സമയം ഫലപ്ര​ദ​മാ​യി വിനി​യോ​ഗി​ക്കുക

¹ എല്ലാവർക്കും ഓരോ വാരത്തി​ലും ലഭിക്കുന്ന സമയം തുല്യ​മാണ്‌. സുവാർത്താ പ്രസംഗം ജീവര​ക്ഷാ​ക​ര​മായ ഒരു വേല ആയതി​നാൽ അതിനാ​യി ഉപയോ​ഗി​ക്കുന്ന സമയം വിശേ​ഷി​ച്ചും വില​യേ​റി​യ​താണ്‌. (റോമ. 1:16) സഭ ക്രമീ​ക​രി​ച്ചി​രി​ക്കുന്ന സേവന​ത്തി​നാ​യി നന്നായി തയ്യാറാ​യി​ക്കൊ​ണ്ടും വയൽ സേവന യോഗ​ങ്ങൾക്കു കൃത്യ​സ​മ​യത്ത്‌ എത്തി​ക്കൊ​ണ്ടും അതിനു​ശേഷം പെട്ടെ​ന്നു​തന്നെ പ്രദേ​ശ​ത്തേക്കു പോയി​ക്കൊ​ണ്ടും നാം അതി​നോ​ടുള്ള വിലമ​തി​പ്പു പ്രകട​മാ​ക്കു​ന്നു. വയൽ സേവന യോഗ​ത്തി​നു​ശേഷം സമയം പാഴാ​ക്കാ​തെ നാം പ്രസം​ഗ​പ്ര​വർത്ത​ന​ത്തിൽ ഏർപ്പെ​ടും. ‘എല്ലാറ​റി​ന്നും ഒരു സമയമുണ്ട്‌’ എന്ന്‌ യഹോവ നമ്മെ പഠിപ്പി​ച്ചി​രി​ക്കു​ന്ന​തി​നാൽ ശുശ്രൂ​ഷയ്‌ക്കാ​യി മാറ്റി വെച്ചി​രി​ക്കുന്ന സമയം നാം നന്നായി പ്രയോ​ജ​ന​പ്പെ​ടു​ത്തണം.—സഭാ. 3:1.

² സമയം ജ്ഞാനപൂർവം കൈകാ​ര്യം ചെയ്യുക: വയൽ സേവന​ത്തിൽ ക്രമമായ പങ്കുണ്ടാ​യി​രി​ക്കാൻ സാധി​ക്കുന്ന തരത്തി​ലുള്ള ഒരു പട്ടിക​യോട്‌ അടുത്തു പറ്റിനിൽക്കു​മ്പോൾ നമുക്ക്‌ ധാരാളം അനു​ഗ്ര​ഹങ്ങൾ കൈവ​രു​ന്നു. പൊതു​വെ, നാം സേവന​ത്തിൽ ചെലവ​ഴി​ക്കുന്ന സമയത്തിന്‌ ആനുപാ​തി​കം ആയിരി​ക്കും അതിൽനി​ന്നു ലഭിക്കുന്ന നല്ല ഫലങ്ങളും. നമ്മുടെ പതിവു പ്രവർത്തന രീതി​യിൽ ചെറിയ പൊരു​ത്ത​പ്പെ​ടു​ത്ത​ലു​കൾ വരുത്തി​ക്കൊണ്ട്‌ വയൽ സേവന​ത്തിൽ കൂടുതൽ സമയം ചെലവ​ഴി​ക്കാൻ നമുക്കു കഴിയു​മോ? ഉദാഹ​ര​ണ​ത്തിന്‌, ശനിയാഴ്‌ചത്തെ മാസികാ വേലയ്‌ക്കു ശേഷം, മടക്ക സന്ദർശ​ന​ങ്ങൾക്കാ​യി കുറച്ചു സമയം നമുക്കു ചെലവ​ഴി​ക്കാ​നാ​കു​മോ? ഞായറാഴ്‌ചത്തെ വയൽ ശുശ്രൂ​ഷ​യിൽ കുറച്ചു സമയമേ പങ്കെടു​ക്കാൻ സാധി​ച്ചു​ള്ളു​വെ​ങ്കിൽ, മടക്കസ​ന്ദർശ​ന​ങ്ങ​ളും ബൈബിൾ അധ്യയ​ന​ങ്ങ​ളും നടത്തി​ക്കൊണ്ട്‌ കുറെ കൂടി സമയം നമുക്ക്‌ സേവന​ത്തിൽ ചെലവ​ഴി​ക്കാൻ കഴിയു​മോ? വീടു​തോ​റു​മുള്ള പ്രവർത്ത​നത്തെ തുടർന്ന്‌ കുറെ നേരം തെരു​വു​സാ​ക്ഷീ​ക​ര​ണ​ത്തിൽ ഏർപ്പെ​ടാൻ സാധി​ക്കു​മോ? ഈ വിധങ്ങ​ളി​ലൊ​ക്കെ നമുക്കു സേവന​ത്തിൽ പുരോ​ഗ​മി​ക്കാ​നാ​കും.

³ ശ്രദ്ധയു​ള്ളവർ അല്ലെങ്കിൽ, ശുശ്രൂ​ഷ​യിൽ ആയിരി​ക്കു​മ്പോൾ നമുക്കു വില​യേ​റിയ സമയം നഷ്ടമാ​യേ​ക്കാം. കാലാവസ്ഥ പ്രതി​കൂ​ല​മാ​ണെ​ങ്കിൽ, അൽപ്പം വിശ്ര​മി​ക്കു​ന്നത്‌ നമ്മുടെ ഉന്മേഷം വർധി​പ്പി​ക്കു​ക​യും സാക്ഷീ​ക​ര​ണ​ത്തിൽ തുടരാൻ സഹായി​ക്കു​ക​യും ചെയ്യും. എന്നിരു​ന്നാ​ലും, അത്തരം ഇടവേ​ളകൾ എല്ലായ്‌പോ​ഴും ആവശ്യ​മി​ല്ലാ​ത്ത​തി​നാൽ ഇക്കാര്യ​ത്തിൽ സമനി​ല​യു​ള്ളവർ ആയിരി​ക്കുക.

⁴ സമീപ വർഷങ്ങ​ളിൽ, ആളുകളെ അവരുടെ വീടു​ക​ളിൽ കണ്ടെത്തുക വളരെ പ്രയാ​സ​ക​ര​മാണ്‌. വീടു​തോ​റു​മുള്ള ശുശ്രൂഷ മറ്റു സമയങ്ങ​ളിൽ നിർവ​ഹി​ച്ചു​കൊണ്ട്‌ നിരവധി പേർ ഈ സാഹച​ര്യം കൈകാ​ര്യം ചെയ്യുന്നു. വൈകു​ന്നേ​ര​ങ്ങ​ളിൽ സാക്ഷീ​ക​രണം നടത്തി​ക്കൊണ്ട്‌ നിങ്ങൾക്കും ഇതൊന്ന്‌ പരീക്ഷി​ച്ചു നോക്ക​രു​തോ?

⁵ തെരു​വു​വേ​ല​യിൽ ഏർപ്പെ​ടു​മ്പോൾ അന്യോ​ന്യം സംസാ​രി​ച്ചു സമയം കളയാ​തി​രി​ക്കാൻ ശ്രദ്ധി​ക്കുക. പകരം, അകന്നകന്നു നിൽക്കു​ക​യും സംസാ​രി​ക്കാ​നാ​യി ആളുകളെ സമീപി​ക്കു​ക​യും ചെയ്യുക. അങ്ങനെ​യാ​കു​മ്പോൾ, സമയം കൂടുതൽ ഫലപ്ര​ദ​മാ​യി ഉപയോ​ഗി​ക്കാ​നും വേലയിൽനി​ന്നു കൂടുതൽ സന്തോഷം കണ്ടെത്താ​നും സാധി​ക്കും.

⁶ സാക്ഷീ​ക​രി​ക്കാ​നുള്ള അവസരങ്ങൾ പ്രയോ​ജ​ന​പ്പെ​ടു​ത്തുക: താത്‌പ​ര്യം ഇല്ലെന്നു പറഞ്ഞ ഒരു സ്‌ത്രീ​യോട്‌, തനിക്കു സംസാ​രി​ക്കാൻ കഴിയുന്ന മറ്റാ​രെ​ങ്കി​ലും ആ വീട്ടിൽ ഉണ്ടോ എന്ന്‌ ഒരു സഹോ​ദരി ചോദി​ച്ചു. അത്‌ രോഗം​മൂ​ലം വർഷങ്ങ​ളാ​യി ഏതാണ്ടു പൂർണ​മാ​യും കിടപ്പി​ലാ​യി​രുന്ന അവിടത്തെ കുടും​ബ​നാ​ഥ​നു​മാ​യി സംസാ​രി​ക്കു​ന്ന​തി​ലേക്കു നയിച്ചു. ദൈവ​വ​ച​ന​ത്തി​ലെ പ്രത്യാ​ശ​യു​ടെ ഫലമായി ആ വ്യക്തി​യിൽ ജീവി​ക്കാ​നുള്ള ആഗ്രഹം വീണ്ടും നാമ്പെ​ടു​ത്തു. കിടക്ക​യിൽത്തന്നെ കഴിഞ്ഞു​കൂ​ടി​യി​രുന്ന അദ്ദേഹം പെട്ടെ​ന്നു​തന്നെ രാജ്യ​ഹാ​ളിൽ യോഗ​ങ്ങൾക്കു പോകാ​നും താൻ പുതു​താ​യി കണ്ടെത്തിയ പ്രത്യാശ മറ്റുള്ള​വ​രു​മാ​യി പങ്കു​വെ​ക്കാ​നും തുടങ്ങി!

⁷ സഭാ പുസ്‌തക അധ്യയ​ന​ത്തി​നു മുമ്പുള്ള സമയത്ത്‌ വയൽ സേവന​ത്തിൽ ഏർപ്പെ​ടാ​നുള്ള നിർദേശം കൗമാ​ര​പ്രാ​യ​ക്കാ​രി​യായ ഒരു സഹോ​ദരി ബാധക​മാ​ക്കി. ആദ്യത്തെ വീട്ടിൽ കണ്ടുമു​ട്ടിയ ഒരു 13 വയസ്സു​കാ​രി, സഹോ​ദരി പറഞ്ഞതു ശ്രദ്ധിച്ചു കേൾക്കു​ക​യും സാഹി​ത്യം സ്വീക​രി​ക്കു​ക​യും ചെയ്‌തു. പിറ്റേന്ന്‌ ആ പെൺകു​ട്ടി​യെ വീണ്ടും സ്‌കൂ​ളിൽ വെച്ചു കണ്ടപ്പോൾ സഹോ​ദരി ഒരു ബൈബിൾ അധ്യയനം വാഗ്‌ദാ​നം ചെയ്‌തു. അതു അവൾ സ്വീക​രി​ച്ചു.

⁸ വയൽ സേവന സമയത്തി​ന്റെ ഗുണമേന്മ മെച്ച​പ്പെ​ടു​ത്തുക: വയൽ സേവന​ത്തിൽ ക്രമമായ പങ്കുണ്ടാ​യി​രി​ക്കു​ന്നത്‌ സുവാർത്ത അവതരി​പ്പി​ക്കു​ന്ന​തി​ലുള്ള നമ്മുടെ പ്രാപ്‌തി വർധി​പ്പി​ക്കാൻ സഹായി​ക്കു​ന്നു. കൂടുതൽ ഫലപ്ര​ദ​മായ ഒരു മുഖവുര ഉപയോ​ഗി​ച്ചു​കൊണ്ട്‌ സംഭാ​ഷണം തുടങ്ങാ​നുള്ള പ്രാപ്‌തി നിങ്ങൾക്കു മെച്ച​പ്പെ​ടു​ത്താൻ സാധി​ക്കു​മോ? ഒരു ഭവന ബൈബി​ള​ധ്യ​യനം നടത്തി​ക്കൊണ്ട്‌ നിങ്ങൾക്കു കൂടുതൽ വിദഗ്‌ധ​നായ ഒരു അധ്യാ​പകൻ ആകാൻ കഴിയു​മോ? അങ്ങനെ ചെയ്യു​ക​വഴി, സേവന​ത്തിൽ ചെലവ​ഴി​ക്കുന്ന സമയം കൂടുതൽ ഫലപ്ര​ദ​മാ​ക്കാ​നും ശുശ്രൂഷ കൂടുതൽ ഉത്‌പാ​ദ​ന​ക്ഷ​മ​മാ​ക്കാ​നും നിങ്ങൾക്കു സാധി​ക്കും, തീർച്ച.—1 തിമൊ. 4:16.

⁹ “കാലം ചുരു​ങ്ങി​യി​രി​ക്കുന്ന”തിനാൽ നാം ക്രിസ്‌തീയ പ്രവർത്ത​ന​ങ്ങ​ളിൽ പൂർണ​മാ​യും വ്യാപൃ​തർ ആയിരി​ക്കണം. (1 കൊരി. 7:29) പ്രസം​ഗ​പ്ര​വർത്ത​ന​ത്തിൽ സമയം ചെലവ​ഴി​ക്കു​ന്ന​തിന്‌ ആയിരി​ക്കണം നാം ഏറ്റവും പ്രാധാ​ന്യം നൽകേ​ണ്ടത്‌. ശുശ്രൂ​ഷ​യിൽ നമുക്ക്‌ ആരോ​ഗ്യാ​വ​ഹ​വും തീക്ഷ്‌ണ​വു​മായ ഒരു പങ്ക്‌ ഉണ്ടായി​രി​ക്കണം. യഹോവ നമുക്കു പ്രദാനം ചെയ്‌തി​രി​ക്കുന്ന അത്ഭുത​ക​ര​മായ ഒരു സ്വത്താണ്‌ സമയം. എല്ലായ്‌പോ​ഴും അത്‌ ജ്ഞാനപൂർവം, ഫലപ്ര​ദ​മാ​യി വിനി​യോ​ഗി​ക്കുക.

[4-ാം പേജിലെ ചിത്രം]

പിൻവരുന്ന നിർദേ​ശങ്ങൾ പരിചി​ന്തി​ക്കുക:

◼ വയൽ സേവന യോഗ​ങ്ങൾക്കു കൃത്യ​സ​മ​യത്ത്‌ എത്തുക.

◼ സാക്ഷീ​കരണ കൂട്ടം ചെറു​താ​യി​രി​ക്കണം.

◼ പ്രദേ​ശത്തു താമസിച്ച്‌ എത്തി​ച്ചേ​രു​ന്നത്‌ ഒഴിവാ​ക്കുക.

◼ മിക്കവ​രും വീടു​ക​ളിൽ ഉള്ളപ്പോൾ പ്രദേശം സന്ദർശി​ക്കുക.

◼ സുരക്ഷി​ത​മെ​ങ്കിൽ ചില​പ്പോ​ഴൊ​ക്കെ തനിച്ചു പ്രവർത്തി​ക്കുക.

◼ വീടു​തോ​റു​മുള്ള പ്രവർത്തനം നടത്തുന്ന സ്ഥലത്തിന്‌ അടുത്തുള്ള മടക്ക സന്ദർശ​നങ്ങൾ നടത്തുക.

◼ മറ്റുള്ളവർ വീടു​ക​ളിൽനിന്ന്‌ വരാൻ താമസി​ക്കു​മ്പോൾ കാത്തു​നി​ന്നു സമയം കളയാതെ സേവന​ത്തിൽ ഏർപ്പെ​ടുക.

◼ സാധ്യ​മാ​കു​മ്പോ​ഴെ​ല്ലാം, സാഹച​ര്യ​ങ്ങൾക്ക​നു​സ​രിച്ച്‌ ഒരു മണിക്കൂ​റി​ലേറെ സമയം വയലിൽ ചെലവ​ഴി​ക്കുക.