വീക്ഷാ​ഗോ​പു​ര​വും ഉണരുക!യും—സത്യത്തി​ന്റെ പത്രി​ക​കൾ

¹ 1994 ജനുവരി 1-ലെ വീക്ഷാ​ഗോ​പു​ര​ത്തിൽ “വീക്ഷാ​ഗോ​പു​ര​വും ഉണരുക!യും—സത്യത്തി​ന്റെ സമയോ​ചി​ത​മായ പത്രി​കകൾ” എന്ന ലേഖന​ത്തി​ന്റെ 11-ാം ഖണ്ഡിക​യിൽ, “ശരിക്കും ആളുക​ളു​ടെ പ്രശ്‌നങ്ങൾ കൈകാ​ര്യം ചെയ്‌തി​ട്ടു​ളള, ആളുക​ളു​ടെ ജീവി​തത്തെ സ്‌പർശി​ച്ചി​ട്ടു​ളള സമയോ​ചി​ത​മായ ലേഖനങ്ങ”ളാണു നമ്മുടെ മാസി​കകൾ പ്രസി​ദ്ധീ​ക​രി​ക്കു​ന്ന​തെന്നു നമ്മെ ഓർമി​പ്പി​ച്ചു. ഈ പത്രി​ക​കൾക്കു വ്യാപ​ക​മായ പ്രചാരം നൽകാൻ നാം ആഗ്രഹി​ക്കു​ന്നു. ഏപ്രിൽ, മേയ്‌ മാസങ്ങ​ളിൽ വിശേ​ഷ​വ​ത്‌ക​രി​ക്ക​പ്പെ​ടുന്ന സമർപ്പണം വീക്ഷാ​ഗോ​പു​ര​ത്തി​ന്റെ​യോ ഉണരുക!യുടെ​യോ അല്ലെങ്കിൽ രണ്ടി​ന്റെ​യു​മോ വരിസം​ഖ്യ ആയിരി​ക്കും.

² ഈ മാസി​ക​ക​ളു​ടെ വരിസം​ഖ്യ​ക​ളോ അവയുടെ ഒററ​പ്ര​തി​ക​ളോ സമർപ്പി​ക്കാ​നു​ളള ഏററവും നല്ല അവസരം വീടു​തോ​റു​മു​ളള പ്രവർത്തനം നമുക്കു പ്രദാനം ചെയ്യുന്നു. ഫലപ്ര​ദ​മായ അനൗപ​ചാ​രിക സാക്ഷീ​ക​ര​ണ​ത്തി​ന്റെ​യും മടക്കസ​ന്ദർശ​ന​ങ്ങ​ളു​ടെ​യും ഫലമായി ക്രമമായ സമർപ്പ​ണങ്ങൾ കിട്ടുന്നു. അതു​പോ​ലെ​തന്നെ, തെരു​വു​സാ​ക്ഷീ​ക​ര​ണ​ത്തിൽ ഏർപ്പെ​ടു​ന്ന​തും നമ്മുടെ പ്രദേ​ശ​ത്തു​ളള ബിസ്സി​നസ്‌ സ്ഥാപനങ്ങൾ സന്ദർശി​ക്കു​ന്ന​തും മാസി​ക​ക​ളു​ടെ പ്രചാരം വർധി​പ്പി​ക്കാ​നു​ളള നല്ല മാർഗ​ങ്ങ​ളാണ്‌.

³ ചർച്ച ചെയ്യാ​നു​ളള വിഷയങ്ങൾ: വീക്ഷാ​ഗോ​പു​ര​ത്തി​ന്റെ അർധമാ​സ​പ​തി​പ്പു​ക​ളു​ടെ ഏപ്രിൽ 1-ലെ ലക്കം, “ഒരു മെച്ചപ്പെട്ട ലോകം—വെറു​മൊ​രു സ്വപ്‌ന​മോ?,” “ഒരു മെച്ചപ്പെട്ട ലോകം—സമീപം!” എന്നീ വിഷയങ്ങൾ കൈകാ​ര്യം ചെയ്യുന്നു. ഇതു തീർച്ച​യാ​യും ദൈവ​ത്തി​ന്റെ രാജ്യത്തെ പ്രസി​ദ്ധ​മാ​ക്കാ​നു​ളള മാസി​ക​യു​ടെ ഉദ്ദേശ്യ​ത്തി​നു ചേർച്ച​യി​ലാണ്‌. ക്രിസ്‌തു​യേ​ശു​വി​ന്റെ ഭരണത്തിൻ കീഴിൽ നിത്യ പറുദീസ എപ്രകാ​രം ഒരു യാഥാർഥ്യ​മാ​യി​ത്തീ​രും എന്നു പ്രകട​മാ​ക്കി​ക്കൊ​ണ്ടാ​ണു രണ്ടാമത്തെ ലേഖനം അവസാ​നി​ക്കു​ന്നത്‌.—ലൂക്കൊസ്‌ 23:43.

⁴ അർധമാ​സ​പ​തി​പ്പു​ക​ളു​ടെ ഏപ്രിൽ 15-ലെ ലക്കത്തിൽ ചർച്ച ചെയ്‌തി​രി​ക്കുന്ന ചോദ്യം “ആശ്രയ​യോ​ഗ്യ​മായ മാർഗ​നിർദേശം നിങ്ങൾക്ക്‌ എവിടെ കണ്ടെത്താം?” എന്നതാണ്‌. മേയ്‌മാസ ലക്കങ്ങൾ, “മതം നിങ്ങളു​ടെ ആവശ്യ​ങ്ങളെ തൃപ്‌തി​പ്പെ​ടു​ത്തു​ന്നു​ണ്ടോ?,” “ബൈബിൾ വായി​ക്കേ​ണ്ടത്‌ എന്തു​കൊണ്ട്‌?” എന്നീ ലേഖനങ്ങൾ ഈ വിഷയ​ത്തെ​ക്കു​റി​ച്ചു കൂടു​ത​ലാ​യി പരിചി​ന്തി​ക്കും. തങ്ങളുടെ ജീവി​ത​ത്തി​നു യാതൊ​രു അർഥവും ഉദ്ദേശ്യ​വു​മില്ല എന്നു വിചാ​രി​ക്കുന്ന ആളുക​ളു​മാ​യി എളുപ്പ​ത്തിൽ സംഭാ​ഷണം തുടങ്ങാൻ നാം പ്രാപ്‌ത​രാ​യി​രി​ക്കണം.

⁵ കൂടി​വ​രുന്ന സമർപ്പ​ണങ്ങൾ: നമ്മുടെ സമർപ്പ​ണങ്ങൾ വർധി​പ്പി​ക്കാൻ ജനുവരി 1-ലെ വീക്ഷാ​ഗോ​പു​രം നാലു നിർദേ​ശങ്ങൾ പ്രദാനം ചെയ്‌തു. (1) മാസി​കാ​ബോ​ധ​മു​ള​ള​വ​രാ​യി​രി​ക്കാൻ നാം പ്രോ​ത്സാ​ഹി​പ്പി​ക്ക​പ്പെട്ടു. നാം അവ വായി​ക്കു​മ്പോൾ ഇങ്ങനെ ചിന്തി​ക്കണം, നമ്മുടെ പ്രദേ​ശത്തെ ആളുകൾക്ക്‌ ഏററവും ആകർഷ​ക​മാ​യി​രി​ക്കുന്ന ലേഖനങ്ങൾ ഏവയാണ്‌? കൂടാതെ, നാം പതിവാ​യി മാസി​ക​യു​ടെ കോപ്പി​കൾ നമ്മോ​ടൊ​പ്പം കൊണ്ടു​ന​ട​ക്കു​ന്നെ​ങ്കിൽ സഹപ്ര​വർത്ത​കർക്ക്‌, അയൽക്കാർക്ക്‌, അധ്യാ​പ​കർക്ക്‌, സഹപാ​ഠി​കൾക്ക്‌, അല്ലെങ്കിൽ കടയു​ട​മ​കൾക്ക്‌ അവ സമർപ്പി​ക്കാൻ സാധി​ക്കും.

⁶ (2) നമ്മുടെ അവതര​ണങ്ങൾ ലളിത​മാ​യി​രി​ക്ക​ണ​മെന്നു നാം ഓർമി​പ്പി​ക്ക​പ്പെട്ടു. താത്‌പ​ര്യ​മു​ണർത്തുന്ന ഒരു വിഷയം തിര​ഞ്ഞെ​ടുത്ത്‌ ചുരു​ങ്ങിയ വാക്കു​ക​ളിൽ പറയുക. വീട്ടു​കാ​രനു മാസിക കൊടു​ക്കാൻ നിങ്ങൾക്കു കഴിഞ്ഞാൽ, വീട്ടു​കാ​ര​നോട്‌ അല്ലെങ്കിൽ ആ വീട്ടി​ലു​ളള മററു​ള​ള​വ​രോട്‌ ആ മാസിക “സംസാ​രി​ച്ചു​കൊ​ള​ളും.”

⁷ (3) വഴക്കമു​ള​ള​വ​രാ​യി​രി​ക്കുക എന്നതാണ്‌ മറെറാ​രാ​വ​ശ്യം. ചർച്ച ചെയ്യു​ന്ന​തി​നു വേണ്ടി പലതര​ത്തി​ലു​ളള ലേഖനങ്ങൾ മനസ്സിൽ കരുതി​വ​യ്‌ക്കു​ന്നത്‌ നല്ലതാണ്‌—ഒരെണ്ണം യുവാ​ക്കൾക്ക്‌, മറെറാ​ന്നു പുരു​ഷൻമാർക്ക്‌, ഇനിയും വേറൊ​ന്നു സ്‌ത്രീ​കൾക്ക്‌.

⁸ അവസാ​ന​മാ​യി, (4) സമർപ്പ​ണങ്ങൾ നടത്തു​ന്ന​തി​നു നാം വ്യക്തി​പ​ര​മായ ലാക്കു വെക്കേ​ണ്ട​തുണ്ട്‌. ഒരു നിശ്ചിത ക്വോട്ട വെക്കാൻ സഭയ്‌ക്കു കഴിയില്ല, എന്നാൽ നമുക്കു വ്യക്തി​ഗ​ത​മായ ലാക്കു വെക്കാ​നാ​കും. മാസി​ക​ക​ളു​ടെ വരിസം​ഖ്യ​യോ ഒററ​പ്ര​തി​ക​ളോ സമർപ്പി​ക്കു​ന്ന​തിൽ ഉത്സാഹ​മു​ള​ള​വ​രാ​യി​രി​ക്കാൻ ഇതു നമുക്കു കൂടുതൽ പ്രചോ​ദനം നൽകി​യേ​ക്കാം.

⁹ മററു​ള​ളവർ ദൈവ​രാ​ജ്യ​ത്തെ​ക്കു​റിച്ച്‌ അറിയാൻ നാമാ​ഗ്ര​ഹി​ക്കു​ന്നു. രാജ്യ​സ​ന്ദേശം വ്യാപി​പ്പി​ക്കു​ന്ന​തിൽ മാസി​കകൾ നൽകുന്ന നല്ല സഹായത്തെ നമുക്കു പൂർണ​മാ​യി പ്രയോ​ജ​ന​പ്പെ​ടു​ത്താം.—മത്താ. 10:7.