നിങ്ങൾ മടങ്ങി​ച്ചെ​ല്ലു​ന്നു​വെന്ന്‌ ഉറപ്പു വരുത്തുക!

¹ “എത്ര നല്ല ഒരു ചർച്ചയാ​യി​രു​ന്നു അത്‌! അവിടെ തീർച്ച​യാ​യും മടക്കസ​ന്ദർശനം നടത്തണം.” അങ്ങനെ പറഞ്ഞിട്ട്‌, കുറച്ചു കഴിഞ്ഞ​പ്പോൾ ആ വ്യക്തി എവി​ടെ​യാ​ണു താമസി​ക്കു​ന്ന​തെന്ന്‌ ഓർക്കാൻ കഴിയാഞ്ഞ ഒരു അവസ്ഥ നിങ്ങൾക്ക്‌ എപ്പോ​ഴെ​ങ്കി​ലും ഉണ്ടായി​ട്ടു​ണ്ടോ? അങ്ങനെ​യെ​ങ്കിൽ മടങ്ങി​ച്ചെ​ല്ലു​ന്നത്‌ ഉറപ്പു വരുത്തു​ന്ന​തിന്‌ അത്‌ എഴുതി​വെ​ക്കു​കയേ നിവൃ​ത്തി​യു​ള്ളൂ എന്ന്‌ നിങ്ങൾ മനസ്സി​ലാ​ക്കി​യി​ട്ടു​ണ്ടാ​കണം.

² എല്ലാ വിവര​ങ്ങ​ളും എഴുതി​വെ​ക്കുക: താത്‌പ​ര്യം കാണിച്ച വ്യക്തി​യു​മാ​യുള്ള സംഭാ​ഷണം നിങ്ങളു​ടെ മനസ്സിൽനി​ന്നു മായു​ന്ന​തി​നു മുമ്പു​തന്നെ ആ സന്ദർശ​നത്തെ സംബന്ധിച്ച എല്ലാ പ്രധാ​ന​പ്പെട്ട വിവര​ങ്ങ​ളും കുറി​ച്ചി​ടുക. വ്യക്തി​യു​ടെ പേരും മേൽവി​ലാ​സ​വും അതു​പോ​ലെ​തന്നെ നിങ്ങൾക്കെ​ങ്ങനെ അയാളെ തിരി​ച്ച​റി​യാൻ കഴിയു​മെ​ന്നും എഴുതി​വെ​ക്കുക. മേൽവി​ലാ​സം ഒരിക്ക​ലും ഊഹിച്ച്‌ എഴുത​രുത്‌, അതു കൃത്യ​മാ​ണെന്ന്‌ ഉറപ്പു വരുത്തുക. നിങ്ങൾ സംസാ​രിച്ച വിഷയം, വായിച്ച തിരു​വെ​ഴു​ത്തു​കൾ, സമർപ്പിച്ച സാഹി​ത്യ​ങ്ങൾ, ഇവയൊ​ക്കെ കുറി​ച്ചു​വെ​ക്കുക.

³ അടുത്ത സന്ദർശ​ന​ത്തിൽ ഏതെങ്കി​ലും ചോദ്യ​ത്തിന്‌ ഉത്തരം നൽകാ​മെന്നു നിങ്ങൾ പറഞ്ഞി​ട്ടു​ണ്ടെ​ങ്കിൽ അതും എഴുതി​വെ​ക്കാൻ മറക്കരുത്‌. ആ വ്യക്തിയെ കുറി​ച്ചോ അദ്ദേഹ​ത്തി​ന്റെ കുടും​ബം, മതം എന്നിവയെ കുറി​ച്ചോ നിങ്ങൾ എന്തെങ്കി​ലും മനസ്സി​ലാ​ക്കി​യോ? എങ്കിൽ അതും മറക്കാതെ കുറി​ച്ചി​ടുക. അടുത്ത തവണ സന്ദർശി​ക്കു​മ്പോൾ സംഭാ​ഷ​ണ​ത്തിൽ ഈ സംഗതി​കൾ പരാമർശി​ച്ചു​കൊണ്ട്‌ അയാളിൽ നിങ്ങൾക്കു വ്യക്തി​പ​ര​മായ താത്‌പ​ര്യം ഉണ്ടെന്നു പ്രകട​മാ​ക്കാൻ കഴിയും. നിങ്ങൾ ആദ്യസ​ന്ദർശനം നടത്തിയ ദിവസം, സമയം, മടങ്ങി​ച്ചെ​ല്ലാ​മെന്നു പറഞ്ഞി​രി​ക്കുന്ന ദിവസം എന്നിവ​യും എഴുതി​യി​ടുക. ഇങ്ങനെ​യുള്ള നല്ല ഓർമ​ക്കു​റി​പ്പു​കൾ ഉണ്ടെങ്കിൽ, മടങ്ങി​ച്ചെ​ല്ലാ​മെ​ന്നുള്ള വാഗ്‌ദാ​നം നിങ്ങൾ മറന്നു​പോ​കാ​നുള്ള സാധ്യത കുറവാണ്‌.—1 തിമൊ. 1:12.

⁴ മുഴു വിവര​ങ്ങ​ളും രേഖ​പ്പെ​ടു​ത്തി കഴിഞ്ഞാൽ അത്‌, പെട്ടെ​ന്നെ​ടു​ക്കാ​വുന്ന വിധത്തിൽ, ബാഗ്‌, ബൈബിൾ, ന്യായ​വാ​ദം പുസ്‌തകം, സാഹി​ത്യ​ങ്ങൾ എന്നിങ്ങനെ വയൽസേ​വ​ന​ത്തി​നു കൊണ്ടു​പോ​കുന്ന മറ്റു സാധന​ങ്ങ​ളോ​ടൊ​പ്പം വെക്കുക. ആളില്ലാ ഭവനങ്ങൾ രേഖ​പ്പെ​ടു​ത്താ​നും മടക്കസ​ന്ദർശ​നങ്ങൾ രേഖ​പ്പെ​ടു​ത്താ​നും വെവ്വേറെ വീടു​തോ​റു​മുള്ള രേഖകൾ ഉപയോ​ഗി​ക്കു​ന്ന​താ​ണു നല്ലത്‌. തീർച്ച​യാ​യും മടക്കസ​ന്ദർശ​നത്തെ കുറി​ച്ചുള്ള വിവര​ങ്ങ​ളെ​ല്ലാം എഴുതി​വെ​ക്കുക എന്നതല്ല, മറിച്ച്‌ മടങ്ങി​ച്ചെ​ല്ലുക എന്നതാണ്‌ ഏറ്റവും പ്രധാ​ന​പ്പെട്ട സംഗതി!

⁵ വ്യക്തിയെ കുറിച്ചു ചിന്തി​ക്കുക: ശുശ്രൂ​ഷ​യ്‌ക്കു തയ്യാറാ​കു​മ്പോൾ മടക്കസ​ന്ദർശ​നത്തെ കുറിച്ചു നിങ്ങൾ രേഖ​പ്പെ​ടു​ത്തി വെച്ച വിവര​ങ്ങ​ളെ​ല്ലാം എടുത്തു​നോ​ക്കുക. ഓരോ വ്യക്തിയെ കുറി​ച്ചും അടുത്ത സന്ദർശ​ന​ത്തിൽ ഉപയോ​ഗി​ക്കാ​വുന്ന ഏറ്റവും ഫലപ്ര​ദ​മായ സമീപ​നത്തെ കുറി​ച്ചും ഒരു ഭവന ബൈബിൾ അധ്യയനം ആരംഭി​ക്കു​ന്ന​തി​നാ​യി വ്യക്തി​യു​ടെ താത്‌പ​ര്യം എങ്ങനെ ഉണർത്താം എന്നതിനെ കുറി​ച്ചും ചിന്തി​ക്കുക. മുന്ന​മേ​യുള്ള അത്തരം ആസൂ​ത്രണം സുവാർത്ത​യു​ടെ ശുശ്രൂ​ഷകൻ എന്ന നിലയി​ലുള്ള നിങ്ങളു​ടെ ഫലപ്ര​ദ​ത്വം വർധി​പ്പി​ക്കും, ഒപ്പം നിങ്ങളു​ടെ വ്യക്തി​പ​ര​മായ സന്തോ​ഷ​വും.—സദൃ. 21:5എ.

⁶ അതു​കൊണ്ട്‌ അടുത്ത തവണ അനുകൂ​ല​മാ​യി പ്രതി​ക​രി​ക്കുന്ന ഒരു വ്യക്തിയെ കണ്ടെത്തു​മ്പോൾ വിവര​ങ്ങ​ളെ​ല്ലാം എളുപ്പ​ത്തിൽ ഓർത്തി​രി​ക്കാ​വു​ന്നതേ ഉള്ളൂ എന്നു തെറ്റായി ന്യായ​വാ​ദം ചെയ്യരുത്‌. പകരം അവ എഴുതി​വെ​ക്കുക, പിന്നീ​ടെ​ടു​ത്തു നോക്കുക, വ്യക്തിയെ കുറിച്ചു ചിന്തി​ച്ചു​കൊ​ണ്ടി​രി​ക്കുക, എന്നിട്ട്‌ മടങ്ങി​ച്ചെ​ല്ലു​ന്നു​വെന്ന്‌ ഉറപ്പു വരുത്തുക!