നിങ്ങൾ മാസി​കകൾ വായി​ക്കാ​റു​ണ്ടോ?

¹ “ഞങ്ങളുടെ നിയമിത പ്രദേ​ശത്ത്‌ ആത്മീയ​മാ​യി ഉണർവു​ള്ളവർ ആയിരി​ക്കാൻ വീക്ഷാ​ഗോ​പു​രം ഞങ്ങളെ സഹായി​ക്കു​ന്നു. ഓരോ ലക്കത്തിൽനി​ന്നും ഞങ്ങൾ പ്രോ​ത്സാ​ഹ​ന​വും ശക്തിയും ആർജി​ക്കു​ന്നു,” ആഫ്രി​ക്ക​യി​ലുള്ള ഒരു മിഷനറി ദമ്പതി​കൾക്ക്‌ നമ്മുടെ മാസി​ക​കളെ കുറി​ച്ചുള്ള അഭി​പ്രാ​യ​മാ​യി​രു​ന്നു അത്‌. നമ്മുടെ മാസി​ക​ക​ളോ​ടു നിങ്ങൾക്കും അത്തരം ആഴമായ വിലമ​തി​പ്പു​ണ്ടോ? അവ വായി​ക്കാൻ നിങ്ങൾക്ക്‌ അത്രയും​തന്നെ ആകാം​ക്ഷ​യു​ണ്ടോ?

² ഒരു മാസി​ക​യി​ലെ ലേഖനങ്ങൾ ഏതാനും മിനി​റ്റു​കൊണ്ട്‌ വായിച്ചു തീർക്കാൻ കഴിയു​മെ​ങ്കി​ലും അവ നന്നായി തയ്യാറാ​ക​ണ​മെ​ങ്കിൽ വളരെ​യ​ധി​കം സമയം ആവശ്യ​മാണ്‌. അതു​കൊണ്ട്‌ നിങ്ങൾ, ലേഖനങ്ങൾ വെറുതെ വായി​ച്ചു​വി​ടു​ക​യോ കേവലം ചിത്രങ്ങൾ നോക്കു​ക​യോ അല്ലെങ്കിൽ ശ്രദ്ധ ആകർഷി​ച്ചേ​ക്കാ​വുന്ന ലേഖനങ്ങൾ മാത്രം വായി​ക്കു​ക​യോ ആണോ ചെയ്യു​ന്നത്‌? അതിലു​മ​ധി​കം ചെയ്യു​ന്ന​താണ്‌ ജ്ഞാനപൂർവ​ക​മായ സംഗതി. നമ്മുടെ മാസി​ക​ക​ളു​ടെ ഓരോ ലക്കത്തി​ലു​മുള്ള എല്ലാ ലേഖന​ങ്ങ​ളും വായി​ക്കാ​നും അപഗ്ര​ഥി​ക്കാ​നും നാം സമയ​മെ​ടു​ക്കണം. കാലോ​ചിത ആത്മീയ ഭക്ഷണത്തി​നുള്ള നമ്മുടെ മുഖ്യ പത്രി​ക​യാണ്‌ വീക്ഷാ​ഗോ​പു​രം. വ്യത്യസ്‌ത വിഷയ​ങ്ങളെ കുറി​ച്ചുള്ള രസകര​വും വിജ്ഞാ​ന​പ്ര​ദ​വു​മായ ലേഖന​ങ്ങ​ളാണ്‌ ഉണരുക!യിൽ വരുന്നത്‌. ഈ മാസി​കകൾ വായി​ക്കു​ന്ന​തി​ലൂ​ടെ പഠിക്കുന്ന കാര്യങ്ങൾ നമ്മെ ആത്മീയ​മാ​യി ശക്തരാ​ക്കുക മാത്രമല്ല, ശുശ്രൂ​ഷ​യിൽ കൂടുതൽ ഫലപ്ര​ദ​മായ ഒരു പങ്കുണ്ടാ​യി​രി​ക്കു​ന്ന​തി​നു നമ്മെ സജ്ജരാ​ക്കു​ക​യും ചെയ്യുന്നു. മാസി​കകൾ വായി​ക്കുന്ന കാര്യ​ത്തിൽ നിഷ്‌ഠ​യു​ള്ളവർ ആണെങ്കിൽ, അവ മറ്റുള്ള​വർക്കു സമർപ്പി​ക്കു​ന്ന​തിന്‌ നാം ഉത്സാഹ​മു​ള്ളവർ ആയിരി​ക്കും.

³ വായനാ ശീലം മെച്ച​പ്പെ​ടു​ത്താ​നാ​കുന്ന വിധം: മാസി​കകൾ ക്രമമാ​യി വായി​ക്കു​ന്ന​തിൽ നിങ്ങൾക്കു മെച്ച​പ്പെ​ടാ​നാ​കു​മോ? അനേകരെ സംബന്ധി​ച്ചി​ട​ത്തോ​ള​വും ഫലപ്ര​ദ​മെന്നു തെളിഞ്ഞ രണ്ടു നിർദേ​ശങ്ങൾ ഇതാ: (1) ക്രമമായ വായനയ്‌ക്കാ​യി ഒരു പട്ടിക ഉണ്ടാക്കുക. വായി​ക്കാ​നാ​യി ദിവസ​വും വെറും 10-ഓ 20-തോ മിനിറ്റ്‌ മാറ്റി​വെ​ച്ചാൽപോ​ലും ഒരാഴ്‌ച​കൊണ്ട്‌ എത്രമാ​ത്രം വായി​ച്ചു​തീർക്കാൻ കഴിയു​മെ​ന്ന​തിൽ നിങ്ങൾ അത്ഭുതം കൂറും. (2) വായിച്ച ഭാഗങ്ങൾ ഏതെന്ന്‌ മനസ്സി​ലാ​ക്കാൻ ഒരു സംവി​ധാ​നം ഉണ്ടായി​രി​ക്കുക. ഒരുപക്ഷേ വായി​ക്കുന്ന ഓരോ ലേഖന​ത്തി​ന്റെ​യും ആരംഭ​ത്തിൽ നിങ്ങൾക്ക്‌ ഒരു അടയാളം ഇടാൻ സാധി​ക്കും. അല്ലെങ്കിൽ, ചില​പ്പോൾ ചില ലേഖന​ങ്ങ​ളോ ഒരു മാസിക മുഴു​വ​നോ വായി​ക്കാ​തെ പോ​യേ​ക്കാം. പ്രാ​യോ​ഗി​ക​മായ ഒരു വായനാ പട്ടിക ഉണ്ടാക്കി അതി​നോ​ടു പറ്റിനിൽക്കു​ന്നതു പ്രധാ​ന​മാണ്‌.—ഫിലി​പ്പി​യർ 3:16, NW താരത​മ്യം ചെയ്യുക.

⁴ ആളുക​ളു​ടെ യഥാർഥ ആവശ്യ​ങ്ങൾക്ക്‌ ഇണങ്ങുന്ന ലേഖനങ്ങൾ പ്രസി​ദ്ധീ​ക​രി​ച്ചു​കൊണ്ട്‌ “വിശ്വസ്‌ത​നും വിവേ​കി​യു​മായ അടിമ” മാറി​വ​രുന്ന കാലത്തിന്‌ അനുസൃ​ത​മാ​യി ബുദ്ധി​പൂർവം പ്രതി​ക​രി​ച്ചി​രി​ക്കു​ന്നു. (മത്താ. 24:45, NW) സത്യമാ​യും ഈ മാസി​കകൾ നമ്മുടെ ജീവി​തത്തെ സ്‌പർശി​ച്ചി​രി​ക്കു​ന്നു. നമ്മുടെ ആത്മീയ പുരോ​ഗ​തി​യു​ടെ നിരക്ക്‌ ഒരു വലിയ അളവോ​ളം, ദിവ്യാ​ധി​പത്യ വായനാ ശീലങ്ങ​ളു​ടെ ഗുണത്തെ ആശ്രയി​ച്ചി​രി​ക്കു​ന്നു. എല്ലാ മാസി​ക​ക​ളും വായി​ക്കാൻ സമയം കണ്ടെത്തു​ന്ന​വരെ സമൃദ്ധ​മായ ആത്മീയ അനു​ഗ്ര​ഹങ്ങൾ കാത്തി​രി​ക്കു​ന്നു.