ആസന്നമാ​യി​രി​ക്കുന്ന മെച്ചപ്പെട്ട അവസ്ഥകളെ സംബന്ധിച്ച സുവാർത്ത അറിയി​ക്കു​ക

¹ ആസന്നമാ​യി​രി​ക്കുന്ന പുതിയ ലോക​ത്തെ​ക്കു​റി​ച്ചു​ളള ദൂതു പ്രഖ്യാ​പി​ക്കു​ന്ന​തിൽ ക്രമമാ​യി പങ്കെടു​ക്കു​ന്നത്‌ എത്ര സന്തോ​ഷ​ക​ര​മായ പദവി​യാണ്‌! മററു​ള​ള​വർക്ക്‌ ഈ സന്ദേശം എത്തിക്കു​ന്ന​തിൽ നാം എത്ര സമൃദ്ധ​മാ​യി അനു​ഗ്ര​ഹി​ക്ക​പ്പെ​ട്ട​വ​രാണ്‌! നാം വരാനി​രി​ക്കുന്ന ഈ മെച്ചപ്പെട്ട കാര്യ​ങ്ങ​ളെ​ക്കു​റി​ച്ചു​ളള സുവാർത്ത പങ്കു​വെ​ക്കു​മ്പോൾ നമ്മു​ടെ​തന്നെ വിശ്വാ​സ​വും തീക്ഷ്‌ണ​ത​യും ബലിഷ്‌ഠ​മാ​ക്ക​പ്പെ​ടു​ന്നു. നാം “യഹോ​വക്കു പാടി അവന്റെ നാമത്തെ വാഴ്‌ത്തുക” എന്ന ഉദ്‌ബോ​ധ​ന​ത്തി​ന​നു​സ​രിച്ച്‌ പ്രവർത്തി​ക്കു​മ്പോൾ നമ്മുടെ ഹൃദയം സന്തോ​ഷി​ക്കു​ന്നു.—സങ്കീ. 96:2-4.

² നിങ്ങൾ ഓരോ ദിവസ​വും രാജ്യ​ത്തി​ന്റെ ദൂത്‌ സംസാ​രി​ക്കു​ന്നത്‌ നിങ്ങളു​ടെ ലാക്കാ​ക്കു​ന്നു​ണ്ടോ? സഹായ​പ​യ​നി​യ​റിംഗ്‌ അല്ലെങ്കിൽ നിരന്ത​ര​പ​യ​നി​യ​റിംഗ്‌ വേലയിൽ ഏർപ്പെ​ടു​ന്ന​വർക്ക്‌ സാധാ​ര​ണ​യാ​യി സുവാർത്ത അറിയി​ക്കു​ന്ന​തിൽ ഒരു ദൈനം​ദിന പങ്കു ലഭിക്കു​ന്നു. നിങ്ങൾക്ക്‌ ഇതു ചെയ്യാൻ കഴിയു​മോ? ഇല്ലെങ്കിൽ നിങ്ങൾക്ക്‌ എല്ലാ ദിവസ​വും കുറച്ചു പങ്ക്‌, അല്‌പ​മായ ഒരു അനൗപ​ചാ​രിക പങ്കെങ്കി​ലും, ഉണ്ടായി​രി​ക്കാൻ കഴിയു​മോ? നമു​ക്കെ​ല്ലാം ഇതു ചെയ്യാൻ കഴിയു​ക​യാ​ണെ​ങ്കിൽ യഹോ​വക്ക്‌ എത്ര മഹത്തായ സ്‌തു​തി​യു​ടെ ആർപ്പു​വി​ളി​യി​ലാ​യി​രി​ക്കും അതു കലാശി​ക്കുക! നിങ്ങൾ ഓരോ ദിവസ​വും രാജ്യ​പ്ര​ത്യാ​ശ പ്രഖ്യാ​പി​ക്കു​മ്പോൾ യഹോ​വ​യിൽനി​ന്നു​ളള സമൃദ്ധ​മായ അനു​ഗ്രഹം അനുഭ​വ​പ്പെ​ടും.

³ ശുശ്രൂ​ഷ​യോ​ടു​ളള നമ്മുടെ മനോ​ഭാ​വ​ത്തിന്‌ നാം മററു​ള​ള​വ​രോട്‌ എത്ര കൂടെ​ക്കൂ​ടെ സുവാർത്ത പങ്കു​വെ​ക്കു​മെ​ന്ന​തി​നെ സ്വാധീ​നി​ക്കാൻ കഴിയും. ആളുക​ളു​ടെ ഭാഗത്തെ പ്രതി​ക​ര​ണ​ത്തി​ന്റെ കുറവു​മൂ​ലം നാം നിരാ​ശി​ത​രാ​യി​ത്തീ​രു​ക​യും രാജ്യ​ദൂത്‌ സമർപ്പി​ക്കു​ന്ന​തിൽ മന്ദീഭ​വി​ക്കു​ക​യും ചെയ്യരുത്‌. പകരം, വരാനി​രി​ക്കുന്ന മെച്ചപ്പെട്ട അവസ്ഥക​ളോ​ടു​ളള ഒരു ക്രിയാ​ത്മക മനോ​ഭാ​വ​വും തീവ്ര​മായ വിലമ​തി​പ്പും സുവാർത്ത അറിയി​ക്കു​ന്ന​തിൽ ദൈനം​ദി​നം പങ്കു​കൊ​ള​ളു​ന്ന​തി​നു​ളള നമ്മുടെ കഠിന​ശ്ര​മത്തെ ബലിഷ്‌ഠ​മാ​ക്കാൻ കഴിയും.—ലൂക്കോ. 6:45.

⁴ കുടും​ബാം​ഗങ്ങൾ യഹോ​വക്ക്‌ ‘മഹത്വ​വും ബലവും ആരോ​പി​ക്കു​ന്ന​തിൽ’ ഐക്യ​ത്തിൽ ഒത്തൊ​രു​മിച്ച്‌ പ്രവർത്തി​ക്കു​മ്പോൾ അനേകം സമൃദ്ധ​മായ അനു​ഗ്ര​ഹങ്ങൾ ആസ്വദി​ക്കാൻ കഴിയും. (സങ്കീ. 96:7) ഒരു കുടും​ബ​മെന്ന നിലയിൽ ശുശ്രൂ​ഷ​യിൽ പ്രവർത്തി​ക്കു​ന്ന​തിന്‌ സമയം പട്ടിക​പ്പെ​ടു​ത്തു​മ്പോൾ കുടും​ബ​പ​ര​വും ആത്മീയ​വു​മായ ബന്ധങ്ങൾ ബലിഷ്‌ഠ​മാ​ക്ക​പ്പെ​ടു​ന്നു. രാജ്യ​പ്ര​ത്യാ​ശ അറിയി​ക്കു​ന്ന​തിന്‌ കുടും​ബാം​ഗ​ങ്ങൾക്ക്‌ സഭയിലെ മററ്‌ കുടും​ബ​ങ്ങ​ളോ​ടൊത്ത്‌ പ്രവർത്തി​ക്കു​ന്ന​തിന്‌ ശനിയാ​ഴ്‌ച​ക​ളും ഞായറാ​ഴ്‌ച​ക​ളും വളരെ നല്ല അവസരങ്ങൾ പ്രദാനം ചെയ്യുന്നു.

എന്നേക്കും ജീവി​ക്കാൻ പുസ്‌തകം ഉപയോ​ഗി​ക്കു​ക

⁵ ഏപ്രി​ലിൽ നാം എന്നേക്കും ജീവി​ക്കാൻ പുസ്‌തകം സമർപ്പി​ക്കും. ആളുകൾ ദൈനം​ദിന ജീവി​ത​ത്തെ​ക്കു​റിച്ച്‌ ഉത്‌ക്ക​ണ്‌ഠാ​കു​ല​രാണ്‌, ഒരു സന്തുഷ്ട ഭാവി ആഗ്രഹി​ക്കു​ക​യും ചെയ്യുന്നു. ആത്മാർത്ഥ​ഹൃ​ദ​യ​രായ ആളുകൾ ഇന്ന്‌ മനുഷ്യ​വർഗ്ഗ​ത്തിന്‌ വളരെ സാധാ​ര​ണ​മാ​യി​രി​ക്കുന്ന പ്രശ്‌ന​ങ്ങ​ളി​ല്ലാ​തെ ദീർഘ​മാ​യി ജീവി​ക്കു​ന്ന​തി​നു​ളള സാദ്ധ്യ​ത​യെ​സം​ബ​ന്ധിച്ച്‌ അറിയു​ന്ന​തിൽ സന്തോ​ഷി​ക്കു​ന്നു. ഈ പ്രത്യാ​ശയെ സംബന്ധി​ച്ചു​ളള സൂക്ഷ്‌മ​മായ അറിവും അത്‌ പെട്ടെന്ന്‌ യാഥാർത്ഥ്യ​മാ​യി​ത്തീ​രു​മെ​ന്നു​ളള വിശ്വാ​സ​വും രാജ്യ​സ​ന്ദേശം സമർപ്പി​ക്കു​ന്ന​തിൽ ക്രിയാ​ത്മ​ക​മാ​യി പ്രവർത്തി​ക്കു​ന്ന​തിന്‌ നമ്മെ ഉത്തേജി​പ്പി​ക്കണം.

⁶ നിങ്ങളു​ടെ അവതരണം ആകർഷ​ക​മാ​ക്കി​ത്തീർക്കു​ന്ന​തിന്‌ നിങ്ങൾ പറയാൻപോ​കു​ന്ന​തി​നെ​ക്കു​റിച്ച്‌ പ്രാർത്ഥ​നാ​പൂർവം മുൻകൂ​ട്ടി ചിന്തി​ക്കുക. നിങ്ങ​ളെ​ത്തന്നെ പരിച​യ​പ്പെ​ടു​ത്തി​യ​ശേഷം നിങ്ങൾക്ക്‌ ഏതാണ്ട്‌ ഇതു​പോ​ലെ പറയാ​വു​ന്ന​താണ്‌: “നിങ്ങൾക്കും നിങ്ങളു​ടെ കുടും​ബ​ത്തി​നും ഏതു തരത്തി​ലു​ളള ഭാവി ഉണ്ടായി​രി​ക്കാൻ നിങ്ങൾ ഇഷ്ടപ്പെ​ടു​ന്നു? [ഉത്തരം പറയാൻ അനുവ​ദി​ക്കുക.] നാമെ​ല്ലാം ജീവിതം ആസ്വദി​ക്കു​ക​യും നമുക്കു കഴിയു​ന്നി​ട​ത്തോ​ളം ദീർഘ​കാ​ലം ജീവി​ക്കാൻ ആഗ്രഹി​ക്കു​ക​യും ചെയ്യുന്നു. എന്നിരു​ന്നാ​ലും അനേകം പ്രശ്‌നങ്ങൾ പൊന്തി​വ​രു​ക​യും നമ്മുടെ ജീവി​ത​ത്തെ​ത്തന്നെ ഭീഷണി​പ്പെ​ടു​ത്തു​ക​യും ചെയ്യുന്നു. ഈ കാരണ​ത്താൽ നിങ്ങൾ ഒരു ശോഭ​ന​മായ ഭാവിയെ സംബന്ധി​ച്ചും ജീവി​ത​ത്തി​ന്റെ ഉത്‌ക്ക​ണ്‌ഠ​കളെ അഭിമു​ഖീ​ക​രി​ക്കുന്ന വിധം സംബന്ധി​ച്ചും ബൈബി​ളി​ന്റെ സന്ദേശം അറിയാൻ താത്‌പ്പ​ര്യ​പ്പെ​ട്ടേ​ക്കാം.” ഈ ഘട്ടത്തിൽ നിങ്ങൾക്ക്‌ പുതിയ സംഭാ​ഷ​ണ​വി​ഷ​യ​ത്തി​ലെ തിരു​വെ​ഴു​ത്തു​കൾ പ്രദീ​പ്‌ത​മാ​ക്കാൻ കഴിയും. മുന്നിൽ സ്ഥിതി​ചെ​യ്യുന്ന ശോഭ​ന​മായ ഭാവിയെ ഊന്നി​പ്പ​റ​യു​ന്ന​തിന്‌ 9, 11-13, 161, 162 എന്നീ പേജു​ക​ളിൽ കാണ​പ്പെ​ടു​ന്ന​തു​പോ​ലു​ളള കൃത്യ​മായ സംസാ​രാ​ശ​യങ്ങൾ ഉപയോ​ഗി​ക്കുക.

⁷ യഹോവ നമുക്ക്‌ എത്ര സന്തുഷ്ട​വും വിശ്വാ​സത്തെ ബലിഷ്‌ഠ​മാ​ക്കു​ന്ന​തു​മായ സന്ദേശ​മാണ്‌ പ്രഖ്യാ​പനം ചെയ്യു​ന്ന​തി​നാ​യി നൽകി​യി​രി​ക്കു​ന്നത്‌! നമുക്ക്‌ യഹോ​വ​യു​ടെ മഹത്തായ വാഗ്‌ദാ​ന​ങ്ങ​ളിൽ ആഴമായ വിലമ​തി​പ്പു​ളള മററു​ള​ള​വ​രു​മാ​യി അടുത്തു പ്രവർത്തി​ക്കു​ന്ന​തി​നു​ളള വലിയ പദവി​യും ഉണ്ട്‌. നാം ഇപ്പോൾ നിർവ​ഹി​ക്കുന്ന വേല ഒരിക്ക​ലും ആവർത്തി​ക്ക​പ്പെ​ടേ​ണ്ട​ത​ല്ലാ​ത്ത​തി​നാ​ലും പെട്ടെന്നു അവസാ​നി​ക്കു​ന്ന​താ​ക​യാ​ലും വരാൻപോ​കുന്ന മെച്ചപ്പെട്ട കാര്യ​ങ്ങ​ളെ​ക്കു​റി​ച്ചു​ളള സുവാർത്ത അനുദി​നം അറിയി​ക്കു​ന്ന​തിന്‌ നമ്മുടെ ലഭ്യമായ സമയവും കഴിവു​ക​ളും ഉപയോ​ഗി​ക്കേ​ണ്ട​തല്ലേ?