നിങ്ങൾ ക്രമമുള്ള ഒരു രാജ്യ​ഘോ​ഷ​ക​നാ​ണോ?

¹ ഇന്ത്യയി​ലെ പ്രസാ​ധ​ക​രു​ടെ എണ്ണം 1999 ആഗസ്റ്റിൽ, 21,212 എന്ന സർവകാല അത്യു​ച്ച​ത്തി​ലെത്തി എന്ന്‌ അറിഞ്ഞ​പ്പോൾ നാമെ​ല്ലാം സന്തോ​ഷി​ച്ചു. നിശ്ചയ​ദാർഢ്യ​ത്തോ​ടെ​യുള്ള ഒരു ഏകീകൃത ശ്രമത്തി​ന്റെ ഫലം തന്നെ! എന്നാൽ തുടർന്നു​വന്ന മാസങ്ങ​ളിൽ രാജ്യ​ഘോ​ഷണ വേലയിൽ ക്രമമാ​യി പങ്കുപ​റ്റു​ന്ന​തിൽ ഈ പ്രസാ​ധ​ക​രിൽ ചിലർക്കു ബുദ്ധി​മുട്ട്‌ അനുഭ​വ​പ്പെ​ട്ടി​രി​ക്കു​ന്നു എന്നതു വ്യക്തമാണ്‌. കാരണം, അതിനു ശേഷമുള്ള എല്ലാ മാസങ്ങ​ളി​ലും പ്രസാ​ധ​ക​രു​ടെ ശരാശരി എണ്ണം 20,095 ആയിരു​ന്നു. ഇത്‌ സൂചി​പ്പി​ക്കു​ന്നത്‌ 19 പ്രസാ​ധ​ക​രിൽ ഒരാൾ വീതം എല്ലാ മാസവും ശുശ്രൂ​ഷ​യിൽ ഏർപ്പെ​ടാ​നുള്ള ക്രമീ​ക​ര​ണങ്ങൾ ചെയ്‌തി​ട്ടില്ല എന്നാണ്‌. ഈ അവസ്ഥയ്‌ക്ക്‌ മാറ്റം വരുത്താൻ പിൻവ​രുന്ന പ്രോ​ത്സാ​ഹനം സഹായ​ക​മാ​യി​രി​ക്കു​മെന്നു കരുതു​ന്നു.

² പദവി വിലമ​തി​ക്കുക: രാജ്യ​സു​വാർത്താ ദൂത്‌ മറ്റുള്ള​വ​രു​മാ​യി പങ്കിടാ​നുള്ള നമ്മുടെ പദവിയെ നാം ആഴമായി വിലമ​തി​ക്കേ​ണ്ട​തുണ്ട്‌. ഈ പ്രവർത്ത​ന​ത്തി​ലൂ​ടെ നാം യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ക​യും ജീവനി​ലേക്കു നയിക്കുന്ന പാതയെ കുറിച്ചു മനസ്സി​ലാ​ക്കാൻ ആത്മാർഥ​ഹൃ​ദ​യരെ സഹായി​ക്കു​ക​യും ചെയ്യുന്നു. (സദൃ. 27:11; 1 തിമൊ. 4:16) ക്രമമാ​യി സാക്ഷീ​കരണ വേലയിൽ ഏർപ്പെ​ടു​മ്പോൾ ശുശ്രൂ​ഷ​യി​ലെ നമ്മുടെ അനുഭ​വ​സ​മ്പത്ത്‌ വർധി​ക്കു​ന്നു. കൂടാതെ അത്‌ സന്തോ​ഷ​വും സംതൃ​പ്‌തി​യും കൈവ​രു​ത്തു​ന്നു.

³ പ്രവർത്തനം റിപ്പോർട്ടു ചെയ്യുക: ചിലർ വയൽസേ​വ​ന​ത്തിൽ പങ്കുപ​റ്റു​ന്നു​ണ്ടെ​ങ്കി​ലും സമയത്തി​നു റിപ്പോർട്ട്‌ ഇടുന്നില്ല. നമ്മുടെ പ്രവർത്തനം റിപ്പോർട്ടു ചെയ്യാൻതക്ക മൂല്യ​മു​ള്ളതല്ല എന്ന്‌ ഒരിക്ക​ലും വിചാ​രി​ക്ക​രുത്‌. (മർക്കൊ. 12:41-44 താരത​മ്യം ചെയ്യുക.) നാം പ്രവർത്തി​ച്ചി​രി​ക്കു​ന്നത്‌ എന്തുമാ​ത്ര​മാ​ണോ അതു നാം തീർച്ച​യാ​യും റിപ്പോർട്ടു ചെയ്യണം! ശുശ്രൂ​ഷ​യിൽ ചെലവ​ഴി​ക്കുന്ന സമയം കലണ്ടറിൽ കുറിച്ചു വെക്കു​ന്ന​തു​പോ​ലെ​യുള്ള എന്തെങ്കി​ലും ക്രമീ​ക​രണം നമുക്കു​ണ്ടെ​ങ്കിൽ കൃത്യ​മാ​യി എല്ലാ മാസാ​വ​സാ​ന​വും ശരിയായ റിപ്പോർട്ടി​ടാ​നുള്ള ഒരു ഓർമി​പ്പി​ക്ക​ലാ​യി അത്‌ ഉതകും.

⁴ ആവശ്യ​മായ സഹായം നൽകുക: ശുശ്രൂ​ഷ​യിൽ ക്രമമാ​യി പങ്കെടു​ക്കു​ന്ന​തിന്‌ സഹായം ആവശ്യ​മു​ള്ള​വരെ പിന്തു​ണ​യ്‌ക്കാ​നാ​യി പ്രാ​ദേ​ശിക ക്രമീ​ക​ര​ണങ്ങൾ മെച്ച​പ്പെ​ടു​ത്തേ​ണ്ടത്‌ ഉണ്ടായി​രി​ക്കാം. അനുഭ​വ​പ​രി​ച​യ​മുള്ള പ്രസാ​ധ​ക​രു​ടെ സഹായം ലഭ്യമാ​ക്കു​ന്ന​തി​നു വേണ്ട ഏർപ്പാ​ടു​കൾ പുസ്‌തക അധ്യയന നിർവാ​ഹ​ക​രും സഭാ സെക്ര​ട്ട​റി​യും ചെയ്യണം. സ്‌നാ​പ​ന​മേൽക്കാത്ത പ്രസാ​ധ​ക​രായ നിങ്ങളു​ടെ കുട്ടി​ക​ളെ​യും ബൈബിൾ വിദ്യാർഥി​ക​ളെ​യും എല്ലാ മാസവും അവരുടെ പ്രവർത്തനം റിപ്പോർട്ടു ചെയ്യാൻ പരിശീ​ലി​പ്പി​ക്കുക.

⁵ 1997 ഒക്‌ടോ​ബർ 1 ലക്കം വീക്ഷാ​ഗോ​പു​ര​ത്തിൽ വന്ന “യഹോ​വ​യു​ടെ സേവന​ത്തിൽ ദീർഘാ​യു​സ്സോ​ടെ​യി​രി​ക്കു​ന്ന​തി​നു നന്ദി” എന്ന ജീവി​തകഥ ഓർക്കുക. നോർവേ​യി​ലെ ഓട്ടില്യ മിഡ്‌ലൻ സഹോ​ദരി, 1921-ൽ സ്‌നാ​പ​ന​മേൽക്കു​ന്ന​തി​നു മുമ്പു​തന്നെ തന്റെ പ്രവർത്തനം ക്രമമാ​യി റിപ്പോർട്ടു ചെയ്‌തു​തു​ടങ്ങി. എഴുപ​ത്തി​യാറ്‌ വർഷങ്ങൾക്കു​ശേഷം 99-ാമത്തെ വയസ്സിൽ സഹോ​ദരി പറഞ്ഞു: “ഇപ്പോ​ഴും പ്രവർത്ത​ന​ത്തി​നു മുടക്കം​വ​രു​ത്താത്ത പ്രസാ​ധി​ക​യാ​യി​രി​ക്കാൻ സാധി​ക്കു​ന്ന​തിൽ എനിക്കു ചാരി​താർഥ്യ​മുണ്ട്‌.” യഹോ​വ​യു​ടെ ദാസന്മാ​രായ നമു​ക്കെ​ല്ലാം അനുക​രി​ക്കാൻ പറ്റിയ എത്ര ഉത്‌കൃ​ഷ്ട​മായ മാതൃക!