യുവജ​നങ്ങൾ ചോദി​ക്കു​ന്നു . . .

ഇന്റർനെറ്റ്‌—അപകടങ്ങൾ എനിക്ക്‌ എങ്ങനെ ഒഴിവാ​ക്കാ​നാ​കും?

ലോക​ത്തി​ലെ ഏറ്റവും വലിയ ഗ്രന്ഥശാ​ല​യി​ലാണ്‌ നിങ്ങൾ എന്നു സങ്കൽപ്പി​ക്കുക. സർവത്ര വിഷയ​ങ്ങ​ളെ​യും കുറി​ച്ചുള്ള പുസ്‌ത​ക​ങ്ങ​ളും പത്രങ്ങ​ളും കാറ്റ​ലോ​ഗു​ക​ളും ഫോ​ട്ടോ​ഗ്രാ​ഫു​ക​ളും റെക്കോർഡി​ങ്ങു​ക​ളും അവിടെ ഉണ്ട്‌. ഏറ്റവും പുതിയ വിവര​ങ്ങൾക്കു പുറമേ, കഴിഞ്ഞു​പോയ നൂറ്റാ​ണ്ടു​ക​ളി​ലെ സാഹി​ത്യ​ങ്ങ​ളു​ടെ ഒരു വമ്പിച്ച ശേഖര​വും അക്കൂട്ട​ത്തി​ലുണ്ട്‌.

വിര​ലൊ​ന്ന​മർത്തി​യാൽ മതി ഇന്റർനെ​റ്റിന്‌ ഇപ്പറഞ്ഞ​ത​ത്ര​യും നിങ്ങളു​ടെ മുമ്പിൽ എത്തിക്കാൻ കഴിയും. തന്റെ സ്വന്തം കമ്പ്യൂട്ടർ ഉപയോ​ഗിച്ച്‌ ലോക​ത്തിൽ എവി​ടെ​യു​മുള്ള കമ്പ്യൂ​ട്ട​റു​ക​ളു​മാ​യും കമ്പ്യൂട്ടർ ഉപയോ​ഗി​ക്കുന്ന ആളുക​ളു​മാ​യും വിവരങ്ങൾ പങ്കു​വെ​ക്കാൻ ഒരു വ്യക്തിയെ സഹായി​ക്കുന്ന ഒരു സംവി​ധാ​ന​മാണ്‌ അത്‌.a സാധനങ്ങൾ വാങ്ങു​ന്ന​തി​നോ വിൽക്കു​ന്ന​തി​നോ ബാങ്കി​ട​പാ​ടു​കൾ നടത്തു​ന്ന​തി​നോ പരസ്‌പരം സംസാ​രി​ക്കു​ന്ന​തി​നോ ഏറ്റവും പുതിയ സംഗീതം കേൾക്കു​ന്ന​തി​നോ പോലും ഇതിലൂ​ടെ സാധി​ക്കും, അതും വീടിന്റെ സ്വകാ​ര്യ​ത​യിൽ ഇരുന്നു​കൊണ്ട്‌.

ഈ വർഷാ​വ​സാ​ന​ത്തോ​ടെ, ഇന്റർനെറ്റ്‌ ഉപയോ​ഗി​ക്കു​ന്ന​വ​രു​ടെ എണ്ണം 320 ദശലക്ഷം കവിയും എന്ന്‌ ചില വിദഗ്‌ധർ പ്രവചി​ക്കു​ന്ന​തിൽ അതിശ​യി​ക്കാ​നില്ല. ലോക​ത്തി​ന്റെ മിക്ക ഭാഗങ്ങ​ളി​ലും ഇന്റർനെ​റ്റി​ന്റെ ഉപയോ​ഗം നിത്യ​ജീ​വി​ത​ത്തി​ന്റെ ഭാഗം ആയി​ക്കൊ​ണ്ടി​രി​ക്കു​ക​യാണ്‌. സ്‌കൂ​ളു​ക​ളും ഗ്രന്ഥശാ​ല​ക​ളു​മെ​ല്ലാം അതിന്റെ ഉപയോ​ഗത്തെ അങ്ങേയറ്റം പ്രോ​ത്സാ​ഹി​പ്പി​ക്കു​ക​യും വേണ്ട സൗകര്യ​ങ്ങൾ ഒരുക്കി കൊടു​ക്കു​ക​യും ചെയ്യു​ന്ന​തി​നാൽ, ഇന്നു ദശലക്ഷ​ക്ക​ണ​ക്കി​നു യുവജ​ന​ങ്ങൾക്ക്‌ അത്‌ ഉപയോ​ഗി​ക്കാൻ കഴിയു​ന്നുണ്ട്‌. ഐക്യ​നാ​ടു​ക​ളിൽ, 12-നും 19-നും ഇടയ്‌ക്കു പ്രായ​മുള്ള യുവജ​ന​ങ്ങ​ളു​ടെ ഏകദേശം 65 ശതമാ​ന​വും ഓൺ-ലൈൻ ഉപയോ​ഗി​ച്ചി​ട്ടു​ള്ള​വ​രോ അതിന്റെ വരിക്കാ​രാ​കു​ന്ന​തിന്‌ അപേക്ഷ സമർപ്പി​ച്ചി​ട്ടു​ള്ള​വ​രോ ആണ്‌.

ശരിയായ രീതി​യിൽ ഉപയോ​ഗി​ക്കു​ന്ന​പക്ഷം കാലാവസ്ഥ, യാത്ര തുടങ്ങി പലതി​നെ​യും കുറി​ച്ചുള്ള വിവരങ്ങൾ പ്രദാനം ചെയ്യുന്ന പ്രയോ​ജ​ന​പ്ര​ദ​മായ വിവര​ങ്ങ​ളു​ടെ ഒരു ഉറവാ​യി​രി​ക്കും ഇന്റർനെറ്റ്‌. പുസ്‌ത​കങ്ങൾ മുതൽ കാറിന്റെ ഭാഗങ്ങൾ വരെ നിങ്ങൾക്ക്‌ അതിലൂ​ടെ വാങ്ങാ​നാ​കും. ഒരു പഠനസ​ഹാ​യി എന്ന നിലയിൽ അതിനെ പ്രയോ​ജ​ന​പ്പെ​ടു​ത്തു​ന്ന​വ​രു​മുണ്ട്‌.

ഇന്റർനെ​റ്റു​കൊ​ണ്ടു പ്രയോ​ജ​നങ്ങൾ ഉണ്ടെന്നു​ള്ളതു സത്യം​തന്നെ. എന്നാൽ ഒരർഥ​ത്തിൽ, ലൈ​ബ്രേ​റി​യ​നോ മറ്റു മേൽനോ​ട്ട​ക്കാ​രോ ഇല്ലാത്ത ഒരു ഗ്രന്ഥശാല പോ​ലെ​യാണ്‌ അത്‌. അടു​ത്തെ​ങ്ങും ആരുമില്ല എന്ന ബോധ്യ​ത്തോ​ടെ ആർക്കും അതിലൂ​ടെ യഥേഷ്ടം വിഹരി​ക്കാൻ കഴിയും. ഇന്റർനെറ്റ്‌ ഉപയോ​ഗി​ക്കു​ന്ന​തിൽ പതിയി​രി​ക്കുന്ന ഏറ്റവും വലിയ അപകട​ങ്ങ​ളി​ലൊ​ന്നും ഇതുത​ന്നെ​യാണ്‌. എന്തു​കൊണ്ട്‌? ഒരു വ്യക്തിയെ ആത്മീയ​വും ധാർമി​ക​വു​മാ​യി അധഃപ​തി​പ്പി​ക്കുന്ന തരം വിവര​ങ്ങ​ളാണ്‌ ഒട്ടനവധി വെബ്‌​സൈ​റ്റു​ക​ളി​ലും ഉള്ളത്‌. അതു​കൊണ്ട്‌, ഇന്റർനെ​റ്റിന്‌ ക്രിസ്‌തീയ യുവജ​ന​ങ്ങളെ പ്രലോ​ഭ​ന​ക്കു​രു​ക്കിൽ അകപ്പെ​ടു​ത്താൻ കഴിയും. മനുഷ്യർ സ്വതവെ ജിജ്ഞാ​സു​ക്ക​ളാണ്‌. പിശാ​ചായ സാത്താൻ പണ്ടുമു​തലേ മുത​ലെ​ടു​ത്തി​ട്ടു​ള്ള​തും ഈ പ്രവണ​ത​യെ​ത്തന്നെ ആണല്ലോ. ഹവ്വായു​ടെ ജിജ്ഞാ​സയെ മുത​ലെ​ടുത്ത സാത്താൻ അവളെ ‘ഉപായ​ത്താൽ ചതിക്കുക’യാണു​ണ്ടാ​യത്‌.—2 കൊരി​ന്ത്യർ 11:3.

സമാന​മാ​യി, ഒരു ക്രിസ്‌ത്യാ​നി തന്റെ ആത്മീയത കാത്തു​സൂ​ക്ഷി​ക്കാൻ ദൃഢചി​ത്ത​ന​ല്ലെ​ങ്കിൽ വഴിപി​ഴ​പ്പി​ക്കുന്ന വിവരങ്ങൾ അവനെ​യും വളരെ എളുപ്പ​ത്തിൽ വശീക​രി​ച്ചു​ക​ള​ഞ്ഞേ​ക്കാം. ബെറ്റർ ഹോംസ്‌ ആൻഡ്‌ ഗാർഡൻസ്‌ എന്ന മാസി​ക​യിൽ വന്ന ഒരു ലേഖനം ഇപ്രകാ​രം വിശദീ​ക​രി​ക്കു​ന്നു: “ആവേശം​കൊ​ള്ളി​ക്കുന്ന ഒരു മണ്ഡലമാണ്‌ ഇന്റർനെറ്റ്‌. പ്രഗത്ഭ​രാ​യവർ നിങ്ങൾക്കു​വേണ്ടി ഏറ്റവും പുതിയ വിവരങ്ങൾ അതിൽ ശേഖരി​ച്ചു​വെ​ച്ചി​രി​ക്കു​ന്നു. എന്നാൽ ബാലര​തി​പ്രി​യർ, തട്ടിപ്പു​കാർ, സ്വാശ​യ​ഭ്രാ​ന്ത​ന്മാർ തുടങ്ങിയ പലരും സൈബർ സ്‌പേ​സിൽ വിഹരി​ക്കു​ന്നുണ്ട്‌.”

ഹാവ്യേർb എന്ന ചെറു​പ്പ​ക്കാ​രൻ പറയുന്നു: “ചില വെബ്‌​സൈ​റ്റു​ക​ളിൽ നമ്മെ ശരിക്കും ഞെട്ടി​ച്ചു​ക​ള​യുന്ന വിവര​ങ്ങ​ളുണ്ട്‌. ഒട്ടും പ്രതീ​ക്ഷി​ക്കാ​തി​രി​ക്കുന്ന നേരത്താ​കും അവ പൊടു​ന്നനെ പ്രത്യ​ക്ഷ​പ്പെ​ടുക.” അവൻ തുടരു​ന്നു: “നിങ്ങളെ കുടു​ക്കി​ലാ​ക്കു​ക​യാണ്‌ അവരുടെ ലക്ഷ്യം. ഏതു വിധേ​ന​യും നിങ്ങളെ പ്രലോ​ഭി​പ്പി​ച്ചു പണം തട്ടി​യെ​ടു​ക്കു​ന്ന​തി​നാണ്‌ ഇത്‌.” ജോൺ എന്ന ഒരു യുവ​ക്രി​സ്‌ത്യാ​നി ഇങ്ങനെ സമ്മതി​ച്ചു​പ​റ​യു​ന്നു: “അനുചി​ത​മായ കാര്യങ്ങൾ കാണാൻ തുടങ്ങി​യാൽ പിന്നെ, ആ ശീലം നിറു​ത്താൻ വലിയ പ്രയാ​സ​മാണ്‌. നിങ്ങൾ അതിന്‌ അടിമ​യാ​യി പോകും.” അധഃപ​തി​പ്പി​ക്കുന്ന തരം വെബ്‌​സൈ​റ്റു​കൾ കൂടെ​ക്കൂ​ടെ സന്ദർശി​ച്ച​തി​ന്റെ ഫലമായി ചില ക്രിസ്‌തീയ യുവജ​നങ്ങൾ ഗുരു​ത​ര​മായ കുഴപ്പ​ങ്ങ​ളിൽ ചെന്നു​ചാ​ടി​യി​ട്ടുണ്ട്‌. ചിലർക്ക്‌ യഹോ​വ​യു​മാ​യുള്ള വ്യക്തി​പ​ര​മായ ബന്ധം നഷ്ടമാ​കു​ക​പോ​ലും ചെയ്‌തി​രി​ക്കു​ന്നു. ഇതെല്ലാം ഒഴിവാ​ക്കാൻ എങ്ങനെ കഴിയും?

‘വ്യർഥ​കാ​ര്യ​ങ്ങൾ കാണൽ’

ചില​പ്പോൾ ഒരു വെബ്‌-സൈറ്റി​ന്റെ വിലാസം തന്നെ, ഉചിത​മ​ല്ലാത്ത വിവര​ങ്ങ​ളാണ്‌ അതിൽ അടങ്ങി​യി​രി​ക്കു​ന്ന​തെന്ന്‌ വ്യക്തമാ​യി സൂചി​പ്പി​ച്ചേ​ക്കാം.c സദൃശ​വാ​ക്യ​ങ്ങൾ 22:3 ഇങ്ങനെ മുന്നറി​യി​പ്പു നൽകുന്നു: “വിവേ​ക​മു​ള്ളവൻ അനർത്ഥം കണ്ടു ഒളിച്ചു​കൊ​ള്ളു​ന്നു; അല്‌പ​ബു​ദ്ധി​ക​ളോ നേരെ ചെന്നു ചേത​പ്പെ​ടു​ന്നു.”

മിക്ക​പ്പോ​ഴും അറിയാ​തെ​യാണ്‌ ആളുകൾ ഇത്തരം ദോഷ​ക​ര​മായ വെബ്‌-സൈറ്റു​ക​ളിൽ ചെന്നു​പെ​ടു​ന്നത്‌ എന്നതാണു പ്രശ്‌നം. ഇവയുടെ ഹോം​പേ​ജിൽ തന്നെ നിങ്ങളെ വശീക​രി​ക്കാൻ പോന്ന ചിത്രങ്ങൾ കണ്ടേക്കാം. വെബ്‌-സൈറ്റ്‌ പരി​ശോ​ധി​ക്കാൻ മാത്രമല്ല പിന്നീട്‌ കൂടെ​ക്കൂ​ടെ അവി​ടേക്കു മടങ്ങി​ച്ചെ​ല്ലാ​നുള്ള പ്രേരണ കൂടെ നിങ്ങളിൽ ഉളവാ​ക്കു​ക​യാണ്‌ അവയുടെ ലക്ഷ്യം!d

തന്റെ സുഹൃ​ത്തു​ക്ക​ളിൽ ഒരാൾക്കു സംഭവി​ച്ച​തി​നെ കുറിച്ച്‌ കെവിൻ ഇപ്രകാ​രം വിശദീ​ക​രി​ക്കു​ന്നു: “അവന്‌ ഇഷ്ടം​പോ​ലെ സമയമു​ണ്ടാ​യി​രു​ന്നു. ഒപ്പം എല്ലാം അറിയാ​നുള്ള ആകാം​ക്ഷ​യും. അശ്ലീല​കാ​ര്യ​ങ്ങൾ കാണു​ന്നത്‌ പെട്ടെ​ന്നു​തന്നെ അവന്റെ ഒരു ശീലമാ​യി​ത്തീർന്നു.” സന്തോ​ഷ​ക​ര​മെന്നു പറയട്ടെ, ഈ യുവ​ക്രി​സ്‌ത്യാ​നി ഒരു മൂപ്പ​നോ​ടു തന്റെ പ്രശ്‌ന​ങ്ങ​ളെ​ല്ലാം തുറന്നു​പ​റ​യു​ക​യും സഹായം സ്വീക​രി​ക്കു​ക​യും ചെയ്‌തു.

അത്തരം ഒരു വെബ്‌-സൈറ്റിൽ യാദൃ​ച്ഛി​ക​മാ​യി ചെന്നു​പെ​ടു​ക​യാ​ണെ​ങ്കിൽ ചെയ്യേണ്ട കാര്യ​ങ്ങളെ കുറിച്ച്‌ നിങ്ങൾക്കു നിശ്ചയ​മു​ണ്ടോ? ഒരു ക്രിസ്‌ത്യാ​നി ചെയ്യേ​ണ്ടത്‌ എന്താ​ണെന്നു വ്യക്തമാണ്‌: ഉടനടി ആ സൈറ്റ്‌ വിട്ടു​പോ​കുക, വേണ്ടി​വ​ന്നാൽ ഇന്റർനെറ്റ്‌ ബ്രൗസർ ഷട്ട്‌ ഡൗൺ ചെയ്യുക! ‘വ്യർഥ കാര്യ​ങ്ങ​ളിൽ നിന്ന്‌ എന്റെ കണ്ണുകളെ തിരി​ക്കേ​ണമേ’ എന്നു പ്രാർഥിച്ച സങ്കീർത്ത​ന​ക്കാ​രനെ പോ​ലെ​യാ​യി​രി​ക്കുക. (സങ്കീർത്തനം 119:37, ന്യൂ ഇൻഡ്യാ ബൈബിൾ ഭാഷാ​ന്തരം; ഇയ്യോബ്‌ 31:1 താരത​മ്യം ചെയ്യുക.) മനുഷ്യ​രാ​രും നമ്മെ നിരീ​ക്ഷി​ക്കു​ന്നി​ല്ലെ​ങ്കിൽ പോലും, നാം സദാ നിരീ​ക്ഷ​ണ​ത്തി​നു കീഴിൽ ആണെന്ന കാര്യം മറക്കരുത്‌. “സകലവും അവന്റെ കണ്ണിന്നു നഗ്നവും മലർന്ന​തു​മാ​യി കിടക്കു​ന്നു; അവനു​മാ​യി​ട്ടാ​കു​ന്നു നമുക്കു കാര്യ​മു​ള്ളതു” എന്നു ബൈബിൾ നമ്മെ ഓർമ​പ്പെ​ടു​ത്തു​ന്നു.—എബ്രായർ 4:13.

മാതാ​പി​താ​ക്ക​ളോട്‌ അല്ലെങ്കിൽ പക്വത​യുള്ള മറ്റു ക്രിസ്‌ത്യാ​നി​ക​ളോ​ടു സംസാ​രി​ക്കു​ന്നത്‌, മോശ​മായ സ്വാധീ​ന​മുള്ള വെബ്‌-സൈറ്റു​കൾ വീണ്ടും സന്ദർശി​ക്കാ​തി​രി​ക്കാ​നുള്ള നിങ്ങളു​ടെ തീരു​മാ​നത്തെ ശക്തി​പ്പെ​ടു​ത്തും. നിങ്ങൾ ഒരു ചതുപ്പി​നു​ള്ളിൽ വീണു​പോ​കു​ന്നെ​ങ്കിൽ എന്തു​ചെ​യ്യും? ഉടൻതന്നെ സഹായ​ത്തി​നാ​യി ആരെ​യെ​ങ്കി​ലും വിളി​ക്കു​മോ, അതോ തനിയെ രക്ഷപ്പെ​ടാൻ ശ്രമി​ച്ചു​കൊണ്ട്‌ അതിൽ കഴു​ത്തോ​ളം ആണ്ടു​പോ​കു​ന്നതു വരെ കാത്തു​നിൽക്കു​മോ?

ഓൺ-ലൈൻ സഹവാ​സത്തെ കുറി​ച്ചെന്ത്‌?

ഇന്റർനെറ്റ്‌ ഉപയോ​ഗി​ക്കുന്ന ലോക​മെ​മ്പാ​ടു​മുള്ള ആളുകൾക്ക്‌ ചാറ്റ്‌ വഴി എപ്പോൾ വേണ​മെ​ങ്കി​ലും പരസ്‌പരം ബന്ധപ്പെ​ടാൻ കഴിയും. ഉപഭോ​ക്താ​ക്കൾക്കു സേവനം പ്രദാനം ചെയ്യു​ന്ന​തി​നും ഓൺ-ലൈൻ കോൺഫ​റൻസു​കൾ നടത്തു​ന്ന​തി​നു​മാ​യി ബിസി​ന​സ്സു​കാർ അത്‌ ഉപയോ​ഗി​ക്കു​ന്നു. മോ​ട്ടോർ വാഹനങ്ങൾ നന്നാക്കൽ, കമ്പ്യൂട്ടർ പ്രോ​ഗ്രാ​മിങ്‌ പോലുള്ള സാങ്കേ​തിക കാര്യ​ങ്ങ​ളു​മാ​യി ബന്ധപ്പെട്ട വിവരങ്ങൾ പങ്കു​വെ​ക്കാൻ ചില ചാറ്റ്‌ റൂമുകൾ അഥവാ സല്ലാപ വേദികൾ സൗകര്യ​മൊ​രു​ക്കു​ന്നു. കുടും​ബാം​ഗ​ങ്ങ​ളു​മാ​യും സുഹൃ​ത്തു​ക്ക​ളു​മാ​യും ഒക്കെ ആശയവി​നി​മയം നടത്താ​നുള്ള സൗകര്യ​വും ചില തരം ചാറ്റു​ക​ളി​ലുണ്ട്‌, അതും ദീർഘ-ദൂര ടെലി​ഫോൺ ചാർജി​നെ​ക്കാൾ കുറഞ്ഞ നിരക്കിൽ. ഉചിത​മായ ഉപയോ​ഗങ്ങൾ ഉണ്ടായി​രു​ന്നേ​ക്കാ​മെ​ങ്കിൽ പോലും, ഇതിൽ എന്തെങ്കി​ലും അപകട​മു​ണ്ടോ?

പബ്ലിക്‌ ചാറ്റ്‌ റൂമു​ക​ളു​ടെ കാര്യ​ത്തിൽ വളരെ​യ​ധി​കം ജാഗ്രത പാലി​ക്കേ​ണ്ട​തുണ്ട്‌. അതിൽ വളരെ​യ​ധി​കം അപകടങ്ങൾ പതിയി​രി​പ്പുണ്ട്‌ എന്നതു​തന്നെ കാരണം. എഴുത്തു​കാ​രി​യായ ലിയാ റോസൻ ഇങ്ങനെ പറയു​ക​യു​ണ്ടാ​യി: “സാങ്കേ​തി​ക​ജ്ഞാ​ന​മുള്ള കൗമാ​ര​പ്രാ​യ​ക്കാർ രാജ്യ​മൊ​ട്ടാ​കെ​യുള്ള, എന്തിന്‌, ലോക​മെ​മ്പാ​ടു​മുള്ള, പേരു​പോ​ലും അറിഞ്ഞു​കൂ​ടാത്ത ആളുക​ളു​മാ​യി മണിക്കൂ​റു​ക​ളോ​ളം സംഭാ​ഷ​ണ​ത്തിൽ ഏർപ്പെ​ടു​ന്നു. സങ്കടക​ര​മെന്നു പറയട്ടെ, ഓൺ-ലൈനിൽ ഇവർ സമ്പർക്കം പുലർത്തു​ന്ന​വ​രു​ടെ കൂട്ടത്തിൽ, ലൈം​ഗി​ക​ചൂ​ഷ​ണ​ത്തിന്‌ ഇരകളാ​ക്കാൻ പറ്റിയ കുട്ടി​ക​ളെ​യും തേടി നടക്കു​ന്ന​വ​രും ഉണ്ട്‌.” പബ്ലിക്‌ ചാറ്റ്‌ റൂമുകൾ ഉപയോ​ഗി​ക്കു​മ്പോൾ “നിങ്ങൾ അങ്ങേയറ്റം ശ്രദ്ധാ​ലു​വാ​യി​രി​ക്കേ​ണ്ട​തുണ്ട്‌” എന്ന്‌ പോപ്പു​ലർ മെക്കാ​നി​ക്‌സൽ വന്ന ഒരു ലേഖനം മുന്നറി​യി​പ്പു നൽകു​ക​യു​ണ്ടാ​യി. നിങ്ങളു​ടെ പേരോ വിലാ​സ​മോ അപരി​ചി​ത​നായ ഒരു വ്യക്തിക്കു നൽകു​ന്നത്‌ ഗുരു​ത​ര​മായ അപകട​മാ​കും ക്ഷണിച്ചു​വ​രു​ത്തു​ന്നത്‌! എന്തിന്‌ വെറുതെ വേലി​യിൽ കിടക്കുന്ന പാമ്പിനെ പിടിച്ചു മടിയിൽ വെക്കണം?

ഒളിഞ്ഞി​രി​ക്കു​ന്ന മറ്റൊരു അപകട​വു​മുണ്ട്‌. ബൈബിൾ തത്ത്വങ്ങൾ മാനി​ക്കാത്ത അപരി​ചി​ത​രായ വ്യക്തി​ക​ളു​മാ​യുള്ള വേണ്ടാത്ത കൂട്ടു​കെ​ട്ടു​ക​ളിൽ ചെന്നു ചാടു​ന്ന​തിന്‌ അത്‌ ഇടയാ​ക്കും.e ചാറ്റ്‌ റൂമു​ക​ളി​ലെ കൗമാ​ര​പ്രാ​യ​ക്കാ​രു​ടെ സംഭാ​ഷ​ണ​ങ്ങ​ളിൽ അധിക​പ​ങ്കും ലൈം​ഗിക വിഷയ​ങ്ങളെ കേന്ദ്രീ​ക​രി​ച്ചു​ള്ള​താണ്‌ എന്നു ഗവേഷകർ പറയുന്നു. അതു​കൊണ്ട്‌, 1 കൊരി​ന്ത്യർ 15:33-ൽ (NW) കാണ​പ്പെ​ടുന്ന ബൈബി​ളി​ന്റെ ഈ ബുദ്ധി​യു​പ​ദേശം തികച്ചും ഉചിത​മാണ്‌: “വഴി​തെ​റ്റി​ക്ക​പ്പെ​ട​രുത്‌. മോശ​മായ സഹവാ​സങ്ങൾ പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു.” ചീത്ത സഹവാസം, അത്‌ ഒരു കമ്പ്യൂട്ടർ ശൃംഖ​ല​യി​ലൂ​ടെ​യാ​ണെ​ങ്കിൽ പോലും അപകട​ക​ര​മാണ്‌. ദൈവ​ഭ​യ​മുള്ള യുവതീ​യു​വാ​ക്കൾ യാതൊ​രു വീണ്ടു​വി​ചാ​ര​വു​മി​ല്ലാ​തെ അത്തരം അപകട​ങ്ങ​ളിൽ ചെന്നു ചാടേ​ണ്ട​തു​ണ്ടോ?

സംരക്ഷ​ണ​ങ്ങൾ

ഇന്റർനെറ്റ്‌ ഉപയോ​ഗ​വു​മാ​യി ബന്ധപ്പെട്ട അപകടങ്ങൾ കണക്കി​ലെ​ടു​ക്കു​മ്പോൾ, അത്‌ ഉപയോ​ഗി​ക്കു​മ്പോൾ ശ്രദ്ധി​ക്കണം എന്ന കാര്യം വ്യക്തമാണ്‌. ചില കുടും​ബങ്ങൾ സ്വീകരണ മുറി പോലെ എപ്പോ​ഴും എല്ലാവ​രു​ടെ​യും കണ്ണെത്തുന്ന ഒരിട​ത്താണ്‌ കമ്പ്യൂട്ടർ വെച്ചി​രി​ക്കു​ന്നത്‌. മാത്രമല്ല, വീട്ടിൽ മറ്റുള്ളവർ ഉള്ളപ്പോൾ മാത്രമേ ഇന്റർനെറ്റ്‌ ഉപയോ​ഗി​ക്കാ​വൂ എന്ന്‌ അവർ നിഷ്‌കർഷി​ക്കു​ക​യും ചെയ്യുന്നു. നിങ്ങളു​ടെ മാതാ​പി​താ​ക്കൾ അത്തരം നിയ​ന്ത്ര​ണങ്ങൾ ഏർപ്പെ​ടു​ത്തു​ന്നു​വെ​ങ്കിൽ, അവയോ​ടു സഹകരി​ക്കുക. (സദൃശ​വാ​ക്യ​ങ്ങൾ 1:8) വ്യക്തമായ അത്തരം മാർഗ​നിർദേ​ശങ്ങൾ നിങ്ങ​ളോ​ടുള്ള അവരുടെ സ്‌നേ​ഹ​ത്തി​ന്റെ തെളി​വാണ്‌.

സ്‌കൂ​ളി​ലെ പാഠങ്ങൾ പഠിക്കു​ന്ന​തിന്‌ ഇന്റർനെറ്റ്‌ ഉപയോ​ഗി​ച്ചേ തീരൂ എന്നു​ണ്ടെ​ങ്കിൽ, ഓൺ-ലൈനിൽ നിങ്ങൾ ചെലവ​ഴി​ക്കുന്ന സമയം സംബന്ധി​ച്ചു ശ്രദ്ധയു​ള്ള​വ​നാ​യി​രി​ക്കുക. എത്രമാ​ത്രം സമയം നിങ്ങൾ ചെലവ​ഴി​ക്കും എന്നു നേര​ത്തേ​തന്നെ തീരു​മാ​നി​ക്കുക. സമയം തീരു​മ്പോൾ അറിയാൻ ഒരു അലാറം ഉപയോ​ഗി​ക്കാ​വു​ന്ന​താണ്‌. ടോം ഇങ്ങനെ പറയുന്നു: “കാലേ​കൂ​ട്ടി കാര്യങ്ങൾ ആസൂ​ത്രണം ചെയ്യുക. നിങ്ങൾ അന്വേ​ഷി​ക്കു​ന്നത്‌ എന്താണ്‌ എന്നതിനെ കുറിച്ചു നിങ്ങൾക്കു വ്യക്തമായ ധാരണ​യു​ണ്ടാ​യി​രി​ക്കണം. മറ്റുള്ള കാര്യങ്ങൾ എത്രതന്നെ ആകർഷ​ക​മാ​യി കാണ​പ്പെ​ട്ടാ​ലും, നിങ്ങളു​ടെ ലക്ഷ്യ​ത്തോ​ടു പറ്റിനി​ന്നേ മതിയാ​കൂ.”

ഇ-മെയിൽ ഉപയോ​ഗി​ക്കുന്ന കാര്യ​ത്തി​ലും ജാഗ്രത വേണം. കുന്നു​കൂ​ടി കിടക്കുന്ന ഇ-മെയിൽ മുഴുവൻ, പ്രത്യേ​കി​ച്ചും അതിലെ വിവരങ്ങൾ വലിയ പ്രയോ​ജ​ന​മി​ല്ലാ​ത്ത​തും കൃത്യ​ത​യി​ല്ലാ​ത്ത​തും ആയിരി​ക്കു​മ്പോൾ, വായി​ക്കു​ന്നത്‌ ഒരു ശീലമാ​ക്കാ​തി​രി​ക്കാൻ ക്രിസ്‌തീയ യുവജ​നങ്ങൾ ശ്രദ്ധി​ക്കേ​ണ്ട​താണ്‌. ഇ-മെയിൽ വിവരങ്ങൾ വായിച്ച്‌ സമയം കളയു​മ്പോൾ വാസ്‌ത​വ​ത്തിൽ, സ്‌കൂ​ളി​ലെ പാഠങ്ങൾ പഠിക്കു​ന്ന​തി​നും ആത്മീയ പ്രവർത്ത​ന​ങ്ങ​ളിൽ ഏർപ്പെ​ടു​ന്ന​തി​നും ഉള്ള അമൂല്യ​മായ സമയമാ​യി​രി​ക്കും നഷ്ടമാ​കു​ന്നത്‌.

ശലോ​മോൻ രാജാവ്‌ ഇപ്രകാ​രം പറയു​ക​യു​ണ്ടാ​യി: “പുസ്‌തകം ഓരോ​ന്നു​ണ്ടാ​ക്കു​ന്ന​തി​ന്നു അവസാ​ന​മില്ല; അധികം പഠിക്കു​ന്നതു ശരീര​ത്തി​ന്നു ക്ഷീണം തന്നേ.” (സഭാ​പ്ര​സം​ഗി 12:12) ഈ വാക്കുകൾ നിശ്ചയ​മാ​യും ഇന്റർനെ​റ്റി​നും ബാധക​മാണ്‌. വ്യക്തി​പ​ര​മായ ബൈബിൾ പഠനവും ക്രിസ്‌തീയ ശുശ്രൂ​ഷ​യു​മെ​ല്ലാം പാടേ അവഗണി​ച്ചു​കൊണ്ട്‌ വിവര​ങ്ങൾക്കു വേണ്ടി​യുള്ള തിരച്ചി​ലിൽ ആമഗ്നരാ​ക​രുത്‌. (മത്തായി 24:14; യോഹ​ന്നാൻ 17:3; എഫെസ്യർ 5:15, 16) കമ്പ്യൂട്ടർ വഴി ആശയവി​നി​മയം നടത്തു​ന്ന​തിന്‌ അതി​ന്റേ​തായ പ്രയോ​ജനം ഉണ്ടായി​രു​ന്നേ​ക്കാ​മെ​ങ്കി​ലും, ഒരിക്ക​ലും അത്‌ സഹക്രി​സ്‌ത്യാ​നി​ക​ളോട്‌ മുഖാ​മു​ഖം സംസാ​രി​ക്കു​ന്ന​തി​നു പകരമാ​കില്ല. അതു​കൊണ്ട്‌, നിങ്ങൾക്ക്‌ യഥാർഥ​ത്തിൽ ഇന്റർനെറ്റ്‌ ഉപയോ​ഗി​ക്കേ​ണ്ട​തു​ണ്ടെ​ങ്കിൽ, അതു ബുദ്ധി​പൂർവം ചെയ്യാൻ ദൃഢനി​ശ്ച​യ​മു​ള്ളവർ ആയിരി​ക്കുക. അപകട​ക​ര​മായ വെബ്‌-സൈറ്റു​കൾ ഒഴിവാ​ക്കുക. ഓൺ-ലൈനിൽ അമിത​മാ​യി സമയം ചെലവ​ഴി​ക്ക​രുത്‌. “നിന്റെ ഹൃദയത്തെ കാത്തു​കൊൾക,” ഒരിക്ക​ലും ഇന്റർനെ​റ്റി​ന്റെ അടിമ​യാ​കു​ക​യും ചെയ്യരുത്‌.—സദൃശ​വാ​ക്യ​ങ്ങൾ 4:23.

[അടിക്കു​റി​പ്പു​കൾ]

[20-ാം പേജിലെ ആകർഷ​ക​വാ​ക്യം]

“ചില വെബ്‌​സൈ​റ്റു​ക​ളിൽ നമ്മെ ശരിക്കും ഞെട്ടി​ച്ചു​ക​ള​യുന്ന വിവര​ങ്ങ​ളുണ്ട്‌. ഒട്ടും പ്രതീ​ക്ഷി​ക്കാ​തി​രി​ക്കുന്ന നേരത്താ​കും അവ പൊടു​ന്നനെ പ്രത്യ​ക്ഷ​പ്പെ​ടുക.”

[21-ാം പേജിലെ ചിത്രം]

ചില കുടും​ബങ്ങൾ, എല്ലാവ​രു​ടെ​യും കണ്ണെത്തുന്ന ഒരു ഇടത്താണു കമ്പ്യൂട്ടർ വെച്ചി​രി​ക്കു​ന്നത്‌