സുവാർത്ത പ്രഖ്യാ​പി​ക്കു​ന്ന​തിൽ വിരാ​മ​മി​ല്ല

¹ ആദിമ ക്രിസ്‌ത്യാ​നി​കൾ തങ്ങളുടെ ശുശ്രൂ​ഷയെ വളരെ ഗൗരവ​മാ​യി​ട്ടെ​ടു​ത്തു. ലൂക്കോസ്‌ ഇപ്രകാ​രം റിപ്പോർട്ടു ചെയ്‌തു: “എല്ലാദി​വ​സ​വും ദേവാ​ല​യ​ത്തിൽവ​ച്ചും ഭവനം​തോ​റും ചെന്നും യേശു​വാ​ണു ക്രിസ്‌തു എന്നു പഠിപ്പി​ക്കു​ന്ന​തി​ലും പ്രസം​ഗി​ക്കു​ന്ന​തി​ലും​നിന്ന്‌ അവർ വിരമി​ച്ചില്ല.” (പ്രവൃ. 5:42, പി.ഒ.സി. ബൈബിൾ) ഒന്നിനും, പീഡന​ത്തി​നു​പോ​ലും, അവരെ പിന്തി​രി​പ്പി​ക്കാൻ കഴിഞ്ഞില്ല! (പ്രവൃ. 8:4) അവർ അനുദി​നം മറ്റുള്ള​വ​രോ​ടു സത്യ​ത്തെ​ക്കു​റി​ച്ചു സംസാ​രി​ച്ചു.

² നമ്മെ സംബന്ധി​ച്ചെന്ത്‌? നിങ്ങ​ളോ​ടു​തന്നെ ചോദി​ക്കുക: ‘കാലത്തി​ന്റെ അടിയ​ന്തി​ര​ത​യെ​ക്കു​റി​ച്ചു ഞാൻ ബോധ​വാ​നാ​ണോ? സുവാർത്ത അവിരാ​മം പ്രഖ്യാ​പി​ക്കു​ന്ന​തിൽ തുടരാൻ ഞാൻ തത്‌പ​ര​നാ​ണോ?’

³ അവിരാ​മം പ്രസം​ഗി​ക്കു​ന്ന​തി​ന്റെ ആധുനി​ക​കാല ദൃഷ്ടാ​ന്തങ്ങൾ: പോളി​യോ ബാധിച്ച ഒരു സഹോ​ദ​രിക്ക്‌ ഇരുമ്പു കവച​ത്തോ​ടു​കൂ​ടിയ കൃത്രി​മ​ശ്വാ​സോ​ച്ഛ്വാ​സ ഉപകര​ണ​ത്തി​ന​കത്തു കഴിഞ്ഞു​കൂ​ടേണ്ടി വന്നു. രാജ്യ​ഹാ​ളിൽ പോകാ​നോ ഒരു സമ്മേള​ന​ത്തിൽ പങ്കെടു​ക്കാ​നോ അവർക്കു സാധി​ച്ചി​രു​ന്നില്ല. പക്ഷേ, സുവാർത്ത പ്രഖ്യാ​പി​ക്കു​ന്ന​തിൽ അവർ സതീക്ഷ്‌ണം മുഴു​കി​യി​രു​ന്നു. ഉപകര​ണ​ത്തി​ന​കത്തു കഴിച്ചു​കൂ​ട്ടേ​ണ്ടി​വന്ന 37 വർഷത്തി​നു​ള്ളിൽ 17 ആളുകളെ സത്യം പഠിക്കു​ന്ന​തി​നു സഹായി​ക്കാൻ അവർക്കു കഴിഞ്ഞു! അവർ അത്‌ എപ്രകാ​ര​മാ​ണു ചെയ്‌തത്‌? വീടു​തോ​റും പോകാൻ കഴിയു​മാ​യി​രു​ന്നി​ല്ലെ​ങ്കി​ലും ദിവസേന അവരു​മാ​യി സമ്പർക്കം പുലർത്തി​യി​രു​ന്ന​വ​രോട്‌ അനൗപ​ചാ​രിക സാക്ഷീ​ക​രണം നടത്താ​നുള്ള ഒരു മാർഗം അവർ കണ്ടെത്തി.

⁴ ബോസ്‌നി​യ​യി​ലുള്ള നമ്മുടെ സഹോ​ദ​ര​ങ്ങൾക്കു യുദ്ധ​ത്തെ​യും ബുദ്ധി​മു​ട്ടു​ക​ളെ​യും തരണം ചെയ്യേ​ണ്ട​താ​യി വന്നിട്ടുണ്ട്‌. എങ്കിലും നിരന്തരം മറ്റുള്ള​വ​രോ​ടു പ്രസം​ഗി​ക്കു​ന്ന​തിൽ അവർ തുടരു​ന്നു. സാര​യെ​വോ​യിൽ പ്രസാ​ധകർ മാസം​തോ​റും ശരാശരി 20 മണിക്കൂർ സുവാർത്ത​യെ​ക്കു​റി​ച്ചു മറ്റുള്ള​വ​രോ​ടു സംസാ​രി​ക്കു​ന്നു. ഓരോ​രു​ത്ത​രും ശരാശരി രണ്ടു ബൈബി​ള​ധ്യ​യ​ന​ങ്ങ​ളും നടത്തുന്നു. കഠിന​മായ സാഹച​ര്യ​ങ്ങൾക്കി​ട​യി​ലും അവർ അവിരാ​മം പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യുന്നു.

⁵ കൊച്ചു കുട്ടി​ക​ളും ശുശ്രൂ​ഷ​യോ​ടു തീക്ഷ്‌ണത പ്രകടി​പ്പി​ക്കു​ന്നു. റുവാ​ണ്ട​യിൽ സാക്ഷി​ക​ളു​ടെ ഒരു കുടും​ബത്തെ മുറി​യി​ലാ​ക്കി​യിട്ട്‌ പട്ടാള​ക്കാർ അവരെ കൊല്ലാൻ തയ്യാ​റെ​ടു​ത്തു. കുടും​ബം ആദ്യം പ്രാർഥി​ക്കാ​നുള്ള അനുവാ​ദം ചോദി​ച്ചു. അവർക്ക്‌ അനുമതി ലഭിച്ചു. ഇളയ കുട്ടി​യായ ദെബോറ ഉറക്കെ ഇങ്ങനെ പ്രാർഥി​ച്ചു: “യഹോവേ, ഈ ആഴ്‌ച​യിൽ പപ്പായും ഞാനും അഞ്ചു മാസി​കകൾ സമർപ്പി​ച്ചി​രി​ക്കു​ന്നു. ഞങ്ങൾക്ക്‌ അവരെ വീണ്ടും സന്ദർശി​ച്ചു സത്യം പഠിപ്പി​ക്കു​ന്ന​തി​നും ജീവൻ നേടാൻ സഹായി​ക്കു​ന്ന​തി​നും എങ്ങനെ കഴിയും?” അവളുടെ ഉറച്ച വിശ്വാ​സ​വും ശുശ്രൂ​ഷ​യോ​ടുള്ള സ്‌നേ​ഹ​വും നിമിത്തം മുഴു​കു​ടും​ബ​ത്തെ​യും വെറുതെ വിട്ടു.

⁶ ഇന്ന്‌, മറ്റുള്ള​വ​രോ​ടു സാക്ഷീ​ക​രി​ക്കു​ന്ന​തി​നുള്ള അവസര​ങ്ങൾക്കാ​യി നോക്കി​പ്പാർത്തി​രി​ക്കേ​ണ്ട​തി​ന്റെ​യും “നിത്യ​ജീ​വ​ന്നാ​യി നിയമി​ക്ക​പ്പെട്ട”വരെ തേടി​പ്പി​ടി​ക്കേ​ണ്ട​തി​ന്റെ​യും ആവശ്യ​മുണ്ട്‌. (പ്രവൃ. 13:48) പ്രാ​ദേ​ശിക സാഹച​ര്യ​ങ്ങൾക്ക​നു​സൃ​ത​മാ​യി സഭാ മൂപ്പന്മാർ സൗകര്യ​പ്ര​ദ​മായ സമയത്ത്‌, രാവി​ലെ​യോ ഉച്ചകഴി​ഞ്ഞോ സായാ​ഹ്ന​ത്തി​ലോ, കൂട്ടസാ​ക്ഷീ​ക​ര​ണ​ത്തി​നു​വേണ്ട ക്രമീ​ക​ര​ണങ്ങൾ ചെയ്യുന്നു. നമ്മുടെ രാജ്യ ശുശ്രൂ​ഷ​യി​ലെ ലേഖനങ്ങൾ, സേവന​യോ​ഗ​ത്തി​ലെ ഭാഗങ്ങൾ, സർക്കിട്ട്‌ സമ്മേള​നങ്ങൾ, ഡിസ്‌ട്രി​ക്‌റ്റ്‌ കൺ​വെൻ​ഷ​നു​കൾ എന്നിവ രാജ്യ​സാ​ക്ഷീ​ക​ര​ണ​ത്തി​ന്റെ വിവിധ വശങ്ങളിൽ പങ്കെടു​ക്കാൻവേണ്ട സമയോ​ചിത നിർദേ​ശ​ങ്ങ​ളും പ്രോ​ത്സാ​ഹ​ന​വും നൽകുന്നു. അതിനു​പു​റമേ, സർക്കിട്ട്‌ മേൽവി​ചാ​ര​ക​ന്മാ​രും ഡിസ്‌ട്രി​ക്‌റ്റ്‌ മേൽവി​ചാ​ര​ക​ന്മാ​രും പ്രസാ​ധ​കരെ തെരു​വു​സാ​ക്ഷീ​ക​ര​ണ​ത്തി​നാ​യി പരിശീ​ലി​പ്പി​ക്കു​ക​യും ബിസി​നസ്‌ പ്രദേ​ശ​ങ്ങ​ളിൽ പ്രവർത്തി​ക്കേ​ണ്ട​തെ​ങ്ങ​നെ​യെന്ന്‌ അവർക്കു കാണി​ച്ചു​കൊ​ടു​ക്കു​ക​യും ചെയ്യുന്നു. കൂടാതെ, ആളുകളെ കണ്ടെത്താൻ കഴിയുന്ന എവി​ടെ​യും സാക്ഷ്യം നൽകു​ന്ന​തി​നുള്ള മറ്റുവി​ധങ്ങൾ അവർ ചൂണ്ടി​ക്കാ​ട്ടു​ക​യും ചെയ്യുന്നു. ഇവയെ​ല്ലാം ഒരു കാര്യ​ത്തിന്‌ ഊന്നൽ നൽകുന്നു: സുവാർത്ത പ്രഖ്യാ​പി​ക്കു​ന്ന​തിൽ വിരാ​മ​മില്ല!

⁷ യേശു​വി​ന്റെ അപ്പോ​സ്‌ത​ല​ന്മാർ സധൈ​ര്യം പ്രസ്‌താ​വി​ച്ചു: “ഞങ്ങൾക്കോ ഞങ്ങൾ കണ്ടും കേട്ടു​മി​രി​ക്കു​ന്നതു പ്രസ്‌താ​വി​ക്കാ​തി​രി​പ്പാൻ കഴിയു​ന്നതല്ല.” തടസ്സങ്ങ​ളെ​ല്ലാം ഉണ്ടായി​രു​ന്നി​ട്ടും അവർക്കു സ്ഥിരോ​ത്സാ​ഹം കാട്ടു​വാൻ കഴിഞ്ഞ​തെ​ങ്ങ​നെ​യാ​യി​രു​ന്നു? തങ്ങളെ സഹായി​ക്കാൻ അവർ യഹോ​വ​യോട്‌ അപേക്ഷി​ച്ചു. അവൻ അങ്ങനെ ചെയ്‌തു. “എല്ലാവ​രും പരിശു​ദ്ധാ​ത്മാ​വു നിറഞ്ഞ​വ​രാ​യി ദൈവ​വ​ചനം ധൈര്യ​ത്തോ​ടെ പ്രസ്‌താ​വി​ച്ചു.” (പ്രവൃ. 4:20, 29, 31) സകലരും ശുശ്രൂ​ഷ​യിൽ ശ്രദ്ധേ​യ​മായ അനുഭ​വ​ങ്ങ​ളാൽ അനുഗൃ​ഹീ​ത​രാ​യെ​ന്നു​വ​രില്ല. എന്നാൽ, സുവാർത്ത അവിരാ​മം പ്രഖ്യാ​പി​ക്കാൻ നാം യഥാർഥ​ത്തിൽ ആഗ്രഹി​ക്കു​ക​യും ദിവസേന അതു ചെയ്യാൻ ശ്രമം ചെലു​ത്തു​ക​യും ചെയ്യു​ന്നെ​ങ്കിൽ യഹോവ നമ്മെ സഹായി​ക്കും.