നമ്മുടെ ലഘുപ​ത്രി​കകൾ പഠിക്കൽ

നമ്മുടെ രാജ്യ ശുശ്രൂ​ഷ​യു​ടെ 1998 ഫെബ്രു​വരി ലക്കത്തിൽ അറിയി​ച്ചി​രു​ന്ന​തു​പോ​ലെ, 1998 മേയ്‌ 4 മുതൽ സെപ്‌റ്റം​ബർ 14 വരെയുള്ള വാരങ്ങ​ളിൽ നമ്മുടെ സഭാപുസ്‌ത​കാ​ധ്യ​യ​ന​ങ്ങ​ളിൽ മൂന്നു ലഘുപ​ത്രി​കകൾ തുടർച്ച​യാ​യി പരിചി​ന്തി​ക്കു​ന്ന​താ​യി​രി​ക്കും. സകലർക്കും വേണ്ടി​യുള്ള ഒരു ഗ്രന്ഥം, ദൈവം യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ? എന്നീ ലഘുപ​ത്രി​കകൾ നാം വേഗത്തിൽ പരിചി​ന്തി​ക്കു​ന്ന​താ​യി​രി​ക്കു​മെന്ന്‌ ഓരോ മാസ​ത്തെ​യും നമ്മുടെ രാജ്യ ശുശ്രൂ​ഷ​യിൽ വരുന്ന പട്ടിക​യിൽനി​ന്നു മനസ്സി​ലാ​ക്കാം. അതിനർഥം, പെട്ടെന്ന്‌ ഉത്തരം പറയാൻ കഴിയ​ത്ത​ക്ക​വണ്ണം സംബന്ധി​ക്കു​ന്ന​വ​രും അധ്യയ​ന​നിർവാ​ഹ​ക​നും നന്നായി തയ്യാറാ​ക​ണ​മെ​ന്നാണ്‌. സകലർക്കും വേണ്ടി​യുള്ള ഒരു ഗ്രന്ഥം എന്ന ലഘുപ​ത്രി​ക​യിൽ അച്ചടിച്ച ചോദ്യ​ങ്ങൾ ഇല്ലാത്ത​തി​നാൽ ഖണ്ഡിക​യി​ലെ മുഖ്യാ​ശ​യങ്ങൾ വ്യക്തമാ​കത്തക്ക വിധത്തിൽ ഓരോ അധ്യയ​ന​നിർവാ​ഹ​ക​നും സ്വന്തമാ​യി ചോദ്യ​ങ്ങൾ തയ്യാറാ​ക്കണം. പട്ടിക​പ്പെ​ടു​ത്തി​യി​രി​ക്കുന്ന എല്ലാ ഖണ്ഡിക​ക​ളും വായി​ക്കാൻ കഴി​ഞ്ഞെന്നു വരില്ല. എങ്കിലും പ്രധാ​ന​പ്പെട്ട ഖണ്ഡികകൾ വായി​ക്കു​ന്നു​വെന്ന്‌ അധ്യയ​ന​നിർവാ​ഹകൻ ഉറപ്പു വരു​ത്തേ​ണ്ട​തുണ്ട്‌. സത്വര പരിചി​ന്തനം ലഘുപ​ത്രി​ക​ക​ളു​ടെ ആകമാന വിഷയ​വു​മാ​യി പരിചി​ത​രാ​കാൻ നമ്മെ സഹായി​ക്കു​ന്നു. അങ്ങനെ, ഭാവി​യിൽ ഒരു പ്രത്യേക ആശയത്തി​നു വേണ്ടി ഗവേഷണം നടത്തു​മ്പോൾ അത്‌ എവിടെ തിരയ​ണ​മെന്നു നമുക്കു നിശ്ചയ​മു​ണ്ടാ​യി​രി​ക്കും.

നേരേ​മ​റിച്ച്‌, ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രി​ക​യു​ടെ മൂന്നു പാഠങ്ങൾ മാത്രമേ ഓരോ അധ്യയ​ന​ത്തി​നു​മാ​യി പട്ടിക​പ്പെ​ടു​ത്തി​യി​ട്ടു​ള്ളൂ. എല്ലാ ഖണ്ഡിക​ക​ളും വായി​ക്കു​ന്ന​തി​നും മിക്കവാ​റും എല്ലാ പരാമർശിത തിരു​വെ​ഴു​ത്തു​ക​ളും വായിച്ചു ചർച്ച​ചെ​യ്യു​ന്ന​തി​നും അതു​പോ​ലെ സുചി​ന്തി​ത​മായ ഉത്തരങ്ങൾ പറയു​ന്ന​തി​നും വേണ്ടത്ര സമയമു​ണ്ടാ​യി​രി​ക്കേ​ണ്ട​തി​നാണ്‌ അങ്ങനെ ക്രമീ​ക​രി​ച്ചി​രി​ക്കു​ന്നത്‌. ഇതിനും എല്ലാവ​രും നന്നായി തയ്യാറാ​കേ​ണ്ടത്‌ ആവശ്യ​മാണ്‌. ബൈബിൾ വിദ്യാർഥി​കളെ പഠിപ്പി​ക്കാൻ മിക്ക​പ്പോ​ഴും നാം ഉപയോ​ഗി​ക്കുന്ന ലഘുപ​ത്രിക ഇതാണ്‌. അതിനാൽ, ഈ ലഘുപ​ത്രിക ഉപയോ​ഗിച്ച്‌ അൽപ്പമാ​ത്ര​മായ ബൈബിൾ പരിജ്ഞാ​ന​മുള്ള അല്ലെങ്കിൽ ഒട്ടും​ത​ന്നെ​യി​ല്ലാത്ത വ്യക്തി​കളെ എങ്ങനെ പഠിപ്പി​ക്കാൻ കഴിയു​മെ​ന്നും അനാവ​ശ്യ​മായ വിവരങ്ങൾ ഉൾപ്പെ​ടു​ത്താ​തെ തിരു​വെ​ഴു​ത്താ​ശ​യ​ങ്ങ​ളെ​ക്കു​റിച്ച്‌ എങ്ങനെ ന്യായ​വാ​ദം ചെയ്യാ​മെ​ന്നും യഹോ​വ​യു​ടെ നിലവാ​ര​ങ്ങ​ളോ​ടുള്ള ഹൃദയം​ഗ​മ​മായ വിലമ​തിപ്പ്‌ പുതി​യ​വ​രിൽ വളർത്തി​യെ​ടു​ക്കാൻ എങ്ങനെ കഴിയു​മെ​ന്നും അധ്യയ​ന​നിർവാ​ഹകൻ വ്യക്തമാ​ക്കണം. 16-ാം പാഠം പഠിച്ച​ശേഷം മുഴു​ല​ഘു​പ​ത്രി​ക​യും പുനര​വ​ലോ​കനം ചെയ്യു​മ്പോൾ, അധ്യയ​ന​നിർവാ​ഹ​കനു ബൈബി​ള​ധ്യ​യന വേലയിൽ ഉപയോ​ഗി​ക്കാ​വുന്ന പഠിപ്പി​ക്കൽ ആശയങ്ങൾ പ്രത്യേ​കി​ച്ചും പുനര​വ​ലോ​കനം ചെയ്യാൻ സാധി​ക്കും. അത്തര​മൊ​രു പരിചി​ന്തനം ദൈവ​വ​ചനം പഠിപ്പി​ക്കു​ന്ന​വ​രെന്ന നിലയി​ലുള്ള നമ്മുടെ കഴിവു​കൾ മെച്ച​പ്പെ​ടു​ത്തു​ക​യും ദൈവം നമ്മിൽനിന്ന്‌ ആവശ്യ​പ്പെ​ടു​ന്ന​തെ​ല്ലാം ചെയ്യാ​നുള്ള നമ്മുടെ ദൃഢനി​ശ്ച​യത്തെ ബലിഷ്‌ഠ​മാ​ക്കു​ക​യും ചെയ്യും.—സങ്കീ. 143:10; യെശ. 50:4.