1999-ലെ ദിവ്യാ​ധി​പത്യ ശുശ്രൂ​ഷാസ്‌കൂ​ളിൽ നിന്ന്‌ പ്രയോ​ജനം നേടുക

¹ യേശു വിദഗ്‌ധ അധ്യാ​പകൻ ആയിരു​ന്നു. “അവന്റെ ഉപദേ​ശ​ത്തി​ങ്കൽ [“പഠിപ്പി​ക്കൽ രീതി​യിൽ,” NW] അവർ [ആളുകൾ] വിസ്‌മ​യി​ച്ചു.” (മർക്കൊ. 1:22) യേശു​വി​നെ പോലെ ഫലപ്ര​ദ​മാ​യി പ്രസം​ഗി​ക്കാ​നോ പഠിപ്പി​ക്കാ​നോ നമുക്കാർക്കും കഴിയി​ല്ലെ​ങ്കി​ലും, നമുക്ക്‌ അവനെ അനുക​രി​ക്കാൻ ശ്രമി​ക്കാ​വു​ന്ന​താണ്‌. (പ്രവൃ. 4:13) ആ ലാക്കിൽ എത്തി​ച്ചേ​രാ​നാ​യി, നമ്മുടെ പ്രസംഗ, പഠിപ്പി​ക്കൽ പ്രാപ്‌തി​കൾ പുരോ​ഗ​മി​പ്പി​ക്കു​ന്ന​തിൽ തുടരാൻ ദിവ്യാ​ധി​പത്യ ശുശ്രൂ​ഷാസ്‌കൂൾ പരിപാ​ടി​യിൽ പങ്കെടു​ക്കു​ന്നതു നമ്മെ സഹായി​ക്കും.

² 1999-ൽ, 1-ാം നമ്പർ നിയമനം മുഖ്യ​മാ​യും 1997-ലെ വീക്ഷാ​ഗോ​പുര, ഉണരുക! ലേഖന​ങ്ങളെ അടിസ്ഥാ​ന​മാ​ക്കി ഉള്ളതാ​യി​രി​ക്കും. ഈ ലേഖനങ്ങൾ മുന്നമേ വായി​ക്കു​ക​യും പിന്നെ സ്‌കൂൾ പരിപാ​ടി​യിൽ ശ്രദ്ധി​ക്കു​ക​യും ചെയ്യു​ന്ന​പക്ഷം, ആത്മീയ കാര്യാ​ദി​ക​ളി​ലുള്ള നമ്മുടെ ഗ്രാഹ്യം വളരെ വർധി​ക്കും. പ്രബോ​ധന പ്രസംഗം നിർവ​ഹി​ക്കാൻ നിയമി​ക്ക​പ്പെ​ടു​ന്നവർ തങ്ങളുടെ ഭാഗം ആകർഷ​ണീ​യ​വും ജീവസ്സു​റ്റ​തു​മാ​യി അവതരി​പ്പി​ച്ചു​കൊണ്ട്‌ പ്രസ്‌തുത വിവരങ്ങൾ എങ്ങനെ പ്രാ​യോ​ഗി​ക​മാ​യി ബാധക​മാ​ക്കാം എന്നു വ്യക്തമാ​ക്കണം. 3-ഉം 4-ഉം നമ്പർ നിയമ​നങ്ങൾ കുടുംബ സന്തുഷ്ടി പുസ്‌ത​ക​ത്തെ​യോ ചർച്ചയ്‌ക്കു​വേ​ണ്ടി​യുള്ള ബൈബിൾ വിഷയ​ങ്ങ​ളെ​യോ അടിസ്ഥാ​ന​പ്പെ​ടു​ത്തി ആയിരി​ക്കും നടത്ത​പ്പെ​ടുക. പ്രസംഗ ഭാഗങ്ങൾ നിയമി​ച്ചു​കൊ​ടു​ക്കു​ന്ന​തി​നു മുമ്പ്‌ സ്‌കൂൾ മേൽവി​ചാ​രകൻ അതിലെ വിവരങ്ങൾ ശ്രദ്ധാ​പൂർവം പരിചി​ന്തി​ക്കേ​ണ്ട​തുണ്ട്‌. കുടുംബ സന്തുഷ്ടി പുസ്‌ത​ക​ത്തിൽ നിന്നുള്ള ഭാഗങ്ങൾ അവതരി​പ്പി​ക്കുന്ന എല്ലാ വിദ്യാർഥി​ക​ളും മാതൃ​കാ​യോ​ഗ്യ​മായ കുടുംബ ജീവിതം നയിക്കു​ന്നവർ ആയിരി​ക്കണം.

³ ഗുണ​ദോ​ഷം ബാധക​മാ​ക്കുക, നന്നായി തയ്യാറാ​കുക: പ്രസംഗ, പഠിപ്പി​ക്കൽ കലയിൽ എല്ലാവർക്കും പുരോ​ഗതി വരുത്താ​നാ​കും. (1 തിമൊ. 4:13, NW) അതു​കൊണ്ട്‌ നാം ഗുണ​ദോ​ഷം തേടേ​ണ്ട​തുണ്ട്‌. അതിനെ അനാവ​ശ്യ​മായ ഒന്നായി ഒരിക്ക​ലും വീക്ഷി​ക്ക​രുത്‌. (സദൃ. 12:15; 19:20) യോഗ​ങ്ങ​ളി​ലും വയൽ ശുശ്രൂ​ഷ​യി​ലും സത്യം ഫലപ്ര​ദ​മാ​യി അവതരി​പ്പി​ക്കു​ന്ന​തിന്‌ കേവലം വസ്‌തു​തകൾ പ്രസ്‌താ​വി​ക്കു​ന്ന​തി​ലും തിരു​വെ​ഴു​ത്തു​കൾ ഒഴുക്കൻ മട്ടിൽ വായിച്ചു വിടു​ന്ന​തി​ലും അധികം ആവശ്യ​മാണ്‌. ശ്രോ​താ​ക്ക​ളു​ടെ ഹൃദയ​ങ്ങ​ളി​ലെത്തി നാം അവരെ പ്രചോ​ദി​പ്പി​ക്ക​ണ്ട​തുണ്ട്‌. സത്യം, ഹൃദയ​ത്തിൽനി​ന്നു ബോധ്യം​വ​രു​ത്തും വിധം സംസാ​രി​ച്ചു​കൊ​ണ്ടു നമുക്കി​തു ചെയ്യാ​നാ​കും. (പ്രവൃ​ത്തി​കൾ 2:37 താരത​മ്യം ചെയ്യുക.) സ്‌കൂ​ളിൽ ലഭിക്കുന്ന ഗുണ​ദോ​ഷം അതിനു നമ്മെ പ്രാപ്‌ത​രാ​ക്കു​ന്നു.

⁴ ഒരു നിയമനം ലഭിക്കുന്ന ഉടനെ, സ്‌കൂൾ ഗൈഡ്‌ പുസ്‌ത​ക​ത്തിൽ വിവരി​ച്ചി​രി​ക്കുന്ന, നിങ്ങൾ ശ്രദ്ധി​ക്കേണ്ട പ്രസംഗ ഗുണങ്ങളെ കുറിച്ചു പരിചി​ന്തി​ക്കുക. തലേ​പ്രാ​വ​ശ്യം ലഭിച്ച ഗുണ​ദോ​ഷം ബാധക​മാ​ക്കാൻ നിങ്ങൾ എന്തു ചെയ്യേ​ണ്ട​തു​ണ്ടെന്നു ചിന്തി​ക്കുക. വിഷയം, രംഗസം​വി​ധാ​നം ആവശ്യ​മെ​ങ്കിൽ അത്‌, നിയമിത ഭാഗത്തുള്ള തിരു​വെ​ഴു​ത്തു​കൾ നിങ്ങൾ ബാധക​മാ​ക്കാൻ പോകുന്ന വിധം തുടങ്ങിയ കാര്യങ്ങൾ ധ്യാനി​ക്കുക. പഠിപ്പി​ക്കാ​നും പ്രചോ​ദ​ന​മേ​കാ​നു​മാ​യി ആ വിവരങ്ങൾ ഏറ്റവും മെച്ചമാ​യി എങ്ങനെ ഉപയോ​ഗി​ക്കാം എന്നു വിചി​ന്തനം ചെയ്യുക.—1 തിമൊ. 4:15, 16, NW.

⁵ സ്‌കൂ​ളിൽ പേർ ചാർത്താൻ നിങ്ങൾക്കു സങ്കോചം ഉണ്ടെങ്കിൽ, അതു സംബന്ധിച്ച്‌ പ്രാർഥി​ക്കുക, സ്‌കൂൾ മേൽവി​ചാ​ര​ക​നു​മാ​യി സംസാ​രി​ക്കുക. 1999-ലെ ദിവ്യാ​ധി​പത്യ ശുശ്രൂ​ഷാ സ്‌കൂ​ളിൽ അവതരി​പ്പി​ക്ക​പ്പെ​ടുന്ന പരിപാ​ടി​ക​ളിൽനിന്ന്‌ പൂർണ​മാ​യി നേട്ടം കൊയ്‌തു​കൊണ്ട്‌ എല്ലാവർക്കും പ്രയോ​ജനം നേടാ​നാ​കും.