1998-ലേക്കുള്ള ദിവ്യാ​ധി​പത്യ ശുശ്രൂ​ഷാ​സ്‌കൂൾ

വിദ്യാ​ഭ്യാ​സം നേടുക എന്നതിന്റെ അർഥം “ഒരു പ്രത്യേക അറിവോ വൈദ​ഗ്‌ധ്യ​മോ നേടി​യെ​ടു​ക്കാൻ പഠിക്കുക അല്ലെങ്കിൽ അഭ്യസി​ക്കുക” എന്നാണ്‌. ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലൂ​ടെ നമുക്കു ദൈവി​ക​പ​രി​ജ്ഞാ​ന​ത്തിൽ നിരന്തര പരിശീ​ലനം ലഭിക്കു​ന്നു. കൂടാതെ, ഈ സ്‌കൂ​ളിൽ പങ്കുപ​റ്റു​ന്നത്‌ നമ്മുടെ സംസാര, പഠിപ്പി​ക്കൽ പ്രാപ്‌തി​കൾ വികസി​പ്പി​ക്കാൻ നമ്മെ സഹായി​ക്കു​ന്നു. 1998-ലേക്കുള്ള സ്‌കൂൾ കാര്യ​പ​രി​പാ​ടി, നമുക്കു കൂടുതൽ ആത്മീയ പുരോ​ഗതി കൈവ​രി​ക്കാ​നുള്ള നിരവധി അവസരങ്ങൾ പ്രദാനം ചെയ്യുന്നു.

അടുത്ത വർഷത്തെ സ്‌കൂൾ പട്ടിക പരി​ശോ​ധി​ക്കു​മ്പോൾ, 3-ാം നമ്പർ നിയമനം ഇടയ്‌ക്കൊ​ക്കെ ഉൾക്കാഴ്‌ച (ഇംഗ്ലീഷ്‌) വാല്യ​ങ്ങ​ളിൽ നിന്നുള്ള ഏതെങ്കി​ലും ബൈബിൾ കഥാപാ​ത്രത്തെ അടിസ്ഥാ​ന​പ്പെ​ടു​ത്തി​യാ​യി​രി​ക്കു​മെന്നു നിങ്ങൾക്കു കാണാം. ഇതു കൂടാതെ, കുടുംബ സന്തുഷ്ടി പുസ്‌ത​ക​വും 1998-ലെ പാഠ്യ​പ​ദ്ധ​തി​യിൽ ഉൾപ്പെ​ടു​ത്തി​യി​രി​ക്കു​ന്നു, 3-ാമത്തെ​യും 4-ാമത്തെ​യും നിയമ​ന​ങ്ങ​ളിൽ നാമിതു ക്രമാ​നു​ഗ​ത​മാ​യി പരിചി​ന്തി​ക്കും. 4-ാം നമ്പർ നിയമനം കുടുംബ സന്തുഷ്ടി പുസ്‌ത​കത്തെ അടിസ്ഥാ​ന​പ്പെ​ടു​ത്തി നടത്തേണ്ട അവസര​ങ്ങ​ളി​ലെ​ല്ലാം, ഒരു സഹോ​ദരൻ സഭയോട്‌ പ്രസം​ഗി​ക്കുന്ന വിധത്തി​ലാ​യി​രി​ക്കണം അതു കൈകാ​ര്യം ചെയ്യേ​ണ്ടത്‌. ആരും അനുവ​ദി​ച്ചി​രി​ക്കുന്ന സമയത്തിൽ കൂടു​ത​ലെ​ടു​ക്ക​രു​തെന്ന്‌ ഒരിക്കൽക്കൂ​ടി ഓർമി​പ്പി​ക്കു​ന്നു.

ഒരു പുതിയ സവി​ശേഷത: നമ്മുടെ വ്യക്തി​പ​ര​മായ പ്രയോ​ജ​ന​ത്തി​നു​വേണ്ടി, ഒരു “അനുബന്ധ ബൈബിൾ വായനാ പട്ടിക” ഓരോ വാര​ത്തേ​ക്കു​മുള്ള ഗീതത്തി​ന്റെ നമ്പരിനു ശേഷം ചതുര​വ​ല​യ​ങ്ങൾക്കു​ള്ളിൽ കൊടു​ത്തി​രി​ക്കു​ന്നു. വാരം​തോ​റു​മുള്ള സ്‌കൂൾ പരിപാ​ടി​ക​ളി​ലൊ​ന്നും​തന്നെ അതിനെ അടിസ്ഥാ​ന​പ്പെ​ടു​ത്തി​യ​ല്ലെ​ങ്കി​ലും അതു പിൻപ​റ്റാൻ ലക്ഷ്യം​വെ​ക്കുക. നിങ്ങൾക്കു ദൈനം​ദിന ബൈബിൾ വായനാ പരിപാ​ടി​യി​ല്ലെ​ങ്കിൽ അതൊരു ശീലമാ​ക്കാൻ ഇതു നിങ്ങളെ പ്രാപ്‌ത​രാ​ക്കും.

നിയമ​ന​ങ്ങൾ, ഗുണ​ദോ​ഷം, എഴുത്തു പുനര​വ​ലോ​ക​നങ്ങൾ എന്നിവ സംബന്ധി​ച്ചുള്ള കൂടു​ത​ലായ വിവര​ങ്ങൾക്ക്‌ ദയവായി “ദിവ്യാ​ധി​പത്യ ശുശ്രൂ​ഷാ​സ്‌കൂൾ പട്ടിക 1998” എന്ന ഭാഗത്തും 1996 ഒക്ടോ​ബ​റി​ലെ നമ്മുടെ രാജ്യ ശുശ്രൂ​ഷ​യു​ടെ 3-ാം പേജി​ലും കാണ​പ്പെ​ടുന്ന നിർദേ​ശങ്ങൾ സശ്രദ്ധം വായി​ക്കുക.

ദിവ്യാ​ധി​പ​ത്യ ശുശ്രൂ​ഷാ​സ്‌കൂ​ളിൽ ഇതുവരെ പേർ ചാർത്തി​യി​ട്ടി​ല്ലെ​ങ്കിൽ ഇപ്പോൾ അപ്രകാ​രം ചെയ്യാൻ ഞങ്ങൾ നിങ്ങളെ ക്ഷണിക്കു​ന്നു. ഈ അനുപ​മ​മായ സ്‌കൂൾ, യഹോ​വ​യു​ടെ താഴ്‌മ​യുള്ള വിശ്വസ്‌ത ദാസന്മാ​രെ അവന്റെ ശുശ്രൂ​ഷ​ക​രെന്ന നിലയിൽ കൂടുതൽ യോഗ്യ​തകൾ നേടി​യെ​ടു​ക്കാൻ പരിശീ​ലി​പ്പി​ക്കു​ന്ന​തിൽ ഒരു സുപ്ര​ധാന പങ്കുവ​ഹി​ക്കു​ന്ന​തിൽ തുടരു​ന്നു.—1 തിമൊ. 4:13-16.