വീക്ഷാ​ഗോ​പു​രം—തക്കസമ​യത്ത്‌ ആത്മീയ ഭക്ഷണം

¹ ഏതാണ്ട്‌ 114 വർഷമാ​യി വീക്ഷാ​ഗോ​പു​രം അതിന്റെ വായന​ക്കാ​രെ ആത്മീയ​മാ​യി ജാഗ്ര​ത​യു​ള​ള​വ​രാ​യി​രി​ക്കാൻ ഉദ്‌ബോ​ധി​പ്പി​ച്ചു​കൊ​ണ്ടി​രി​ക്കു​ന്നു. അതിന്റെ കൂട്ടു മാസി​ക​യായ ഉണരുക! നമ്മുടെ തലമു​റ​യിൽത്ത​ന്നെ​യു​ളള സമാധാ​ന​പൂർണ്ണ​വും സുരക്ഷി​ത​വു​മായ ഒരു പുതി​യ​ലോ​ക​ത്തെ​ക്കു​റി​ച്ചു​ളള സ്രഷ്ടാ​വി​ന്റെ വാഗ്‌ദാ​ന​ത്തിൽ ദൃഢവി​ശ്വാ​സം വളർത്തു​ന്നു. ഈ രണ്ടു പ്രസി​ദ്ധീ​ക​ര​ണ​ങ്ങ​ളും ഇരുളടഞ്ഞ ഒരു ലോക​ത്തി​ലൂ​ടെ നമ്മുടെ പാതയെ പ്രകാ​ശി​പ്പി​ക്കുന്ന വിശ്വസ്‌ത ഉപകര​ണ​ങ്ങ​ളാ​യി​രു​ന്നി​ട്ടുണ്ട്‌. (യെശ. 60:2) ദൈവ​വ​ച​ന​ത്തി​ന്റെ പരമാർത്ഥ​ത​യ്‌ക്ക്‌ ഒരിക്ക​ലും മാററ​മില്ല, എന്നാൽ നമുക്ക്‌ “തക്കസമ​യത്ത്‌ ആത്മീയ ഭക്ഷണം” നല്‌കാൻ യഹോവ ഇവയും മററ്‌ ഉപകര​ണ​ങ്ങ​ളും ഉപയോ​ഗി​ക്കു​മ്പോൾ അതെക്കു​റി​ച്ചു​ളള നമ്മുടെ ഗ്രാഹ്യം കൂടുതൽ വ്യക്തമാ​യി​ത്തീ​രു​ന്നു.—മത്താ. 24:45; സദൃ. 4:18.

² മാസി​കകൾ ഏററവും നന്നായി പ്രയോ​ജ​ന​പ്പെ​ടു​ത്തുക: വീക്ഷാ​ഗോ​പു​ര​വും ഉണരുക!യും വായി​ക്കാൻ ഉത്സാഹ​ഭ​രി​ത​മാ​യി ആളുകളെ പ്രോ​ത്സാ​ഹി​പ്പി​ച്ചു​കൊ​ണ്ടു നമുക്കു ലഭിച്ച ആത്മീയ പ്രബു​ദ്ധ​ത​യ്‌ക്കു നമ്മുടെ കൃതജ്ഞത പ്രകട​മാ​ക്കാൻ കഴിയും. വീക്ഷാ​ഗോ​പു​രം മാസി​ക​യ്‌ക്കു വരിക്കാ​രാ​കാൻ ആളുകളെ പ്രോ​ത്സാ​ഹി​പ്പി​ക്കു​ന്ന​തിന്‌ ഏപ്രിൽ, മെയ്‌ മാസങ്ങ​ളിൽ വീടു​വീ​ടാ​ന്ത​ര​മു​ളള ശുശ്രൂ​ഷ​യിൽ നാം ഒരു പ്രത്യേക ശ്രമം നടത്തു​ന്ന​താ​യി​രി​ക്കും. കൂടാതെ, മാസി​ക​ക​ളു​ടെ ഒററ​പ്രതി കോപ്പി​കൾ നമ്മളിൽനിന്ന്‌ ഏറെക്കു​റെ ക്രമമാ​യി ലഭിക്കു​ന്ന​വ​രും പ്രത്യ​ക്ഷ​ത്തിൽ അവയുടെ വായന ആസ്വദി​ക്കു​ന്ന​വ​രു​മായ അനേക​മാ​ളു​കളെ നമുക്ക്‌ അറിയാ​മാ​യി​രി​ക്കും. ഏപ്രിൽ, മെയ്‌ മാസങ്ങ​ളിൽ നമുക്ക്‌ ഈ വ്യക്തി​കളെ പുനഃ​സ​ന്ദർശി​ച്ചു വരിക്കാ​രാ​നാ​കാൻ പ്രോ​ത്സാ​ഹി​പ്പി​ക്കാൻ കഴിയും, അവർ വരിക്കാ​രാ​കു​ക​യാ​ണെ​ങ്കിൽ മാസിക തപാൽമാർഗം അവരുടെ വീടു​ക​ളിൽ ക്രമമാ​യി എങ്ങനെ എത്തു​മെന്നു കാണി​ച്ചു​കൊ​ണ്ടു തന്നെ.

³ നമ്മുടെ ദൂതിൽ താത്‌പ​ര്യം പ്രകടി​പ്പി​ക്കുന്ന വ്യക്തി​കളെ അവർ വരിക്കാ​രാ​യാ​ലും അല്ലെങ്കി​ലും പുനഃ​സ​ന്ദർശി​ക്കേണ്ട ആവശ്യ​മുണ്ട്‌. ആത്മാർത്ഥ​മായ താത്‌പ​ര്യം ഉണ്ടെങ്കിൽ നിങ്ങൾക്കെ​ങ്ങനെ അതു വിവേ​ചി​ച്ച​റി​യാൻ കഴിയും? നിങ്ങൾ ഒരു മാസി​ക​യി​ലെ​യോ, ഒരു ലഘു​ലേ​ഖ​യി​ലെ​യോ ഒരു ലഘുപ​ത്രി​ക​യി​ലെ​യോ ഒന്നോ രണ്ടോ ആശയങ്ങൾ വിശേ​ഷ​വൽക്ക​രി​ക്കു​മ്പോൾ വീട്ടു​കാ​രന്റെ പ്രതി​ക​രണം ശ്രദ്ധി​ക്കുക. അദ്ദേഹം ശ്രദ്ധാ​പൂർവ്വം കേൾക്കു​ന്നു​വോ? അദ്ദേഹം ബൈബി​ളി​നെ ആദരി​ക്കു​ക​യും ബൈബിൾ വാക്യ​ങ്ങ​ളു​ടെ വായന ശ്രദ്ധിച്ചു കേൾക്കു​ക​യും ചെയ്യു​ന്നു​വോ? അദ്ദേഹം വീക്ഷണ​ചോ​ദ്യ​ങ്ങ​ളോ​ടു പ്രതി​ക​രി​ക്കു​ന്നു​വോ? അങ്ങനെ ചെയ്യു​ന്നെ​ങ്കിൽ, നിങ്ങൾ ഒരാഴ്‌ച​ക്കു​ള​ളി​ലോ അതിലും പെട്ടെ​ന്നോ ഒരു മടക്കസ​ന്ദർശ​ന​ത്തി​നു​വേണ്ടി ക്രമീ​ക​രിച്ച്‌ ആ സമയത്ത്‌ ഒരു വിശദ​മായ ചർച്ച ആസ്വദി​ച്ചേ​ക്കാം. അങ്ങനെ ആ വീട്ടു​കാ​ര​നു​മാ​യി ഒരു ക്രമമായ ബൈബി​ള​ദ്ധ്യ​യനം ആരംഭി​ക്കാൻ കഴിയും.

⁴ സാദ്ധ്യ​മാ​കു​മ്പോ​ഴെ​ല്ലാം നിങ്ങ​ളോ​ടൊ​പ്പം മാസി​കകൾ കൊണ്ടു​ന​ട​ക്കുക. സഹജീ​വ​ന​ക്കാർക്കും ബിസി​നസ്‌ കൂട്ടാ​ളി​കൾക്കും സഹപാ​ഠി​കൾക്കും ബന്ധുക്കൾക്കും മാസി​ക​ക​ളും ഒരു വരിസം​ഖ്യ​പോ​ലും സമർപ്പി​ക്കാൻ ശ്രദ്ധാ​ലു​ക്ക​ളാ​യി​രി​ക്കുക. മാസി​കകൾ നിരന്ത​ര​മാ​യി തെരുവു സാക്ഷീ​ക​ര​ണ​ത്തി​ലോ യാത്ര​യ്‌ക്കി​ട​യി​ലോ സമർപ്പി​ക്കാൻ കഴി​ഞ്ഞേ​ക്കും.

⁵ പുതിയ മാസി​കകൾ സഭയിൽ കിട്ടി​ക്ക​ഴി​ഞ്ഞാൽ എത്രയും പെട്ടെന്ന്‌ അവ പ്രസാ​ധ​കർക്കു ലഭ്യമാ​ക്കണം. നിങ്ങൾക്ക്‌ ഒരു പുതിയ ലക്കം ലഭിക്കു​മ്പോൾ അതുമാ​യി പൂർണ്ണ​മാ​യി പരിച​യ​പ്പെ​ടുക. നിങ്ങളു​ടെ പ്രദേ​ശത്തെ ആളുകളെ ആഴത്തിൽ ബാധി​ക്കുന്ന വിഷയങ്ങൾ എന്തെല്ലാ​മാണ്‌? ലോക​സ​മാ​ധാ​ന​വും സുരക്ഷി​ത​ത്വ​വും? സമ്പദ്‌വ്യ​വസ്ഥ? നല്ല ഗവൺമെൻറ്‌? പരിസ്ഥി​തി? ശ്രദ്ധേ​യ​മാ​യി, വീക്ഷാ​ഗോ​പു​രം നിലനിൽക്കുന്ന ഏക പരിഹാ​ര​മാർഗ്ഗ​ത്തി​ലേക്ക്‌, ദൈവ​രാ​ജ്യ​ത്തി​ലേക്ക്‌ ആളുകളെ തിരി​ക്കു​ന്നു. (ദാനീ. 2:44; മത്താ. 6:10) അതു യഥാർത്ഥ​ത്തിൽ നമ്മുടെ “മഹാ ഉപദേ​ഷ്ടാ​വി”ൽനിന്നു​ളള ഒരു അമൂല്യ സമ്മാന​മാണ്‌.—യെശ. 30:20, NW.

⁶ വയൽസേ​വ​ന​ത്തി​നു കൂടുതൽ സമയം അർപ്പി​ക്കാൻ ഏപ്രിൽ മെയ്‌ മാസങ്ങൾ വിശിഷ്ട അവസരങ്ങൾ പ്രദാനം ചെയ്യുന്നു. മെയ്യിൽ അഞ്ചു പൂർണ്ണ വാരാ​ന്തങ്ങൾ ഉളളതി​നാൽ അനേകർ സഹായ​പ​യ​നി​യർമാ​രാ​യി പേർചാർത്തു​ന്ന​താ​യി​രി​ക്കും. ഈ രണ്ടു മാസങ്ങ​ളിൽ നമ്മുടെ വയൽസേ​വനം വർദ്ധി​പ്പി​ക്കു​ന്ന​തി​നും ഉത്സാഹ​ഭ​രി​ത​മാ​യി വരിസം​ഖ്യ​കൾ സമർപ്പി​ക്കു​ന്ന​തി​നും, അങ്ങനെ നാം കണ്ടുമു​ട്ടുന്ന ഓരോ​രു​ത്ത​രെ​യും വീക്ഷാ​ഗോ​പു​ര​വും ഉണരുക!യും വായി​ക്കാൻ പ്രോ​ത്സാ​ഹി​പ്പി​ക്കു​ന്ന​തി​നും നമു​ക്കെ​ല്ലാ​വർക്കും ഇപ്പോൾ വ്യക്തി​പ​ര​മായ ലാക്കുകൾ വെക്കാൻ കഴിയും.