വീക്ഷാ​ഗോ​പു​ര​വും ഉണരുക!യും നമ്മുടെ അടിയ​ന്തിര സമയ​ത്തേ​ക്കു​ളള മാസി​കകൾ!

ബൈബിൾ പ്രവച​ന​ങ്ങ​ളു​ടെ നിവൃ​ത്തി​യാ​യു​ളള, ലോകത്തെ ഉലയ്‌ക്കുന്ന സംഭവങ്ങൾ നടന്നു​കൊ​ണ്ടി​രി​ക്കു​ന്നു! ലോക​ത്തിൽ നമുക്കു ചുററും അതു​പോ​ലെ​തന്നെ ദിവ്യാ​ധി​പത്യ സംഘട​ന​യി​ലും സംഭവി​ച്ചു​കൊ​ണ്ടി​രി​ക്കു​ന്നതു നാം ശ്രദ്ധ​യോ​ടെ വീക്ഷി​ക്കു​ക​യാ​ണെ​ങ്കിൽ, നാം രാജ്യ​ത്തി​ന്റെ “സുവി​ശേഷം” പ്രസം​ഗി​ക്ക​ണ​മെ​ന്നു​ള​ളത്‌ എത്ര അടിയ​ന്തി​ര​മാണ്‌ എന്നു നമുക്കു പൂർണ​മാ​യി മനസ്സി​ലാ​ക്കാൻ സാധി​ക്കും. (മർക്കൊ. 13:10) ഏപ്രിൽ മാസത്തിൽ നമ്മുടെ ശുശ്രൂഷ തീക്ഷ്‌ണ​തോ​ടെ തുടരു​ന്ന​തിന്‌ ഇതു നമുക്കു കാരണം നൽകുന്നു.

² നമ്മുടെ സന്ദേശ​ത്തി​ന്റെ പ്രാധാ​ന്യം നാം ഈ മാസം ഏറെറ​ടു​ക്കുന്ന പ്രത്യേക വേലയാൽ ഊന്നി​പ്പ​റ​യ​പ്പെ​ടു​ന്നു. ഏപ്രി​ലി​ലും മേയി​ലും നാം വിതരണം ചെയ്യുന്ന രാജ്യ​വാർത്ത​യു​ടെ പ്രകാ​ശ​ന​ത്തി​നു​വേണ്ടി നാം അത്യാ​കാം​ക്ഷ​യോ​ടെ കാത്തി​രി​ക്കു​ന്നു. ഈ വേലയ്‌ക്കു നമ്മുടെ ഉത്സാഹം വർധി​പ്പി​ക്കു​ന്ന​തി​നും നമ്മുടെ പ്രദേ​ശത്തു താത്‌പ​ര്യം നട്ടുവ​ളർത്തു​ന്ന​തി​നും വീക്ഷാ​ഗോ​പു​ര​വും ഉണരുക!യും പ്രക്ഷു​ബ്ധ​മായ ലോക സംഭവ​ങ്ങ​ളു​ടെ പ്രാവ​ച​നിക അർഥം ഊന്നി​പ്പ​റ​യുന്ന കാലോ​ചി​ത​മായ ലേഖനങ്ങൾ വഹിക്കു​ന്ന​വ​യാ​യി​രി​ക്കും. മാസി​ക​ക​ളിൽ താത്‌പ​ര്യം ജനിപ്പി​ക്കു​ന്ന​തി​നും അവയ്‌ക്കു വരിസം​ഖ്യ സ്വീക​രി​ക്കു​ന്ന​തിന്‌ ആളുകളെ പ്രോ​ത്സാ​ഹി​പ്പി​ക്കു​ന്ന​തി​നും പററിയ ഒരു അവതരണം നമു​ക്കെ​ങ്ങനെ തയ്യാറാ​കാൻ കഴിയും?

³ പിൻവ​രുന്ന അടിസ്ഥാന തത്ത്വങ്ങൾ പിൻപ​റ​റി​ക്കൊണ്ട്‌ ഒരുപക്ഷേ ഒരു ഫലപ്ര​ദ​മായ അവതരണം വികസി​പ്പി​ക്കു​ന്ന​തി​നു നിങ്ങൾക്കു കഴി​ഞ്ഞേ​ക്കും: (1) നിങ്ങളു​ടെ സമുദാ​യ​ത്തി​ലെ ആളുകൾക്ക്‌ ഇണങ്ങു​മെന്നു നിങ്ങൾ വിചാ​രി​ക്കുന്ന ഒരു ലേഖനം മാസി​ക​ക​ളി​ലൊ​ന്നിൽനി​ന്നു തിര​ഞ്ഞെ​ടു​ക്കുക. (2) വീട്ടു​കാ​രന്റെ താത്‌പ​ര്യം ഉണർത്തു​മെന്നു നിങ്ങൾ വിചാ​രി​ക്കുന്ന ഒരു പ്രസ്‌താ​വ​ന​യോ തിരു​വെ​ഴുത്ത്‌ ഉദ്ധരണി​യോ ഈ ലേഖന​ത്തിൽനി​ന്നു തിര​ഞ്ഞെ​ടു​ക്കുക. (3) ഒരു സൗഹാർദ അഭിവാ​ദനം, ഒരു രസകര​മായ തിരു​വെ​ഴുത്ത്‌ ആശയത്തെ പ്രദീ​പ്‌ത​മാ​ക്കുന്ന ഒരു ചോദ്യം അല്ലെങ്കിൽ പ്രസ്‌താ​വന, മാസി​ക​കൾക്കു വരിസം​ഖ്യ സ്വീക​രി​ക്കാ​നു​ളള ആത്മാർഥ​മായ ക്ഷണം എന്നിവ ഉൾപ്പെ​ടുന്ന ഒരു ഹ്രസ്വ അവതരണം തയ്യാറാ​ക്കുക. നിങ്ങൾക്ക്‌ അറിയാ​വു​ന്ന​തു​പോ​ലെ, ഇതു വളരെ ലളിത​വും വിഷമ​മി​ല്ലാ​ത്ത​തു​മാണ്‌. ശുശ്രൂ​ഷ​യിൽ നിങ്ങ​ളോ​ടൊ​പ്പം പ്രവർത്തി​ക്കുന്ന മറെറാ​രു പ്രസാ​ധ​ക​നോ​ടൊ​പ്പ​മി​രുന്ന്‌ ഒരുപക്ഷേ നിങ്ങൾക്കൊ​രു അവതരണം തയ്യാറാ​ക്കാൻ കഴിയും.

⁴ ഏപ്രിൽ 22 “ഉണരുക!” “ഇവ അന്ത്യനാ​ളു​ക​ളോ?” എന്ന ചോദ്യം ഉയർത്തു​ന്ന​തി​നാൽ, “ന്യായ​വാ​ദം” പുസ്‌ത​ക​ത്തി​ന്റെ 13-ാം പേജി​ലു​ളള “അന്ത്യനാ​ളു​കൾ” എന്ന തലക്കെ​ട്ടിൻ കീഴിൽ കൊടു​ത്തി​രി​ക്കുന്ന ഭാഗം നിങ്ങൾക്കു പുനര​വ​ലോ​കനം ചെയ്യാൻ കഴിയും. നിങ്ങൾ ഇങ്ങനെ തുടങ്ങി​യേ​ക്കാം:

◼“ഇന്നു നമുക്കു ചുററും നടന്നു​കൊ​ണ്ടി​രി​ക്കുന്ന കലങ്ങി​മ​റിഞ്ഞ സംഭവ​ങ്ങ​ളു​ടെ അർഥം സംബന്ധി​ച്ചു ചർച്ച​ചെ​യ്യാൻ ഞങ്ങൾ ഒരു സന്ദർശനം നടത്തു​ക​യാണ്‌. ഈ ലേഖനം എന്തു പറയു​ന്നു​വെന്നു ശ്രദ്ധി​ക്കുക. . . ”

⁵ ഏപ്രിൽ 1 “വീക്ഷാ​ഗോ​പു​രം”, “മതം—ഒരു വിലക്ക​പ്പെട്ട വിഷയ​മോ?” എന്ന ചോദ്യം ചോദി​ക്കു​ന്നു. മാസിക സമർപ്പി​ക്കു​മ്പോൾ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“മതം എന്ന വിഷയം വളരെ വിവാ​ദാ​ത്മ​ക​മാ​യ​തി​നാൽ അത്‌ ഒരിക്ക​ലും ചർച്ച​ചെ​യ്യ​രുത്‌ എന്നു കൂടെ​ക്കൂ​ടെ പറയ​പ്പെ​ടു​ന്നു. അതു സംബന്ധി​ച്ചു നിങ്ങൾ എന്തു വിചാ​രി​ക്കു​ന്നു?” തുടർന്ന്‌ മാസി​ക​യി​ലെ ഒരു പ്രസ്‌താ​വ​ന​യി​ലേക്കു ശ്രദ്ധതി​രി​ക്കുക.

⁶ നിങ്ങൾ ഒരുപക്ഷേ “മതപര​മായ സത്യം പ്രാപ്യ​മോ?” എന്ന ലേഖന​മു​ളള ഏപ്രിൽ 15 “വീക്ഷാ​ഗോ​പു​രം” ആയിരി​ക്കാം ഉപയോ​ഗി​ക്കു​ന്നത്‌. ഈ മുഖവു​ര​യ്‌ക്കു നിങ്ങൾക്കു നല്ല പ്രതി​ക​രണം ലഭി​ച്ചേ​ക്കാം:

◼“ഇന്നു വളരെ​യ​ധി​കം മതങ്ങൾ ഉളളതി​നാൽ മത സത്യങ്ങൾ പ്രാപ്യ​മാ​ണോ എന്ന്‌ ചില ആളുകൾ സംശയി​ക്കു​ന്നു. ഈ ചോദ്യ​ത്തിന്‌ താങ്കൾക്കും എനിക്കും തൃപ്‌തി​ക​ര​മായ ഉത്തരം കണ്ടെത്താ​നു​ളള ഒരു മാർഗം ഈ ലേഖനം വെളി​പ്പെ​ടു​ത്തി തരുന്നു. . . .”

⁷ പ്രവർത്ത​ന​ത്തി​നു വേണ്ടി വെളി​യിൽ പോകു​ന്ന​തി​നു മുമ്പ്‌ അവതര​ണ​വു​മാ​യി പരിചി​ത​രാ​കു​ന്ന​തി​നു മറെറാ​രു പ്രസാ​ധ​ക​നോ​ടൊ​പ്പം അത്‌ എന്തു​കൊണ്ട്‌ അഭ്യസി​ച്ചു​കൂ​ടാ? സാധ്യ​ത​യ​നു​സ​രിച്ച്‌ നിങ്ങൾക്കു പരസ്‌പരം സഹായ​ക​ര​മായ നിർദേ​ശങ്ങൾ പങ്കു​വെ​ക്കു​ന്ന​തി​നു കഴിയും, അതു നിങ്ങളു​ടെ ഫലപ്ര​ദ​ത്വം വർധി​പ്പി​ക്കു​ക​യും വലിയ ആത്മവി​ശ്വാ​സം കൈവ​രു​ത്തു​ക​യും ചെയ്യും.

⁸ ഈ വ്യവസ്ഥി​തി​യു​ടെ അന്ത്യം സമീപി​ച്ചു​വ​രവേ, സത്യസ​ന്ധ​രാ​യ​വരെ മഹാബാ​ബി​ലോ​നിൽനി​ന്നു രക്ഷപ്പെ​ടു​ത്താ​നു​ളള നമ്മുടെ ശ്രമങ്ങൾ ത്വരി​ത​പ്പെ​ടു​ത്താം. (വെളി. 18:4) വീണ്ടും ആവർത്തി​ക്ക​പ്പെ​ടു​ക​യി​ല്ലാത്ത ഈ വേലയിൽ വീക്ഷാ​ഗോ​പു​ര​വും ഉണരുക!യും ഒരു ജീവത്‌പ്ര​ധാ​ന​മായ പങ്കുവ​ഹി​ക്കു​ന്നു. നമ്മുടെ ഉപയോ​ഗ​ത്തി​നു വേണ്ടി യഹോവ ഈ നല്ല ഉപകര​ണങ്ങൾ പ്രദാനം ചെയ്‌ത​തിൽ നാം നന്ദിയു​ള​ള​വ​രാണ്‌!