അധ്യയ​നങ്ങൾ തുടങ്ങാൻ നിങ്ങൾ ആവശ്യം ലഘുപ​ത്രിക ഉപയോ​ഗി​ക്കു​ന്നു​ണ്ടോ?

¹ അധ്യയ​ന​ത്തി​നാ​യി നിർദേ​ശി​ച്ചി​രി​ക്കുന്ന ഏതെങ്കി​ലും പ്രസി​ദ്ധീ​ക​ര​ണ​ത്തി​ലെ വിവരങ്ങൾ ഉപയോ​ഗിച്ച്‌ താത്‌പ​ര്യ​മുള്ള ഒരു വ്യക്തി​യു​മാ​യി, ഹ്രസ്വ​മാ​യാ​ണെ​ങ്കി​ലും, ക്രമമാ​യും ചിട്ട​യോ​ടെ​യും ബൈബിൾ ചർച്ചകൾ നടത്തു​ന്നത്‌ ഒരു ബൈബിൾ അധ്യയ​ന​മാ​ണെന്ന കാര്യം നിങ്ങൾ മനസ്സി​ലാ​ക്കി​യി​രു​ന്നോ? അതേ, വാതിൽക്കൽ നിന്നു​കൊ​ണ്ടോ ടെലി​ഫോ​ണി​ലൂ​ടെ​യോ ആയാലും അതു സത്യമാണ്‌. ആവശ്യം ലഘുപ​ത്രിക ഉപയോ​ഗിച്ച്‌ മേയി​ലും ജൂണി​ലും അത്തര​മൊ​രു അധ്യയനം തുടങ്ങാൻ നിങ്ങൾക്കു പ്രത്യേക ശ്രമം ചെയ്യരു​തോ?

² തയ്യാറാ​കൽ വിജയ​ത്തി​ന്റെ താക്കോൽ: ആവശ്യം ലഘുപ​ത്രിക സമർപ്പി​ക്കു​മ്പോൾ ചർച്ച ചെയ്യാൻ ഉദ്ദേശി​ക്കുന്ന ആശയം നിങ്ങളു​ടെ മനസ്സിൽ വ്യക്തമാ​യി ഉണ്ടായി​രി​ക്കണം. ഒരു മടക്കസ​ന്ദർശ​ന​മാണ്‌ നടത്തു​ന്ന​തെ​ങ്കിൽ ആദ്യ സന്ദർശ​ന​ത്തി​ലെ സംഭാ​ഷ​ണത്തെ കുറിച്ചു ചിന്തി​ക്കുക. നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘ചർച്ച പുരോ​ഗ​മി​പ്പിച്ച്‌ അതിനെ ഒരു ബൈബിൾ അധ്യയ​ന​മാ​ക്കി മാറ്റാൻ ഈ ലഘുപ​ത്രി​ക​യി​ലെ ഏതു ഖണ്ഡിക​ക​ളാണ്‌ എനിക്ക്‌ ഉപയോ​ഗി​ക്കാൻ സാധി​ക്കുക?’ നിങ്ങൾ വീടു​തോ​റു​മുള്ള വേലയിൽ ആണെങ്കിൽ, ഒരു യുവവ്യ​ക്തി, പ്രായം​ചെന്ന ആൾ, പുരുഷൻ, സ്‌ത്രീ എന്നിവർക്ക്‌ ആകർഷ​ക​മാ​യി​രു​ന്നേ​ക്കാ​വുന്ന വിഷയ​ങ്ങളെ കുറിച്ചു ചിന്തി​ക്കുക. ലഘുപ​ത്രി​ക​യി​ലെ വിഷയ സൂചിക നോക്കി താത്‌പ​ര്യം ജനിപ്പി​ച്ചേ​ക്കാ​വുന്ന ഒരു വിഷയം തിര​ഞ്ഞെ​ടു​ക്കുക. ഏതു സമീപ​ന​രീ​തി ഉപയോ​ഗി​ക്ക​ണ​മെന്നു തീരു​മാ​നി​ച്ച​ശേഷം അതു പലയാ​വർത്തി പരിശീ​ലി​ക്കുക. വിജയ​ത്തി​ലേക്കു നയിക്കുന്ന അടിസ്ഥാന സംഗതി​ക​ളിൽ ഒന്നാണ്‌ ഇത്‌.

³ നമ്മുടെ രാജ്യ ശുശ്രൂ​ഷ​യു​ടെ 2002 ജനുവരി ലക്കത്തിലെ അനുബന്ധം ‘ആവശ്യം ലഘുപ​ത്രിക സമർപ്പി​ക്കു​ന്ന​തി​നുള്ള എട്ടു നിർദേ​ശങ്ങൾ’ നൽകു​ന്നുണ്ട്‌. “നേരി​ട്ടുള്ള സമീപനം” എന്ന ചതുരം അധ്യയ​നങ്ങൾ ആരംഭി​ക്കാൻ ഈ ലഘുപ​ത്രിക എങ്ങനെ ഉപയോ​ഗി​ക്കാം എന്നു കാണി​ച്ചു​ത​രു​ന്നു. ആദ്യത്തെ നിർദേശം നിങ്ങൾക്ക്‌ പിൻവ​രുന്ന വിധം പൊരു​ത്ത​പ്പെ​ടു​ത്തി ഉപയോ​ഗി​ക്കാ​വു​ന്ന​താണ്‌:

◼ “ഏതാനും നിമി​ഷ​ങ്ങൾകൊണ്ട്‌ ഒരു പ്രധാന ബൈബിൾ ചോദ്യ​ത്തിന്‌ ഉത്തരം കണ്ടെത്താ​മെന്ന കാര്യം നിങ്ങൾ അറിഞ്ഞി​രു​ന്നോ? ഉദാഹ​ര​ണ​ത്തിന്‌, ക്രിസ്‌തീ​യ​മെന്ന്‌ അവകാ​ശ​പ്പെ​ടുന്ന ധാരാളം മതങ്ങൾ ഉള്ളതെ​ന്തു​കൊണ്ട്‌? അതി​നെ​ക്കു​റിച്ച്‌ നിങ്ങൾ എപ്പോ​ഴെ​ങ്കി​ലും ചിന്തി​ച്ചി​ട്ടു​ണ്ടോ?” വ്യക്തി​യു​ടെ മറുപ​ടി​ക്കു​ശേഷം 13-ാം പാഠത്തി​ലേക്കു മറിച്ച്‌ ആദ്യത്തെ രണ്ടു ഖണ്ഡികകൾ ചർച്ച ചെയ്യുക. സമയം അനുവ​ദി​ക്കു​ന്ന​ത​നു​സ​രിച്ച്‌, ഒന്നോ രണ്ടോ തിരു​വെ​ഴു​ത്തു​കൾ വായിച്ചു ചർച്ച ചെയ്യുക. എന്നിട്ട്‌, പേജിനു മുകളി​ലുള്ള അവസാന ചോദ്യം വായി​ച്ചിട്ട്‌ ഇങ്ങനെ പറയുക: “ഈ പാഠത്തി​ന്റെ ബാക്കി ഭാഗം സത്യ​ക്രിസ്‌ത്യാ​നി​കളെ തിരി​ച്ച​റി​യാൻ സഹായി​ക്കുന്ന അഞ്ച്‌ അടയാ​ളങ്ങൾ വ്യക്തമാ​ക്കു​ന്നുണ്ട്‌. വീണ്ടും വന്ന്‌ ഈ കാര്യങ്ങൾ താങ്കളു​മാ​യി പങ്കു​വെ​ക്കാൻ എനിക്കു സന്തോ​ഷ​മേ​യു​ള്ളൂ.”

⁴ സ്ഥിരോ​ത്സാ​ഹം കാട്ടുക: ആവശ്യം ലഘുപ​ത്രിക ഉപയോ​ഗിച്ച്‌ ഒരു ബൈബിൾ അധ്യയനം പ്രകടി​പ്പി​ച്ചു കാണി​ക്കാ​നുള്ള എല്ലാ അവസര​ങ്ങ​ളും ഉപയോ​ഗ​പ്പെ​ടു​ത്തുക. യഹോ​വ​യു​ടെ അനു​ഗ്ര​ഹ​ത്തി​നാ​യി പ്രാർഥി​ക്കുക. (മത്താ. 21:22) നിങ്ങളു​ടെ ശ്രമങ്ങ​ളിൽ സ്ഥിരോ​ത്സാ​ഹം കാട്ടു​ക​വഴി, സുവാർത്ത​യോട്‌ അനുകൂ​ല​മാ​യി പ്രതി​ക​രി​ക്കാൻ ആരെ​യെ​ങ്കി​ലും സഹായി​ക്കു​ന്ന​തി​ന്റെ സന്തോഷം നിങ്ങൾക്ക്‌ ആസ്വദി​ക്കാ​നാ​കും!