അതു ചെയ്യാൻ നിങ്ങൾക്കു കഴിയു​മോ?

¹ ‘എന്തു ചെയ്യാൻ?’ എന്നു നിങ്ങൾ ചോദി​ച്ചേ​ക്കാം. സദൃശ​വാ​ക്യ​ങ്ങൾ 3:27 ഉത്തരം നൽകുന്നു: “നൻമ ചെയ്‌വാൻ നിനക്കു പ്രാപ്‌തി​യു​ള​ള​പ്പോൾ അതിന്നു യോഗ്യൻമാ​രാ​യി​രി​ക്കു​ന്ന​വർക്കു ചെയ്യാ​തി​രി​ക്ക​രു​തു.” നിങ്ങളു​ടെ പ്രവർത്ത​നങ്ങൾ വ്യാപി​പ്പിച്ച്‌, സഹായ​പ​യ​നി​യർ സേവന​ത്തി​ലോ നിരന്ത​ര​പ​യ​നി​യർ സേവന​ത്തി​ലോ പങ്കുപ​റ​റു​ന്ന​തി​നു നിങ്ങൾക്കു “പ്രാപ്‌തി”യുണ്ടോ? അതു ചെയ്യാൻ നിങ്ങൾക്കു കഴിയു​മോ?

² ഇൻഡ്യ​യിൽ ശരാശരി 1,501 പ്രത്യേക, നിരന്തര, സഹായ പയനി​യർമാർ ഉണ്ടായി​രു​ന്നു എന്നു 1993-ലെ ഇയർ ബുക്കൽ വായി​ക്കാൻ കഴിഞ്ഞത്‌ എത്ര പ്രോ​ത്സാ​ഹ​ജ​ന​ക​മാ​യി​രു​ന്നു, അത്‌ 8 പ്രസാ​ധ​കർക്ക്‌ 1 പയനിയർ എന്ന അനുപാ​ത​ത്തി​ലാണ്‌. കഴിഞ്ഞ​വർഷം 100-ലേറെ​പ്പേർ നിരന്ത​ര​പ​യ​നി​യർ സേവന​ത്തിൽ പ്രവേ​ശി​ച്ചു. ഇത്‌ ഓരോ മൂന്നു ദിവസ​വും ഏതാണ്ട്‌ ഒരു പ്രസാ​ധകൻ തന്റെ സാഹച​ര്യ​ങ്ങൾ പരി​ശോ​ധി​ക്കു​ക​യും ശുശ്രൂ​ഷ​യിൽ തനിക്കു കൂടുതൽ ചെയ്യാൻ കഴിയു​മെന്നു കണ്ടെത്തു​ക​യും ചെയ്‌ത​തി​നു തുല്യ​മാണ്‌.

³ മററു​ള​ള​വർക്കു നൻമ ചെയ്യാൻ കഴിയുന്ന ഒരു മേഖല​യാ​ണു സഹായ​പ​യ​നി​യ​റിംഗ്‌. കഴിഞ്ഞ വർഷം 1,198 സഹായ​പ​യ​നി​യർമാ​രു​ടെ ഒരു അത്യുച്ചം ഉണ്ടായി​രു​ന്നു. അതു വളരെ നല്ലതാണ്‌. മിക്കവാ​റും, വർഷത്തി​ലു​ട​നീ​ളം കൂടെ​ക്കൂ​ടെ സഹായ​പ​യ​നി​യ​റിംഗ്‌ നടത്താ​നു​ളള മാർഗങ്ങൾ പല പ്രസാ​ധ​ക​രും അന്വേ​ഷി​ച്ചു​കൊ​ണ്ടാ​ണി​രി​ക്കു​ന്നത്‌.

⁴ നിങ്ങൾക്ക്‌ “അതു ചെയ്യാൻ” കഴിയു​മോ ഇല്ലയോ എന്നു തീരു​മാ​നി​ക്കു​ന്ന​തിന്‌, ആദ്യമാ​യി നിങ്ങളു​ടെ ഹൃദയ​പൂർവ​ക​മായ ആഗ്രഹം പരി​ശോ​ധി​ക്കേ​ണ്ട​തുണ്ട്‌. (മത്താ. 22:37-39) പ്രവൃ​ത്തി​കൾ 20:35 [NW] ഇപ്രകാ​രം പറയുന്നു: “സ്വീക​രി​ക്കു​ന്ന​തി​ലു​ള​ള​തി​നെ​ക്കാൾ അധികം സന്തുഷ്ടി കൊടു​ക്കു​ന്ന​തി​ലുണ്ട്‌.” നിസ്സം​ശ​യ​മാ​യും, ഹൃദയ​ത്തിൽനിന്ന്‌ ഉദാര​മാ​യി ആത്മീയ സഹായം കൊടു​ക്കു​ന്ന​വർക്കു ശരിയായ ആഗ്രഹ​മുണ്ട്‌. വിജയ​പ്ര​ദ​നായ ഒരു പ്രസാ​ധ​ക​നോ പയനി​യ​റോ ആയിരി​ക്കു​ന്ന​തിന്‌ ആ ആഗ്രഹം അത്യന്താ​പേ​ക്ഷി​ത​മാണ്‌.

⁵ രണ്ടാമ​താ​യി, നിങ്ങളു​ടെ ഇപ്പോ​ഴത്തെ സാഹച​ര്യ​ങ്ങൾ പരിചി​ന്തി​ക്കുക. മുഴു​സ​മയം സേവി​ക്കു​ന്ന​തി​നു നിങ്ങൾക്കു നിങ്ങളു​ടെ അനുദിന കാര്യാ​ദി​ക​ളിൽ പൊരു​ത്ത​പ്പെ​ടു​ത്ത​ലു​കൾ വരുത്താൻ കഴിയു​മോ? എല്ലാവർക്കും അതിനു കഴിയു​ക​യില്ല. എന്നാൽ പ്രാർഥ​നാ​പൂർവ​ക​മായ ആത്മപരി​ശോ​ധ​ന​ക്കു​ശേഷം ഓരോ വർഷവും ആയിര​ക്ക​ണ​ക്കി​നാ​ളു​കൾ “അതു ചെയ്യാനു”ളള ഒരു മാർഗം കണ്ടെത്തു​ന്നുണ്ട്‌. (കൊലൊ. 4:5; w77 പേജ്‌ 701) ദൃഷ്ടാ​ന്ത​ത്തിന്‌, ചില കുടും​ബങ്ങൾ, കുടും​ബ​ത്തി​ലെ മുഴു അംഗങ്ങ​ളോ കുറെ​പ്പേ​രോ സഹായ​പ​യ​നി​യ​റിംഗ്‌ നടത്തു​ന്ന​തി​നു ചില പ്രത്യേക മാസങ്ങൾ തിര​ഞ്ഞെ​ടു​ക്കു​ന്നു, അല്ലെങ്കിൽ കുടും​ബ​ത്തി​ലെ മുഴുവൻ അംഗങ്ങ​ളും സഹായ​പ​യ​നി​യ​റിംഗ്‌ നടത്തുന്നു. മററു​ചില കുടും​ബങ്ങൾ തങ്ങളിൽ ഒരംഗ​ത്തിന്‌ ഒരു നിരന്തര പയനി​യ​റാ​യി​രി​ക്കു​ന്ന​തി​നു​ളള എല്ലാ സഹായ​വും നൽകുന്നു. ഈ സാധ്യ​ത​കൾക്കു നിങ്ങളു​ടെ കുടും​ബം പരിഗണന നൽകി​യി​ട്ടു​ണ്ടോ?—സദൃശ​വാ​ക്യ​ങ്ങൾ 11:25 കാണുക.

⁶ നിങ്ങൾ ഒരു പ്രസാ​ധ​ക​നാ​യി പ്രവർത്തി​ച്ചാ​ലും ഒരു പയനി​യ​റാ​യി പ്രവർത്തി​ച്ചാ​ലും സത്യം അറിയാൻ മററു​ള​ള​വരെ സഹായി​ക്കു​ന്ന​താ​ണു യഥാർഥ സംതൃ​പ്‌തി കൈവ​രു​ത്തു​ന്നത്‌. മററു​ള​ള​വർക്കു നൻമ ചെയ്യു​ന്ന​തിൽനി​ന്നാ​ണു യഥാർഥ സന്തോഷം വരുന്ന​തെന്നു നമുക്ക​റി​യാം, വിശേ​ഷിച്ച്‌ ‘നമുക്കു പ്രാപ്‌തി​യു​ണ്ടെ​ങ്കിൽ.’