​ങ്ങൾക്കോ ഉള്ള ഒരു ഉപകര​ണ​മാ​യി​രി​ക്കാൻ അതിനു കഴിയും, മാത്രമല്ല ടെലി​ഫോ​ണി​ന്റെ അമി​തോ​പ​യോ​ഗം ചെല​വേ​റി​യ​തു​മാണ്‌. ടെലി​വി​ഷ​നും റേഡി​യോ​യും വിദ്യാ​ഭ്യാ​സ മേഖല​യിൽ സഹായ​ക​മാണ്‌. ദുഃഖ​ക​ര​മെന്നു പറയട്ടെ, അതിലെ പല പരിപാ​ടി​ക​ളും ധാർമി​ക​മാ​യി അധഃപ​തി​ച്ച​താണ്‌, കൂടാതെ അതു ശ്രദ്ധി​ക്കു​ന്നത്‌ സമയന​ഷ്ട​വും വരുത്തി​വെ​ക്കു​ന്നു. ടെലി​വി​ഷ​ന്റെ​യും റേഡി​യോ​യു​ടെ​യും ഉപയോ​ഗ​ത്തിൽ നല്ല തിര​ഞ്ഞെ​ടുപ്പ്‌ നടത്താൻ ജ്ഞാനം നമ്മെ പ്രേരി​പ്പി​ക്കു​ന്നു.

⁴ ലോക​മെ​മ്പാ​ടു​മുള്ള ദശലക്ഷ​ക്ക​ണ​ക്കിന്‌ ആളുക​ളു​മാ​യി കുറഞ്ഞ ചെലവിൽ ആശയവി​നി​മയം നടത്താൻ ഇന്റർനെറ്റ്‌ ഒരുവനെ സഹായി​ക്കു​ന്നു, വളരെ​യ​ധി​കം വിജ്ഞാനം നേടു​ന്ന​തിന്‌ അത്‌ വഴി തുറക്കു​ന്നു. (ഉണരുക!, ജനുവരി 8, 1998) എന്നുവ​രി​കി​ലും, ഇന്റർനെ​റ്റി​ന്റെ വിവേ​ച​നാ​ര​ഹി​ത​മായ ഉപയോ​ഗം ഒരുവനെ ആത്മീയ​വും ധാർമി​ക​വു​മായ വലിയ അപകട​ങ്ങ​ളിൽ കൊ​ണ്ടെ​ത്തി​ച്ചേ​ക്കാം. അത്‌ എങ്ങനെ?

⁵ ബോം​ബു​കൾ ഉൾപ്പെ​ടെ​യുള്ള ആയുധങ്ങൾ എങ്ങനെ ഉണ്ടാക്കാം എന്നതി​നെ​ക്കു​റിച്ച്‌ എളുപ്പ​ത്തിൽ വിവരങ്ങൾ ലഭ്യമാ​യി​രി​ക്കു​ന്ന​തിൽ അനേകർ ഉത്‌കണ്‌ഠാ​കു​ല​രാണ്‌. ഇന്റർനെറ്റ്‌ ഉപയോ​ഗി​ച്ചു​കൊണ്ട്‌ തൊഴി​ലാ​ളി​കൾ വളരെ സമയം പാഴാ​ക്കു​ന്ന​താ​യി വ്യവസായ മേഖലകൾ പരാതി​പ്പെ​ടു​ന്നു. ഇന്റർനെ​റ്റി​ലെ വ്യക്തമായ ആത്മീയ അപകട​ങ്ങ​ളെ​ക്കു​റിച്ച്‌ നമ്മുടെ പ്രസി​ദ്ധീ​ക​ര​ണ​ങ്ങ​ളിൽ വളരെ​യ​ധി​കം കാര്യങ്ങൾ പ്രസ്‌താ​വി​ച്ചി​ട്ടുണ്ട്‌. ഒട്ടനവധി വെബ്‌ സൈറ്റു​ക​ളും ക്രിസ്‌ത്യാ​നി​കൾക്ക്‌ തികച്ചും ഉചിത​മ​ല്ലാത്ത അക്രമ​വും അശ്ലീല വിവര​ങ്ങ​ളു​മാണ്‌ അവതരി​പ്പി​ക്കു​ന്നത്‌. (സങ്കീ. 119:37) ഈ അപകട​ങ്ങളെ കൂടാതെ, യഹോ​വ​യു​ടെ സാക്ഷികൾ പ്രത്യേ​കി​ച്ചും ജാഗ്രത പാലി​ക്കേണ്ട കുടി​ല​മായ മറ്റൊരു അപകട​വു​മുണ്ട്‌. എന്താണത്‌?

⁶ ഒരു അപരി​ചി​തനെ അയാൾ ആരാ​ണെന്ന്‌ ആദ്യം​തന്നെ മനസ്സി​ലാ​ക്കാ​തെ, നിങ്ങൾ വീട്ടി​നു​ള്ളി​ലേക്കു ക്ഷണിക്കു​മോ? അതു മനസ്സി​ലാ​ക്കാൻ യാതൊ​രു മാർഗ​വു​മി​ല്ലെ​ങ്കി​ലോ? അത്തരം ഒരു അപരി​ചി​ത​നോ​ടൊ​പ്പം നിങ്ങളു​ടെ കുട്ടികൾ തനിച്ചാ​യി​രി​ക്കാൻ നിങ്ങൾ അനുവ​ദി​ക്കു​മോ? ഇന്റർനെ​റ്റി​ന്റെ കാര്യ​ത്തി​ലും ഇത്തര​മൊ​രു അപകടം പതിയി​രു​പ്പുണ്ട്‌ എന്നതു തർക്കമറ്റ സംഗതി​യാണ്‌.

⁷ പരിച​യ​മി​ല്ലാത്ത ആളുകൾക്ക്‌ ഇലക്‌ട്രോ​ണിക്‌ തപാൽ അയയ്‌ക്കാ​നും അവരിൽ നിന്ന്‌ അത്‌ സ്വീക​രി​ക്കാ​നും നിങ്ങൾക്ക്‌ കഴിയും. ഒരു ചർച്ചാ വേദി​യി​ലോ (forum) ചാറ്റ്‌ റൂമി​ലോ നിങ്ങൾ സംസാ​രി​ക്കു​മ്പോൾ അതുത​ന്നെ​യാ​ണു സംഭവി​ക്കു​ന്നത്‌. അതിൽ പങ്കെടു​ക്കു​ന്നവർ ചില​പ്പോൾ യഹോ​വ​യു​ടെ സാക്ഷികൾ ആണെന്ന്‌ അവകാ​ശ​പ്പെ​ടു​ന്നു, എങ്കിലും പലപ്പോ​ഴും അവർ സാക്ഷി​കളല്ല. ചെറു​പ്പ​ക്കാ​ര​ന​ല്ലാത്ത ഒരാൾ ചെറു​പ്പ​ക്കാ​ര​നാ​ണെന്ന്‌ അവകാ​ശ​പ്പെ​ട്ടേ​ക്കാം. അല്ലെങ്കിൽ താൻ ആയിരി​ക്കു​ന്ന​തിൽ നിന്നു വ്യത്യസ്‌ത​മായ ഒരു ലിംഗ​വർഗ​ത്തിൽ പെട്ട ആളാ​ണെന്നു വ്യാജ​മാ​യി അവകാ​ശ​പ്പെ​ട്ടേ​ക്കാം.

⁸ ചില അനുഭ​വ​ങ്ങ​ളോ വിശ്വാ​സം സംബന്ധിച്ച ചില അഭി​പ്രാ​യ​ങ്ങ​ളോ ആയിരി​ക്കാം നിങ്ങൾക്കു ലഭിക്കു​ന്നത്‌. ഈ വിവരം നിങ്ങൾ മറ്റാളു​കൾക്കും അവർ പിന്നെ മറ്റുള്ള​വർക്കും പകർന്നു​കൊ​ടു​ക്കു​ന്നു. ഇത്തരം കാര്യങ്ങൾ സാധാ​ര​ണ​മാ​യി സ്ഥിരീ​ക​രി​ക്കാ​വു​ന്നവ അല്ലെന്നു മാത്രമല്ല അസത്യ​വു​മാ​യി​രു​ന്നേ​ക്കാം. അവ വിശ്വാ​സ​ത്യാ​ഗ​പ​ര​മായ ന്യായ​വാ​ദങ്ങൾ പ്രചരി​പ്പി​ക്കാ​നുള്ള ഉപാധി ആയിരു​ന്നേ​ക്കാം.—2 തെസ്സ. 2:1-3.

⁹ നിങ്ങൾ ഇന്റർനെറ്റ്‌ ഉപയോ​ഗി​ക്കു​ന്നു​വെ​ങ്കിൽ, ഈ അപകടം മനസ്സിൽ പിടി​ച്ചു​കൊണ്ട്‌ സ്വയം ഇങ്ങനെ ചോദി​ക്കുക: ‘ഞാൻ എന്തിനാണ്‌ ഇത്‌ ഉപയോ​ഗി​ക്കു​ന്നത്‌? അത്‌ ഉപയോ​ഗി​ക്കുന്ന വിധത്തി​ലൂ​ടെ എന്റെ ആത്മീയ​തയ്‌ക്കു ക്ഷതമേൽക്കാൻ സാധ്യ​ത​യു​ണ്ടോ? ഞാൻ മറ്റുള്ള​വ​രു​ടെ ആത്മീയ​തയ്‌ക്കു ക്ഷതമേൽപ്പി​ക്കുക ആയിരി​ക്കു​മോ?’

¹⁰ ‘യഹോ​വ​യു​ടെ സാക്ഷി​ക​ളു​ടെ’ വെബ്‌ സൈറ്റു​കൾ: ഉദാഹ​ര​ണ​മാ​യി, യഹോ​വ​യു​ടെ സാക്ഷികൾ എന്ന്‌ അവകാ​ശ​പ്പെ​ടുന്ന ചിലർ ഉണ്ടാക്കി​യി​രി​ക്കുന്ന ഇന്റർനെറ്റ്‌ സൈറ്റു​കളെ കുറിച്ചു പരിചി​ന്തി​ക്കുക. സാക്ഷികൾ എന്നവകാ​ശ​പ്പെ​ടുന്ന മറ്റുള്ളവർ പ്രസി​ദ്ധീ​ക​രിച്ച അനുഭ​വങ്ങൾ വായി​ക്കാ​നാ​യി തങ്ങളുടെ വെബ്‌ സൈറ്റു​കൾ സന്ദർശി​ക്കാൻ അവർ നിങ്ങളെ ക്ഷണിക്കു​ന്നു. സൊ​സൈ​റ്റി​യു​ടെ സാഹി​ത്യ​ങ്ങളെ കുറി​ച്ചുള്ള നിങ്ങളു​ടെ അഭി​പ്രാ​യ​ങ്ങ​ളും വീക്ഷണ​ങ്ങ​ളും പങ്കു​വെ​ക്കാൻ നിങ്ങൾ പ്രോ​ത്സാ​ഹി​പ്പി​ക്ക​പ്പെ​ടു​ന്നു. വയൽ ശുശ്രൂ​ഷ​യിൽ ഉപയോ​ഗി​ക്കാ​നാ​കുന്ന അവതര​ണ​ങ്ങ​ളെ​ക്കു​റിച്ച്‌ ചിലർ നിർദേ​ശങ്ങൾ നൽകാ​റുണ്ട്‌. ഈ സൈറ്റു​കൾ വ്യക്തി​കൾക്ക്‌ ബന്ധപ്പെ​ടാ​നാ​യി ചാറ്റ്‌ റൂമുകൾ പ്രദാനം ചെയ്യുന്നു. ഒരു ടെലി​ഫോ​ണി​ലൂ​ടെ സംസാ​രി​ക്കു​ന്ന​തി​നു സമാന​മാ​യി, ഇത്‌ മറ്റുള്ള​വ​രു​മാ​യി തത്സമയ ആശയവി​നി​മയം സാധ്യ​മാ​ക്കു​ന്നു. ലോക​മെ​മ്പാ​ടു​മുള്ള യഹോ​വ​യു​ടെ സാക്ഷി​ക​ളു​മാ​യി നിങ്ങൾക്കു സഹവസി​ക്കാ​നാ​കുന്ന മറ്റു സൈറ്റു​ക​ളും അവർ പറഞ്ഞു​ത​ന്നേ​ക്കാം. എന്നാൽ, ഈ ബന്ധങ്ങൾ വിശ്വാ​സ​ത്യാ​ഗി​ക​ളു​ടെ ഉത്‌പ​ന്ന​മ​ല്ലെന്നു നിങ്ങൾക്ക്‌ ഉറപ്പോ​ടെ പറയാൻ കഴിയു​മോ?

¹¹ ഇന്റർനെ​റ്റി​ലൂ​ടെ​യുള്ള സഹവാസം എഫെസ്യർ 5:15-17-ലെ ബുദ്ധി​യു​പ​ദേ​ശ​ത്തി​നു ചേർച്ച​യിൽ ഉള്ളത്‌ അല്ലായി​രി​ക്കാം. അപ്പൊസ്‌ത​ല​നായ പൗലൊസ്‌ ഇങ്ങനെ എഴുതി: “ആകയാൽ സൂക്ഷ്‌മ​ത്തോ​ടെ, അജ്ഞാനി​ക​ളാ​യി​ട്ടല്ല ജ്ഞാനി​ക​ളാ​യി​ട്ട​ത്രേ നടപ്പാൻ നോക്കു​വിൻ. ഇതു ദുഷ്‌കാ​ല​മാ​ക​യാൽ സമയം തക്കത്തിൽ ഉപയോ​ഗി​ച്ചു​കൊൾവിൻ. ബുദ്ധി​ഹീ​ന​രാ​കാ​തെ കർത്താ​വി​ന്റെ ഇഷ്ടം ഇന്നതെന്നു ഗ്രഹി​ച്ചു​കൊൾവിൻ.”

¹² “വിശ്വസ്‌ത​നും വിവേ​കി​യു​മായ അടിമ” നമ്മെ ആത്മീയ​മാ​യി പോഷി​പ്പി​ക്കുന്ന ദിവ്യാ​ധി​പത്യ സരണി ക്രിസ്‌തീയ സഭയാണ്‌. (മത്താ. 24:45-47) ലോക​ത്തിൽ നിന്ന്‌ വേറിട്ടു നിൽക്കാ​നുള്ള മാർഗ​നിർദേ​ശ​വും അതിന്റെ പ്രലോ​ഭ​ന​ങ്ങ​ളിൽ നിന്നുള്ള സംരക്ഷ​ണ​വും മാത്രമല്ല, കർത്താ​വി​ന്റെ വേലയിൽ തിരക്കു​ള്ളവർ ആയിരി​ക്കാ​നുള്ള പ്രേര​ണ​യും ദൈവ​ത്തി​ന്റെ സംഘട​നയ്‌ക്കു​ള്ളിൽ നമുക്കു ലഭ്യമാണ്‌. (1 കൊരി. 15:58) ദൈവ​ത്തി​ന്റെ കൂട്ടി​വ​രു​ത്ത​പ്പെട്ട ജനമധ്യേ തനിക്കു സന്തോ​ഷ​വും സുരക്ഷി​ത​ത്വ​ബോ​ധ​വും അനുഭ​വ​പ്പെ​ട്ടെന്നു സങ്കീർത്ത​ന​ക്കാ​രൻ പ്രസ്‌താ​വി​ച്ചു. (സങ്കീ. 27:4, 5; 55:14; 122:1) സഭയു​മാ​യി സഹവസി​ക്കു​ന്ന​വർക്ക്‌ അത്‌ ആത്മീയ പിന്തു​ണ​യും സഹായ​വും നൽകുന്നു. അവിടെ, നിങ്ങൾക്ക്‌ സ്‌നേ​ഹ​വും താത്‌പ​ര്യ​വും കരുത​ലു​മുള്ള ഒരു കൂട്ടം സുഹൃ​ത്തു​ക്കളെ—പ്രതി​കൂല സാഹച​ര്യ​ങ്ങ​ളിൽ മറ്റുള്ള​വരെ സഹായി​ക്കാൻ മനസ്സൊ​രു​ക്കം ഉള്ളവ​രെന്നു നിങ്ങൾക്കു വ്യക്തി​പ​ര​മാ​യി അറിയാ​വുന്ന ആളുകളെ—കണ്ടെത്താൻ കഴിയും. (2 കൊരി. 7:5-7) അനുതാ​പ​മി​ല്ലാത്ത പാപി​കളെ അല്ലെങ്കിൽ വിശ്വാ​സ​ത്യാ​ഗ​പ​ര​മായ ആശയങ്ങൾ ഉന്നമി​പ്പി​ക്കു​ന്ന​വരെ പുറത്താ​ക്കാ​നുള്ള ആത്മീയ കരുത​ലി​നാൽ സഭ സംരക്ഷി​ക്ക​പ്പെ​ടു​ന്നു. (1 കൊരി. 5:9-13; തീത്തൊ. 3:10, 11) ഇന്റർനെ​റ്റി​ലൂ​ടെ മറ്റുള്ള​വ​രു​മാ​യി സഹവസി​ക്കു​മ്പോൾ സ്‌നേ​ഹ​പു​ര​സ്സ​ര​മായ ഇതേ ക്രമീ​ക​ര​ണങ്ങൾ ഉണ്ടായി​രി​ക്കു​മെന്നു നമുക്കു പ്രതീ​ക്ഷി​ക്കാ​നാ​കു​മോ?

¹³ സത്യാവസ്ഥ നേർവി​പ​രീ​ത​മാ​ണെന്നു തെളി​ഞ്ഞി​രി​ക്കു​ന്നു. ചില വെബ്‌ സൈറ്റു​കൾ വിശ്വാ​സ​ത്യാ​ഗ​പ​ര​മായ ആശയങ്ങൾ പ്രചരി​പ്പി​ക്കാ​നുള്ള വ്യക്തമായ മാധ്യ​മ​ങ്ങ​ളാണ്‌. അത്തരം വെബ്‌ സൈറ്റു​കൾ അങ്ങനെ​യു​ള്ളവ അല്ലെന്ന്‌ അവകാ​ശ​പ്പെ​ട്ടേ​ക്കാം, മാത്രമല്ല ഒരു സൈറ്റ്‌ സ്‌പോൺസർ ചെയ്യുന്ന വിശ്വാ​സ​ത്യാ​ഗി​കൾ തങ്ങൾ യഥാർഥ​ത്തിൽ യഹോ​വ​യു​ടെ സാക്ഷികൾ ആണെന്ന്‌ സ്ഥിരീ​ക​രി​ക്കാ​നാ​യി സവിസ്‌ത​ര​മായ ഒരു വിശദീ​ക​ര​ണ​വും നൽകി​യെ​ന്നി​രി​ക്കും. നിങ്ങൾ യഹോ​വ​യു​ടെ സാക്ഷി​ക​ളിൽ ഒരാൾ ആണെന്ന്‌ ഉറപ്പാ​ക്കാ​നാ​യി അവർ നിങ്ങ​ളോ​ടു വിവരങ്ങൾ ആവശ്യ​പ്പെ​ട്ടെ​ന്നും വരാം.

¹⁴ നിങ്ങൾ വിവേചന ഉപയോ​ഗി​ക്കാ​നാണ്‌ യഹോവ ആഗ്രഹി​ക്കു​ന്നത്‌. കാരണം? അതു നിങ്ങളെ പല അപകട​ങ്ങ​ളിൽ നിന്നും സംരക്ഷി​ക്കു​മെന്ന്‌ അവന്‌ അറിയാം. സദൃശ​വാ​ക്യ​ങ്ങൾ 2:10-19 ഇങ്ങനെ പറഞ്ഞു​കൊ​ണ്ടാ​ണു തുടങ്ങു​ന്നത്‌: “ജ്ഞാനം നിന്റെ ഹൃദയ​ത്തിൽ പ്രവേ​ശി​ക്കും; പരിജ്ഞാ​നം നിന്റെ മനസ്സിന്നു ഇമ്പമാ​യി​രി​ക്കും. വകതി​രി​വു നിന്നെ കാക്കും; വിവേകം നിന്നെ സൂക്ഷി​ക്കും [“കാത്തു​സം​ര​ക്ഷി​ക്കും,” NW].” എന്തിൽ നിന്നു സംരക്ഷി​ക്കും? “ദുഷ്ടന്റെ വഴിയിൽനി​ന്നും” നേരായ പാത വിട്ടു​ക​ള​യു​ന്ന​വ​രിൽ നിന്നും അധാർമി​ക​വും വളഞ്ഞതു​മായ ഗതിയിൽ ചരിക്കു​ന്ന​വ​രിൽ നിന്നും.

¹⁵ രാജ്യ​ഹാ​ളിൽ ആയിരി​ക്കു​മ്പോൾ നാം സഹോ​ദ​ര​ങ്ങ​ളോ​ടൊ​പ്പ​മാണ്‌ എന്നതിനു യാതൊ​രു സംശയ​വു​മില്ല. നമുക്ക്‌ അവരെ അറിയാം. ആർക്കും ഇതിന്‌ ആധികാ​രിക തെളി​വി​ന്റെ ആവശ്യ​മില്ല. കാരണം, പ്രകട​മാ​ക്ക​പ്പെ​ടുന്ന സഹോദര സ്‌നേഹം അതു വെളി​പ്പെ​ടു​ത്തു​ന്നു. നാം യഹോ​വ​യു​ടെ സാക്ഷി​ക​ളിൽ ഒരാളാ​ണെന്നു വ്യക്തി​പ​ര​മാ​യി തെളി​യി​ക്കാൻ നമ്മോട്‌ ആരും ആവശ്യ​പ്പെ​ടു​ന്നില്ല. അവി​ടെ​യാണ്‌ അപ്പൊസ്‌ത​ല​നായ പൗലൊസ്‌ എബ്രായർ 10:24, 25-ൽ പ്രസ്‌താ​വിച്ച യഥാർഥ പ്രോ​ത്സാ​ഹന കൈമാ​റ്റം നമുക്കു കാണാൻ സാധി​ക്കു​ന്നത്‌. “ഓൺ-ലൈൻ” സഹവാ​സത്തെ പ്രോ​ത്സാ​ഹി​പ്പി​ക്കുന്ന വെബ്‌ സൈറ്റു​കളെ ഇതിനാ​യി ആശ്രയി​ക്കാ​നാ​വില്ല. സങ്കീർത്തനം 26:4, 5-ലെ വാക്കുകൾ മനസ്സിൽ പിടി​ക്കു​ന്നത്‌ ഇന്റർനെ​റ്റി​ലെ വെബ്‌ സൈറ്റു​കൾ ഉപയോ​ഗി​ക്കു​മ്പോൾ, നാം എളുപ്പം നേരി​ട്ടേ​ക്കാ​വുന്ന അപകട​ങ്ങൾക്കെ​തി​രെ നമ്മെ ജാഗരൂ​ക​രാ​ക്കും.

¹⁶ ഇന്റർനെറ്റ്‌ ഉപഭോ​ക്താ​ക്കൾക്ക്‌ ഉള്ളതും അവർക്ക്‌ ലഭ്യവു​മായ വിവര​ങ്ങൾക്ക്‌ യാതൊ​രു പരിധി​യോ നിയ​ന്ത്ര​ണ​മോ ഇല്ല. പലപ്പോ​ഴും, കുട്ടി​ക​ളും കൗമാര പ്രായ​ക്കാ​രു​മാണ്‌ നിഷ്‌പ്ര​യാ​സം ഈ മേഖല​യിൽ ചൂഷണ​ത്തി​നും കുറ്റകൃ​ത്യ​ത്തി​നും ഇരകളാ​കു​ന്നത്‌. കുട്ടികൾ ആരിലും വിശ്വാ​സ​മർപ്പി​ക്കു​ന്ന​വ​രും ജിജ്ഞാ​സു​ക്ക​ളും താരത​മ്യേന പുതിയ സൈബർസ്‌പേസ്‌ ലോക​ത്തി​ലൂ​ടെ പര്യ​വേ​ക്ഷണം നടത്താൻ ആകാം​ക്ഷ​യു​ള്ള​വ​രു​മാണ്‌. സംഗീതം, ചലച്ചി​ത്രങ്ങൾ എന്നിവ തിര​ഞ്ഞെ​ടു​ക്കുന്ന കാര്യ​ത്തിൽ കുട്ടി​കളെ സഹായി​ക്കു​ന്ന​തു​പോ​ലെ​തന്നെ, ഇന്റർനെറ്റ്‌ ഉപയോ​ഗി​ക്കുന്ന കാര്യ​ത്തി​ലും മാതാ​പി​താ​ക്കൾ മേൽനോ​ട്ടം വഹിക്കു​ക​യും അവർക്ക്‌ നല്ല തിരു​വെ​ഴു​ത്തു മാർഗ​നിർദേശം നൽകു​ക​യും വേണം.—1 കൊരി. 15:33.

¹⁷ ദുഃഖ​ക​ര​മെന്നു പറയട്ടെ, ഇന്റർനെ​റ്റി​ലെ ചാറ്റ്‌ റൂമി​ലൂ​ടെ ലോക​ക്കാ​രു​മാ​യി സഹവസി​ക്കാൻ തുടങ്ങു​ക​യും ഒടുവിൽ അധാർമി​ക​ത​യി​ലേക്കു വഴുതി​വീ​ഴു​ക​യും ചെയ്‌തതു മൂലം മുമ്പ്‌ നമ്മുടെ സഹോ​ദ​രങ്ങൾ ആയിരുന്ന ചിലരെ പുറത്താ​ക്കേ​ണ്ട​താ​യി വന്നിട്ടുണ്ട്‌. ഇന്റർനെ​റ്റി​ലൂ​ടെ പരിച​യ​ത്തിൽ വന്നവ​രോ​ടൊ​പ്പം പോകാൻ ചിലർ സ്വന്തം ഭാര്യ​യെ​യോ ഭർത്താ​വി​നെ​യോ ഉപേക്ഷി​ച്ചി​രി​ക്കു​ന്നു എന്ന ഞെട്ടി​പ്പി​ക്കുന്ന വസ്‌തുത മൂപ്പന്മാർ റിപ്പോർട്ട്‌ ചെയ്‌തി​രി​ക്കു​ന്നു. (2 തിമൊ. 3:6) മറ്റു ചിലരാ​ണെ​ങ്കിൽ വിശ്വാ​സ​ത്യാ​ഗി​കൾ നൽകിയ വിവരങ്ങൾ വിശ്വ​സിച്ച്‌ സത്യം തിരസ്‌ക​രി​ച്ചി​രി​ക്കു​ന്നു. (1 തിമൊ. 4:1, 2) ഈ അപകട​ങ്ങ​ളു​ടെ വീക്ഷണ​ത്തിൽ, ഇന്റർനെ​റ്റി​ലെ ചാറ്റ്‌ റൂമിൽ പങ്കെടു​ക്കു​ന്നതു സംബന്ധിച്ച്‌ ജാഗ്രത പാലി​ക്കു​ന്നതു ന്യായ​യു​ക്ത​മാ​ണെന്നു തോന്നു​ന്നി​ല്ലേ? തീർച്ച​യാ​യും, സദൃശ​വാ​ക്യ​ങ്ങൾ 2:10-19-ൽ (NW) പറഞ്ഞി​രി​ക്കുന്ന ബുദ്ധി​യും ജ്ഞാനവും ചിന്താ​പ്രാപ്‌തി​യും വിവേ​ച​ന​യും പ്രകട​മാ​ക്കു​ന്നത്‌ ഈ സംഗതി​യിൽ നമ്മെ കാത്തു​സം​ര​ക്ഷി​ക്കും.

¹⁸ സുവാർത്ത പ്രസം​ഗി​ക്കുക എന്ന വ്യക്തമായ ഉദ്ദേശ്യ​ത്തോ​ടെ വെബ്‌ സൈറ്റു​കൾ ഉണ്ടാക്കി​യി​ട്ടുള്ള അനേകർ ഉണ്ടെന്നതു ശ്രദ്ധേ​യ​മാണ്‌. വിവേ​ച​ന​യി​ല്ലാത്ത സഹോ​ദ​ര​ങ്ങ​ളാണ്‌ ഇവയിൽ അനേക​വും സ്‌പോൺസർ ചെയ്‌തി​രി​ക്കു​ന്നത്‌. സന്ദേഹ​മി​ല്ലാ​ത്ത​വരെ ആകർഷി​ക്കുക എന്ന ഉദ്ദേശ്യ​ത്തോ​ടെ വിശ്വാ​സ​ത്യാ​ഗി​കൾ സ്‌പോൺസർ ചെയ്‌ത​താ​യി​രി​ക്കാം മറ്റു സൈറ്റു​കൾ. (2 യോഹ. 9-11) സഹോ​ദ​രങ്ങൾ അത്തരം വെബ്‌ സൈറ്റു​കൾ നിർമി​ക്ക​ണ​മോ എന്നതു സംബന്ധിച്ച്‌ അഭി​പ്രാ​യ​പ്പെ​ട്ടു​കൊണ്ട്‌ 1997 നവംബർ ലക്കം നമ്മുടെ രാജ്യ ശുശ്രൂ​ഷ​യു​ടെ 3-ാം പേജ്‌ ഇങ്ങനെ പ്രസ്‌താ​വി​ച്ചു: “യഹോ​വ​യു​ടെ സാക്ഷി​കളെ സംബന്ധിച്ച, നമ്മുടെ പ്രവർത്ത​ന​ങ്ങ​ളെ​യും വിശ്വാ​സ​ങ്ങ​ളെ​യും സംബന്ധിച്ച കൃത്യ​മായ വിവരങ്ങൾ ആവശ്യ​ക്കാർക്കു​വേണ്ടി നമ്മുടെ ഔദ്യോ​ഗിക വെബ്‌ സൈറ്റിൽ [www.watchtower.org] ഉണ്ട്‌. അതു​കൊണ്ട്‌, ആരും ഇന്റർനെ​റ്റി​ലെ ഉപയോ​ഗ​ത്തി​നാ​യി അവ വ്യക്തി​പ​ര​മാ​യി തയ്യാറാ​ക്കേ​ണ്ട​തില്ല.”

¹⁹ ഇന്റർനെ​റ്റി​ലൂ​ടെ​യുള്ള പഠന സഹായി​ക​ളോ? വിവിധ ദിവ്യാ​ധി​പത്യ പ്രവർത്ത​ന​ങ്ങ​ളു​മാ​യി ബന്ധപ്പെട്ട, ഗവേഷണം ചെയ്‌തെ​ടുത്ത വിവരങ്ങൾ പ്രസി​ദ്ധീ​ക​രി​ക്കുക വഴി തങ്ങൾ സഹോ​ദ​ര​ങ്ങൾക്കു സേവനം ചെയ്യു​ക​യാ​ണെന്ന്‌ അനേക​രും വിചാ​രി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, ഒരാൾ ഒരു പരസ്യ പ്രസംഗ ബാഹ്യ​രേ​ഖയെ അധിക​രിച്ച്‌ ഗവേഷണം നടത്തി അതു പ്രസി​ദ്ധീ​ക​രി​ച്ചേ​ക്കാം. അതേ ബാഹ്യ​രേഖ തയ്യാറാ​കേണ്ട മറ്റുള്ള​വർക്കു പ്രസ്‌തുത വിവരങ്ങൾ പ്രയോ​ജനം ചെയ്യു​മെന്നു വിചാ​രി​ച്ചു​കൊ​ണ്ടാ​കാം അയാൾ അങ്ങനെ ചെയ്യു​ന്നത്‌. മറ്റു ചിലർ, നടക്കാൻ പോകുന്ന ഒരു വീക്ഷാ​ഗോ​പുര അധ്യയ​ന​ത്തി​നുള്ള മുഴു തിരു​വെ​ഴു​ത്തു​ക​ളും അല്ലെങ്കിൽ ദിവ്യാ​ധി​പത്യ ശുശ്രൂ​ഷാ സ്‌കൂ​ളി​ന്റെ​യോ സഭാ പുസ്‌തക അധ്യയ​ന​ത്തി​ന്റെ​യോ ഉറവിട വിവര​ങ്ങ​ളും പ്രസി​ദ്ധീ​ക​രി​ച്ചേ​ക്കാം. വയൽ സേവന അവതര​ണ​ങ്ങൾക്കുള്ള നിർദേ​ശങ്ങൾ ചിലർ നൽകി​യേ​ക്കാം. അവ യഥാർഥ​ത്തിൽ സഹായ​ക​മാ​ണോ?

²⁰ യഹോ​വ​യു​ടെ സംഘടന പ്രദാനം ചെയ്യുന്ന പ്രസി​ദ്ധീ​ക​ര​ണ​ങ്ങ​ളാണ്‌ കെട്ടു​പണി ചെയ്യുന്ന ചിന്തക​ളാൽ നമ്മുടെ മനസ്സു​കളെ ഉത്തേജി​പ്പി​ക്കു​ക​യും “നന്മതി​ന്മ​കളെ തിരി​ച്ച​റി​വാൻ” നമ്മെ പരിശീ​ലി​പ്പി​ക്കു​ക​യും ചെയ്യു​ന്നത്‌. (എബ്രാ. 5:14) നമുക്കു വേണ്ടി മറ്റുള്ളവർ ഗവേഷണം ചെയ്‌താൽ ഇതു സാധി​ക്കു​മെന്നു പറയാ​നാ​കു​മോ?

²¹ ബെരോ​വ​യി​ലെ ക്രിസ്‌ത്യാ​നി​കൾ “തെസ്സ​ലൊ​നീ​ക്ക​യി​ലു​ള്ള​വ​രെ​ക്കാൾ ഉത്തമന്മാ​രാ​യി​രു​ന്നു” എന്നു പറയ​പ്പെട്ടു. എന്തു​കൊണ്ട്‌? എന്തു​കൊ​ണ്ടെ​ന്നാൽ, “അവർ വചനം പൂർണ്ണ​ജാ​ഗ്ര​ത​യോ​ടെ കൈ​ക്കൊ​ണ്ട​ത​ല്ലാ​തെ അതു അങ്ങനെ തന്നെയോ എന്നു ദിന​മ്പ്രതി തിരു​വെ​ഴു​ത്തു​കളെ പരി​ശോ​ധി​ച്ചു​പോ​ന്നു.” (പ്രവൃ. 17:11) പൗലൊ​സും ശീലാ​സും അവരോ​ടു പ്രസം​ഗി​ച്ചെ​ങ്കി​ലും, വ്യക്തി​പ​ര​മായ പരി​ശോ​ധന കൂടാതെ സത്യം തങ്ങളുടെ സ്വന്തമാ​ക്കാൻ അവർക്കു കഴിഞ്ഞില്ല.

²² ഒരു പ്രസം​ഗ​ത്തി​നോ വേറൊ​രു പരിപാ​ടി തയ്യാറാ​കാ​നോ വേണ്ടി മറ്റൊ​രാ​ളു​ടെ ഗവേഷ​ണ​ഫലം ഉപയോ​ഗി​ക്കു​ന്നതു വ്യക്തി​പ​ര​മായ പഠനത്തി​ന്റെ ഉദ്ദേശ്യ​ത്തെ നിഷ്‌ഫ​ല​മാ​ക്കു​ന്നു. ദൈവ​വ​ച​ന​ത്തി​ലുള്ള നിങ്ങളു​ടെ സ്വന്തം വിശ്വാ​സം കെട്ടു​പണി ചെയ്യുക എന്നത്‌ നിങ്ങളു​ടെ ആഗ്രഹ​മല്ലേ? വ്യക്തി​പ​ര​മായ ബോധ്യ​ത്തി​ന്റെ അടിസ്ഥാ​ന​ത്തിൽ, പ്രസം​ഗ​ത്തി​ലും യോഗ​ങ്ങ​ളി​ലെ അഭി​പ്രാ​യ​ങ്ങ​ളി​ലും വയൽ ശുശ്രൂ​ഷ​യി​ലും നിങ്ങളു​ടെ വിശ്വാ​സം പരസ്യ​മാ​യി പ്രകട​മാ​ക്കാൻ നിങ്ങൾക്കു സാധി​ക്കും. (റോമ. 10:10) മറ്റൊരു വ്യക്തി​യു​ടെ ഗവേഷ​ണ​ഫലം ഉപയോ​ഗി​ക്കു​ന്നത്‌, വ്യക്തി​പ​ര​മാ​യി ‘മറഞ്ഞി​രി​ക്കുന്ന നിധിക്ക്‌ എന്നപോ​ലെ ദൈവ​പ​രി​ജ്ഞാ​ന​ത്തി​നാ​യി അന്വേ​ഷ​ണ​വും തിരച്ചി​ലും നടത്തി​ക്കൊ​ണ്ടി​രി​ക്കുക’ എന്ന സദൃശ​വാ​ക്യ​ങ്ങൾ 2:4, 5-ലെ വിവര​ണ​ത്തി​നു ചേരു​ക​യില്ല.

²³ ഉദാഹ​ര​ണ​മാ​യി, സ്വന്തം ബൈബി​ളിൽ തിരു​വെ​ഴു​ത്തു​കൾ എടുത്തു നോക്കു​മ്പോൾ ഓരോ വാക്യ​ത്തി​ന്റെ​യും സന്ദർഭം ഹ്രസ്വ​മാ​യി അവലോ​കനം ചെയ്യാൻ നിങ്ങൾക്കു സാധി​ക്കും. ലൂക്കൊസ്‌ തന്റെ സുവി​ശേഷം രേഖ​പ്പെ​ടു​ത്തി​യ​പ്പോൾ ചെയ്‌ത​തു​പോ​ലെ, ‘സകലതും സൂക്ഷ്‌മ​മാ​യി പരി​ശോ​ധി​ക്കാൻ’ നിങ്ങൾക്കാ​കും. (ലൂക്കൊ. 1:3) ശുശ്രൂ​ഷ​യിൽ ഏർപ്പെ​ടു​മ്പോ​ഴും പ്രസം​ഗങ്ങൾ നടത്തു​മ്പോ​ഴും തിരു​വെ​ഴു​ത്തു​കൾ എടുത്തു നോക്കു​ന്ന​തിൽ പ്രാവീ​ണ്യം നേടാ​നും കൂടു​ത​ലായ ശ്രമം നിങ്ങളെ സഹായി​ക്കും. ബൈബിൾ എങ്ങനെ ഉപയോ​ഗി​ക്കണം എന്ന്‌ യഹോ​വ​യു​ടെ സാക്ഷി​കൾക്ക്‌ അറിയാ​മെ​ന്നതു തങ്ങളിൽ മതിപ്പു​ള​വാ​ക്കി​യ​താ​യി അനേകർ പ്രസ്‌താ​വി​ച്ചി​ട്ടുണ്ട്‌. നമ്മുടെ കാര്യ​ത്തിൽ ഇതു സാധ്യ​മാ​ക്കാ​നുള്ള ഏക മാർഗം, തിരു​വെ​ഴു​ത്തു​കൾ സ്വന്തം ബൈബി​ളിൽനിന്ന്‌ എടുത്തു​നോ​ക്കു​ന്നത്‌ ഒരു ശീലമാ​ക്കു​ന്ന​താണ്‌.

²⁴ നമ്മുടെ സമയം ജ്ഞാനപൂർവം ഉപയോ​ഗി​ക്കൽ: ഇന്റർനെ​റ്റിൽ വിവരങ്ങൾ പ്രസി​ദ്ധീ​ക​രി​ക്കു​ന്ന​തി​നും അതിലെ വിവരങ്ങൾ വായി​ക്കു​ന്ന​തി​നും മറുപടി നൽകു​ന്ന​തി​നു​മാ​യി ചെലവ​ഴി​ക്കുന്ന സമയത്തി​ന്റെ കാര്യ​ത്തി​ലും ശ്രദ്ധ​ചെ​ലു​ത്തേ​ണ്ട​തുണ്ട്‌. പിൻവ​രുന്ന പ്രകാരം പ്രാർഥി​ക്കാൻ സങ്കീർത്തനം 90:12 നമ്മെ പ്രോ​ത്സാ​ഹി​പ്പി​ക്കു​ന്നു: “ഞങ്ങൾ ജ്ഞാനമു​ള്ളോ​രു ഹൃദയം പ്രാപി​ക്ക​ത്ത​ക്ക​വണ്ണം ഞങ്ങളുടെ നാളു​കളെ എണ്ണുവാൻ ഞങ്ങളെ ഉപദേ​ശി​ക്കേ​ണമേ.” പൗലൊസ്‌ ഇങ്ങനെ പ്രസ്‌താ​വി​ച്ചു: “കാലം ചുരു​ങ്ങി​യി​രി​ക്കു​ന്നു.” (1 കൊരി. 7:29) അവൻ ഇങ്ങനെ​യും പറഞ്ഞു: “ആകയാൽ അവസരം കിട്ടും​പോ​ലെ നാം എല്ലാവർക്കും, വിശേ​ഷാൽ സഹവി​ശ്വാ​സി​കൾക്കും നന്മചെയ്‌ക.”—ഗലാ. 6:10.

²⁵ സമയം ഉപയോ​ഗി​ക്കുന്ന കാര്യ​ത്തിൽ നാം വിവേചന പ്രകട​മാ​ക്കേ​ണ്ട​തി​ന്റെ ആവശ്യ​മാണ്‌ അത്തരം ബുദ്ധി​യു​പ​ദേശം എടുത്തു​കാ​ട്ടു​ന്നത്‌. ദൈവ​വ​ചനം വായി​ച്ചു​കൊണ്ട്‌ സമയം ചെലവി​ടു​ന്നത്‌ അത്തരം കാര്യ​ങ്ങ​ളെ​ക്കാൾ എത്രയ​ധി​കം പ്രതി​ഫ​ല​ദാ​യ​ക​മാണ്‌! (സങ്കീ. 1:1, 2) നമുക്കു​ണ്ടാ​യി​രി​ക്കാൻ കഴിയുന്ന ഉത്തമ സഹവാ​സ​മാണ്‌ അത്‌. (2 തിമൊ. 3:16, 17) മാതാ​പി​താ​ക്കളേ, രാജ്യ​താത്‌പ​ര്യ​ങ്ങൾക്കു വേണ്ടി തങ്ങളുടെ സമയം ജ്ഞാനപൂർവം ഉപയോ​ഗി​ക്കു​ന്ന​തി​ന്റെ മൂല്യം കുട്ടി​കളെ നിങ്ങൾ പഠിപ്പി​ക്കു​ന്നു​ണ്ടോ? (സഭാ. 12:1) പ്രയോ​ജ​നങ്ങൾ പ്രതീ​ക്ഷി​ച്ചു​കൊണ്ട്‌ ഇന്റർനെ​റ്റിൽ തിരച്ചിൽ നടത്തി ചെലവ​ഴി​ക്കുന്ന സമയ​ത്തെ​ക്കാൾ വളരെ​യേറെ മൂല്യ​വ​ത്താണ്‌ വ്യക്തി​പ​ര​വും കുടും​ബ​പ​ര​വു​മായ അധ്യയ​ന​ത്തി​നും യോഗ​ങ്ങൾക്കും വയൽ ശുശ്രൂ​ഷയ്‌ക്കു​മാ​യി ചെലവ​ഴി​ക്കുന്ന സമയം.

²⁶ ഇതി​നോ​ടുള്ള ബന്ധത്തിൽ, ആത്മീയ കാര്യ​ങ്ങ​ളി​ലും ക്രിസ്‌ത്യാ​നി​ക​ളെന്ന നിലയിൽ നമ്മുടെ ജീവി​ത​ത്തിൽ പ്രസക്ത​വും അതി​പ്ര​ധാ​ന​വു​മായ സംഗതി​ക​ളി​ലും ശ്രദ്ധ കേന്ദ്രീ​ക​രി​ക്കു​ന്ന​താണ്‌ ജ്ഞാനമാർഗം. നമ്മുടെ സമയവും ശ്രദ്ധയും അർഹി​ക്കുന്ന വിവരങ്ങൾ സംബന്ധിച്ച്‌ നല്ലവണ്ണം ആലോ​ചിച്ച്‌ തീരു​മാ​നങ്ങൾ എടു​ക്കേ​ണ്ടത്‌ ആവശ്യ​മാണ്‌. ക്രിസ്‌ത്യാ​നി​കൾ എന്ന നിലയിൽ നമ്മുടെ ജീവി​ത​ത്തി​ലെ പ്രസക്ത​മായ സംഗതി ക്രിസ്‌തു പിൻവ​രുന്ന പ്രകാരം സംഗ്ര​ഹി​ച്ചു പറഞ്ഞു: “മുമ്പെ അവന്റെ രാജ്യ​വും നീതി​യും അന്വേ​ഷി​പ്പിൻ; അതോ​ടു​കൂ​ടെ ഇതൊ​ക്കെ​യും നിങ്ങൾക്കു കിട്ടും.” (മത്തായി 6:33) മറ്റേ​തൊ​രു പ്രവർത്ത​ന​ത്തി​ലും ഉപരി​യാ​യി രാജ്യ​താത്‌പ​ര്യ​ങ്ങ​ളിൽ മുഴു​കി​യി​രി​ക്കു​മ്പോൾ നിങ്ങൾ അതീവ സന്തുഷ്ട​രല്ലേ?

²⁷ ഇന്റർനെറ്റ്‌ ഇ-മെയിൽ: അകലെ താമസി​ക്കുന്ന കുടും​ബങ്ങൾ തമ്മിലോ സുഹൃ​ത്തു​ക്കൾ തമ്മിലോ വ്യക്തി​പ​ര​മായ അനുഭ​വ​ങ്ങ​ളും ആശയങ്ങ​ളും പങ്കു​വെ​ക്കു​ന്നത്‌ ഉചിത​മാ​ണെ​ങ്കി​ലും, നിങ്ങളു​ടെ കുടും​ബ​ത്തെ​യോ സുഹൃ​ത്തു​ക്ക​ളെ​യോ അറിയാൻ പാടി​ല്ലാത്ത ആർക്കെ​ങ്കി​ലും അതു നൽകു​ന്നത്‌ യഥാർഥ​ത്തിൽ സ്‌നേ​ഹ​മാ​ണോ? അല്ലെങ്കിൽ ആർക്കെ​ങ്കി​ലു​മൊ​ക്കെ വായി​ക്കാ​നാ​യി അവയെ വെബ്‌ പേജിൽ പ്രസി​ദ്ധീ​ക​രി​ക്ക​ണ​മോ? നിങ്ങൾക്ക്‌ പരിച​യ​മു​ള്ള​വ​രോ ഇല്ലാത്ത​വ​രോ ആയവർക്ക്‌ വിവേ​ച​നാ​ര​ഹി​ത​മാ​യി ഈ വ്യക്തിഗത സന്ദേശ​ങ്ങ​ളു​ടെ പകർപ്പ്‌ നൽകു​ക​യോ അവ അയച്ചു​കൊ​ടു​ക്കു​ക​യോ ചെയ്യണ​മോ? അതു​പോ​ലെ, നിങ്ങൾക്ക്‌ ആളുമാ​റി ഒരു സന്ദേശം ലഭിക്കു​ന്നെ​ങ്കിൽ, അത്‌ വേറെ ആർക്കെ​ങ്കി​ലും കൈമാ​റു​ന്നതു സ്‌നേ​ഹ​നിർഭ​ര​മായ ഒരു പ്രവൃ​ത്തി​യാ​ണോ?

²⁸ നിങ്ങൾ കൈമാ​റുന്ന അനുഭവം വസ്‌തു​നിഷ്‌ഠം അല്ലെങ്കി​ലോ? ഒരു അസത്യം പ്രചരി​പ്പി​ക്കു​ന്ന​തി​ലുള്ള പങ്കു​ചേ​ര​ലാ​കി​ല്ലേ അത്‌? (സദൃ. 12:19; 21:28; 30:8; കൊലൊ. 3:9) “സൂക്ഷ്‌മ​ത്തോ​ടെ, അജ്ഞാനി​ക​ളാ​യി​ട്ടല്ല ജ്ഞാനി​ക​ളാ​യി​ട്ട​ത്രേ നടപ്പാൻ നോക്കു​വിൻ” എന്ന ബുദ്ധി​യു​പ​ദേശം ആ വസ്‌തുത കണക്കി​ലെ​ടു​ക്കാൻ നമ്മെ പ്രേരി​പ്പി​ക്കും. (എഫെ. 5:15) ശരിയായ “വഴി”യിൽ നടക്കു​ന്ന​തിൽ തുടരാൻ നമ്മെ പ്രോ​ത്സാ​ഹി​പ്പി​ക്കു​ക​യും പ്രേരി​പ്പി​ക്കു​ക​യും ചെയ്യുന്ന യഥാർഥ അനുഭ​വങ്ങൾ ധാരാ​ള​മാ​യി വാർഷിക പുസ്‌ത​ക​ത്തി​ലും വീക്ഷാ​ഗോ​പു​ര​ത്തി​ലും ഉണരുക!യിലും ഉള്ളതിൽ നാം എത്ര സന്തുഷ്ട​രാണ്‌!—യെശ. 30:20, 21.

²⁹ മറ്റൊരു അപകട​വു​മുണ്ട്‌. ചിലരെ കുറിച്ച്‌ അപ്പൊസ്‌ത​ല​നായ പൗലൊസ്‌ ഇങ്ങനെ പറഞ്ഞു: “അവർ വീടു​തോ​റും നടന്നു മിന​ക്കെ​ടു​വാ​നും ശീലി​ക്കും; മിന​ക്കെ​ടുക മാത്രമല്ല വായാ​ടി​ക​ളും പരകാ​ര്യ​ത്തിൽ ഇടപെ​ടു​ന്ന​വ​രു​മാ​യി അരുതാ​ത്തതു സംസാ​രി​ക്കും.” (1 തിമൊ. 5:13) കാര്യ​ഗൗ​ര​വ​മി​ല്ലാത്ത വിവരങ്ങൾ നമ്മുടെ സഹോ​ദ​ര​ങ്ങൾക്കു കൈമാ​റി​ക്കൊണ്ട്‌ സമയവും ശ്രമവും പാഴാ​ക്കു​ന്ന​തി​നെ​തി​രെ​യുള്ള മുന്നറി​യി​പ്പാണ്‌ ഇത്‌.

³⁰ വളരെ​യ​ധി​കം ഇ-മെയിൽ കൈകാ​ര്യം ചെയ്യു​ന്ന​തി​നു വേണ്ടി​വ​രുന്ന സമയ​ത്തെ​ക്കു​റി​ച്ചും ചിന്തി​ക്കുക. രസകര​മാ​യി, വിവര​ങ്ങ​ളു​ടെ പുകമഞ്ഞ്‌ (ഇംഗ്ലീഷ്‌) എന്ന പുസ്‌തകം ഇങ്ങനെ പ്രസ്‌താ​വി​ച്ചു: “ഓൺ-ലൈനിൽ ഒരാൾ കൂടു​തൽക്കൂ​ടു​തൽ സമയം ചെലവി​ടു​മ്പോൾ, സഹപ്ര​വർത്ത​ക​രിൽ നിന്നും കൂട്ടു​കാ​രിൽ നിന്നും കുടും​ബ​ത്തിൽ നിന്നും ഉള്ള സന്ദേശങ്ങൾ വായിക്കൽ, അവയ്‌ക്കു മറുപടി നൽകൽ, . . . അനാവ​ശ്യ​മായ വ്യാപാര പരസ്യങ്ങൾ എന്നിവ നിമിത്തം, ഇ-മെയിൽ പെട്ടെ​ന്നു​തന്നെ ഉത്തേജ​ന​മേ​കുന്ന ഒരു പുതു​മയ്‌ക്കു പകരം സമയം കൊല്ലുന്ന ഒരു ഭാരമാ​യി​ത്തീ​രു​ന്നു.” കൂടു​ത​ലാ​യി അത്‌ ഇങ്ങനെ​യും പ്രസ്‌താ​വി​ക്കു​ന്നു: “തങ്ങൾക്കു ലഭിക്കുന്ന രസകര​മായ വിവരങ്ങൾ—തമാശകൾ, നഗര വിശേ​ഷങ്ങൾ, ഇലക്‌ട്രോ​ണിക്‌ ചെയിൻ എഴുത്തു​കൾ എന്നിങ്ങനെ പലതും—തങ്ങളുടെ ഇലക്‌ട്രോ​ണിക്‌ അഡ്രസ്‌ ബുക്കി​ലുള്ള എല്ലാവർക്കും അയയ്‌ക്കുന്ന മോശ​മായ ശീലം ഇലക്‌ട്രോ​ണിക്‌ വിജ്ഞാ​ന​ഭ്രമം ഉള്ള അനേകർക്കും ഉണ്ട്‌.”

³¹ അനേകം സഹോ​ദ​ര​ന്മാർ പരസ്‌പരം അയയ്‌ക്കുന്ന ഇ-മെയി​ലു​ക​ളിൽ നിരു​പ​ദ്ര​വ​ക​ര​മെന്നു തോന്നുന്ന അത്തരം ഒരു രീതി പ്രകട​മാ​യി​ട്ടുണ്ട്‌—ശുശ്രൂ​ഷയെ കുറി​ച്ചുള്ള തമാശകൾ അല്ലെങ്കിൽ നർമ്മരസം പൂണ്ട കഥകൾ; നമ്മുടെ വിശ്വാ​സ​ങ്ങളെ അടിസ്ഥാ​ന​മാ​ക്കി ഉള്ളതാ​ണെന്നു കരുതുന്ന കവിതകൾ; സമ്മേള​ന​ങ്ങ​ളി​ലെ​യോ കൺ​വെൻ​ഷ​നു​ക​ളി​ലെ​യോ രാജ്യ​ഹാ​ളി​ലെ​യോ പ്രസം​ഗ​ങ്ങ​ളിൽ കേട്ട ദൃഷ്ടാ​ന്തങ്ങൾ; വയൽ ശുശ്രൂ​ഷ​യി​ലെ അനുഭ​വങ്ങൾ തുടങ്ങി​യവ. ഉറവിടം ആരായാ​തെ കൂടെ​ക്കൂ​ടെ അത്തരം ഇ-മെയി​ലു​കൾ കൈമാ​റു​ന്നത്‌, അതിന്റെ ഉപജ്ഞാ​താവ്‌ ആരാ​ണെന്നു കണ്ടെത്തുക ദുഷ്‌ക​ര​മാ​ക്കി​ത്തീർക്കു​ന്നു. തന്മൂലം, വിവരം യഥാർഥ​ത്തിൽ വസ്‌തു​നിഷ്‌ഠ​മാ​ണോ എന്ന്‌ ഒരുവൻ സംശയി​ക്കാൻ അത്‌ ഇടയാ​ക്കി​യേ​ക്കാം.—സദൃ. 22:20, 21.

³² “എന്നോടു കേട്ട പത്ഥ്യവ​ചനം [‘ആരോ​ഗ്യാ​വ​ഹ​മായ വാക്കു​ക​ളു​ടെ മാതൃക’, NW] നീ ക്രിസ്‌തു​യേ​ശു​വി​ലുള്ള വിശ്വാ​സ​ത്തി​ലും സ്‌നേ​ഹ​ത്തി​ലും മാതൃ​ക​യാ​ക്കി​ക്കൊൾക” എന്നു തിമൊ​ഥെ​യൊ​സിന്‌ എഴുതി​യ​പ്പോൾ പൗലൊ​സി​ന്റെ മനസ്സി​ലു​ണ്ടാ​യി​രുന്ന തരം ആരോ​ഗ്യാ​വ​ഹ​മായ വാക്കു​കളല്ല മിക്ക​പ്പോ​ഴും കഴമ്പി​ല്ലാത്ത അത്തരം സന്ദേശ​ങ്ങ​ളിൽ ഉള്ളത്‌. (ചെരി​ച്ചെ​ഴു​തി​യി​രി​ക്കു​ന്നതു ഞങ്ങൾ.) (2 തിമൊ. 1:13) പ്രധാ​ന​മാ​യും രാജ്യം മുഖാ​ന്ത​ര​മുള്ള യഹോ​വ​യു​ടെ പരമാ​ധി​കാ​ര​ത്തി​ന്റെ ഔചിത്യ സംസ്ഥാ​പനം എന്ന വിഷയ​ത്തിൽ അധിഷ്‌ഠി​ത​മായ ബൈബിൾ സത്യങ്ങ​ളു​ടെ “നിർമല ഭാഷ”യ്‌ക്ക്‌ ‘ആരോ​ഗ്യാ​വ​ഹ​മായ വാക്കു​ക​ളു​ടെ മാതൃക’ ഉണ്ട്‌. (സെഫ. 3:9, NW) യഹോ​വ​യു​ടെ പരമാ​ധി​കാ​ര​ത്തി​ന്റെ ഔചിത്യ സംസ്ഥാ​പ​നത്തെ പിന്താ​ങ്ങു​ന്ന​തി​നു വേണ്ടി നമുക്ക്‌ ലഭ്യമായ സകല സമയവും നമ്മുടെ മുഴു ഊർജ​വും അർപ്പി​ക്കാൻ നാം സർവ ശ്രമവും ചെയ്യണം.

³³ നാം ഈ വ്യവസ്ഥി​തി​യു​ടെ പരമാന്ത്യ നാളു​ക​ളിൽ ആയിരി​ക്കു​ന്ന​തി​നാൽ, ഉണർന്നി​രി​ക്കേണ്ട സമയമാണ്‌ ഇത്‌. “നിർമ്മ​ദ​രാ​യി​രി​പ്പിൻ; ഉണർന്നി​രി​പ്പിൻ; നിങ്ങളു​ടെ പ്രതി​യോ​ഗി​യായ പിശാചു അലറുന്ന സിംഹം എന്നപോ​ലെ ആരെ വിഴു​ങ്ങേണ്ടു എന്നു തിരിഞ്ഞു ചുററി​ന​ട​ക്കു​ന്നു” എന്നു ബൈബിൾ നമുക്കു മുന്നറി​യി​പ്പു നൽകുന്നു. (1 പത്രൊ. 5:8) കൂടാതെ അത്‌ ഇങ്ങനെ​യും പ്രസ്‌താ​വി​ക്കു​ന്നു: “പിശാ​ചി​ന്റെ തന്ത്രങ്ങ​ളോ​ടു എതിർത്തു​നില്‌പാൻ കഴി​യേ​ണ്ട​തി​ന്നു ദൈവ​ത്തി​ന്റെ സർവ്വാ​യു​ധ​വർഗ്ഗം ധരിച്ചു​കൊൾവിൻ.”—എഫെ. 6:11.

³⁴ ദുരു​പ​യോ​ഗം ചെയ്യു​ന്ന​പക്ഷം, അതിന്റെ ശക്തിയാൽ വശീക​രി​ക്ക​പ്പെ​ടു​ന്ന​വരെ കീഴട​ക്കു​ന്ന​തി​നുള്ള സാത്താന്റെ ഒരു ഉപാധി​യാ​കാൻ ഇന്റർനെ​റ്റി​നു കഴിയും. പരിമി​ത​മായ പ്രയോ​ജ​നങ്ങൾ ഉണ്ടെങ്കി​ലും, ശ്രദ്ധ പാലി​ക്കാ​തി​രു​ന്നാൽ അത്‌ അപകട​കാ​രി​യാ​യി തീരും. കുട്ടികൾ ഇന്റർനെറ്റ്‌ ഉപയോ​ഗി​ക്കു​ന്നതു സംബന്ധിച്ച്‌ മാതാ​പി​താ​ക്കൾ പ്രത്യേ​കാൽ ശ്രദ്ധയു​ള്ളവർ ആയിരി​ക്കണം.

³⁵ ഇന്റർനെ​റ്റി​നെ സംബന്ധി​ച്ചു സന്തുലിത കാഴ്‌ച​പ്പാട്‌ ഉണ്ടായി​രി​ക്കു​ന്നത്‌ ഒരു സംരക്ഷ​ണ​മാണ്‌. പൗലൊസ്‌ നൽകിയ സമയോ​ചിത ഓർമി​പ്പി​ക്കൽ നാം വിലമ​തി​ക്കു​ന്നു: ‘ലോകത്തെ അനുഭ​വി​ക്കു​ന്നവർ അതിനെ അനുഭ​വി​ക്കാ​ത്ത​വ​രെ​പ്പോ​ലെ ആയിരി​ക്കേണം. ഈ ലോക​ത്തി​ന്റെ രൂപം ഒഴിഞ്ഞു​പോ​കു​ന്നു​വ​ല്ലോ.’ (1 കൊരി. 7:29-31) ഈ കാര്യങ്ങൾ മനസ്സിൽ പിടി​ക്കു​ന്നത്‌, ഇന്റർനെ​റ്റിൽ ലഭ്യമാ​യി​രി​ക്കു​ന്നത്‌ ഉൾപ്പെടെ, ലോകം വെച്ചു​നീ​ട്ടുന്ന കാര്യ​ങ്ങ​ളാൽ ശ്രദ്ധാ​ശൈ​ഥി​ല്യം സംഭവി​ക്കാ​തി​രി​ക്കാൻ നമ്മെയും നമ്മുടെ കുടും​ബ​ങ്ങ​ളെ​യും സഹായി​ക്കും.

³⁶ സഭയോ​ടും സഹോ​ദ​ര​ങ്ങ​ളോ​ടും അടുത്തു പറ്റിനി​ന്നു​കൊണ്ട്‌ ശേഷി​ക്കുന്ന സമയം ജ്ഞാനപൂർവം ഉപയോ​ഗി​ക്കേ​ണ്ടത്‌ അത്യന്താ​പേ​ക്ഷി​ത​മാണ്‌. അങ്ങനെ, രാജ്യ​താത്‌പ​ര്യ​ങ്ങ​ളു​ടെ ഉന്നമന​ത്തി​നാ​യി നാം നമ്മെത്തന്നെ ലഭ്യരാ​ക്കു​ക​യാ​യി​രി​ക്കും. ഈ വ്യവസ്ഥി​തി അതിന്റെ അന്ത്യ​ത്തോട്‌ അടുക്കവെ, ‘ജാതികൾ തങ്ങളുടെ വ്യർത്ഥ​ബു​ദ്ധി അനുസ​രി​ച്ചു നടക്കു​ന്ന​തു​പോ​ലെ ഇനി നടക്കാതെ’, നമുക്ക്‌ ‘കർത്താ​വി​ന്റെ ഇഷ്ടം എന്തെന്നു ഗ്രഹി​ക്കു​ന്ന​തിൽ തുടരാം.’—എഫെ. 4:17; 5:17.