സത്യത്തി​നു സാക്ഷ്യം​വ​ഹി​ക്കുന്ന മാസി​കകൾ സമർപ്പി​ക്കു​ക

1. വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും ധർമ​മെന്ത്‌?

¹ യഹോ​വ​യു​ടെ രാജ്യത്തെ പ്രസി​ദ്ധ​മാ​ക്കുന്ന വീക്ഷാ​ഗോ​പു​ര​വും കൂട്ടു​മാ​സി​ക​യായ ഉണരുക!യും ഇപ്പോ​ഴും പ്രസംഗ-ശിഷ്യ​രാ​ക്കൽവേ​ല​യു​ടെ പ്രമുഖ സവി​ശേ​ഷ​ത​യാണ്‌. (മത്താ. 24:14; 28:19, 20) രാജ്യ​സേ​വ​ന​ത്തി​ന്റെ വിവിധ വശങ്ങളിൽ പങ്കുപ​റ്റവേ, കാലോ​ചി​ത​മായ ഈ രണ്ടു മാസി​ക​ക​ളും ക്രമമാ​യി ആളുകൾക്കു നൽകു​ന്ന​തിൽ നാം സന്തോ​ഷ​മു​ള്ള​വ​രാണ്‌.

2. വീക്ഷാ​ഗോ​പു​ര​വും ഉണരുക!യും എന്തു മാറ്റങ്ങൾക്കു വിധേ​യ​മാ​യി​രി​ക്കു​ന്നു, എന്തു​കൊണ്ട്‌?

² വർഷങ്ങ​ളി​ലു​ട​നീ​ളം ഈ മാസി​കകൾ, വലുപ്പ​ത്തി​ലും ഉള്ളടക്ക​ത്തി​ലും വിതരണം ചെയ്യ​പ്പെ​ടുന്ന വിധത്തി​ലും മാറ്റങ്ങൾക്കു വിധേ​യ​മാ​യി​ട്ടുണ്ട്‌. മാസി​കകൾ കൂടുതൽ ഫലപ്ര​ദ​വും ആകർഷ​ക​വു​മാ​ക്കാൻ ഉദ്ദേശി​ച്ചു​ള്ള​താ​യി​രു​ന്നു ആ മാറ്റങ്ങൾ—“രക്ഷപ്രാ​പി​പ്പാ​നും സത്യത്തി​ന്റെ പരിജ്ഞാ​ന​ത്തിൽ എത്തുവാ​നും” തക്കവണ്ണം രാജ്യ​ദൂത്‌ സകലതരം മനുഷ്യ​രു​ടെ​യും ഹൃദയ​ത്തിൽ എത്തേണ്ട​തി​നു​തന്നെ.—1 തിമൊ. 2:4.

3. ശുശ്രൂ​ഷ​യിൽ നാം മാസി​കകൾ എങ്ങനെ​യാ​യി​രി​ക്കും ഉപയോ​ഗി​ക്കുക?

³ ഉണരുക! പ്രതി​മാ​സ​പ്പ​തി​പ്പാ​യി അച്ചടി​ക്കാൻ തുടങ്ങിയ 2000 ജൂലൈ മുതൽ വ്യത്യസ്‌ത അവതര​ണങ്ങൾ ഉപയോ​ഗിച്ച്‌ നാം അതു ഫലകര​മാ​യി സമർപ്പി​ച്ചി​രി​ക്കു​ന്നു. ഇനിമു​തൽ യഹോ​വ​യു​ടെ രാജ്യത്തെ പ്രസി​ദ്ധ​മാ​ക്കുന്ന വീക്ഷാ​ഗോ​പു​ര​ത്തി​ന്റെ ത്രൈ​മാ​സ​പ്പ​തി​പ്പി​ന്റെ കാര്യ​ത്തി​ലും നാം സമാന​മായ രീതി പിൻപ​റ്റും. നമ്മുടെ രാജ്യ ശുശ്രൂ​ഷ​യു​ടെ അവസാന പേജിൽ ഓരോ മാസി​ക​യു​ടെ​യും ഒരു അവതരണം കൊടു​ക്കു​ന്ന​താ​യി​രി​ക്കും. സാധാ​ര​ണ​ഗ​തി​യിൽ ആമുഖ​ലേ​ഖ​ന​ങ്ങ​ളി​ലൊ​ന്നാ​ണു വിശേ​ഷ​വ​ത്‌ക​രി​ക്കു​ന്ന​തെ​ങ്കി​ലും ചില​പ്പോ​ഴൊ​ക്കെ പൊതു​ജന താത്‌പ​ര്യ​മുള്ള മറ്റു ലേഖന​ങ്ങ​ളും വിശേ​ഷ​വ​ത്‌ക​രി​ക്കും. ആ ലേഖന​ങ്ങ​ളു​മാ​യി നാം പരിചി​ത​രാ​കു​ക​യും പ്രദേ​ശ​ത്തി​നി​ണ​ങ്ങും​വി​ധം അവതര​ണ​ത്തിൽ ഭേദഗ​തി​കൾ വരുത്തു​ക​യും ചെയ്യു​മ്പോൾ അവതരണം ഏറെ ഫലപ്ര​ദ​മാ​കും.

4. നമ്മുടെ രാജ്യ ശുശ്രൂ​ഷ​യിൽ കൊടു​ത്തി​രി​ക്കുന്ന അവതര​ണ​ത്തി​നു പുറമേ, മറ്റ്‌ അവതര​ണങ്ങൾ ഉപയോ​ഗി​ക്കു​ന്നതു ഫലപ്ര​ദ​മാ​യി​രു​ന്നേ​ക്കാ​വു​ന്നത്‌ എന്തു​കൊണ്ട്‌?

⁴ നമ്മുടെ രാജ്യ ശുശ്രൂ​ഷ​യിൽ ഓരോ മാസി​ക​യു​ടെ​യും അവതരണം കൊടു​ത്തി​ട്ടു​ണ്ടെ​ങ്കി​ലും അതിൽനി​ന്നു തികച്ചും വ്യത്യ​സ്‌ത​മായ ഒന്ന്‌ ഉപയോ​ഗി​ക്കു​ന്ന​തിൽ തെറ്റൊ​ന്നു​മില്ല. അങ്ങനെ ചെയ്യു​ന്ന​തി​ന്റെ ഒരു കാരണം, മറ്റൊരു ലേഖനം നിങ്ങളു​ടെ പ്രദേ​ശത്തു കൂടുതൽ ആകർഷ​ക​മാ​യി​രു​ന്നേ​ക്കാം എന്നതാണ്‌. അല്ലെങ്കിൽ നിങ്ങൾക്ക്‌ ഏറെ താത്‌പ​ര്യ​മുള്ള ഒരു ലേഖനം ഉപയോ​ഗിച്ച്‌ കൂടുതൽ മെച്ചമായ വിധത്തിൽ മാസിക സമർപ്പി​ക്കാ​നാ​കു​മെന്നു നിങ്ങൾക്കു തോന്നി​യേ​ക്കാം.

5. മാസിക സമർപ്പി​ക്കാ​നുള്ള അവതരണം തയ്യാറാ​ക്കു​ന്ന​തി​നു​മുമ്പ്‌ എന്തു ചെയ്യണം?

⁵ അവതരണം തയ്യാറാ​ക്കേണ്ട വിധം: ആദ്യം​തന്നെ, വിശേ​ഷ​വ​ത്‌ക​രി​ക്കാൻ ആഗ്രഹി​ക്കുന്ന ലേഖനം മനസ്സി​രു​ത്തി​വാ​യി​ക്കുക. വയൽശു​ശ്രൂ​ഷ​യിൽ ഉപയോ​ഗി​ക്കാൻ തുടങ്ങു​ന്ന​തി​നു​മുമ്പ്‌ മാസി​ക​യി​ലെ ഓരോ ലേഖന​വു​മാ​യി പരിച​യ​ത്തി​ലാ​കാൻ എല്ലായ്‌പോ​ഴും നിങ്ങൾക്കു കഴി​ഞ്ഞെ​ന്നു​വ​രില്ല. എന്നാൽ വിശേ​ഷ​വ​ത്‌ക​രി​ക്കാൻ തിര​ഞ്ഞെ​ടു​ക്കുന്ന ലേഖന​ത്തോ​ടുള്ള ബന്ധത്തിൽ നിങ്ങൾ ഉത്സാഹ​വും ആത്മാർഥ​ത​യും ഉള്ളവരാ​യി​രി​ക്കണം. പങ്കു​വെ​ക്കുന്ന വിവരങ്ങൾ നന്നായി അറിഞ്ഞി​രു​ന്നാൽ മാത്രമേ നിങ്ങൾക്കതു ചെയ്യാ​നാ​കൂ.

6. സ്വന്തമാ​യി നമു​ക്കെ​ങ്ങനെ അവതര​ണങ്ങൾ തയ്യാറാ​ക്കാം?

⁶ അടുത്ത​താ​യി, മുഖവുര തയ്യാറാ​ക്കു​ന്ന​തിൽ വഴക്കമു​ള്ള​വ​രാ​യി​രി​ക്കുക. സംഭാ​ഷണം ആരംഭി​ക്കാൻ താത്‌പ​ര്യ​ജ​ന​ക​വും കുറി​ക്കു​കൊ​ള്ളു​ന്ന​തു​മായ ഒരു ചോദ്യം ഉപയോ​ഗി​ക്കാ​നാ​യേ​ക്കും. ഹൃദയത്തെ സ്‌പർശി​ക്കാൻ ദൈവ​വ​ച​ന​ത്തി​നുള്ള ശക്തിയിൽ ആശ്രയി​ക്കുക. (എബ്രാ. 4:12) അവതരി​പ്പി​ക്കുന്ന വിഷയ​വു​മാ​യി ബന്ധമുള്ള ഒരു തിരു​വെ​ഴു​ത്തു തിര​ഞ്ഞെ​ടു​ക്കുക; വിശേ​ഷ​വ​ത്‌ക​രി​ക്കുന്ന ലേഖന​ത്തിൽ പരാമർശി​ക്കു​ക​യോ ഉദ്ധരി​ക്കു​ക​യോ ചെയ്‌തി​രി​ക്കുന്ന തിരു​വെ​ഴു​ത്താ​ണെ​ങ്കിൽ ഏറെ നന്ന്‌. ലേഖന​വു​മാ​യി തിരു​വെ​ഴുത്ത്‌ എങ്ങനെ ബന്ധിപ്പി​ക്കാ​മെന്നു ചിന്തി​ക്കുക.

7. നമ്മുടെ അവതര​ണങ്ങൾ മെച്ച​പ്പെ​ടു​ത്താ​നാ​കു​ന്നത്‌ എങ്ങനെ?

⁷ എല്ലാ സന്ദർഭ​ങ്ങ​ളി​ലും: അവതരണം ഫലപ്ര​ദ​മാ​ക​ണ​മെ​ങ്കിൽ നാമത്‌ ഉപയോ​ഗി​ക്കേ​ണ്ട​തുണ്ട്‌. സഭയോ​ടൊ​പ്പം ശനിയാ​ഴ്‌ച​ക​ളിൽ മാസി​കാ​വേ​ല​യിൽ പങ്കെടു​ക്കുക. മുമ്പ്‌ മറ്റു പ്രസി​ദ്ധീ​ക​ര​ണങ്ങൾ സ്വീക​രി​ച്ചി​ട്ടു​ള്ള​വർക്ക്‌ മാസി​കകൾ കൊടു​ക്കാ​വു​ന്ന​താണ്‌. മടക്കസ​ന്ദർശനം നടത്തു​മ്പോൾ കണ്ടുമു​ട്ടി​യേ​ക്കാ​വു​ന്ന​വർക്കും ബൈബിൾവി​ദ്യാർഥി​കൾക്കും അവ നൽകാൻ മറക്കരുത്‌. ഷോപ്പി​ങ്ങി​നു പോകു​മ്പോ​ഴും യാത്ര​യി​ലാ​യി​രി​ക്കു​മ്പോ​ഴും ഡോക്ടറെ കാണാൻ കാത്തി​രി​ക്കു​മ്പോ​ഴു​മൊ​ക്കെ മാസി​കകൾ സമർപ്പി​ക്കാൻ നിങ്ങൾക്കാ​യേ​ക്കും. മാസത്തി​ലു​ട​നീ​ളം ഓരോ തവണ അവതര​ണങ്ങൾ ഉപയോ​ഗി​ക്കു​മ്പോ​ഴും അവ മെച്ച​പ്പെ​ടു​ത്താൻ ശ്രമി​ക്കുക.

8. വീക്ഷാ​ഗോ​പു​ര​വും ഉണരുക!യും അനുപ​മ​മാ​യി​രി​ക്കു​ന്നത്‌ ഏതു വിധങ്ങ​ളിൽ?

⁸ വീക്ഷാ​ഗോ​പു​ര​ത്തോ​ടും ഉണരുക!യോടും കിടപി​ടി​ക്കാൻ മറ്റൊരു മാസി​ക​യ്‌ക്കു​മാ​വില്ല. അവ യഹോ​വയെ അഖിലാണ്ഡ പരമാ​ധി​കാ​രി​യെന്ന നിലയിൽ പ്രകീർത്തി​ക്കു​ന്നു. (പ്രവൃ. 4:24) ദൈവ​രാ​ജ്യ സുവാർത്ത​യാൽ ആളുകളെ ആശ്വസി​പ്പി​ക്കു​ക​യും യേശു​ക്രി​സ്‌തു​വിൽ വിശ്വ​സി​ക്കാൻ അവരെ പ്രചോ​ദി​പ്പി​ക്കു​ക​യും ചെയ്യുന്നു. (മത്താ. 24:14; പ്രവൃ. 10:43) കൂടാതെ, ബൈബിൾപ്ര​വ​ച​ന​ങ്ങ​ളു​ടെ നിവൃ​ത്തി​യാ​യി അരങ്ങേ​റുന്ന ലോക​സം​ഭ​വങ്ങൾ സംബന്ധിച്ച്‌ വായന​ക്കാ​രെ ജാഗരൂ​ക​രാ​ക്കു​ന്നു. (മത്താ. 25:13) എല്ലാ സന്ദർഭ​ങ്ങ​ളി​ലും ഈ പത്രി​കകൾ സമർപ്പി​ക്കാൻ ഒരുങ്ങി​യി​രു​ന്നു​കൊണ്ട്‌ നിങ്ങളു​ടെ പ്രദേ​ശ​ത്തു​ള്ള​വരെ സഹായി​ക്കുക!

9. മടക്കസ​ന്ദർശ​ന​ത്തിന്‌ അടിത്ത​റ​യി​ടാൻ നമു​ക്കെന്തു ചെയ്യാ​നാ​കും?

⁹ മാസി​കകൾ സമർപ്പി​ക്കു​മ്പോ​ഴും ആരെങ്കി​ലു​മാ​യി ആത്മീയ വിവരങ്ങൾ പങ്കു​വെ​ക്കു​മ്പോ​ഴും മടക്കസ​ന്ദർശ​ന​ത്തി​നും മറ്റൊരു ആത്മീയ സംഭാ​ഷ​ണ​ത്തി​നും വഴിതു​റ​ക്കുന്ന ഒരു ചോദ്യ​മോ ചിന്തോ​ദ്ദീ​പ​ക​മായ ഒരു പ്രസ്‌താ​വ​ന​യോ ഉപയോ​ഗി​ക്കാൻ തയ്യാറാ​യി​രി​ക്കുക. സത്യത്തി​ന്റെ വിത്തു​വി​ത​യ്‌ക്കു​ന്ന​തിൽ നാം തീക്ഷ്‌ണ​ത​യു​ള്ള​വ​രാ​ണെ​ങ്കിൽ യഹോവ, തന്നെ അറിയാ​നും സേവി​ക്കാ​നും ആത്മാർഥ​മാ​യി ആഗ്രഹി​ക്കു​ന്ന​വ​രു​ടെ ഹൃദയം തുറക്കു​മെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാ​നാ​കും.—1 കൊരി. 3:6.