അനുഭ​വ​ജ്ഞാ​ന​മി​ല്ലാ​ത്ത​വരെ ഗ്രഹി​ക്കാൻ സഹായി​ക്കു​ക

¹ ദൈവം എന്താണ്‌ ആവശ്യ​പ്പെ​ടു​ന്ന​തെന്നു ശിഷ്യ​രാ​ക്കൽ വേലയി​ലൂ​ടെ നാം മറ്റുള്ള​വരെ പഠിപ്പി​ക്കു​ന്നു. (മത്താ. 28:19, 20) ലോക​വ്യാ​പ​ക​മാ​യി 50 ലക്ഷത്തി​ല​ധി​കം സാക്ഷികൾ അതു ചെയ്യു​ന്ന​തി​നാ​യി ഒരു ബൃഹത്തായ ശ്രമം നടത്തി​ക്കൊ​ണ്ടി​രി​ക്കു​ക​യാണ്‌. ചെലവ​ഴിച്ച മണിക്കൂ​റു​കൾ, സമർപ്പിച്ച സാഹി​ത്യ​ങ്ങൾ, തുടങ്ങി​വെച്ച ബൈബി​ള​ധ്യ​യ​നങ്ങൾ എന്നിവ​യാ​ലല്ല വിജയം അളക്കു​ന്നത്‌. തങ്ങൾ പഠിക്കു​ന്നത്‌ ആളുകൾ ഗ്രഹി​ക്കു​ക​യും അതനു​സ​രി​ച്ചു പ്രവർത്തി​ക്കു​ക​യും ചെയ്യു​മ്പോൾ നാം നമ്മുടെ ലക്ഷ്യം കൈവ​രി​ക്കു​ന്നു.

² മറ്റുള്ള​വരെ ആത്മീയ​മാ​യി സഹായി​ക്കു​ന്ന​തിൽ “അനുഭ​വ​ജ്ഞാ​ന​മി​ല്ലാ​ത്ത​വരെ ഗ്രഹി​പ്പി​ക്കു​ന്നത്‌” ഉൾപ്പെ​ടു​ന്നു. (സങ്കീ. 119:130, NW) ആളുകൾ ‘അർഥം ഗ്രഹി​ക്കു​മ്പോൾ’ മാത്ര​മാണ്‌ ഹൃദയ​ത്തിൽ മതിപ്പു​ള​വാ​കു​ക​യും അവർ പ്രചോ​ദി​ത​രാ​കു​ക​യും ചെയ്യു​ന്നത്‌. (മത്താ. 15:10, NW) നമ്മുടെ വേല വ്യാപ​ക​വും ഊർജി​ത​വു​മാ​കു​ന്ന​തോ​ടെ, ലാളി​ത്യ​ത്തോ​ടെ സംസാ​രി​ക്കു​ക​യും പഠിപ്പി​ക്കു​ക​യും ചെയ്യേ​ണ്ട​തി​ന്റെ ആവശ്യം നാം അധിക​മ​ധി​കം ഗ്രഹി​ക്കു​ന്നു. അതു​കൊ​ണ്ടാണ്‌ ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രിക സൊ​സൈറ്റി പ്രസി​ദ്ധീ​ക​രി​ച്ചി​രി​ക്കു​ന്നത്‌. ബൈബി​ളി​ലെ അടിസ്ഥാന പഠിപ്പി​ക്ക​ലു​ക​ളെ​ല്ലാം ഉൾക്കൊ​ള്ളുന്ന ഒരു പഠന പദ്ധതി അതിൽ ഉൾപ്പെ​ടു​ന്നു. ഹ്രസ്വ​മായ പാഠങ്ങൾ, സങ്കീർണ​മ​ല്ലാത്ത പദപ്ര​യോ​ഗങ്ങൾ, അനായാ​സം ഗ്രഹി​ക്കാ​വുന്ന പ്രബോ​ധനം എന്നിവ ഈ ലഘുപ​ത്രി​ക​യ്‌ക്കു വ്യാപ​ക​മായ ആകർഷ​ണീ​യത നൽകുന്നു.

³ ഏപ്രിൽ, മേയ്‌ മാസങ്ങ​ളിൽ വരിസം​ഖ്യ​ക​ളോ​ടൊ​പ്പം ഈ ലഘുപ​ത്രിക വിശേ​ഷ​വ​ത്‌ക​രി​ക്കാ​വു​ന്ന​താണ്‌. സാഹി​ത്യ​ങ്ങൾ മുമ്പ്‌ മടികൂ​ടാ​തെ സ്വീക​രി​ച്ചി​ട്ടു​ള്ള​വരെ ഈ ലഘുപ​ത്രിക കാണി​ക്കുക. കുട്ടി​ക​ളെ​യും നിങ്ങൾക്ക്‌ ഒഴു​ക്കോ​ടെ സംസാ​രി​ക്കാൻ സാധി​ക്കാത്ത ഒരു ഭാഷ സംസാ​രി​ക്കു​ന്ന​വ​രെ​യും പരിമി​ത​മായ വായനാ പ്രാപ്‌തി​യു​ള്ള​വ​രെ​യും പഠിപ്പി​ക്കു​ന്ന​തിൽ ഇതു വിശേ​ഷാൽ പ്രയോ​ജ​ന​പ്ര​ദ​മാ​യി​രി​ക്കാ​മെന്ന്‌ ഓർമി​ക്കുക.

⁴ ലളിത​മായ സമീപനം സ്വീക​രി​ക്കുക: ആവശ്യം ലഘുപ​ത്രിക അവതരി​പ്പി​ക്കു​മ്പോൾ രണ്ടാം പേജ്‌ പരാമർശി​ക്കുക. “ഈ ലഘുപ​ത്രിക ഒരു ബൈബിൾപഠന പദ്ധതി​യാ​യി സംവി​ധാ​നം ചെയ്‌തി​രി​ക്കു​ന്നു”വെന്ന്‌ അവിടെ വിശദീ​ക​രി​ച്ചി​രി​ക്കു​ന്നു. ഒരു വ്യക്തി ബൈബിൾ പഠി​ക്കേ​ണ്ടത്‌ എന്തു​കൊ​ണ്ടാ​ണെന്നു കാണി​ക്കു​ന്ന​തി​നു 3-ാം പേജിലെ 3-ാം ഖണ്ഡിക​യി​ലേക്കു ശ്രദ്ധ ക്ഷണിക്കുക. ലളിത​മായ ബൈബിൾ സത്യങ്ങൾ വെളി​പ്പെ​ടു​ത്തുന്ന ചില പാഠങ്ങ​ളു​ടെ ശീർഷ​ക​ങ്ങൾകൊണ്ട്‌ അയാളു​ടെ താത്‌പ​ര്യം ഉണർത്തുക. ഈ ലഘുപ​ത്രിക പഠനം ഉല്ലാസ​പ്ര​ദ​മാ​ക്കു​ന്ന​തെ​ങ്ങ​നെ​യെന്നു കാണി​ച്ചിട്ട്‌ അയാൾക്കു വ്യക്തി​പ​ര​മായ സഹായം വാഗ്‌ദാ​നം ചെയ്യുക.

⁵ പുരോ​ഗ​മ​ന​പ​ര​മായ അധ്യയനം നടത്തുക: അധ്യയ​നങ്ങൾ നടത്തു​ക​യെ​ന്നതു മാത്രമല്ല നമ്മുടെ ലക്ഷ്യം—സത്യാ​രാ​ധ​ന​യു​ടെ സുശക്ത പിന്തു​ണ​ക്കാ​രായ ശിഷ്യൻമാ​രെ ഉളവാ​ക്കാൻ നാം ആഗ്രഹി​ക്കു​ന്നു. ഏതാനും ആഴ്‌ച​കൾകൊണ്ട്‌ ഈ ലഘുപ​ത്രിക മുഴുവൻ ചർച്ച​ചെ​യ്യാ​വു​ന്ന​താണ്‌. അതു പരിജ്ഞാ​നം പുസ്‌ത​ക​ത്തി​ന്റെ അധ്യയ​ന​ത്തി​ലേക്കു നയിക്കണം. (31-ാം പേജിലെ അടിക്കു​റി​പ്പു കാണുക.) യഹോ​വ​യു​ടെ സ്ഥാപനത്തെ തിരി​ച്ച​റി​യാൻ ആരംഭം​മു​തൽ വിദ്യാർഥി​യെ സഹായി​ക്കുക. (ന്യായ​വാ​ദം പുസ്‌ത​ക​ത്തി​ന്റെ 283-4 പേജുകൾ കാണുക.) സഭാ​യോ​ഗ​ങ്ങ​ളു​ടെ മൂല്യം എടുത്തു​കാ​ട്ടുക. യോഗ​ങ്ങൾക്കു ഹാജരാ​കു​ന്നത്‌ സത്യാ​രാ​ധന ആചരി​ക്കേണ്ട വിധം സംബന്ധിച്ച ഒരു സർവതല ഗ്രാഹ്യം പ്രദാനം ചെയ്യു​ന്നു​വെന്നു വിശദീ​ക​രി​ക്കുക.—എബ്രാ. 10:24, 25.

⁶ ഏപ്രിൽ, മേയ്‌ മാസങ്ങ​ളിൽ ഈ പ്രത്യേക വേലയിൽ ഒരു പൂർണ പങ്കുണ്ടാ​യി​രി​ക്കു​ന്നത്‌, ജീവനി​ലേക്കു നയിക്കുന്ന ‘ഗ്രാഹ്യം ആർജി​ക്കാൻ’ ആത്മാർഥ ഹൃദയരെ സഹായി​ക്കു​ന്ന​തിൽനി​ന്നു​ണ്ടാ​കുന്ന സന്തോഷം നമുക്കു കൈവ​രു​ത്തു​മെന്ന്‌ ഉറപ്പാണ്‌.—സദൃ. 4:5, NW.