“മൂല്യ​ര​ഹിത കാര്യങ്ങ”ളുടെ പിന്നാ​ലെ​യുള്ള പാച്ചൽ ഒഴിവാ​ക്കു​ക

¹ ഇന്ന്‌ ഏറെ ജനപ്രീ​തി ആർജിച്ച ഒരു ആശയവി​നി​മയ മാർഗ​മാണ്‌ ഇ-മെയിൽ. ഈ മാധ്യ​മ​ത്തി​ലൂ​ടെ കുടും​ബാം​ഗ​ങ്ങ​ളു​മാ​യോ സുഹൃ​ത്തു​ക്ക​ളു​മാ​യോ വ്യക്തി​പ​ര​മായ അനുഭ​വ​ങ്ങ​ളും ആശയങ്ങ​ളും പങ്കു​വെ​ക്കു​ന്നത്‌ ഉചിത​മാ​ണെ​ങ്കി​ലും, ഇ-മെയി​ലി​ന്റെ അനിയ​ന്ത്രിത ഉപയോ​ഗ​വു​മാ​യി ബന്ധപ്പെട്ട്‌ ഏത്‌ ‘മൂല്യ​ര​ഹിത കാര്യങ്ങൾ’ ഉൾപ്പെ​ട്ടി​രു​ന്നേ​ക്കാം?—സദൃ. 12:11, NW.

² ഇ-മെയിൽ സംബന്ധിച്ച മുന്നറി​യി​പ്പു​കൾ: ഏറ്റവും പുതി​യ​തെന്നു തങ്ങൾ കരുതുന്ന വിവരങ്ങൾ ഇ-മെയി​ലിൽ ലഭിക്കു​മ്പോൾ തങ്ങൾ യഹോ​വ​യു​ടെ സംഘട​ന​യു​മാ​യി ഉറ്റ ബന്ധത്തിൽ വന്നിരി​ക്കു​ന്ന​താ​യി അനുഭ​വ​പ്പെ​ടു​ന്നു​വെന്നു ചിലർ അവകാ​ശ​പ്പെ​ടു​ന്നു. ഇത്തരം വിവര​ങ്ങ​ളിൽ ഒരുപക്ഷേ അനുഭ​വ​ങ്ങ​ളോ ബെഥേ​ലിൽ നടന്ന കാര്യങ്ങൾ സംബന്ധിച്ച കുറി​പ്പു​ക​ളോ ദുരന്ത​ങ്ങ​ളെ​യോ പീഡന​ങ്ങ​ളെ​യോ സംബന്ധിച്ച റിപ്പോർട്ടു​ക​ളോ രാജ്യ ശുശ്രൂ​ഷാ സ്‌കൂ​ളിൽ അറിയിച്ച രഹസ്യ വിവരങ്ങൾ പോലു​മോ ഉൾപ്പെ​ട്ടേ​ക്കാം. മറ്റു ചിലരാ​കട്ടെ, ഇത്തരം വിവരങ്ങൾ അയയ്‌ക്കു​ന്ന​തിൽ അത്യധി​കം ഉത്സാഹ​മു​ള്ള​വ​രാണ്‌, കാരണം സുഹൃ​ത്തു​ക്കൾക്കു പ്രസ്‌തുത വിവരങ്ങൾ ആദ്യം കൈമാ​റു​ന്നതു തങ്ങൾ ആയിരി​ക്കാൻ അവർ ആഗ്രഹി​ക്കു​ന്നു.

³ ചില​പ്പോൾ, വിവര​ങ്ങ​ളും അനുഭ​വ​ങ്ങ​ളും വളച്ചൊ​ടി​ച്ച​തോ പൊടി​പ്പും തൊങ്ങ​ലും വെച്ചതോ ആയിരി​ക്കാം. അല്ലെങ്കിൽ ഒരുപക്ഷേ വാർത്തകൾ വളരെ ഉദ്വേ​ഗ​ജ​ന​ക​മാ​ക്കാ​നുള്ള ശ്രമത്തിൽ ചിലർ തെറ്റായ ധാരണകൾ പോലും ഉളവാ​ക്കി​യി​ട്ടുണ്ട്‌. ഇത്തരം കാര്യങ്ങൾ വെളി​പ്പെ​ടു​ത്താൻ ധൃതി കൂട്ടു​ന്ന​വർക്കു പലപ്പോ​ഴും കാര്യ​ങ്ങ​ളു​ടെ നിജസ്ഥി​തി അറിയില്ല. (സദൃ. 29:20, NW) ചില സന്ദർഭ​ങ്ങ​ളിൽ, ഒരു സംഗതി തികച്ചും അവിശ്വ​സ​നീ​യ​മാ​യി​രി​ക്കു​മ്പോൾ പോലും ഒരു രസത്തിനു വേണ്ടി അവ കൈമാ​റു​ന്ന​വ​രുണ്ട്‌. സത്യമ​ല്ലാ​ത്ത​തോ വഴി​തെ​റ്റി​ക്കു​ന്ന​തോ ആയ അത്തരം റിപ്പോർട്ടു​കൾ “കിഴവി​ക്കഥ”കൾ പോ​ലെ​യാണ്‌, അവ യഥാർഥ ദൈവ​ഭ​ക്തി​യെ ഉന്നമി​പ്പി​ക്കു​ന്നില്ല.—1 തിമൊ. 4:6, 7.

⁴ തെറ്റായ വിവരങ്ങൾ നിങ്ങൾ മറ്റുള്ള​വർക്കു കൈമാ​റു​ന്നെ​ങ്കിൽ അതു നിമിത്തം ഉണ്ടാകുന്ന ദുഃഖ​ങ്ങൾക്കും കുഴപ്പ​ങ്ങൾക്കും ഒരു പരിധി​വരെ നിങ്ങളും ഉത്തരവാ​ദി​ക​ളാണ്‌. ദാവീ​ദിന്‌ ഒരിക്കൽ, തന്റെ പുത്ര​ന്മാ​രെ​ല്ലാം വധിക്ക​പ്പെട്ടു എന്ന അതിശ​യോ​ക്തി കലർന്ന റിപ്പോർട്ട്‌ കിട്ടി​യ​പ്പോൾ അവൻ അതിദുഃ​ഖ​ത്താൽ തന്റെ “വസ്‌ത്രം കീറി.” എന്നാൽ വാസ്‌ത​വ​ത്തിൽ അവന്റെ ഒരു പുത്രൻ മാത്രമേ കൊല്ല​പ്പെ​ട്ടി​രു​ന്നു​ള്ളൂ. അതുതന്നെ ഖേദക​ര​മാ​യി​രു​ന്നു, എന്നാൽ അതിശ​യോ​ക്തി കലർന്ന വാർത്ത അവന്റെ സങ്കടം വർധി​പ്പി​ച്ചു. (2 ശമൂ. 13:30-33) തീർച്ച​യാ​യും നമ്മുടെ സഹോ​ദ​ര​ങ്ങളെ വഴി​തെ​റ്റി​ക്കു​ക​യോ നിരു​ത്സാ​ഹ​പ്പെ​ടു​ത്തു​ക​യോ ചെയ്യുന്ന വിധത്തിൽ പ്രവർത്തി​ക്കാൻ നാം ആഗ്രഹി​ക്കു​ക​യില്ല.

⁵ ദൈവ​ത്തി​ന്റെ നിയമിത സരണി: നമ്മുടെ സ്വർഗീയ പിതാ​വിന്‌ ആശയവി​നി​മ​യ​ത്തി​നാ​യി ഒരു നിയമിത സരണി, “വിശ്വസ്‌ത​നും വിവേ​കി​യു​മായ അടിമ” ഉണ്ട്‌ എന്ന സംഗതി മനസ്സിൽ പിടി​ക്കുക. വിശ്വാ​സ​ത്തി​ന്റെ ഭവനക്കാർക്ക്‌ ഏതു വിവരങ്ങൾ ലഭ്യമാ​ക്കണം, അതു നൽകേണ്ട ‘തക്കസമയം’ എപ്പോ​ഴാണ്‌ എന്നു തീരു​മാ​നി​ക്കു​ന്ന​തി​നുള്ള ഉത്തരവാ​ദി​ത്വം ആ “അടിമ”യ്‌ക്കാണ്‌. ദിവ്യാ​ധി​പത്യ സംഘട​ന​യി​ലൂ​ടെ മാത്രമേ ഈ ആത്മീയ ആഹാരം ലഭിക്കു​ന്നു​ള്ളൂ. ആശ്രയ​യോ​ഗ്യ​മായ വിവര​ങ്ങൾക്കാ​യി നാം സദാ ദൈവ​ത്തി​ന്റെ നിയമിത സരണി​യി​ലേ​ക്കാ​ണു നോ​ക്കേ​ണ്ടത്‌, ഇന്റർനെറ്റ്‌ ഉപയോ​ക്താ​ക്ക​ളി​ലേക്കല്ല.—മത്താ. 24:45, NW.

⁶ ഇന്റർനെ​റ്റി​ലെ വെബ്‌സൈ​റ്റു​കൾ: സൊ​സൈ​റ്റിക്ക്‌ ഒരു ഔദ്യോ​ഗിക ഇന്റർനെറ്റ്‌ വെബ്‌സൈറ്റ്‌ ഉണ്ട്‌: www.watchtower.org. പൊതു​ജ​ന​ത്തിന്‌ വിവരങ്ങൾ പ്രദാനം ചെയ്യാൻ ഇതു പര്യാപ്‌ത​മാണ്‌. ഏതെങ്കി​ലും വ്യക്തി​യോ കമ്മിറ്റി​യോ സഭയോ യഹോ​വ​യു​ടെ സാക്ഷി​കളെ കുറിച്ച്‌ വെബ്‌ പേജ്‌ തയ്യാറാ​ക്കേ​ണ്ട​തില്ല. ചിലർ എല്ലാ തിരു​വെ​ഴു​ത്തു​ക​ളും പരാമർശ​ങ്ങ​ളും സഹിതം നമ്മുടെ പ്രസി​ദ്ധീ​ക​ര​ണ​ങ്ങ​ളി​ലെ ഉള്ളടക്ക​വും സംഭാ​വ​നാ​ടി​സ്ഥാ​ന​ത്തിൽ കൺ​വെൻ​ഷൻ വിവരങ്ങൾ ലഭ്യമാ​ണെന്നു പോലും വെബ്‌ പേജിൽ പ്രസി​ദ്ധീ​ക​രി​ക്കു​ന്നു. ലാഭത്തി​നു വേണ്ടി​യാ​ണെ​ങ്കി​ലും അല്ലെങ്കി​ലും, യഹോ​വ​യു​ടെ സാക്ഷി​ക​ളു​ടെ പ്രസി​ദ്ധീ​ക​ര​ണ​ങ്ങ​ളു​ടെ ഇലക്‌ട്രോ​ണിക്‌ പകർപ്പു​കൾ ഉണ്ടാക്കി വിതരണം ചെയ്യു​ന്ന​തിൽ പകർപ്പ​വ​കാശ നിയമ​ങ്ങ​ളു​ടെ ലംഘനം ഉൾപ്പെ​ട്ടി​രി​ക്കു​ന്നു. സഹോ​ദ​ര​ങ്ങളെ സേവി​ക്കു​ന്ന​തി​നുള്ള മാർഗ​മാണ്‌ ഇതെന്നു ചിലർ കരുതി​യാ​ലും, അതിന്‌ അംഗീ​കാ​ര​മില്ല. ആ രീതി ഉപേക്ഷി​ക്കണം.

⁷ ഇലക്‌​ട്രോ​ണിക്‌ വിവര​ങ്ങ​ളു​ടെ ഉപയോ​ഗ​ത്തിൽ നല്ല ന്യായ​ബോ​ധ​വും സുബോ​ധ​വും പ്രകട​മാ​ക്കു​ന്നത്‌ “വില​യേ​റി​യ​തും മനോ​ഹ​ര​വു​മായ സകലസ​മ്പ​ത്തും” കൊണ്ട്‌ നമ്മുടെ മനസ്സു നിറയ്‌ക്കു​ന്നു​വെന്ന്‌ ഉറപ്പു​വ​രു​ത്തും.—സദൃ. 24:4.