ഞാൻ മാററം വരുത്തി​ക്കൊ​ണ്ടി​രി​ക്കേ​ണ്ട​തു​ണ്ടോ?

സാക്ഷ്യം നൽകു​മ്പോൾ നമുക്ക്‌ ഉപയോ​ഗി​ക്കാൻ കഴിയുന്ന വൈവി​ധ്യ​മാർന്ന തിരു​വെ​ഴുത്ത്‌ അവതര​ണങ്ങൾ നമ്മുടെ രാജ്യ ശുശ്രൂ​ഷ​യു​ടെ ഓരോ ലക്കവും പ്രദാനം ചെയ്യുന്നു. വളരെ പ്രവർത്ത​ന​സ​ജ്ജ​രായ അനേകം പ്രസാ​ധ​ക​രും പുതിയ ആശയങ്ങൾ കിട്ടാ​നും വ്യത്യസ്‌ത സമീപ​നങ്ങൾ ഉപയോ​ഗി​ക്കാ​നും ഉത്സാഹ​മു​ള​ള​വ​രാണ്‌. ഓരോ മാസവും ധാരാളം നിർദേ​ശങ്ങൾ പ്രദാനം ചെയ്‌തു​കൊണ്ട്‌ നമ്മുടെ രാജ്യ ശുശ്രൂഷ അവരുടെ ആവശ്യത്തെ നിവർത്തി​ക്കു​ന്നു.

എന്നിരു​ന്നാ​ലും, നിങ്ങൾ ഉപയോ​ഗി​ക്കു​ന്ന​തി​നു മാററം വരുത്തേണ്ട ഒരാവ​ശ്യം നിങ്ങൾക്കു തോന്നാ​തി​രു​ന്നേ​ക്കാം. വീടു​തോ​റു​മു​ളള വേലയിൽ പങ്കുപ​റ​റാൻ ഓരോ മാസവും ഒരുപക്ഷേ ഏതാനും മണിക്കൂ​റു​കൾ മാത്രമേ നിങ്ങൾക്കു​ണ്ടാ​യി​രി​ക്കു​ക​യു​ളളൂ. കുറെ​ക്കാ​ലം​കൊ​ണ്ടു തരക്കേ​ടി​ല്ലാ​ത്ത​തെന്നു നിങ്ങൾക്കു തോന്നുന്ന ചില അവതര​ണ​രീ​തി​കൾ നിങ്ങൾ വികസി​പ്പി​ച്ചെ​ടു​ത്തി​ട്ടു​ണ്ടാ​യി​രി​ക്കാം. അവ ഉപയോ​ഗി​ക്കു​ന്ന​തിൽ നിങ്ങൾക്കു നല്ല ഫലങ്ങളും ഒരുപക്ഷേ കിട്ടു​ന്നു​ണ്ടാ​യി​രി​ക്കാം. സങ്കീർത്തനം 37:9-11, 2 പത്രൊസ്‌ 3:13, വെളി​പ്പാ​ടു 21:4 തുടങ്ങി കൂടെ​ക്കൂ​ടെ ഉപയോ​ഗി​ക്കുന്ന ചില തിരു​വെ​ഴു​ത്തു​ക​ളിൽ നിങ്ങൾ ആശ്രയി​ച്ചേ​ക്കാം. അങ്ങനെ​യെ​ങ്കിൽ വളരെ ആവർത്തി​ച്ചാ​വർത്തി​ച്ചു മറെറ​ന്തെ​ങ്കി​ലും മാററി ഉപയോ​ഗി​ക്കേ​ണ്ട​തി​ന്റെ കടപ്പാടു നിങ്ങൾക്കു തോ​ന്നേ​ണ്ട​തില്ല. നമ്മുടെ പ്രാഥ​മിക ഉദ്ദേശ്യം മററു​ള​ള​വ​രു​മാ​യി രാജ്യ​സ​ന്ദേശം പങ്കുവ​യ്‌ക്കു​ക​യും യഹോ​വ​യു​ടെ അനു​ഗ്ര​ഹ​ത്തി​നു യോഗ്യ​രാ​കു​ന്ന​തിന്‌ എന്തു ചെയ്യണ​മെന്നു മനസ്സി​ലാ​ക്കാൻ അവരെ സഹായി​ക്കു​ക​യു​മാണ്‌. ന്യായ​വാ​ദം പുസ്‌ത​ക​ത്തിൽനിന്ന്‌ ഉപയോ​ഗി​ക്കാൻ ഇഷ്ടപ്പെ​ടുന്ന കാലോ​ചി​ത​വും ആകർഷ​ക​വു​മായ അവതര​ണങ്ങൾ നിങ്ങൾ കണ്ടെത്തു​ക​യും നല്ല പ്രതി​ക​രണം ലഭിക്കു​ക​യു​മാ​ണെ​ങ്കിൽ അവ ഉപയോ​ഗി​ക്കാൻ മടി വിചാ​രി​ക്ക​രുത്‌.