2000-ാം ആണ്ടി​ലേ​ക്കുള്ള ദിവ്യാ​ധി​പത്യ ശുശ്രൂ​ഷാ സ്‌കൂൾ

¹ ദിവ്യാ​ധി​പത്യ ശുശ്രൂ​ഷാ സ്‌കൂൾ യഹോ​വ​യു​ടെ ജനത്തിനു വലി​യൊ​രു അനു​ഗ്രഹം എന്നു തെളി​ഞ്ഞി​രി​ക്കു​ന്നു. 50-ലധികം വർഷമാ​യി, പരസ്യ പ്രസം​ഗകർ എന്ന നിലയി​ലും ബൈബിൾ സത്യത്തി​ന്റെ ഉപദേ​ഷ്ടാ​ക്കൾ എന്ന നിലയി​ലു​മുള്ള തങ്ങളുടെ കഴിവു​കൾ വികസി​പ്പി​ക്കാൻ ഇതു ദശലക്ഷ​ങ്ങളെ സഹായി​ച്ചി​രി​ക്കു​ന്നു. (സങ്കീ. 145:10-12; മത്താ. 28:19, 20) ഈ സ്‌കൂൾ നിങ്ങളെ എങ്ങനെ സഹായി​ച്ചി​രി​ക്കു​ന്നു എന്ന്‌ നിങ്ങൾക്കു കാണാൻ കഴിയു​ന്നു​ണ്ടോ? നിങ്ങൾ അതിൽ പൂർണ​മാ​യി പങ്കുപ​റ്റു​ക​യും നൽക​പ്പെ​ടുന്ന ബുദ്ധി​യു​പ​ദേശം ബാധക​മാ​ക്കു​ക​യും ചെയ്യു​ന്നെ​ങ്കിൽ, 2000-ാം ആണ്ടിലും അതു നിങ്ങളെ സഹായി​ക്കും.

² നിയമ​നങ്ങൾ സംബന്ധി​ച്ചുള്ള നിർദേ​ശ​ങ്ങ​ളും ഉപയോ​ഗി​ക്കുന്ന പ്രസി​ദ്ധീ​ക​ര​ണ​ങ്ങ​ളും 2000-ാം ആണ്ടി​ലേ​ക്കുള്ള സ്‌കൂൾ പട്ടിക​യു​ടെ ആദ്യ പേജിൽ കൊടു​ത്തി​ട്ടുണ്ട്‌. ഓരോ ഭാഗത്തി​നും അനുവ​ദി​ച്ചി​രി​ക്കുന്ന സമയം, വിവര​ങ്ങ​ളു​ടെ ഉറവിടം, വിവരങ്ങൾ അവതരി​പ്പി​ക്കേണ്ട വിധം എന്നിവ​യും മറ്റു വിശദാം​ശ​ങ്ങ​ളും അവിടെ ചർച്ച ചെയ്‌തി​രി​ക്കു​ന്നു. നിർദേ​ശങ്ങൾ സമയ​മെ​ടുത്ത്‌ ശ്രദ്ധാ​പൂർവം വായി​ക്കു​ക​യും ബാധക​മാ​ക്കു​ക​യും ചെയ്യുക.

³ പ്രതി​വാര ബൈബിൾ വായന: പ്രതി​വാര ബൈബിൾ വായനയ്‌ക്കാ​യി വ്യത്യസ്‌ത​മായ രണ്ടു ക്രമീ​ക​ര​ണങ്ങൾ സ്‌കൂൾ പട്ടിക​യിൽ ഉൾപ്പെ​ടു​ത്തി​യി​ട്ടുണ്ട്‌. ബൈബി​ളി​ന്റെ അഞ്ച്‌ പേജു​ക​ളോ​ളം വായി​ച്ചു​തീർക്കാ​വുന്ന സാധാരണ വായനാ ക്രമീ​ക​ര​ണ​മാണ്‌ ഒന്ന്‌. ബൈബിൾ വിശേ​ഷാ​ശ​യങ്ങൾ ഇതിനെ അധിക​രി​ച്ചു​ള്ള​താ​യി​രി​ക്കും. അതിന്റെ ഇരട്ടി​യോ​ളം വായി​ച്ചു​തീർക്കാ​വുന്ന അനുബന്ധ വായനാ പരിപാ​ടി​യാണ്‌ മറ്റൊന്ന്‌. ഇതു പിൻപ​റ്റി​യാൽ, മൂന്ന്‌ വർഷം കൊണ്ടു മുഴു ബൈബി​ളും വായി​ച്ചു​തീർക്കാൻ നിങ്ങൾക്കു കഴിയും. ചിലർ അനുബന്ധ വായനാ പരിപാ​ടി​യിൽ ഉള്ളതി​നെ​ക്കാൾ കൂടുതൽ വായി​ക്കാൻ ആഗ്രഹി​ച്ചേ​ക്കാം. എന്നാൽ മറ്റു ചിലർക്ക്‌ ഒരു പക്ഷേ ആ പട്ടിക​യോ​ടു പറ്റിനിൽക്കാൻ കഴിയു​ന്നില്ല. നിങ്ങളെ മറ്റുള്ള​വ​രു​മാ​യി താരത​മ്യം ചെയ്യു​ന്ന​തി​നു പകരം, നിങ്ങൾക്കു ചെയ്യാ​നാ​കു​ന്ന​തിൽ സന്തോ​ഷി​ക്കുക. (ഗലാ. 6:4, NW) പ്രധാ​ന​പ്പെട്ട സംഗതി, ദൈവ​വ​ചനം ദിവസ​വും വായി​ക്കുക എന്നതാണ്‌.—സങ്കീ. 1:1-3.

⁴ ദിവ്യാ​ധി​പത്യ ശുശ്രൂ​ഷാ സ്‌കൂ​ളിൽ പേർ ചാർത്തു​ന്ന​തിന്‌, നിങ്ങൾക്ക്‌ സ്‌കൂൾ മേൽവി​ചാ​ര​ക​നോ​ടു സംസാ​രി​ക്കാ​വു​ന്ന​താണ്‌. നിങ്ങളു​ടെ നിയമനം ഗൗരവ​ത്തോ​ടെ എടുക്കുക. തക്ക കാരണ​മി​ല്ലാ​തെ പരിപാ​ടി നടത്താ​തി​രി​ക്ക​രുത്‌. യഹോ​വ​യിൽ നിന്നുള്ള ഒരു കരുതൽ എന്ന നിലയിൽ സ്‌കൂ​ളി​നെ വിലമ​തി​ക്കുക. നന്നായി തയ്യാറാ​കുക, നിയമിത ഭാഗത്തെ വിവര​ങ്ങ​ളു​മാ​യി സുപരി​ചി​ത​രാ​കുക, വിവരങ്ങൾ സ്വന്തം വാക്കു​ക​ളിൽ അവതരി​പ്പി​ക്കുക, അങ്ങനെ സ്‌കൂ​ളിൽ നിന്നു പൂർണ പ്രയോ​ജനം നേടുക.