ആളുക​ളു​ള്ളി​ട​ത്തെ​ല്ലാം സാക്ഷീ​ക​രി​ക്കു​ക

¹ തന്റെ ശുശ്രൂ​ഷ​യിൽ ദൈവാ​ത്മാ​വു വഹിച്ച പങ്കു തിരി​ച്ച​റി​ഞ്ഞു​കൊണ്ട്‌ അപ്പോ​സ്‌ത​ല​നായ പൗലൊസ്‌ ഇങ്ങനെ പ്രസ്‌താ​വി​ച്ചു: “ദൈവ​മ​ത്രേ വളരു​മാ​റാ​ക്കി​യതു.” അവനി​ങ്ങ​നെ​യും സമ്മതിച്ചു പറഞ്ഞു: “ഞങ്ങൾ ദൈവ​ത്തി​ന്റെ കൂട്ടു​വേ​ല​ക്കാർ.” (1 കൊരി. 3:5-9) ഇതു വിസ്‌മ​യാ​വ​ഹ​മായ ഒരു പദവി​യാണ്‌. ദൈവ​ത്തി​ന്റെ കൂട്ടു​വേ​ല​ക്കാ​രാ​യി​രി​ക്കു​ന്ന​തി​നെ നാം വിലമ​തി​ക്കു​ന്നു​വെന്നു പരസ്യ​മാ​യി പ്രകട​മാ​ക്കാൻ നമു​ക്കെ​ങ്ങനെ സാധി​ക്കും? വീടു​തോ​റു​മുള്ള പ്രവർത്ത​ന​ത്തി​ലും അല്ലാ​തെ​യും നാം കണ്ടുമു​ട്ടുന്ന എല്ലാവ​രോ​ടും സുവാർത്ത പ്രസം​ഗി​ക്കു​ന്ന​തി​ലൂ​ടെ.

² “സകലജാ​തി​ക​ളെ​യും ശിഷ്യരാ”ക്കാനുള്ള ആജ്ഞ നമുക്കു ലഭിച്ചി​രി​ക്കു​ന്നു. (മത്താ. 28:19, 20) ശുശ്രൂ​ഷ​യിൽ പങ്കുപ​റ്റു​മ്പോൾ ചുരു​ക്ക​മാ​ളു​ക​ളെയേ കണ്ടുമു​ട്ടു​ന്നു​ള്ളു​വെ​ങ്കിൽ നാം വേഗത്തിൽ നിരു​ത്സാ​ഹി​ത​രാ​യി​ത്തീ​രു​ക​യും നമുക്ക്‌ അൽപ്പമേ ചെയ്യാൻ സാധി​ച്ചു​ള്ളു എന്നു ചിന്തി​ക്കു​ക​യും ചെയ്‌തേ​ക്കാം. അതേസ​മയം, അനേക​മാ​ളു​കളെ കണ്ടെത്താ​നും അവരു​മാ​യി സംസാ​രി​ക്കാ​നും സാധി​ക്കു​മ്പോൾ നാം നമ്മുടെ ശുശ്രൂഷ വളരെ​യേറെ ആസ്വദി​ക്കു​ന്നു. ഇതു കുറെ​യൊ​ക്കെ വെല്ലു​വി​ളി ഉയർത്തി​യേ​ക്കാം. കാരണം ആളുക​ളു​ള്ളി​ട​ത്തെ​ല്ലാം അവരെ കണ്ടുമു​ട്ടാൻ സാധ്യ​മാ​ക​ത്ത​ക്ക​വി​ധ​ത്തിൽ ചെന്നെ​ത്തു​ന്ന​തി​നു നാം മുൻ​കൈ​യെ​ടു​ക്കേ​ണ്ടത്‌ ആവശ്യ​മാ​യി​ത്തീ​രു​ന്നു.

³ പ്രാ​യോ​ഗിക ദൃഷ്ടാ​ന്തങ്ങൾ: കമ്പോ​ളങ്ങൾ, പാർക്കു​കൾ, വിശ്രമ സ്ഥലങ്ങൾ, ബസ്സ്‌ സ്റ്റാൻഡു​കൾ, റെയിൽവേ സ്റ്റേഷനു​കൾ തുടങ്ങി പ്രവേ​ശ​നാ​നു​മ​തി​യുള്ള സ്ഥലങ്ങളിൽ നമുക്കു സാക്ഷീ​ക​രണം നടത്താ​വു​ന്ന​താണ്‌. പൊതു വാഹന​ങ്ങ​ളിൽ യാത്ര ചെയ്യുന്ന വേളക​ളിൽ സാക്ഷീ​ക​രി​ക്കാൻ നിങ്ങൾ സജ്ജനാ​ണോ? വയൽസേ​വ​ന​യോ​ഗ​ത്തി​നു കൂടി​വ​രാൻ നിശ്ചയി​ച്ചി​രുന്ന പ്രദേ​ശ​ത്തേക്കു തിരക്കുള്ള ഒരു ബസ്സിൽ യാത്ര ചെയ്യു​ക​യാ​യി​രുന്ന രണ്ടു സാക്ഷികൾ പരിജ്ഞാ​നം പുസ്‌ത​ക​ത്തി​ലെ പറുദീ​സ​യു​ടെ ചിത്ര​ത്തെ​ക്കു​റിച്ച്‌, ദൈവ​ത്തി​ന്റെ ഭാവി വാഗ്‌ദാ​ന​ങ്ങ​ളെ​ക്കു​റിച്ച്‌ സംഭാ​ഷ​ണ​ത്തി​ലേർപ്പെട്ടു. അവർ പ്രതീ​ക്ഷി​ച്ച​തു​പോ​ലെ​തന്നെ സമീപത്തു നിന്നി​രുന്ന ഒരു യുവാവ്‌ ഇതു ശ്രദ്ധി​ക്കു​ക​യും കേട്ടകാ​ര്യം അദ്ദേഹ​ത്തിൽ മതിപ്പു​ള​വാ​ക്കു​ക​യും ചെയ്‌തു. ബസ്സിൽനിന്ന്‌ ഇറങ്ങു​ന്ന​തി​നു​മുമ്പ്‌ അദ്ദേഹം ഒരു പുസ്‌തകം സ്വീക​രി​ക്കു​ക​യും തന്റെ വീട്ടിൽ ആരെങ്കി​ലും വരണ​മെന്ന്‌ ആവശ്യ​പ്പെ​ടു​ക​യും ചെയ്‌തു.

⁴ അനേകം പ്രസാ​ധകർ അനൗപ​ചാ​രിക സാക്ഷീ​ക​രണം നടത്തു​ന്ന​തിൽ സന്തോഷം കണ്ടെത്തി​യി​രി​ക്കു​ന്നു. ഒരു സഹോ​ദരി ഒരു ദിവസം ഉച്ചകഴിഞ്ഞ്‌ സ്വന്ത​പ്ര​ദേ​ശത്തെ ഷോപ്പിങ്‌ സെൻറർ സന്ദർശി​ച്ചു. സാധനങ്ങൾ വാങ്ങി മടങ്ങി​പ്പോ​കു​ക​യാ​യി​രുന്ന, തിരക്കി​ല​ല്ലാ​ത്ത​വ​രെന്നു തോന്നിയ ആളുകളെ അവൾ സമീപി​ച്ചു. അവൾ തന്റെ ബാഗി​ലു​ണ്ടാ​യി​രുന്ന എല്ലാ പ്രസി​ദ്ധീ​ക​ര​ണ​ങ്ങ​ളും സമർപ്പി​ച്ചു. തന്റെ കാറിൽ ആരെയോ കാത്തി​രി​ക്കു​ക​യാ​യി​രുന്ന ഒരു വ്യക്തി സന്തോ​ഷ​പൂർവം അവളിൽ നിന്നു മാസി​കകൾ സ്വീക​രി​ച്ചു. അദ്ദേഹം മുമ്പു യോഗ​ങ്ങ​ളിൽ സംബന്ധി​ച്ചി​രു​ന്നു. അവരുടെ സംഭാ​ഷണം അദ്ദേഹ​ത്തി​ന്റെ താത്‌പ​ര്യ​ത്തെ പുനരു​ജ്ജീ​വി​പ്പി​ച്ചു.

⁵ യഹോ​വ​യു​ടെ നാമത്തെ സ്‌തു​തി​ക്കു​ന്നത്‌ ഒരു പദവി​യാണ്‌. പ്രസം​ഗ​വേ​ല​യോ​ടു നാം തീക്ഷ്‌ണത പ്രകട​മാ​ക്കു​ന്നത്‌ ദൈവം നമ്മോടു കാണി​ച്ചി​ട്ടുള്ള അനർഹ​ദ​യയെ നാം അലക്ഷ്യ​മാ​ക്കു​ന്നില്ല എന്നാണു കാണി​ക്കു​ന്നത്‌. കാരണം, “ഇപ്പോൾ ആകുന്നു” മറ്റുള്ള​വരെ സഹായി​ക്കാ​നുള്ള “സുപ്ര​സാ​ദ​കാ​ലം.” അതു​കൊണ്ട്‌ നമുക്ക്‌ ആളുക​ളു​ള്ളി​ട​ത്തെ​ല്ലാം യഹോ​വ​യു​ടെ “രക്ഷാദി​വസ”ത്തെക്കു​റി​ച്ചു സാക്ഷീ​ക​രി​ക്കാം.—2 കൊരി. 6:1, 2.