യഹോ​വ​യു​ടെ മാർഗ​ത്തി​ലുള്ള ജീവിതം പിന്തു​ട​രാ​നുള്ള നമ്മുടെ ദൃഢനി​ശ്ച​യം

¹ “ദൈവ​മാർഗ​ത്തി​ലുള്ള ജീവിതം” കൺ​വെൻ​ഷ​നു​ക​ളു​ടെ ഒരു മുഖ്യ സവി​ശേഷത സമാപന പ്രസം​ഗ​ത്തിൽ അംഗീ​ക​രിച്ച പ്രമേയം ആയിരു​ന്നു. “നാം ദൈവ​മാർഗ​ത്തി​ലുള്ള ജീവി​ത​മാണ്‌ ഉത്തമ ജീവി​ത​രീ​തി എന്നതി​നോ​ടു സർവാ​ത്മനാ യോജി​ക്കു​ന്നു” എന്ന പ്രഖ്യാ​പ​ന​ത്തോ​ടെ​യാണ്‌ അതു തുടങ്ങി​യത്‌. നാം “ഉവ്വ്‌” എന്നു പറഞ്ഞു​കൊണ്ട്‌ അംഗീ​ക​രിച്ച ആ പ്രമേ​യ​ത്തി​ലെ പ്രധാ​ന​പ്പെട്ട ചില ആശയങ്ങൾ ഓർമി​ക്കുക.

² ലോക​ത്തിൽനി​ന്നുള്ള കളങ്കം ഏൽക്കാതെ യഹോ​വ​യു​ടെ മുമ്പാകെ ശുദ്ധരാ​യി നില​കൊ​ള്ളുക എന്നതു നമ്മുടെ ദൃഢനി​ശ്ച​യ​മാണ്‌. നാം നമ്മുടെ ജീവി​ത​ത്തിൽ ദൈവ​ഹി​ത​ത്തിന്‌ ഒന്നാം സ്ഥാനം കൊടു​ക്കു​ന്ന​തിൽ തുടരും. അവന്റെ വചനമായ ബൈബി​ളി​നെ നമ്മുടെ വഴികാ​ട്ടി​യാ​യി ഉപയോ​ഗി​ച്ചു​കൊണ്ട്‌, ഇടത്തോ​ട്ടോ വലത്തോ​ട്ടോ വ്യതി​ച​ലി​ക്കാ​തെ, ദൈവ​മാർഗം ലോക​ത്തി​ന്റേ​തി​നെ​ക്കാൾ ശ്രേഷ്‌ഠ​മാ​ണെന്നു നാം സ്ഥിരീ​ക​രി​ക്കും.

³ ലോകം പൊതു​വേ ദൈവ​മാർഗ​ത്തി​ലുള്ള ജീവി​തത്തെ അവമതി​ക്കു​ക​യും അതിന്റെ ഭവിഷ്യ​ത്തു​കൾ അനുഭ​വി​ക്കു​ക​യും ചെയ്യുന്നു. (യിരെ. 10:23) അതു​കൊണ്ട്‌, “വഴി ഇതാകു​ന്നു, ഇതിൽ നടന്നു​കൊൾവിൻ” എന്നു പറയുന്ന നമ്മുടെ മഹാ പ്രബോ​ധ​ക​നായ യഹോ​വ​യാൽ പഠിപ്പി​ക്ക​പ്പെ​ടു​ന്ന​തിൽ നാം തുടരണം. (യെശ. 30:21) തിരു​വെ​ഴു​ത്തു​ക​ളിൽ വിശദീ​ക​രി​ച്ചി​രി​ക്കുന്ന പ്രകാരം യഹോ​വ​യു​ടെ മാർഗ​ത്തി​ലുള്ള ജീവിതം എല്ലാ വിധത്തി​ലും ഉത്‌കൃ​ഷ്ട​മാണ്‌. ആ മാർഗം പിന്തു​ട​രാൻ, യഹോ​വ​യു​ടെ എല്ലാ പഠിപ്പി​ക്ക​ലു​ക​ളിൽനി​ന്നും നാം പരമാ​വധി പ്രയോ​ജനം നേടേ​ണ്ടത്‌ അത്യന്താ​പേ​ക്ഷി​ത​മാണ്‌.

⁴ യഹോ​വ​യു​ടെ ഉത്‌കൃ​ഷ്ട​മായ പഠിപ്പി​ക്കൽ പരിപാ​ടി: ജീവി​ത​ത്തി​ന്റെ യഥാർഥ ഉദ്ദേശ്യ​ത്തെ​ക്കു​റി​ച്ചും ഏറ്റവും പ്രയോ​ജ​ന​പ്ര​ദ​മായ വിധത്തിൽ എങ്ങനെ ജീവി​ക്കാം എന്നതി​നെ​ക്കു​റി​ച്ചും യഹോവ നമ്മെ പഠിപ്പി​ക്കു​ന്നു. മാനസി​ക​മാ​യും ധാർമി​ക​മാ​യും ആത്മീയ​മാ​യും ജീവി​ത​ത്തി​ന്റെ ഗുണനി​ല​വാ​രം മെച്ച​പ്പെ​ടു​ത്താ​വു​ന്നത്‌ എങ്ങനെ​യെന്ന്‌ അവൻ നമ്മെ പഠിപ്പി​ക്കു​ന്നു. സഹോ​ദ​ര​ങ്ങ​ളോ​ടും കുടും​ബ​ത്തോ​ടും സഹമനു​ഷ്യ​രോ​ടും സമാധാ​ന​ത്തിൽ കഴിയാ​വുന്ന വിധ​ത്തെ​ക്കു​റി​ച്ചും അവൻ പഠിപ്പി​ക്കു​ന്നു. അവൻ പ്രദാനം ചെയ്‌തി​രി​ക്കുന്ന പാഠ്യ​പുസ്‌ത​ക​മായ ബൈബി​ളി​ലൂ​ടെ​യും തന്റെ സംഘട​ന​യി​ലൂ​ടെ​യും അവൻ അപ്രകാ​രം ചെയ്യുന്നു.

⁵ ഇതി​നോ​ടുള്ള ബന്ധത്തിൽ നമ്മുടെ സഭാ​യോ​ഗ​ങ്ങൾക്കു വളരെ പ്രാധാ​ന്യ​മുണ്ട്‌. നാം അഞ്ചു യോഗ​ങ്ങൾക്കും ക്രമമാ​യി ഹാജരാ​കു​ക​യും അതിൽ പങ്കുപ​റ്റു​ക​യും ചെയ്യു​മ്പോൾ, സുവാർത്ത​യു​ടെ ശുശ്രൂ​ഷ​ക​രെന്ന നിലയിൽ സമഗ്ര​മായ പരിശീ​ല​ന​വും ക്രിസ്‌തീയ ജീവി​ത​ത്തിൽ നല്ല സമനി​ല​യുള്ള വിദ്യാ​ഭ്യാ​സ​വും നമുക്കു ലഭിക്കു​ന്നു. (2 തിമൊ. 3:16, 17) കൂടു​ത​ലാ​യി, നമ്മുടെ മഹാ പ്രബോ​ധകൻ സമ്മേള​ന​ങ്ങ​ളി​ലൂ​ടെ​യും കൺ​വെൻ​ഷ​നു​ക​ളി​ലൂ​ടെ​യും ദിവ്യാ​ധി​പത്യ വിദ്യാ​ഭ്യാ​സം പ്രദാനം ചെയ്യുന്നു. നമ്മുടെ ആരോ​ഗ്യ​വും സാഹച​ര്യ​ങ്ങ​ളും അനുവ​ദി​ക്കു​ന്നി​ട​ത്തോ​ളം ഒരു യോഗ​മോ ഒരു സെഷൻ പോലു​മോ ഒരിക്ക​ലും മുടക്ക​രുത്‌ എന്നതാ​യി​രി​ക്കണം നമ്മുടെ ലക്ഷ്യം.

⁶ സർവവും യഹോ​വ​യു​ടെ സ്‌തു​തി​യി​ലും നമ്മുടെ നിത്യ പ്രയോ​ജ​ന​ത്തി​ലും കലാശി​ക്കത്തക്ക വിധത്തിൽ വരും​നാ​ളു​ക​ളിൽ ദൈവ​മാർഗ​ത്തി​ലുള്ള ജീവിതം പിന്തു​ട​രു​ന്ന​തിൽ നമുക്ക്‌ ഉത്സാഹ​ത്തോ​ടെ തുടരാം!—യെശ. 48:17.