സുവാർത്തക്കു യോഗ്യ​മാ​യ​വി​ധ​ത്തിൽ നടക്കുക

¹ യഹോ​വ​യു​ടെ സാക്ഷി​ക​ളെന്ന നിലയിൽ യഹോ​വ​യു​ടെ നാമത്തി​നു മഹത്ത്വം കൈവ​രു​ത്താൻ നാം ആഗ്രഹി​ക്കു​ന്നു. നമ്മുടെ നടത്തക്കും സംസാ​ര​ത്തി​നും ചമയത്തി​നും വസ്‌ത്ര​ധാ​ര​ണ​ത്തി​നും മറ്റുള്ളവർ സത്യാ​രാ​ധ​നയെ വീക്ഷി​ക്കുന്ന വിധത്തെ സ്വാധീ​നി​ക്കാൻ കഴിയും എന്നു നമുക്ക​റി​യാം. നാം യോഗ​ങ്ങൾക്കു കൂടി​വ​രു​മ്പോൾ ഇതു വിശേ​ഷാൽ സത്യമാണ്‌. യോഗ​ങ്ങ​ളിൽ പറയു​ന്ന​തും ചെയ്യു​ന്ന​തു​മെ​ല്ലാം സുവാർത്തക്കു യോഗ്യ​മാ​യ​തും യഹോ​വക്കു മഹത്ത്വം കൈവ​രു​ത്തു​ന്ന​തും ആണെന്ന്‌ ഉറപ്പു​വ​രു​ത്താൻ നാം ആഗ്രഹി​ക്കു​ന്നു.—ഫിലി. 2:4.

² വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും കാര്യ​ത്തിൽ ലോക​ത്തി​ന്റെ പല നിലവാ​ര​ങ്ങ​ളും ക്രിസ്‌ത്യാ​നി​കൾക്കു സ്വീകാ​ര്യ​മല്ല. പല മണ്ഡലങ്ങ​ളി​ലും അവ്യക്ത​മാണ്‌. സുവാർത്ത​യു​ടെ ശുശ്രൂ​ഷകർ അത്യധി​കം ശ്രദ്ധ നൽകേണ്ട ഒരു കാര്യ​മാ​ണിത്‌. 1989 ജൂൺ 1-ലെ വാച്ച്‌ട​വ​റി​ന്റെ 20-ാം പേജ്‌ ഇപ്രകാ​രം പ്രസ്‌താ​വി​ച്ചു: “നമ്മുടെ വസ്‌ത്രങ്ങൾ വിലപി​ടി​പ്പു​ള്ള​താ​യി​രി​ക്ക​ണ​മെ​ന്നില്ല, എന്നാൽ അതു വൃത്തി​യു​ള്ള​തും ഹൃദ്യ​വും അടക്ക​മൊ​തു​ക്ക​മു​ള്ള​തു​മാ​യി​രി​ക്കണം. നമ്മുടെ ചെരി​പ്പു​ക​ളും നല്ല നിലയി​ലു​ള്ള​തും കാണാൻ കൊള്ളാ​വു​ന്ന​തു​മാ​യി​രി​ക്കണം. സമാന​മാ​യി, പുസ്‌ത​കാ​ധ്യ​യനം ഉൾപ്പെടെ എല്ലാ യോഗ​ത്തി​ലും നമ്മുടെ ശരീര​വും ശുദ്ധി​യു​ള്ള​താ​യി​രി​ക്കണം. നാം വൃത്തി​യാ​യും ഉചിത​മാ​യും വസ്‌ത്ര​ധാ​രണം ചെയ്‌തി​രി​ക്കു​ക​യും വേണം.”

³ സമയനിഷ്‌ഠ പാലി​ക്കു​ന്നത്‌ സ്‌നേ​ഹ​പൂർവ​ക​മായ പരിഗ​ണ​ന​യു​ടെ​യും ചിന്തയു​ടെ​യും അടയാ​ള​മാണ്‌. ഒഴിവാ​ക്കാ​നാ​വാത്ത സാഹച​ര്യ​ങ്ങൾ നിമിത്തം നമുക്ക്‌ ഇടയ്‌ക്കൊ​ക്കെ യോഗ​ത്തി​നു കൃത്യ​സ​മ​യത്തു വരാൻ കഴിയാ​തി​രു​ന്നേ​ക്കാം. എന്നാൽ പതിവാ​യി താമസി​ച്ചു വരുന്നതു യോഗ​ങ്ങ​ളു​ടെ വിശുദ്ധ ഉദ്ദേശ്യ​ത്തോ​ടുള്ള വിലമ​തി​പ്പി​ല്ലാ​യ്‌മയെ ആയിരി​ക്കും പ്രകടി​പ്പി​ക്കു​ന്നത്‌. കൂടാതെ മറ്റുള്ള​വരെ ശല്യം ചെയ്യാ​തി​രി​ക്കു​ന്ന​തി​നുള്ള നമ്മുടെ ഉത്തരവാ​ദി​ത്വ​ത്തെ വിലമ​തി​ക്കു​ന്ന​തി​നുള്ള പരാജ​യ​ത്തെ​യും. താമസി​ച്ചു​വ​രു​ന്നവർ മിക്ക​പ്പോ​ഴും മറ്റുള്ള​വ​രു​ടെ ശ്രദ്ധ പതറി​ക്കു​ക​യും പരിപാ​ടി​യിൽനി​ന്നു പൂർണ​പ്ര​യോ​ജനം ലഭിക്കു​ന്ന​തിൽനിന്ന്‌ അവരെ തടയു​ക​യും ചെയ്യുന്നു. സമയനി​ഷ്‌ഠ​പാ​ലി​ക്കു​ന്നതു ഹാജരാ​യി​രി​ക്കുന്ന എല്ലാവ​രു​ടെ​യും വികാ​ര​ങ്ങ​ളെ​യും താത്‌പ​ര്യ​ങ്ങ​ളെ​യും നാം ആദരി​ക്കു​ന്നു​വെന്നു പ്രകട​മാ​ക്കു​ന്നു.

⁴ യോഗ​ത്തി​നി​ട​യി​ലും ശ്രദ്ധാ​ശൈ​ഥി​ല്യം ഉണ്ടാക്കാ​തി​രി​ക്കാൻ അയൽസ്‌നേഹം നമ്മെ ജാഗ്ര​ത​യു​ള്ള​വ​രാ​ക്കണം. അടക്കം​പ​റ​യു​ന്ന​തോ, തിന്നു​ന്ന​തോ, ച്യൂയിം​ഗം ചവക്കു​ന്ന​തോ, കടലാസ്‌ ചുരു​ട്ടു​ന്ന​തോ, അനാവ​ശ്യ​മാ​യി കക്കൂസിൽ പോകു​ന്ന​തോ മറ്റുള്ള​വ​രു​ടെ ശ്രദ്ധപ​ത​റി​ക്കു​ക​യോ യഹോ​വ​യു​ടെ ആരാധ​നാ​സ്ഥ​ല​ത്തിന്‌ അർഹമായ ശ്രേഷ്‌ഠത കുറക്കു​ക​യോ ചെയ്‌തേ​ക്കാം. സഹോ​ദ​രങ്ങൾ തങ്ങളുടെ ഇരിപ്പി​ടങ്ങൾ വിട്ടു​പോ​കു​ന്നത്‌ അവശ്യ​മാ​ക്കുന്ന ഏതെങ്കി​ലും അടിയ​ന്തി​രാ​വ​ശ്യ​ങ്ങൾ ഇല്ലാത്ത​പക്ഷം സഭാപ​ര​മായ കാര്യങ്ങൾ നടത്തു​ക​യോ മറ്റുള്ള​വ​രു​മാ​യി സംസാ​രി​ക്കു​ക​യോ ചെയ്യു​ന്നത്‌ അനുചി​ത​മാണ്‌. അങ്ങനെ​യ​ല്ലാ​ത്ത​പക്ഷം, തങ്ങൾക്കു​ത​ന്നെ​യും തങ്ങളുടെ കുടും​ബ​ത്തി​നും പ്രയോ​ജനം ലഭിക്കാൻത​ക്ക​വണ്ണം എല്ലാവ​രും ഇരിപ്പി​ട​ത്തിൽ ഇരുന്നു പരിപാ​ടി ശ്രദ്ധി​ക്കേ​ണ്ട​താണ്‌. മോശ​മായ ശീലങ്ങൾക്കു രാജ്യ​ഹാ​ളിൽ യാതൊ​രു സ്ഥാനവു​മില്ല, കാരണം “സ്‌നേഹം . . . അയോ​ഗ്യ​മാ​യി നടക്കു​ന്നില്ല.”—1 കൊരി. 13:4, 5; ഗലാ. 6:10.

⁵ യോഗ​ങ്ങ​ളിൽ നമ്മുടെ കുട്ടി​ക​ളു​ടെ നല്ല നടത്തയും യഹോ​വ​യു​ടെ നാമത്തി​നു സ്‌തു​തി​യും മഹത്ത്വ​വും കൈവ​രു​ത്തു​ന്നു. മാതാ​പി​താ​ക്ക​ളു​ടെ കർശന​മായ മേൽനോ​ട്ടം സുപ്ര​ധാ​ന​മാണ്‌. ശ്രദ്ധി​ക്കു​ന്ന​തി​നും പങ്കെടു​ക്കു​ന്ന​തി​നും കുട്ടി​കളെ പ്രോ​ത്സാ​ഹി​പ്പി​ക്കണം. കൊച്ചു​കു​ട്ടി​ക​ളുള്ള പല മാതാ​പി​താ​ക്ക​ളും മറ്റുള്ള​വ​രു​ടെ ശ്രദ്ധയെ ഏറെ പതറി​ക്കാ​തെ എളുപ്പ​ത്തിൽ ഇറങ്ങി​പ്പോ​യി തങ്ങളുടെ കുഞ്ഞു​ങ്ങ​ളു​ടെ ആവശ്യങ്ങൾ നിറ​വേ​റ്റാൻ കഴിയു​ന്ന​തി​നു സൗകര്യ​പ്ര​ദ​മായ സ്ഥലങ്ങളിൽ ഇരിക്കാ​നി​ഷ്ട​പ്പെ​ടു​ന്നു.

⁶ ‘സുവാർത്തക്കു യോഗ്യ​മാം​വണ്ണം നടപ്പിൻ’ എന്ന്‌ പൗലോസ്‌ ഉദ്‌ബോ​ധി​പ്പി​ച്ചു. (ഫിലി. 1:27) അതു​കൊണ്ട്‌, യോഗ​ങ്ങൾക്കു ഹാജരാ​കു​മ്പോൾ നല്ല പെരു​മാറ്റ ശീലങ്ങ​ളും മറ്റുള്ള​വ​രു​ടെ നേർക്കു പരിഗ​ണ​ന​യും ഉള്ളവരാ​യി​ക്കു​ന്ന​തി​നു നമുക്കു ശ്രമി​ക്കാം. എല്ലാവ​രു​ടെ​യും സഹകരണം ‘മറ്റുള്ള​വ​രു​ടെ വിശ്വാ​സ​ത്താൽ ഓരോ​രു​ത്തർക്കും പ്രോ​ത്സാ​ഹ​ന​ക്കൈ​മാ​റ്റം’ ലഭിക്കു​ന്നു​വെന്ന്‌ ഉറപ്പാ​ക്കും.—റോമ. 1:12.