ആഗസ്റ്റ്‌ ഒരു സവിശേഷ മാസം ആയിരി​ക്കു​മോ?

¹ യഹോ​വ​യു​ടെ സാക്ഷി​ക​ളു​ടെ ചരി​ത്ര​ത്തി​ലെ ഒരു സവിശേഷ വർഷം ആയിരു​ന്നു 1963. എന്തു​കൊ​ണ്ടെന്നു നിങ്ങൾക്ക്‌ അറിയാ​മോ? ലോക​വ്യാ​പ​ക​മാ​യുള്ള പ്രസാ​ധ​ക​രു​ടെ എണ്ണം പത്തുലക്ഷം കവിഞ്ഞത്‌ അന്നായി​രു​ന്നു. അപ്പോൾ നിങ്ങൾ സത്യത്തിൽ ആയിരു​ന്നെ​ങ്കിൽ രാജ്യ​സ​ന്ദേശം പ്രസം​ഗി​ക്കുന്ന അത്രയും പേരു​ള്ള​തിൽ നാം എത്രമാ​ത്രം ആവേശ​ഭ​രി​തർ ആയിരു​ന്നു എന്ന്‌ ഓർമി​ക്കു​ന്നു​ണ്ടാ​കും! ഇന്ന്‌ ഐക്യ​നാ​ടു​ക​ളിൽ മാത്ര​മാ​യി അത്രയും പ്രസാ​ധ​ക​രുണ്ട്‌. എന്നിരു​ന്നാ​ലും, ഐക്യ​നാ​ടു​ക​ളിൽ മാത്ര​മാ​യി ഓരോ മാസവും ശുശ്രൂ​ഷ​യിൽ അൽപ്പ സമയ​മെ​ങ്കി​ലും ചെലവ​ഴി​ച്ച​താ​യി റിപ്പോർട്ടു ചെയ്യാത്ത ശരാശരി 90,000 പ്രസാ​ധകർ ഉണ്ട്‌. സമാന​മായ ഒരു സ്ഥിതി​വി​ശേഷം ഇന്ത്യയി​ലും ഉണ്ട്‌.

² വെല്ലു​വി​ളി സ്വീക​രി​ക്കുക: ആഗസ്റ്റ്‌ മാസത്തിൽ സൊ​സൈറ്റി ഐക്യ​നാ​ടു​ക​ളിൽ പത്തുലക്ഷം പ്രസാ​ധകർ എന്ന സർവകാല അത്യു​ച്ച​ത്തിൽ എത്താൻ ഉത്സാഹി​ക്കു​ക​യാണ്‌. ഇന്ത്യയ്‌ക്കു വേണ്ടി​യുള്ള നമ്മുടെ ലക്ഷ്യം 20,000 പ്രസാ​ധ​ക​രാണ്‌. നമ്മുടെ ശ്രമങ്ങൾ വിജയി​ക്കു​ന്നെ​ങ്കിൽ, ഇവി​ടെ​യും ആഗസ്റ്റ്‌ ഒരു സവിശേഷ മാസം ആയിരി​ക്കും! നാം എല്ലാവ​രും നമ്മുടെ ഭാഗം നിർവ​ഹി​ക്കു​ന്നെ​ങ്കിൽ അതിനു കഴിയും.

³ അവധി​ക്കാ​ലം ചെലവ​ഴി​ക്കാൻ എവി​ടെ​യെ​ങ്കി​ലും പോകാൻ പരിപാ​ടി​യി​ടു​ന്നെ​ങ്കിൽ, പോകു​ന്ന​തി​നു മുമ്പു തന്നെ അൽപ്പ സമയം ശുശ്രൂ​ഷയ്‌ക്കാ​യി ചെലവ​ഴി​ക്കാ​വു​ന്ന​താണ്‌. യാത്ര​യിൽ കണ്ടുമു​ട്ടു​ന്ന​വ​രോ​ടു സാക്ഷീ​ക​രി​ക്കാൻ കഴി​യേ​ണ്ട​തിന്‌ ലഘു​ലേ​ഖ​ക​ളോ ലഘുപ​ത്രി​ക​ക​ളോ മാസി​ക​ക​ളോ കൂടെ കരുതുക. കൂടാതെ, നിങ്ങൾ സന്ദർശി​ക്കുന്ന സ്ഥലത്തുള്ള പ്രസാ​ധ​ക​രു​മൊ​ത്തും ശുശ്രൂ​ഷ​യിൽ പങ്കെടു​ക്കാൻ നിങ്ങൾക്കു സാധി​ക്കും.

⁴ ആരോഗ്യ പ്രശ്‌നങ്ങൾ ഉണ്ടെങ്കിൽപ്പോ​ലും നിങ്ങൾക്ക്‌ ശുശ്രൂ​ഷ​യിൽ ഒരു പങ്ക്‌ ഉണ്ടായി​രി​ക്കാൻ കഴിയും. ഡോക്ടർമാ​രോ​ടും നേഴ്‌സു​മാ​രോ​ടും സന്ദർശ​ക​രോ​ടും സാക്ഷീ​ക​രി​ക്കാൻ നിങ്ങൾക്കു സാധി​ച്ചേ​ക്കാം. ഒരുപക്ഷേ കത്തിലൂ​ടെ​യോ ടെല​ഫോ​ണി​ലൂ​ടെ​യോ സാക്ഷീ​ക​രി​ക്കാ​നും നിങ്ങൾക്കു കഴിയും.

⁵ ആഗസ്റ്റിൽ വയൽ സേവന​ത്തിൽ ഏർപ്പെ​ടാൻ വേണ്ട സഹായം ലഭിക്കു​ന്ന​തി​നെ ചിലർ തീർച്ച​യാ​യും വിലമ​തി​ച്ചേ​ക്കാം. മൂപ്പന്മാ​രും ശുശ്രൂ​ഷാ ദാസന്മാ​രും അധ്യയന നിർവാ​ഹ​ക​രും ഇത്തരം സഹായം നൽകാൻ വേണ്ട ക്രമീ​ക​ര​ണങ്ങൾ ചെയ്യണം. ആഗസ്റ്റിൽ നിങ്ങളെ ഒരു പ്രസാ​ധ​ക​നാ​യി കണക്കാ​ക്കേ​ണ്ട​തിന്‌ മാസാ​വ​സാ​നം നിങ്ങളു​ടെ വയൽസേവന റിപ്പോർട്ട്‌ മറക്കാതെ കൃത്യ സമയത്തു​തന്നെ കൊടു​ക്കുക.

⁶ ആ പദവിയെ വിലമ​തി​ക്കുക: ശുശ്രൂഷ ഒരു “നല്ല നിക്ഷേപ”മാണ്‌. (2 തിമൊ. 1:14, പി.ഒ.സി. ബൈബിൾ) നമുക്കു നൽക​പ്പെ​ട്ടി​രി​ക്കുന്ന, സുവാർത്ത പ്രസം​ഗി​ക്കുക എന്ന പദവിയെ നാം വിലമ​തി​ക്കു​ന്നു. (1 തെസ്സ. 2:4) യഹോവ നമുക്കു​വേണ്ടി ചെയ്‌തി​രി​ക്കുന്ന എല്ലാ കാര്യ​ങ്ങ​ളെ​യും കുറിച്ചു പരിചി​ന്തി​ക്കു​മ്പോൾ, ഈ സർവ​പ്ര​ധാന വേലയിൽ വർഷം മുഴു​വ​നും തുടർച്ച​യായ ഒരു പങ്ക്‌ ഉണ്ടായി​രി​ക്കാൻ നാം പ്രചോ​ദി​തർ ആയിത്തീ​രേ​ണ്ട​താണ്‌. പതിവാ​യി പ്രസം​ഗ​വേ​ല​യിൽ ഏർപ്പെ​ടു​ന്ന​തിൽ നിന്നു നമ്മെ തടയാൻ യാതൊ​ന്നി​നെ​യും അനുവ​ദി​ച്ചു​കൂ​ടാ. ഈ വരുന്ന ആഗസ്റ്റിനെ നമുക്ക്‌ യഹോ​വ​യു​ടെ സേവന​ത്തി​ലെ ഒരു സവിശേഷ മാസം ആക്കിത്തീർക്കു​ക​യും പിന്നീടു വരുന്ന എല്ലാ മാസങ്ങ​ളി​ലും അവനെ​ക്കു​റി​ച്ചു സാക്ഷീ​ക​രി​ക്കാൻ ദൃഢനി​ശ്ച​യ​മു​ള്ളവർ ആയിരി​ക്കു​ക​യും ചെയ്യാം!—സങ്കീ. 34:1.