വീക്ഷാ​ഗോ​പു​ര​വും ഉണരുക!യും നന്നായി ഉപയോ​ഗ​പ്പെ​ടു​ത്തൽ

¹ ആളുകൾക്ക്‌ ഇന്നു വായി​ക്കാൻ കഴിയുന്ന ഏററവും മൂല്യ​മു​ള​ള​തും പ്രയോ​ജ​ന​പ്ര​ദ​വു​മായ മാസി​ക​ക​ളാ​ണു വീക്ഷാ​ഗോ​പു​ര​വും ഉണരുക!യും. എന്തു​കൊണ്ട്‌? എന്തു​കൊ​ണ്ടെ​ന്നാൽ അവയിൽ അടങ്ങി​യി​രി​ക്കുന്ന ആത്മീയ സത്യങ്ങൾക്ക്‌ ആളുക​ളു​ടെ ജീവി​ത​ത്തിൽ നിലനിൽക്കുന്ന ഒരു നല്ല ഫലം ഉളവാ​ക്കാൻ കഴിയും. എന്നിരു​ന്നാ​ലും, അനേക​രും തങ്ങളുടെ ആത്മീയ ആവശ്യം സംബന്ധി​ച്ചു പൂർണ​മാ​യും ബോധ​വാൻമാ​രല്ല, അഥവാ അതിനെ തൃപ്‌തി​പ്പെ​ടു​ത്താൻ എവി​ടേക്കു നോക്ക​ണ​മെന്ന്‌ അവർക്ക്‌ അറിഞ്ഞു​കൂ​ടാ. ആളുക​ളു​ടെ കണ്ണുകൾ ആത്മീയ​മാ​യി തുറക്കാൻ സഹായി​ച്ചു​കൊണ്ട്‌ അപ്പോ​സ്‌ത​ല​നായ പൗലോ​സി​നെ അനുക​രി​ക്കു​ക​യെ​ന്നു​ള​ളതു നമ്മുടെ പദവി​യാണ്‌.—മത്താ. 5:3; പ്രവൃ​ത്തി​കൾ 26:18.

² ക്രിയാ​ത്മക മനോ​ഭാ​വം ഉളളവ​രാ​യി​രി​ക്കു​ക​യും നല്ലവണ്ണം തയ്യാറാ​കു​ക​യും ചെയ്യുക: സത്യ​ത്തോ​ടു പ്രതി​ക​രി​ച്ചേ​ക്കാ​വുന്ന ചെമ്മരി​യാ​ടു​തു​ല്യ​രായ ആളുകൾ നിങ്ങളു​ടെ പ്രദേ​ശത്ത്‌ ഉണ്ടായി​രി​ക്കാ​നി​ട​യുണ്ട്‌. ഈ മാസി​കകൾ വായി​ക്കാൻ ചിലർക്കു ദയാപു​ര​സ്സ​ര​മായ പ്രോ​ത്സാ​ഹനം ആവശ്യ​മാ​യി​രി​ക്കാം. അതു​കൊണ്ട്‌ നിങ്ങൾ വീക്ഷാ​ഗോ​പു​ര​വും ഉണരുക!യും സമർപ്പി​ക്കു​മ്പോൾ ക്രിയാ​ത്മക മനോ​ഭാ​വം ഉളളവ​രും വശീക​ര​ണ​പ്രാ​പ്‌തി​യു​ള​ള​വ​രും ആയിരി​ക്കുക. മാസി​ക​ക​ളു​ടെ ഒരു ശേഖരം കൈവശം വയ്‌ക്കുക, മററു പ്രസി​ദ്ധീ​ക​ര​ണങ്ങൾ വിശേ​ഷ​വ​ത്‌ക​രി​ക്കു​മ്പോൾപ്പോ​ലും അവ വിതരണം ചെയ്യു​ന്ന​തിന്‌ എല്ലാ അവസര​വും പ്രയോ​ജ​ന​പ്പെ​ടു​ത്തു​ക​യും ചെയ്യുക.

³ മാസി​കകൾ വിതരണം ചെയ്യു​ന്ന​തിൽ എന്ത്‌ നമ്മെ കൂടുതൽ ഫലപ്ര​ദ​രാ​ക്കി​യേ​ക്കാം? ആദ്യം, നാംതന്നെ അവയുടെ മൂല്യം യഥാർഥ​ത്തിൽ വിലമ​തി​ക്കണം. സമർപ്പി​ക്കുന്ന മാസി​ക​ക​ളി​ലെ ലേഖന​ങ്ങ​ളു​മാ​യി നാം പരിചി​ത​രാ​യി​രി​ക്കണം, ഇതു നമ്മുടെ ആത്മവി​ശ്വാ​സ​ത്തെ​യും അവ അവതരി​പ്പി​ക്കാ​നു​ളള ആകാം​ക്ഷ​യെ​യും വർധി​പ്പി​ക്കും. നിങ്ങൾ അവ ആദ്യം വായി​ക്കു​മ്പോൾ ഈ ആശയം മനസ്സിൽ പിടി​ക്കുക. ശുശ്രൂ​ഷ​യിൽ പ്രദീ​പ്‌ത​മാ​ക്കാൻ ആശയങ്ങൾ തിര​ഞ്ഞെ​ടു​ക്കു​ന്നതു സംബന്ധി​ച്ചു ജാഗ്രത പുലർത്തുക. നിങ്ങ​ളോ​ടു​തന്നെ ഇപ്രകാ​രം ചോദി​ക്കുക: ‘ഈ ലേഖനം വിശേ​ഷിച്ച്‌ ആർക്ക്‌ ഇഷ്ടപ്പെ​ടും? ഒരു വീട്ടമ്മ​യോ, ഒരു ചെറു​പ്പ​ക്കാ​ര​നോ, ഒരുപക്ഷേ ഒരു ബിസ്സി​ന​സു​കാ​ര​നോ ഇതു വിലമ​തി​ക്കു​മോ? ഈ വിഷയം ഒരു വിദ്യാർഥിക്ക്‌, ഒരു വിവാ​ഹിത വ്യക്തിക്ക്‌, പരിസ്ഥി​തി​യെ​ക്കു​റിച്ച്‌ ഉത്‌ക്ക​ണ്‌ഠ​യു​ളള ഒരാൾക്ക്‌ ആകാംക്ഷ ജനിപ്പി​ക്കു​ന്ന​താ​യി​രി​ക്കു​മോ?’ വാസ്‌ത​വ​ത്തിൽ ഫലപ്ര​ദ​രാ​യി​രി​ക്കു​ന്ന​തിന്‌, ആ മാസി​ക​ക​ളി​ലെ സമയോ​ചിത ലേഖന​ങ്ങ​ളെ​ക്കു​റി​ച്ചു​ളള നമ്മുടെ വ്യക്തി​പ​ര​മായ അറിവി​ലും ആസ്വാ​ദ​ന​ത്തി​ലും അടിസ്ഥാ​ന​പ്പെ​ടു​ത്തി അവ ശുപാർശ ചെയ്യാൻ നാം പ്രാപ്‌ത​രാ​യി​രി​ക്കണം.

⁴ പഴയ ലക്കങ്ങൾ നന്നായി ഉപയോ​ഗ​പ്പെ​ടു​ത്തുക: വീക്ഷാ​ഗോ​പു​ര​വും ഉണരുക!യും അവ പ്രസി​ദ്ധ​പ്പെ​ടു​ത്തുന്ന തീയതിക്ക്‌ ഒന്നോ രണ്ടോ മാസത്തി​നു​ള​ളിൽ സമർപ്പി​ച്ചി​ല്ലെ​ങ്കിൽപ്പോ​ലും അവയുടെ മൂല്യം നഷ്ടമാ​കു​ന്നില്ല എന്ന്‌ ഓർമി​ക്കുക. കാലം കടന്നു​പോ​കു​ന്ന​തോ​ടെ അവയിൽ അടങ്ങി​യി​രി​ക്കുന്ന വിവരങ്ങൾ പ്രാധാ​ന്യം കുറഞ്ഞ​വ​യാ​യി​ത്തീ​രു​ന്നില്ല, പഴയ ലക്കങ്ങൾ നല്ല അവസ്ഥയി​ലാ​ണെ​ങ്കിൽ അവ സമർപ്പി​ക്കാൻ നാം വിമുഖത കാണി​ക്ക​രുത്‌. പഴയ മാസി​കകൾ കുമി​ഞ്ഞു​കൂ​ടാൻ അനുവ​ദി​ക്കു​ന്ന​തും അവ ഒരിക്ക​ലും ഉപയോ​ഗി​ക്കാ​തി​രി​ക്കു​ന്ന​തും ഈ മൂല്യ​വ​ത്തായ ഉപകര​ണ​ങ്ങ​ളോ​ടു​ളള വിലമ​തി​പ്പി​ല്ലാ​യ്‌മയെ കാണി​ക്കു​ന്നു. ഓരോ മാസി​ക​യി​ലും ആത്മീയ വിശപ്പി​നെ ഉണർത്താ​നും തൃപ്‌തി​പ്പെ​ടു​ത്താ​നും ശക്തിയു​ളള സത്യങ്ങൾ അടങ്ങി​യി​രി​ക്കു​ന്നു. പഴയ ലക്കങ്ങൾ മാററി​വെ​ക്കു​ക​യും മറന്നു​ക​ള​യു​ക​യും ചെയ്യു​ന്ന​തി​നു​പ​കരം അവ താത്‌പ​ര്യ​ക്കാ​രു​ടെ കൈക​ളിൽ എത്തിക്കാൻ ഒരു ശ്രമം നടത്തു​ന്ന​തോ ചുരു​ങ്ങി​യ​പക്ഷം ആളുകൾ വീട്ടിൽ ഇല്ലാത്ത​പ്പോൾ പെട്ടെന്നു കാണാൻ കഴിയാത്ത ഒരു സ്ഥലത്ത്‌ അവ വയ്‌ക്കു​ന്ന​തോ ഏറെ മെച്ചമാ​യി​രി​ക്കി​ല്ലേ?

⁵ തുടക്ക​ത്തിൽ ആത്മീയ ചായ്‌വി​ല്ലാ​തി​രുന്ന അനേകരെ തങ്ങളുടെ ആത്മീയാ​വ​ശ്യം സംബന്ധി​ച്ചു ബോധ​മു​ള​ള​വ​രാ​യി​ത്തീ​രാൻ ഉണരുക! മാസിക സഹായി​ച്ചി​ട്ടുണ്ട്‌. യഹോ​വ​യു​ടെ ജനത്തിന്റെ ആത്മീയ പോഷി​പ്പി​ക്കൽ പരിപാ​ടി​യിൽ വീക്ഷാ​ഗോ​പു​രം ഒരു മുഖ്യ ഉപകര​ണ​മാണ്‌. ഈ മാസി​കകൾ പരസ്‌പ​ര​പൂ​ര​ക​മാ​യി നന്നായി വർത്തി​ക്കു​ക​യും സുവാർത്ത പ്രസം​ഗി​ക്കു​ന്ന​തിൽ ഒരു മുഖ്യ​പങ്കു വഹിക്കു​ക​യും ചെയ്യുന്നു.

⁶ മാസി​കകൾ സമർപ്പി​ക്കാ​നു​ളള എല്ലാ അവസര​വും നാം പ്രയോ​ജ​ന​പ്പെ​ടു​ത്തു​മ്പോൾ ചെമ്മരി​യാ​ടു​തു​ല്യ​രാ​യ​വ​രു​ടെ ആത്മീയ ആവശ്യങ്ങൾ നിറ​വേ​റ​റു​ന്ന​തി​ലു​ളള അവയുടെ ഫലപ്ര​ദ​ത്വ​ത്തിൽ നമുക്കു പൂർണ ആത്മവി​ശ്വാ​സം ഉളളവ​രാ​യി​രി​ക്കാൻ കഴിയും. ഒരു ക്രിയാ​ത്മക മനോ​ഭാ​വം നിലനിർത്താ​നും നന്നായി തയ്യാറാ​കാ​നും ശുശ്രൂ​ഷ​യിൽ ക്രമമു​ള​ള​വ​രാ​യി​രി​ക്കാ​നും നാം ആഗ്രഹി​ക്കു​ന്നു. സുവാർത്ത​യു​ടെ പ്രസാ​ധകർ എന്നനി​ല​യിൽ നമു​ക്കെ​ല്ലാ​വർക്കും വീക്ഷാ​ഗോ​പു​ര​വും ഉണരുക!യും ക്രമമാ​യി നല്ലവി​ധ​ത്തിൽ ഉപയോ​ഗ​പ്പെ​ടു​ത്താം.