കൃത്യ​മായ ഒരു റിപ്പോർട്ടു സമാഹ​രി​ക്കാൻ നിങ്ങൾ സഹായി​ക്കു​ന്നു​വോ?

¹ അനേകം ബൈബിൾ വിവര​ണ​ങ്ങ​ളിൽ നിശ്ചിത സംഖ്യകൾ ഉൾപ്പെ​ടു​ത്തി​യി​രി​ക്കു​ന്ന​താ​യി നമുക്കു കാണാം. നടന്ന സംഭവത്തെ കുറി​ച്ചുള്ള വ്യക്തമായ ഒരു ചിത്രം ലഭിക്കാൻ ഇതു സഹായി​ക്കു​ന്നു. ഉദാഹ​ര​ണ​ത്തിന്‌, വെറും 300 പുരു​ഷ​ന്മാ​രെ ഉപയോ​ഗിച്ച്‌ ഗിദെ​യോൻ മിദ്യാ​ന്യ സൈന്യ​ത്തെ പരാജ​യ​പ്പെ​ടു​ത്തി. (ന്യായാ. 7:7) യഹോ​വ​യു​ടെ ദൂതൻ 1,85,000 അസീറി​യൻ പടയാ​ളി​കളെ കൊന്നു. (2 രാജാ. 19:35) പൊ.യു. 33-ലെ പെന്തെ​ക്കൊസ്‌തു നാളിൽ 3,000-ത്തോളം പേർ സ്‌നാ​പ​ന​മേറ്റു. ഏറെ താമസി​യാ​തെ വിശ്വാ​സി​ക​ളു​ടെ എണ്ണം ഏകദേശം 5,000 ആയി വർധിച്ചു. (പ്രവൃ. 2:41; 4:4) പൂർണ​വും കൃത്യ​വു​മായ ഒരു രേഖ സമാഹ​രി​ക്കാൻ ദൈവ​ത്തി​ന്റെ പുരാതന ദാസന്മാർ വളരെ​യേറെ ശ്രമം ചെലു​ത്തി​യി​രു​ന്നു എന്നാണ്‌ ഈ വിവര​ണ​ങ്ങ​ളെ​ല്ലാം കാണി​ക്കു​ന്നത്‌.

² എല്ലാ മാസവും വയൽസേ​വ​ന​ത്തി​ലെ നമ്മുടെ പങ്കു റിപ്പോർട്ടു ചെയ്യാൻ യഹോ​വ​യു​ടെ സംഘടന ഇന്നു നമ്മോട്‌ ആവശ്യ​പ്പെ​ടു​ന്നു. ഈ ക്രമീ​ക​ര​ണ​ത്തോ​ടുള്ള നമ്മുടെ വിശ്വസ്‌ത സഹകരണം പ്രസം​ഗ​വേ​ല​യു​ടെ ഫലപ്ര​ദ​മായ മേൽവി​ചാ​ര​ണയ്‌ക്കു സംഭാവന ചെയ്യും. ശുശ്രൂ​ഷ​യു​ടെ ഏതെങ്കി​ലും ഒരു വശത്തിനു കൂടുതൽ ശ്രദ്ധ കൊടു​ക്കേ​ണ്ട​തുണ്ട്‌ എന്നോ വയലിൽ ഒരു പ്രത്യേക ഭാഗത്ത്‌ കൂടുതൽ വേലക്കാ​രെ ആവശ്യ​മുണ്ട്‌ എന്നോ റിപ്പോർട്ടു​കൾ വെളി​പ്പെ​ടു​ത്തി​യേ​ക്കാം. സഭയിൽ ആർക്കൊ​ക്കെ തങ്ങളുടെ ശുശ്രൂഷ വിപു​ല​മാ​ക്കാൻ കഴിയും, ആർക്കൊ​ക്കെ സഹായം ആവശ്യ​മാണ്‌ എന്നീ കാര്യങ്ങൾ തിട്ട​പ്പെ​ടു​ത്താൻ വയൽസേവന റിപ്പോർട്ടു​കൾ മൂപ്പന്മാ​രെ സഹായി​ക്കും. കൂടാതെ, രാജ്യ​പ്ര​സംഗ വേലയു​ടെ പുരോ​ഗതി സംബന്ധിച്ച റിപ്പോർട്ടു​കൾ മുഴു ക്രിസ്‌തീയ സഹോ​ദ​ര​വർഗ​ത്തി​നും പ്രോ​ത്സാ​ഹനം നൽകുന്നു. കൃത്യ​മായ ഒരു റിപ്പോർട്ടു സമാഹ​രി​ക്കു​ന്ന​തിൽ സഹായി​ക്കാൻ നിങ്ങൾ നിങ്ങളു​ടെ പങ്കു നിർവ​ഹി​ക്കു​ന്നു​ണ്ടോ?

³ നിങ്ങളു​ടെ വ്യക്തി​പ​ര​മായ ഉത്തരവാ​ദി​ത്വം: മാസാ​വ​സാ​നം ആകു​മ്പോൾ ആ മാസം ശുശ്രൂ​ഷ​യിൽ എത്രമാ​ത്രം പ്രവർത്തി​ച്ചു എന്ന്‌ ഓർക്കാൻ നിങ്ങൾക്കു ബുദ്ധി​മുട്ട്‌ അനുഭ​വ​പ്പെ​ടു​ന്നു​വോ? എങ്കിൽ ഓരോ പ്രാവ​ശ്യം വയൽസേ​വ​ന​ത്തിൽ ഏർപ്പെ​ടു​മ്പോ​ഴും നിങ്ങളു​ടെ പ്രവർത്ത​നത്തെ കുറി​ച്ചുള്ള വിവരങ്ങൾ എഴുതി വെക്കരു​തോ? ചിലർ ഇതിന്‌ ഒരു കലണ്ടറോ ഡയറി​യോ ഉപയോ​ഗി​ക്കു​ന്നു. മറ്റു ചിലർ ഒരു വയൽസേവന റിപ്പോർട്ട്‌ സ്ലിപ്പ്‌ കൂടെ കൊണ്ടു​പോ​കു​ന്നു. മാസാ​വ​സാ​നം താമസം​വി​നാ നിങ്ങളു​ടെ റിപ്പോർട്ട്‌ പുസ്‌ത​കാ​ധ്യ​യന മേൽവി​ചാ​ര​കനെ ഏൽപ്പി​ക്കുക. ഇനി, രാജ്യ​ഹാ​ളിൽ റിപ്പോർട്ട്‌ ഇടാനാ​യി വെച്ചി​ട്ടുള്ള പെട്ടി​യിൽ അതു നിക്ഷേ​പി​ക്കാ​നാ​ണു നിങ്ങൾ ആഗ്രഹി​ക്കു​ന്ന​തെ​ങ്കിൽ അങ്ങനെ ചെയ്യുക. റിപ്പോർട്ടു നൽകാൻ മറന്നു പോകു​ന്നെ​ങ്കിൽ എത്രയും പെട്ടെന്ന്‌ പുസ്‌ത​കാ​ധ്യ​യന മേൽവി​ചാ​ര​കന്‌ അതു കൊടു​ക്കു​ന്നു​വെന്ന്‌ ഉറപ്പു വരുത്തുക. അദ്ദേഹം നിങ്ങ​ളോ​ടു വന്നു ചോദി​ക്കാൻ കാത്തു നിൽക്ക​രുത്‌. നിങ്ങളു​ടെ പ്രവർത്തനം കൃത്യ​മാ​യി റിപ്പോർട്ടു ചെയ്യു​ന്നത്‌ യഹോ​വ​യു​ടെ ക്രമീ​ക​ര​ണ​ത്തോ​ടുള്ള ആദരവി​നെ​യും റിപ്പോർട്ടു​കൾ ശേഖരി​ച്ചു സഭാ റിപ്പോർട്ടു തയ്യാറാ​ക്കാൻ നിയമി​ക്ക​പ്പെ​ട്ടി​രി​ക്കുന്ന സഹോ​ദ​ര​ന്മാ​രോ​ടുള്ള സ്‌നേ​ഹ​പൂർവ​ക​മായ പരിഗ​ണ​ന​യെ​യും പ്രതി​ഫ​ലി​പ്പി​ക്കു​ന്നു.—ലൂക്കൊ. 16:10.

⁴ പുസ്‌ത​കാ​ധ്യ​യന മേൽവി​ചാ​ര​കന്റെ ധർമം: ജാഗ്ര​ത​യും കരുത​ലു​മുള്ള ഒരു ഇടയനെന്ന നിലയിൽ പുസ്‌ത​കാ​ധ്യ​യന മേൽവി​ചാ​രകൻ മാസത്തി​ലു​ട​നീ​ളം തന്റെ പുസ്‌ത​കാ​ധ്യ​യന കൂട്ടത്തി​ലു​ള്ള​വ​രു​ടെ പ്രവർത്ത​ന​ത്തിൽ താത്‌പ​ര്യം കാണി​ക്കു​ന്നു. (സദൃ. 27:23) ഓരോ പ്രസാ​ധ​ക​നും ശുശ്രൂ​ഷ​യിൽ അർഥവ​ത്തും സന്തുഷ്ട​വു​മായ ഒരു പങ്കുണ്ടോ, അതു​പോ​ലെ അവർ ക്രമമാ​യി ശുശ്രൂ​ഷ​യിൽ പങ്കെടു​ക്കു​ന്നു​ണ്ടോ എന്നൊക്കെ അദ്ദേഹ​ത്തിന്‌ അറിയാം. ആരെങ്കി​ലും ഒരു മാസം മുഴു​വ​നും ശുശ്രൂ​ഷ​യിൽ പങ്കെടു​ക്കാ​തി​രു​ന്നാൽ അദ്ദേഹം ഉടനടി ആ വ്യക്തിക്കു സഹായം നൽകുന്നു. പലപ്പോ​ഴും, പ്രോ​ത്സാ​ഹ​ന​ത്തി​ന്റെ ഒരു വാക്കോ ഒരു പ്രാ​യോ​ഗിക നിർദേ​ശ​മോ തന്നോ​ടൊ​പ്പം വയൽസേ​വ​ന​ത്തിൽ പങ്കെടു​ക്കാ​നുള്ള ക്ഷണമോ മാത്രം മതിയാ​കും.

⁵ മാസാ​വ​സാ​നം ആകു​മ്പോൾ, പുസ്‌ത​കാ​ധ്യ​യന മേൽവി​ചാ​ര​കനു മറ്റൊരു ചുമത​ല​യുണ്ട്‌. അടുത്ത മാസം ആറാം തീയതി​യോ​ടെ കൃത്യ​മായ ഒരു സഭാ റിപ്പോർട്ട്‌ ബ്രാഞ്ച്‌ ഓഫീ​സിന്‌ അയയ്‌ക്കാൻ സെക്ര​ട്ട​റി​ക്കു സാധി​ക്കും വിധം തന്റെ പുസ്‌ത​കാ​ധ്യ​യന കൂട്ടത്തി​ലുള്ള എല്ലാവ​രും സ്വന്തം പ്രവർത്തനം റിപ്പോർട്ടു ചെയ്‌തു​കൊണ്ട്‌ തങ്ങളുടെ ഉത്തരവാ​ദി​ത്വം നിറ​വേ​റ്റി​യി​രി​ക്കു​ന്നു​വെന്ന്‌ അദ്ദേഹം ഉറപ്പു വരുത്തു​ന്നു. മാസാ​വ​സാ​ന​ത്തോട്‌ അടുക്കു​മ്പോൾ തന്റെ കൂട്ടത്തി​ലുള്ള എല്ലാവ​രെ​യും റിപ്പോർട്ടി​ടാൻ ഓർമി​പ്പി​ക്കു​ക​യും പുസ്‌ത​കാ​ധ്യ​യനം നടക്കു​ന്നി​ടത്ത്‌ റിപ്പോർട്ടു സ്ലിപ്പുകൾ ലഭ്യമാ​ക്കു​ക​യും ചെയ്യു​ന്നതു സഹായ​ക​മാ​യി​രു​ന്നേ​ക്കാം. റിപ്പോർട്ടി​ടാൻ മറന്നു പോകു​ന്ന​വർക്ക്‌ ഉചിത​മായ ഓർമി​പ്പി​ക്ക​ലു​ക​ളും പ്രോ​ത്സാ​ഹ​ന​വും നൽകാൻ അദ്ദേഹ​ത്തി​നു കഴിയും.

⁶ വയൽസേവന റിപ്പോർട്ടു​കൾ കൃത്യ​സ​മ​യത്തു കൊടു​ക്കു​ന്നത്‌ വയൽപ്ര​വർത്ത​നത്തെ കൃത്യ​മാ​യി പ്രതി​ഫ​ലി​പ്പി​ക്കുന്ന ഒരു റിപ്പോർട്ടു തയ്യാറാ​ക്കാൻ സഹായി​ക്കും. എല്ലാ മാസവും താമസം​വി​നാ നിങ്ങളു​ടെ പ്രവർത്തനം റിപ്പോർട്ടു ചെയ്‌തു​കൊണ്ട്‌ നിങ്ങൾ നിങ്ങളു​ടെ പങ്കു നിർവ​ഹി​ക്കു​മോ?