നിങ്ങളു​ടെ ശുശ്രൂ​ഷ​യിൽ ഫലപ്രദർ ആയിരി​ക്കു​ക

¹ ആകാശം ഇരുളു​ന്നു, പേടി​പ്പെ​ടു​ത്തുന്ന ഒരു ശബ്ദം വർധിച്ചു വർധിച്ച്‌ കാതട​പ്പി​ക്കുന്ന ഒരു ഗർജനം ആയിത്തീ​രു​ന്നു. പുകസ​മാന മേഘം താഴ്‌ന്നു​വ​രു​ന്നു. എന്താണത്‌? ദേശത്തി​നു സമ്പൂർണ ശൂന്യത വരുത്താൻ ദശലക്ഷ​ക്ക​ണ​ക്കി​നു വെട്ടു​ക്കി​ളി​ക​ളു​ടെ ഒരു സൈന്യം വരുക​യാണ്‌! യോവേൽ പ്രവാ​ചകൻ വിവരി​ക്കുന്ന ആ രംഗത്തിന്‌ ഇന്ന്‌ അഭിഷിക്ത ദൈവ​ദാ​സ​ന്മാ​രു​ടെ​യും അവരുടെ സഹകാ​രി​ക​ളായ മഹാപു​രു​ഷാ​ര​ത്തി​ന്റെ​യും പ്രസംഗ വേലയിൽ ഒരു നിവൃ​ത്തി​യുണ്ട്‌.

² 1998 മേയ്‌ 1 ലക്കം വീക്ഷാ​ഗോ​പു​രം അതിന്റെ 11-ാം പേജിലെ 19-ാം ഖണ്ഡിക​യിൽ ഇങ്ങനെ അഭി​പ്രാ​യ​പ്പെട്ടു: “ദൈവ​ത്തി​ന്റെ ആധുനി​ക​കാല വെട്ടു​ക്കി​ളി സൈന്യം ക്രൈസ്‌ത​വ​ലോ​ക​മാ​കുന്ന ‘പട്ടണത്തിൽ’ സമ്പൂർണ സാക്ഷ്യം കൊടു​ത്തി​രി​ക്കു​ന്നു. (യോവേൽ 2:9) . . . ഇപ്പോ​ഴും അനേകം പ്രതി​ബ​ന്ധങ്ങൾ തരണം ചെയ്‌തു​കൊണ്ട്‌ യഹോ​വ​യു​ടെ സന്ദേശം പ്രഖ്യാ​പി​ക്കവേ അവർ കോടി​ക്ക​ണ​ക്കി​നു ഭവനങ്ങൾ സന്ദർശി​ക്കു​ക​യും തെരു​വി​ലുള്ള ആളുകളെ സമീപി​ക്കു​ക​യും ഫോണി​ലൂ​ടെ ആളുക​ളോ​ടു സംസാ​രി​ക്കു​ക​യും സാധ്യ​മായ മറ്റു വിധങ്ങ​ളിൽ അവരു​മാ​യി ബന്ധപ്പെ​ടു​ക​യും ചെയ്യുന്നു.” ഈ ദൈവ​നി​യുക്ത വേലയിൽ പങ്കുണ്ടാ​യി​രി​ക്കുക എന്നത്‌ ഒരു പദവി​യല്ലേ?

³ അക്ഷരീയ വെട്ടു​ക്കി​ളി​ക​ളു​ടെ ഏക ലക്ഷ്യം തീറ്റ മാത്ര​മാണ്‌. അതിൽനി​ന്നു വ്യത്യസ്‌ത​മാ​യി, യഹോ​വ​യു​ടെ ദാസന്മാർ തങ്ങൾ പ്രസം​ഗി​ക്കുന്ന ആളുക​ളു​ടെ ജീവി​ത​ത്തിൽ താത്‌പ​ര്യം കാണി​ക്കു​ന്നു. ദൈവ​വ​ച​ന​ത്തി​ലെ മഹത്തായ സത്യങ്ങൾ പഠിക്കാ​നും നിത്യ രക്ഷയി​ലേക്കു നയിക്കുന്ന പടികൾ സ്വീക​രി​ക്കാൻ പ്രചോ​ദി​ത​രാ​കാ​നും മറ്റുള്ള​വരെ സഹായി​ക്കാൻ നാം ആഗ്രഹി​ക്കു​ന്നു. (യോഹ. 17:3; 1 തിമൊ. 4:16) അതു​കൊണ്ട്‌, ഫലപ്ര​ദ​മായ വിധത്തിൽ ശുശ്രൂഷ നിർവ​ഹി​ക്കുക എന്നതാണ്‌ നമ്മുടെ ആഗ്രഹം. പ്രസം​ഗി​ക്കാൻ നാം ഏതു മാർഗം അവലം​ബി​ച്ചാ​ലും, മികച്ച ഫലങ്ങൾ കൈവ​രു​ത്തുന്ന രീതി​യി​ലും സമയത്തും ആണോ നാം അതു ചെയ്യു​ന്നത്‌ എന്നു പരിചി​ന്തി​ക്കണം. “ഈ ലോക​ത്തി​ന്റെ രംഗം മാറി​ക്കൊ​ണ്ടി​രി​ക്കു”ന്നതിനാൽ, കഴിയു​ന്നത്ര ഫലപ്രദർ ആയിരി​ക്കു​ക​യെന്ന വെല്ലു​വി​ളി നേരി​ടു​ന്നു എന്ന്‌ ഉറപ്പാ​ക്കാൻ നാം നമ്മുടെ രീതി​ക​ളും സമീപ​ന​വും വിശക​ലനം ചെയ്യു​ന്നത്‌ നല്ലതാണ്‌.—1 കൊരി. 7:31, NW.

⁴ അനേകം വിധങ്ങ​ളിൽ ആളുക​ളു​മാ​യി സമ്പർക്കം പുലർത്താൻ നാം ശ്രമി​ച്ചാ​ലും, നമ്മുടെ ശുശ്രൂ​ഷ​യു​ടെ മുഖ്യ വശം വീടു​തോ​റു​മുള്ള പ്രവർത്തനം തന്നെയാണ്‌. നിങ്ങൾ സന്ദർശി​ക്കുന്ന മിക്ക സമയത്തും ആളുകൾ വീട്ടിൽ ഇല്ലാതി​രി​ക്കു​ന്നു​വോ, അതോ അപ്പോൾ അവർ ഉറങ്ങു​ക​യാ​ണോ? അവരു​മാ​യി സുവാർത്താ ദൂത്‌ പങ്കു​വെ​ക്കാൻ കഴിയാ​തി​രി​ക്കു​ന്നത്‌ എത്രയോ നിരാ​ശ​ക​ര​മാണ്‌! നിങ്ങൾക്ക്‌ ഈ വെല്ലു​വി​ളി എങ്ങനെ നേരി​ടാൻ കഴിയും?

⁵ വഴക്കവും ന്യായ​ബോ​ധ​വും ഉള്ളവർ ആയിരി​ക്കുക: ഒന്നാം നൂറ്റാ​ണ്ടി​ലെ ഇസ്രാ​യേ​ലിൽ ആളുകൾ രാത്രി​യി​ലാ​ണു മത്സ്യബ​ന്ധനം നടത്തി​യി​രു​ന്നത്‌. എന്തു​കൊണ്ട്‌ രാത്രി​യിൽ? അവർക്ക്‌ ഏറ്റവും സൗകര്യ​പ്ര​ദ​മായ സമയം അല്ലായി​രു​ന്നു അതെങ്കി​ലും ഏറ്റവു​മ​ധി​കം മീൻ പിടി​ക്കാൻ കഴിയു​ന്നത്‌ അപ്പോ​ഴാ​യി​രു​ന്നു. അതേ, ഏറ്റവും ഫലം കിട്ടുന്ന സമയം അതായി​രു​ന്നു. ഈ രീതി​യെ​ക്കു​റിച്ച്‌ 1992 സെപ്‌റ്റം​ബർ 15 ലക്കം വീക്ഷാ​ഗോ​പു​രം ഇങ്ങനെ പ്രസ്‌താ​വി​ച്ചു: ‘ഭൂരി​പക്ഷം ആളുകൾ വീട്ടി​ലു​ള്ള​പ്പോ​ഴും സ്വീകാ​ര്യ​ക്ഷമത ഉള്ളവരാ​യി​രി​ക്കു​മ്പോ​ഴും മീൻപി​ടി​ത്ത​ത്തി​നു പോക​ത്ത​ക്ക​വണ്ണം നമ്മുടെ പ്രദേ​ശ​ത്തെ​ക്കു​റി​ച്ചു നാമും പഠി​ക്കേ​ണ്ട​താണ്‌.’ നഗര​പ്രാ​ന്ത​ങ്ങ​ളി​ലെ പല സമുദാ​യ​ങ്ങ​ളിൽ അല്ലെങ്കിൽ പാർപ്പിട മേഖല​ക​ളിൽ ശനിയാഴ്‌ച​യും ഞായറാഴ്‌ച​യും പ്രഭാത സമയങ്ങ​ളിൽ സന്ദർശനം നടത്തു​മ്പോൾ ആളുകൾ വീടു​ക​ളിൽ ഉണ്ടെങ്കി​ലും, നാം ആ സമയത്ത്‌ സന്ദർശി​ക്കു​ന്ന​തിൽ അവർക്ക്‌ താത്‌പ​ര്യം ഇല്ലാത്ത​താ​യി കാണു​ന്നു​വെന്ന്‌ സാമൂ​ഹിക പ്രവണ​തകൾ സംബന്ധിച്ച നിരീ​ക്ഷണം വെളി​പ്പെ​ടു​ത്തി​യി​രി​ക്കു​ന്നു. നിങ്ങളു​ടെ പ്രദേ​ശത്ത്‌ അതു സത്യമാ​ണെ​ങ്കിൽ, രാവിലെ കുറെ സമയം കഴിഞ്ഞോ ഉച്ചതി​രി​ഞ്ഞോ സന്ദർശി​ക്കാൻ ക്രമീ​ക​രി​ച്ചു​കൂ​ടേ? നമ്മുടെ ശുശ്രൂ​ഷ​യു​ടെ ഫലപ്ര​ദ​ത്വം വർധി​പ്പി​ക്കാ​നും അയൽക്കാ​രോ​ടു പരിഗണന കാണി​ക്കാ​നും കഴിയുന്ന ഒരു നല്ല വിധമാണ്‌ അത്‌. അപ്പോൾ അത്‌ യഥാർഥ ക്രിസ്‌തീയ സ്‌നേ​ഹ​ത്തി​ന്റെ തെളി​വാ​യി​രി​ക്കും.—മത്താ. 7:12.

⁶ നാം ‘നമ്മുടെ ന്യായ​ബോ​ധം സകല മനുഷ്യർക്കും അറിവു​ള്ള​താ​യി​ത്തീ​രാൻ’ അനുവ​ദി​ക്ക​ണ​മെന്ന്‌ പൗലൊസ്‌ അപ്പൊസ്‌തലൻ ഫിലി​പ്പി​യർ 4:5-ൽ [NW] നമ്മെ ഓർമി​പ്പി​ക്കു​ന്നു. ഈ നിശ്വസ്‌ത മാർഗ​നിർദേ​ശ​ത്തി​നു ചേർച്ച​യിൽ പ്രവർത്തി​ച്ചു​കൊണ്ട്‌ ഉത്സാഹ​ത്തോ​ടും തീക്ഷ്‌ണ​ത​യോ​ടും കൂടി പ്രസംഗ നിയമനം നിർവ​ഹി​ക്കവേ, നാം അവലം​ബി​ക്കുന്ന രീതി​ക​ളിൽ സമനി​ല​യും ന്യായ​ബോ​ധ​വും പ്രകട​മാ​ക്കാൻ നാം ആഗ്രഹി​ക്കു​ന്നു. ‘പരസ്യ​മാ​യും വീടു​തോ​റും ഉപദേ​ശി​ക്കു​ന്നത്‌ നിർത്താ’നല്ല മറിച്ച്‌, ന്യായ​യു​ക്ത​വും ഫലപ്ര​ദ​വു​മായ സമയത്ത്‌ വീടു​തോ​റു​മുള്ള ശുശ്രൂഷ നിർവ​ഹി​ക്കാ​നാണ്‌ നാം ആഗ്രഹി​ക്കു​ന്നത്‌. (പ്രവൃ. 20:20, 21) ഒന്നാം നൂറ്റാ​ണ്ടി​ലെ ഇസ്രാ​യേ​ലിൽ ഉണ്ടായി​രുന്ന മീൻപി​ടി​ത്ത​ക്കാ​രെ പോലെ, ഏറ്റവും ഫലം കിട്ടുന്ന സമയത്ത്‌ ‘മത്സ്യബ​ന്ധനം’ നടത്താ​നാണ്‌ നമുക്കു താത്‌പ​ര്യം, അല്ലാതെ ഏറ്റവും സൗകര്യ​പ്ര​ദ​മായ സമയത്തു നടത്താനല്ല.

⁷ എന്തെല്ലാം പൊരു​ത്ത​പ്പെ​ടു​ത്ത​ലു​കൾ വരുത്താൻ സാധി​ക്കും? മിക്ക​പ്പോ​ഴും ശനിയാഴ്‌ച​യും ഞായറാഴ്‌ച​യും വയൽസേവന യോഗങ്ങൾ നടത്തു​ന്നത്‌ രാവിലെ 9:00-നോ 9:30-നോ ആണ്‌. തുടർന്ന്‌, തങ്ങളുടെ പ്രദേ​ശത്ത്‌ വീടു​തോ​റു​മുള്ള വേലയ്‌ക്കാ​യി കൂട്ടം ഉടൻതന്നെ പുറ​പ്പെ​ടു​ന്നു. എന്നിരു​ന്നാ​ലും പാർപ്പിട പ്രദേ​ശ​ങ്ങ​ളിൽ പ്രവർത്തി​ക്കു​ന്ന​തിന്‌ മുമ്പ്‌, തെരുവു സാക്ഷീ​ക​രണം, ബിസി​നസ്‌ മേഖല​ക​ളിൽ പ്രവർത്തി​ക്കൽ, മടക്കസ​ന്ദർശ​നങ്ങൾ നടത്തൽ എന്നിവ പോലുള്ള ശുശ്രൂ​ഷ​യു​ടെ മറ്റു മണ്ഡലങ്ങ​ളിൽ തങ്ങളുടെ കൂട്ടം പ്രവർത്തി​ക്കാൻ മൂപ്പന്മാ​രു​ടെ ചില സംഘങ്ങൾ ക്രമീ​ക​രണം ചെയ്‌തി​ട്ടുണ്ട്‌. രാവിലെ കുറെ​ക്കൂ​ടി സമയം കഴിയു​മ്പോൾ—10:00-ന്‌, 11:00-ന്‌ അല്ലെങ്കിൽ 12:00-ന്‌—ആണ്‌ മറ്റു ചില സഭകൾ വയൽസേവന യോഗങ്ങൾ നടത്തു​ന്നത്‌. അതേത്തു​ടർന്ന്‌, നേരിട്ടു വീടു​തോ​റു​മുള്ള വേലയ്‌ക്ക്‌ പുറ​പ്പെ​ടുന്ന ആ കൂട്ടം ഉച്ചകഴിഞ്ഞ്‌ കുറേ സമയം കൂടി സേവന​ത്തിൽ തുടരു​ന്നു. ചില പ്രദേ​ശ​ങ്ങ​ളിൽ ഉച്ചകഴിഞ്ഞ്‌ ഉടനേ​തന്നെ വയൽസേ​വ​ന​ത്തിന്‌ കൂടി​വ​രു​ന്ന​താണ്‌ ഏറ്റവും ഉചിതം. അത്തരം പൊരു​ത്ത​പ്പെ​ടു​ത്ത​ലു​കൾ വീടു​തോ​റു​മുള്ള വേലയിൽ കൂടുതൽ ഫലം കൈവ​രി​ക്കാൻ സഹായി​ക്കു​ന്നു.

⁸ വിവേ​ച​ന​യും നയവും പ്രകട​മാ​ക്കുക: വീടു​ക​ളിൽ ചെല്ലു​മ്പോൾ ആളുകൾ നമ്മുടെ സന്ദേശ​ത്തോട്‌ പല വിധങ്ങ​ളി​ലാ​ണു പ്രതി​ക​രി​ക്കു​ന്നത്‌. ചില വീട്ടു​കാർ സ്വീകാ​ര്യ​ക്ഷമത ഉള്ളവരാണ്‌, മറ്റു ചിലർ നിസ്സംഗത കാണി​ക്കു​ന്നു, ഇനിയും വേറെ ചിലർ തർക്കി​ക്കു​ക​യോ എതിർപ്പു പ്രകടി​പ്പി​ക്കു​ക​യോ ചെയ്യുന്നു. ഒടുവിൽ പറഞ്ഞവ​രു​ടെ കാര്യ​ത്തിൽ, “സത്യ​ത്തോട്‌ ആദരവ്‌ കാണി​ക്കാത്ത ആളുക​ളോട്‌ ‘തർക്കിച്ച്‌ ജയിക്കു​ന്ന​തിന്‌’” ശ്രമി​ക്ക​രു​തെന്ന്‌ തിരു​വെ​ഴു​ത്തു​ക​ളിൽനിന്ന്‌ ന്യായ​വാ​ദം ചെയ്യൽ പുസ്‌തകം അതിന്റെ 7-ാം പേജിൽ നമ്മെ ഓർമി​പ്പി​ക്കു​ന്നു. വീട്ടു​കാ​രൻ ശത്രുതാ മനോ​ഭാ​വം കാണി​ക്കു​ന്നെ​ങ്കിൽ, അവി​ടെ​നി​ന്നു പോരു​ന്ന​താണ്‌ ഏറ്റവും ഉചിതം. നമ്മോടു സംസാ​രി​ക്കാ​നോ നമ്മുടെ ആശയഗതി സ്വീക​രി​ക്കാ​നോ ആളുകളെ നിർബ​ന്ധി​ക്കു​ക​വഴി നാം ഒരിക്ക​ലും അവരുടെ എതിർപ്പ്‌ വരുത്തി​വെ​ക്ക​രുത്‌. നാം ആളുക​ളു​ടെ​മേൽ നമ്മുടെ സന്ദേശം അടി​ച്ചേൽപ്പി​ക്കു​ന്നില്ല. അതു ന്യായ​യു​ക്തമല്ല എന്നു മാത്രമല്ല, മറ്റു സാക്ഷി​കൾക്കും പൊതു​വേ നമ്മുടെ വേലയ്‌ക്കു തന്നെയും പ്രശ്‌നങ്ങൾ സൃഷ്ടി​ച്ചേ​ക്കാം.

⁹ ഒരു പ്രദേ​ശത്തു പ്രവർത്തനം തുടങ്ങു​ന്ന​തി​നു മുമ്പ്‌, നമ്മോടു ചെല്ലരു​തെന്നു പറഞ്ഞി​രി​ക്കുന്ന ഭവനങ്ങ​ളു​ടെ വിലാ​സങ്ങൾ അറിയാൻ പ്രദേശ രേഖാ കാർഡ്‌ പരി​ശോ​ധി​ക്കു​ന്നതു ജ്ഞാനമാണ്‌. അത്തരം ഭവനങ്ങൾ ഉണ്ടെങ്കിൽ, പ്രസ്‌തുത പ്രദേ​ശത്തു പ്രവർത്തി​ക്കുന്ന പ്രസാ​ധ​ക​നോട്‌ അവിടെ പോക​രു​തെന്നു പറയണം. സേവന മേൽവി​ചാ​ര​കന്റെ നിർദേശം കൂടാതെ ആരും അവിടെ സന്ദർശി​ക്ക​രുത്‌.—നമ്മുടെ രാജ്യ ശുശ്രൂ​ഷ​യു​ടെ 1994 ജനുവരി ലക്കത്തിലെ ചോദ്യ​പ്പെട്ടി കാണുക.

¹⁰ വീടു​തോ​റും പ്രവർത്തി​ക്കു​മ്പോൾ വിവേചന പ്രകട​മാ​ക്കു​ക​വഴി നമുക്ക്‌ ഫലപ്ര​ദ​ത്വം വർധി​പ്പി​ക്കാൻ സാധി​ക്കും. നിങ്ങൾ ഒരു വീടി​നോ​ടു സമീപി​ക്കു​മ്പോൾ നല്ലവണ്ണം നിരീ​ക്ഷണം നടത്തുക. ജാലക വാതി​ലു​കൾ അടച്ചി​രി​ക്കു​ക​യോ കർട്ടനു​കൾ താഴ്‌ത്തി ഇട്ടിരി​ക്കു​ക​യോ ആണോ? ആളുകൾ ഉള്ളതിന്റെ ശബ്ദം കേൾക്കാൻ കഴിയു​ന്നി​ല്ലേ? എങ്കിൽ, വീട്ടു​കാർ ഉറങ്ങു​ക​യാ​യി​രി​ക്കാം. കുറെ കഴിഞ്ഞ്‌ വരുക​യാ​ണെ​ങ്കിൽ വീട്ടു​കാ​ര​നു​മാ​യി നല്ല ഒരു ചർച്ചയിൽ ഏർപ്പെ​ടു​ന്ന​തിന്‌ ഒരുപക്ഷേ നമുക്കു കഴി​ഞ്ഞേ​ക്കാം. ചില​പ്പോൾ ആ സമയത്ത്‌ അവിടെ പോകാ​തി​രി​ക്കു​ന്നത്‌ ആയിരി​ക്കാം ഉചിതം. എങ്കിലും വീട്ടു​നമ്പർ കുറി​ച്ചി​ടുക. പ്രദേശം വിട്ടു​പോ​കു​ന്ന​തിന്‌ മുമ്പു നിങ്ങൾക്ക്‌ അവിടെ ഒന്നു കൂടി സന്ദർശി​ക്കാ​വു​ന്ന​താണ്‌. അല്ലെങ്കിൽ പിന്നീട്‌ സന്ദർശി​ക്കാൻ കഴിയ​ത്ത​ക്ക​വണ്ണം ഒരു കുറിപ്പ്‌ എഴുതി​വെ​ക്കുക.

¹¹ അങ്ങനെ​യൊ​ക്കെ ചെയ്‌താ​ലും, നാം മനഃപൂർവം അല്ലാ​തെ​തന്നെ ഒരാളെ ഉണർത്തു​ക​യോ മറ്റു വിധങ്ങ​ളിൽ അയാൾക്ക്‌ ശല്യം ആയിത്തീ​രു​ക​യോ ചെയ്യുന്ന സാഹച​ര്യ​ങ്ങൾ ഉണ്ടാ​യേ​ക്കാം. അദ്ദേഹം അസ്വസ്ഥ​നോ കോപിഷ്‌ഠ​നോ ആയി കാണ​പ്പെ​ട്ടേ​ക്കാം. നാം എങ്ങനെ പ്രതി​ക​രി​ക്കണം? സദൃശ​വാ​ക്യ​ങ്ങൾ 17:27 [NW] ഇങ്ങനെ ബുദ്ധ്യു​പ​ദേ​ശി​ക്കു​ന്നു: “വിവേ​ക​മുള്ള മനുഷ്യൻ ശാന്തനാ​കു​ന്നു.” ശുശ്രൂ​ഷയെ പ്രതി നാം അദ്ദേഹ​ത്തോട്‌ ക്ഷമ ചോദി​ക്കു​ന്നില്ല. എങ്കിലും, അദ്ദേഹ​ത്തി​നു സൗകര്യ​പ്ര​ദ​മ​ല്ലാത്ത ഒരു സമയത്ത്‌ സന്ദർശി​ച്ച​തിൽ നമുക്കു ഖേദം പ്രകടി​പ്പി​ക്കാൻ സാധി​ക്കും. മറ്റൊരു സമയത്ത്‌ മടങ്ങി​വ​രു​ന്ന​താ​ണോ കൂടുതൽ ഉചിത​മെന്ന്‌ നമുക്കു സാദരം ചോദി​ക്കാ​വു​ന്ന​താണ്‌. ശാന്ത സ്വരത്തിൽ ആത്മാർഥ​മായ വ്യക്തിഗത താത്‌പ​ര്യം പ്രകട​മാ​ക്കു​മ്പോൾ ആ വ്യക്തി തണു​ത്തേ​ക്കാം. (സദൃ. 15:1) തനിക്ക്‌ രാത്രി​യി​ലെ ഷിഫ്‌റ്റ്‌ ജോലി​യാണ്‌ ഉള്ളതെന്ന്‌ ഒരു വീട്ടു​കാ​രൻ അറിയി​ക്കുന്ന പക്ഷം, ഭാവി​യിൽ ഉചിത​മായ സമയത്ത്‌ മാത്രം അവിടെ സന്ദർശി​ക്കാൻ കഴി​യേ​ണ്ട​തിന്‌ പ്രദേശ കാർഡിൽ ഒരു കുറിപ്പ്‌ ഉൾപ്പെ​ടു​ത്താ​വു​ന്ന​താണ്‌.

¹² നമ്മുടെ പ്രദേശം പൂർണ​മാ​യി പ്രവർത്തി​ച്ചു തീർക്കാൻ ശ്രമി​ക്കു​മ്പോൾ വിവേ​ച​ന​യും ഉചിത​മാണ്‌. പ്രഥമ സന്ദർശ​ന​ത്തിൽ പലരും വീട്ടിൽ കാണാ​ത്ത​തി​നാൽ, അവരുടെ പക്കൽ രക്ഷാസ​ന്ദേശം എത്തിക്കു​ന്ന​തിന്‌ അവരു​മാ​യി ബന്ധപ്പെ​ടാൻ നാം കൂടുതൽ ശ്രമങ്ങൾ നടത്തേ​ണ്ട​തുണ്ട്‌. (റോമ. 10:13) ആളുകൾ വീട്ടി​ലു​ണ്ടോ എന്ന്‌ അറിയാൻ ചില​പ്പോൾ പ്രസാ​ധകർ ഒരു വീട്ടിൽത്തന്നെ ദിവസം പല പ്രാവ​ശ്യം സന്ദർശി​ക്കു​ന്ന​താ​യി റിപ്പോർട്ടു​കൾ സൂചി​പ്പി​ക്കു​ന്നു. എന്നാൽ ഇത്‌ അയൽക്കാ​രു​ടെ ശ്രദ്ധയിൽ പെടാ​തി​രി​ക്കില്ല. യഹോ​വ​യു​ടെ സാക്ഷികൾ തങ്ങളുടെ പ്രദേ​ശത്ത്‌ ‘എന്നും വരുന്നു’ എന്ന മോശ​മായ ഒരു അഭി​പ്രാ​യം അവർ പറയാൻ അതു കാരണ​മാ​യേ​ക്കാം. ഇത്‌ എങ്ങനെ ഒഴിവാ​ക്കാൻ സാധി​ക്കും?

¹³ വിവേചന ഉപയോ​ഗി​ക്കുക. ആളില്ലാ ഭവനത്തിൽ വീണ്ടും സന്ദർശി​ക്കു​മ്പോൾ, ആരെങ്കി​ലും അവിടെ ഉള്ളതിന്റെ സൂചനകൾ ഉണ്ടോ? കത്തുക​ളും മാസി​ക​ക​ളും മറ്റും വീട്ടിലെ എഴുത്തു​പെ​ട്ടി​യിൽ തള്ളിനിൽക്കു​ക​യോ തിണ്ണയിൽ കിടക്കു​ക​യോ ആണെങ്കിൽ, വീട്ടിൽ ആരുമില്ല എന്നതിന്റെ സൂചന ആയിരി​ക്കാം അത്‌. അതിനാൽ ആ സമയത്ത്‌ അവിടെ വീണ്ടും ചെല്ലു​ന്ന​തു​കൊണ്ട്‌ പ്രയോ​ജനം ഉണ്ടാകില്ല. വൈകു​ന്നേരം പോലെ, ദിവസ​ത്തി​ന്റെ മറ്റു സമയങ്ങ​ളിൽ ഏതാനും പ്രാവ​ശ്യം ശ്രമി​ച്ചി​ട്ടും വ്യക്തിയെ കാണാൻ സാധി​ക്കു​ന്നി​ല്ലെ​ങ്കിൽ ഒരുപക്ഷേ ടെല​ഫോ​ണി​ലൂ​ടെ വീട്ടു​കാ​ര​നു​മാ​യി ബന്ധപ്പെ​ടാൻ കഴി​ഞ്ഞേ​ക്കും. അതുമ​ല്ലെ​ങ്കിൽ, ഒരു ലഘു​ലേ​ഖ​യോ നോട്ടീ​സോ വിവേ​ച​നാ​പൂർവം വാതിൽക്കൽ ഇടാവു​ന്ന​താണ്‌, പ്രത്യേ​കി​ച്ചും പ്രദേശം കൂടെ​ക്കൂ​ടെ പ്രവർത്തി​ച്ചു തീരു​ന്ന​താ​ണെ​ങ്കിൽ. ഒരുപക്ഷേ ആ പ്രദേ​ശത്ത്‌ അടുത്ത തവണ പ്രവർത്തി​ക്കു​മ്പോൾ ആ വ്യക്തിയെ കാണാൻ സാധി​ച്ചേ​ക്കും.

¹⁴ കഠിന കാലാവസ്ഥ ആണെങ്കിൽ വാതിൽക്കൽ നിന്നു​കൊ​ണ്ടു വീട്ടു​കാ​ര​നു​മാ​യി നാം ദീർഘ​മായ സംഭാ​ഷ​ണ​ങ്ങ​ളിൽ ഏർപ്പെ​ട​രുത്‌. അകത്തേക്കു ക്ഷണിച്ചാൽ, തറയിൽ ചെളി ആക്കാതി​രി​ക്കാൻ ശ്രദ്ധി​ക്കുക. പട്ടി കുരയ്‌ക്കു​ക​യാ​ണെ​ങ്കിൽ നല്ല വിവേകം പ്രകട​മാ​ക്കുക. അപ്പാർട്ട്‌മെന്റ്‌ കെട്ടി​ട​ങ്ങ​ളിൽ പ്രവർത്തി​ക്കു​മ്പോൾ, അടുത്തു താമസി​ക്കു​ന്ന​വർക്ക്‌ അസ്വസ്ഥത ഉളവാ​ക്കു​ക​യോ നിങ്ങളു​ടെ സാന്നി​ധ്യം അറിയി​ക്കു​ക​യോ ചെയ്യുന്ന വിധത്തിൽ ഉച്ചത്തിൽ അല്ല, മൃദു​വാ​യി വേണം സംസാ​രി​ക്കാൻ.

¹⁵ ക്രമവും ചിട്ടയും മാന്യ​ത​യും ഉള്ളവർ ആയിരി​ക്കുക: നല്ല സംഘാ​ടനം ഉണ്ടെങ്കിൽ, പെട്ടെന്നു ദൃശ്യ​മായ വിധത്തിൽ അനേകം പ്രസാ​ധകർ ഒരു പ്രദേ​ശത്ത്‌ കൂടി​വ​രു​ന്നത്‌ ഒഴിവാ​ക്കാൻ സാധി​ക്കും. അനേകം കാറു​ക​ളോ മോ​ട്ടോർ ബൈക്കു​ക​ളോ സ്‌കൂ​ട്ട​റു​ക​ളോ വാനു​ക​ളോ തങ്ങളുടെ വീടിന്റെ മുന്നിൽ വന്ന്‌, അവയിൽനിന്ന്‌ അനേകം പേർ ഇറങ്ങു​മ്പോൾ ചില വീട്ടു​കാർക്കു ഭയം തോന്നു​ന്നു. വീടുകൾ ‘ആക്രമി​ക്കു​ന്നു’ എന്ന പ്രതീതി ഉളവാ​ക്കാൻ നാം ആഗ്രഹി​ക്കു​ന്നില്ല. പ്രദേ​ശത്തു പ്രവർത്തി​ക്കു​ന്ന​തി​നുള്ള ക്രമീ​ക​ര​ണങ്ങൾ വയൽസേവന യോഗ​ത്തിൽ വെച്ചു​തന്നെ നടത്താ​വു​ന്ന​താണ്‌. ഒരു കുടും​ബം പോലുള്ള ചെറി​യൊ​രു കൂട്ടം പ്രസാ​ധകർ വീട്ടു​കാ​രിൽ ഭയം ഉണർത്തു​ക​യില്ല എന്നു മാത്രമല്ല, തന്മൂലം പ്രദേ​ശത്ത്‌ പ്രവർത്തി​ക്കു​ന്ന​തിന്‌ ഇടയ്‌ക്ക്‌ പുനഃ​സം​ഘാ​ട​ന​ത്തി​ന്റെ ആവശ്യം വരുന്ന​തു​മില്ല.

¹⁶ ഒരു പ്രദേ​ശത്തു പ്രവർത്തി​ക്കു​മ്പോൾ മാതാ​പി​താ​ക്കൾ കുട്ടി​ക​ളു​ടെ നടത്തയു​ടെ കാര്യ​ത്തിൽ ശ്രദ്ധ​യോ​ടെ മേൽനോ​ട്ടം വഹിക്കണം. കുട്ടികൾ മുതിർന്ന​വ​രു​ടെ കൂടെ വീടു​ക​ളിൽ പോകു​മ്പോൾ മാന്യ​മാ​യി പെരു​മാ​റണം. കളിക്കാ​നോ കറങ്ങി നടക്കാ​നോ കുട്ടി​കളെ അനുവ​ദി​ക്ക​രുത്‌. അതു വീട്ടു​കാ​രു​ടെ ശ്രദ്ധ പതറി​ക്കു​ന്ന​തി​നോ വഴി​പോ​ക്ക​രു​ടെ ശ്രദ്ധ അനുചി​ത​മാ​യി ആകർഷി​ക്കു​ന്ന​തി​നോ കാരണ​മാ​കും.

¹⁷ ചായയും കാപ്പി​യു​മൊ​ക്കെ കുടി​ക്കാ​നെ​ടു​ക്കുന്ന സമയത്തി​ന്റെ കാര്യ​ത്തി​ലും സമനില ആവശ്യ​മാണ്‌. 1995 ജൂൺ ലക്കം നമ്മുടെ രാജ്യ ശുശ്രൂഷ അതിന്റെ 3-ാം പേജിൽ ഇങ്ങനെ പ്രസ്‌താ​വി​ച്ചു: “നാം വയൽസേ​വ​ന​ത്തി​ലാ​യി​രി​ക്കു​മ്പോൾ ലഘുഭ​ക്ഷ​ണ​ത്തി​നും വിശ്ര​മ​ത്തി​നു​മാ​യി നമ്മുടെ വില​യേ​റിയ സമയം നഷ്ടപ്പെ​ടു​ത്തി​യേ​ക്കാം. എന്നിരു​ന്നാ​ലും, കാലാവസ്ഥ തീരെ മോശ​മാ​ണെ​ങ്കിൽ അൽപ്പ സമയം വിശ്ര​മി​ക്കു​ന്നതു വേല തുടരു​ന്ന​തി​നു നമുക്കു സഹായ​ക​മാ​കും. എന്നുവ​രി​കി​ലും, ശുശ്രൂ​ഷ​ക്കാ​യി മാറ്റി​വ​ച്ചി​രി​ക്കുന്ന സമയത്ത്‌ ചായകു​ടി​ച്ചു​കൊ​ണ്ടു സഹോ​ദ​ര​ങ്ങ​ളു​മാ​യി സല്ലപി​ക്കു​ന്ന​തി​നു പകരം അനേകം സഹോ​ദ​രങ്ങൾ ആളുകൾക്കു സാക്ഷ്യം നൽകു​ന്ന​തിൽ തിരക്കു​ള്ള​വ​രാ​യി​രി​ക്കാൻ താത്‌പ​ര്യ​പ്പെ​ടു​ന്നു.” ലഘുഭ​ക്ഷ​ണ​ത്തിന്‌ സമയ​മെ​ടു​ക്ക​ണോ എന്നത്‌ ഓരോ​രു​ത്ത​രു​ടെ​യും വ്യക്തി​പ​ര​മായ തീരു​മാ​ന​മാ​ണെ​ങ്കി​ലും, സഹോ​ദ​രീ​സ​ഹോ​ദ​ര​ന്മാ​രു​ടെ വലിയ കൂട്ടങ്ങൾ ചായക്ക​ട​ക​ളി​ലും റെസ്റ്ററ​ന്റു​ക​ളി​ലു​മൊ​ക്കെ കൂടി​വ​രു​ന്ന​താ​യി ശ്രദ്ധി​ക്ക​പ്പെ​ട്ടി​ട്ടുണ്ട്‌. ഓർഡർ ചെയ്‌ത സാധനങ്ങൾ കിട്ടാൻ കൂടുതൽ സമയ​മെ​ടു​ക്കും എന്നതിനു പുറമേ, ഒരു വലിയ കൂട്ടത്തി​ന്റെ സാന്നി​ധ്യം അവിടെ വന്നിരി​ക്കുന്ന മറ്റുള്ള​വർക്കു ബുദ്ധി​മുട്ട്‌ ഉണ്ടാക്കു​ക​യും ചെയ്‌തേ​ക്കാം. ചില​പ്പോൾ, സഹോ​ദ​രങ്ങൾ രാവി​ലത്തെ വയൽസേ​വ​ന​ത്തി​ലെ അനുഭ​വങ്ങൾ അവി​ടെ​വെച്ച്‌ ഉച്ചത്തിൽ സംസാ​രി​ക്കു​ന്നു. അതു നമ്മുടെ ശുശ്രൂ​ഷ​യു​ടെ അന്തസ്സിന്‌ നിരക്കാ​ത്ത​താ​യി​രു​ന്നേ​ക്കാം, ശുശ്രൂ​ഷ​യു​ടെ ഫലപ്ര​ദ​ത്വം ഇല്ലാതാ​ക്കു​ക​യും ചെയ്‌തേ​ക്കാം. വിവേചന കാട്ടു​ന്ന​തി​നാൽ പ്രസാ​ധ​കർക്ക്‌ ഒരു കടയിൽ തിങ്ങി​ക്കൂ​ടു​ന്ന​തും അങ്ങനെ ശുശ്രൂ​ഷയ്‌ക്കുള്ള സമയം അനാവ​ശ്യ​മാ​യി കളയു​ന്ന​തും ഒഴിവാ​ക്കാ​നാ​കും.

¹⁸ ആളുകളെ കണ്ടെത്താൻ കഴിയു​ന്നി​ട​ത്തെ​ല്ലാം—തെരു​വി​ലും പാർക്കിങ്‌ സ്ഥലങ്ങളി​ലും മറ്റ്‌ പൊതു സ്ഥലങ്ങളി​ലു​മൊ​ക്കെ—അവരെ സമീപി​ക്കു​ന്ന​തി​നാൽ പലർക്കും നല്ല ഫലങ്ങൾ ഉണ്ടായി​ട്ടുണ്ട്‌. അത്തരം സാഹച​ര്യ​ങ്ങ​ളി​ലും, നമ്മുടെ വാക്കി​ലൂ​ടെ മാത്രമല്ല, ന്യായ​ബോ​ധ​ത്തി​ലൂ​ടെ​യും നല്ല സാക്ഷ്യം നൽകാൻ നാം ആഗ്രഹി​ക്കു​ന്നു. ഓരോ സഭയി​ലെ​യും പ്രസാ​ധകർ തങ്ങളുടെ പ്രദേ​ശ​ത്തി​ന്റെ അതിരു​കൾ മാനി​ക്കേ​ണ്ട​തുണ്ട്‌. വാണിജ്യ സ്ഥലങ്ങളി​ലും ബസ്‌ സ്റ്റാൻഡി​ലും റെയിൽവേ സ്റ്റേഷനി​ലും ഉള്ള ആളുക​ളെ​യും പെ​ട്രോൾ പമ്പുകൾ പോലെ 24 മണിക്കൂ​റും പ്രവർത്തി​ക്കുന്ന ബിസി​നസ്‌ സ്ഥലങ്ങളിൽ ഉള്ള ജോലി​ക്കാ​രെ​യും പ്രസാ​ധകർ ബുദ്ധി​മു​ട്ടി​ക്ക​രുത്‌. ക്രമീ​കൃ​ത​വും മാന്യ​വു​മായ വിധത്തിൽ ശുശ്രൂഷ നിർവ​ഹി​ക്കു​ന്നു എന്ന്‌ ഉറപ്പു വരുത്താൻ നാം നമ്മുടെ നിയമിത പ്രദേ​ശത്തു മാത്രമേ പ്രവർത്തി​ക്കാ​വൂ. മറ്റൊരു സഭയെ സഹായി​ക്കു​ന്നത്‌ അവിടു​ത്തെ സഭാ സേവന കമ്മിറ്റി മുഖാ​ന്ത​ര​മുള്ള സുനി​ശ്ചിത ക്രമീ​ക​ര​ണ​ങ്ങൾക്കു ചേർച്ച​യിൽ ആയിരി​ക്കണം.—2 കൊരി​ന്ത്യർ 10:13-15 താരത​മ്യം ചെയ്യുക.

¹⁹ പരസ്യ സാക്ഷീ​ക​രണം സാധ്യ​മാ​യി​രി​ക്കുന്ന പല മേഖലകൾ ഉള്ള ചില സഭകൾ അവയെ ചെറു പ്രദേ​ശ​ങ്ങ​ളാ​യി തിരി​ച്ചി​ട്ടുണ്ട്‌. എന്നിട്ട്‌ ഒരു പ്രദേ​ശ​ത്തി​ന്റെ കാർഡ്‌ ഒരു പ്രസാ​ധ​ക​നോ ഒരു കൂട്ടത്തി​നോ നൽകുന്നു. “സകലവും ഉചിത​മാ​യും ക്രമമാ​യും നടക്കട്ടെ” എന്നു പ്രസ്‌താ​വി​ക്കുന്ന 1 കൊരി​ന്ത്യർ 14:39-ലെ തത്ത്വത്തി​നു ചേർച്ച​യിൽ, കൂടുതൽ ഫലപ്ര​ദ​മാ​യി പ്രദേശം പ്രവർത്തി​ച്ചു തീർക്കാൻ ഇതു സഹായി​ക്കു​ന്നു എന്ന്‌ മാത്രമല്ല, അനേകം പ്രസാ​ധകർ ഒരേ സ്ഥലത്ത്‌ ഒരേ സമയം പ്രവർത്തി​ക്കു​ന്നത്‌ ഒഴിവാ​ക്കു​ക​യും ചെയ്യും.

²⁰ നമ്മുടെ വേഷവി​ധാ​നം എപ്പോ​ഴും മാന്യ​വും യഹോ​വ​യു​ടെ നാമം വഹിക്കുന്ന ശുശ്രൂ​ഷ​കർക്കു ചേർന്ന​തും ആയിരി​ക്കണം. നാം ഉപയോ​ഗി​ക്കുന്ന സാധന​ങ്ങ​ളു​ടെ കാര്യ​ത്തി​ലും അതു സത്യമാണ്‌. കീറിയ ബാഗും അരികു​കൾ മടങ്ങി​യ​തോ അഴുക്കു പുരണ്ട​തോ ആയ ബൈബി​ളും രാജ്യ സന്ദേശ​ത്തിൽനിന്ന്‌ ആളുക​ളു​ടെ ശ്രദ്ധ പതറി​ക്കും. “നിങ്ങൾ ആരാണ്‌, എങ്ങനെ​യു​ള്ള​വ​നാണ്‌, നിങ്ങളു​ടെ സ്ഥാനം എന്താണ്‌ എന്നിങ്ങ​നെ​യുള്ള വിവരങ്ങൾ ചുറ്റു​പാ​ടും ഉള്ളവർക്കു നൽകുന്ന ഒരു സാമൂ​ഹിക വിനിമയ മാർഗ​മാണ്‌” വസ്‌ത്ര​ധാ​ര​ണ​വും ചമയവും എന്നു പറയ​പ്പെ​ട്ടി​രി​ക്കു​ന്നു. അതു​കൊണ്ട്‌, നമ്മുടെ വസ്‌ത്ര​ധാ​രണം അശ്രദ്ധ​മോ ചിട്ടയി​ല്ലാ​ത്ത​തോ അല്ലെങ്കിൽ ശ്രദ്ധ ആകർഷി​ക്കു​ന്ന​തോ അനുചി​ത​മോ ആയിരി​ക്ക​രുത്‌. മറിച്ച്‌, “സുവി​ശേ​ഷ​ത്തി​ന്നു യോഗ്യ​മാം​വണ്ണം” ആയിരി​ക്കണം.—ഫിലി. 1:27; 1 തിമൊ​ഥെ​യൊസ്‌ 2:9, 10 താരത​മ്യം ചെയ്യുക.

²¹ 1 കൊരി​ന്ത്യർ 9:26-ൽ പൗലൊസ്‌ അപ്പൊസ്‌തലൻ ഇങ്ങനെ പ്രസ്‌താ​വി​ക്കു​ന്നു: “ഞാൻ നിശ്ചയ​മി​ല്ലാ​ത്ത​വ​ണ്ണമല്ല ഓടു​ന്നതു; ആകാശത്തെ കുത്തു​ന്നതു പോ​ലെയല്ല ഞാൻ മുഷ്ടി​യു​ദ്ധം ചെയ്യു​ന്നത്‌.” പൗലൊ​സി​നെ അനുക​രി​ച്ചു​കൊണ്ട്‌ ഫലപ്ര​ദ​വും ഉത്‌പാ​ദ​ന​ക്ഷ​മ​വു​മായ ശുശ്രൂ​ഷ​യിൽ ഏർപ്പെ​ടാൻ നാം ദൃഢനി​ശ്ചയം ചെയ്‌തി​രി​ക്കു​ന്നു. യഹോ​വ​യു​ടെ “വെട്ടു​ക്കി​ളി സൈന്യ”ത്തിന്റെ ഭാഗമെന്ന നിലയിൽ ഇന്ന്‌ നമുക്കു സാക്ഷീ​കരണ വേലയിൽ തീക്ഷ്‌ണ​മായ ഒരു പങ്ക്‌ ഉള്ളതി​നാൽ, നമ്മുടെ പ്രദേ​ശ​ത്തുള്ള സകലർക്കും രക്ഷാ സന്ദേശം എത്തിക്കു​ന്ന​തിൽ ക്രിസ്‌തീയ ന്യായ​ബോ​ധ​വും വിവേ​ച​ന​യും പ്രകട​മാ​ക്കാം.