‘നിത്യ​ജീ​വനു ചേർന്ന പ്രകൃ​ത​മു​ള്ള​വരെ’ സഹായി​ക്കു​ക

¹ ഓരോ വ്യക്തി​ക്കും അവന്റെ ആലങ്കാ​രിക ഹൃദയ​ത്തിൽ രൂഢമൂ​ല​മായ ഒരു പ്രകൃ​ത​മുണ്ട്‌. (മത്താ. 12:35) ‘ഹൃദയ​ത്തിൽ യുദ്ധ’മുള്ള വ്യക്തിയെ കുറിച്ച്‌ ബൈബിൾ പറയുന്നു. (സങ്കീ. 55:21) ചിലർ ‘കോപ​ശീ​ല​രായ’ വ്യക്തി​ക​ളാണ്‌. (സദൃ. 29:22, പി.ഒ.സി. ബൈബിൾ) എന്നാൽ ‘നിത്യ​ജീ​വനു ചേർന്ന പ്രകൃ​ത​മു​ള്ള​വ​രും’ ഉണ്ട്‌. (പ്രവൃ. 13:48, NW) അത്തരം ശരിയായ പ്രകൃ​ത​മു​ള്ള​വരെ ഇക്കാലത്ത്‌ യഹോവ തന്നി​ലേക്ക്‌ കൂട്ടി​വ​രു​ത്തു​ക​യാണ്‌. (ഹഗ്ഗാ. 2:7) യഹോ​വ​യു​ടെ ആരാധകർ ആയിത്തീ​രാൻ നമുക്ക്‌ അവരെ എങ്ങനെ സഹായി​ക്കാൻ കഴിയും?

² മടങ്ങിച്ചെല്ലുന്നുവെന്ന്‌ ഉറപ്പു​വ​രു​ത്തുക: ശിഷ്യരെ ഉളവാ​ക്കാ​നുള്ള നമ്മുടെ നിയോ​ഗം നിറ​വേ​റ്റു​ന്ന​തിൽ, മടക്കസ​ന്ദർശ​നങ്ങൾ നടത്തു​ന്നതു സംബന്ധിച്ച്‌ ശരിയായ വീക്ഷണം ഉണ്ടായി​രി​ക്കു​ന്നതു മർമ​പ്ര​ധാ​ന​മാണ്‌. (മത്താ. 28:19, 20) കണ്ടെത്തുന്ന താത്‌പ​ര്യം പിന്തു​ട​രാൻ നാം ശുഷ്‌കാ​ന്തി​യു​ള്ള​വ​രാ​ണോ? സാഹി​ത്യം സ്വീക​രി​ക്കുന്ന അല്ലെങ്കിൽ സുവാർത്ത​യിൽ താത്‌പ​ര്യം പ്രകടി​പ്പി​ക്കുന്ന എല്ലാവ​രെ​യും നാം മടങ്ങി​ച്ചെന്നു കാണു​ന്നു​ണ്ടോ? ആത്മീയ വളർച്ച പ്രാപി​ക്കാൻ അവരെ സഹായി​ക്കു​ന്ന​തിന്‌ നാം അശ്രാ​ന്ത​പ​രി​ശ്രമം നടത്തു​ന്നു​വോ? ആളുക​ളു​ടെ ജീവൻ ഉൾപ്പെ​ട്ടി​രി​ക്കു​ന്ന​തി​നാൽ, കണ്ടെത്തുന്ന ഏതൊരു താത്‌പ​ര്യ​വും വളർത്തി​യെ​ടു​ക്കാൻ നാം ഉത്സാഹി​ക്കണം.

³ ഒരു വ്യക്തി​യു​മാ​യി നടത്തിയ സംഭാ​ഷണം നാം മറന്നു​പോ​കു​ന്ന​തി​നു​മുമ്പ്‌, അയാളു​ടെ പേരും മേൽവി​ലാ​സ​വും കുറി​ച്ചു​വെ​ക്കാൻ ഒരു നിമിഷം എടുക്കുക. സംസാ​രിച്ച വിഷയം, തിരു​വെ​ഴു​ത്തു​കൾ വായി​ച്ചെ​ങ്കിൽ അത്‌, സമർപ്പിച്ച പ്രസി​ദ്ധീ​ക​രണം എന്നിവ​യും രേഖ​പ്പെ​ടു​ത്തി വെക്കുക. തുടർന്ന്‌, എത്രയും പെട്ടെ​ന്നു​തന്നെ മടങ്ങി​ച്ചെ​ല്ലു​ന്നു​വെന്ന്‌ ഉറപ്പു​വ​രു​ത്തുക.

⁴ മടക്കസന്ദർശനങ്ങൾ നടത്തേണ്ട വിധം: മടക്കസ​ന്ദർശ​നങ്ങൾ നടത്തു​മ്പോൾ, ഊഷ്‌മ​ള​ത​യും സൗഹാർദ​ത​യും ഉള്ളവരാ​യി​രി​ക്കു​ന്ന​തും വീട്ടു​കാ​ര​നിൽ വ്യക്തിഗത താത്‌പ​ര്യം പ്രകടി​പ്പി​ക്കു​ന്ന​തും സഹായ​ക​മാണ്‌. ചർച്ച ലളിത​വും തിരു​വെ​ഴു​ത്ത​ധി​ഷ്‌ഠി​ത​വും ആയിരി​ക്കാൻ ശ്രദ്ധി​ക്കുക. ചർച്ച​ചെ​യ്യാൻ ആകർഷ​ക​മായ ഒരു ബൈബിൾ വിഷയം തയ്യാറാ​കുക, സന്ദർശ​ന​ത്തി​ന്റെ അവസാനം അടുത്ത സന്ദർശ​ന​ത്തിൽ ഉത്തരം​പ​റ​യാ​നാ​യി ഒരു ചോദ്യം ഉന്നയി​ക്കുക. വീട്ടു​കാ​രന്റെ തിരു​വെ​ഴു​ത്തു​വി​രുദ്ധ വീക്ഷണ​ങ്ങളെ കുറിച്ച്‌ അനാവ​ശ്യ​മാ​യി തർക്കി​ക്കാ​തി​രി​ക്കു​ന്ന​താണ്‌ ഏറ്റവും നല്ലത്‌. ഇരുകൂ​ട്ട​രും പൊതു​വാ​യി അംഗീ​ക​രി​ക്കുന്ന കാര്യ​ങ്ങ​ളിൽനിന്ന്‌ ചർച്ച വികസി​പ്പി​ക്കാൻ ശ്രമി​ക്കുക.—കൊലൊ. 4:6.

⁵ മടക്കസന്ദർശനങ്ങൾ നടത്തു​ന്ന​തിൽ ശ്രമം ഉൾപ്പെ​ടു​ന്നു, പക്ഷേ അവയുടെ പ്രതി​ഫ​ലങ്ങൾ സംതൃ​പ്‌തി​ദാ​യ​ക​മാണ്‌. ജപ്പാനി​ലെ ഒരു പയനിയർ മാസം​തോ​റും കൂടുതൽ മടക്കസ​ന്ദർശ​നങ്ങൾ നടത്താ​നുള്ള ലക്ഷ്യമി​ട്ടു. വീടു​തോ​റു​മുള്ള വേലയിൽ താൻ കണ്ടുമു​ട്ടി​യ​വ​രു​ടെ​യെ​ല്ലാം രേഖ അദ്ദേഹം സൂക്ഷി​ക്കാൻ തുടങ്ങി. എന്നിട്ട്‌, ഏഴു ദിവസ​ത്തി​നു​ള്ളിൽ അവരെ​യെ​ല്ലാം മടങ്ങി​ച്ചെന്നു കണ്ടു. പറയാ​നുള്ള കാര്യങ്ങൾ അദ്ദേഹം നന്നായി തയ്യാറാ​കു​ക​യും താൻ വഹിക്കുന്ന സന്ദേശ​ത്തി​ലുള്ള പരിപൂർണ ബോധ്യ​ത്തോ​ടെ തന്റെ ശുശ്രൂഷ നിർവ​ഹി​ക്കു​ക​യും ചെയ്‌തു. ഒരിക്കൽ ഒരു മടക്കസ​ന്ദർശനം നടത്തി​യ​പ്പോൾ, പ്രഥമ സന്ദർശ​ന​ത്തിൽ പിൻവ​രു​ന്ന​പ്ര​കാ​രം പറഞ്ഞ ഒരു വ്യക്തി​യു​മാ​യി അദ്ദേഹ​ത്തിന്‌ ബൈബി​ള​ധ്യ​യനം തുടങ്ങാൻ സാധിച്ചു: “ഞാൻ നിങ്ങളു​ടെ ആളുകളെ പറഞ്ഞു​വി​ടു​ക​യാണ്‌ പതിവ്‌. ഇതാദ്യ​മാ​യാണ്‌ ഞാൻ ശ്രദ്ധി​ക്കു​ന്നത്‌.” പയനി​യ​റു​ടെ സ്‌നേ​ഹ​പൂർവ​മായ അശ്രാ​ന്ത​പ​രി​ശ്രമം വിജയം കണ്ടു. മാസാ​വ​സാ​നം പത്ത്‌ ബൈബി​ള​ധ്യ​യ​ന​ങ്ങ​ളാണ്‌ അദ്ദേഹം റിപ്പോർട്ടു ചെയ്‌തത്‌.

⁶ ആളുകളുടെ സാഹച​ര്യ​ങ്ങൾ അനുനി​മി​ഷം മാറി​ക്കൊ​ണ്ടി​രി​ക്കു​ന്നു. (1 കൊരി. 7:31, NW) ഒരു താത്‌പ​ര്യ​ക്കാ​രനെ വീട്ടിൽ കണ്ടെത്താൻ മിക്ക​പ്പോ​ഴും പലപ്രാ​വ​ശ്യം മടങ്ങി​ച്ചെ​ല്ലേ​ണ്ട​താ​യി വരുന്നു. മടക്കസ​ന്ദർശ​നങ്ങൾ നടത്തു​ന്ന​തിൽ ഉത്സാഹം പ്രകട​മാ​ക്കി​ക്കൊണ്ട്‌, ശരിയായ പ്രകൃ​ത​മു​ള്ള​വരെ നിത്യ​ജീ​വന്റെ പാതയി​ലേക്കു കടന്നു​വ​രു​ന്ന​തിന്‌ നമുക്കു സഹായി​ക്കാൻ കഴിയും.—മത്താ. 7:13, 14.

[അധ്യയന ചോദ്യ​ങ്ങൾ]

1. ഇന്ന്‌ യഹോവ തന്നി​ലേക്ക്‌ ആരെ കൂട്ടി​വ​രു​ത്തു​ന്നു?

2. ശിഷ്യരെ ഉളവാ​ക്കാ​നുള്ള നമ്മുടെ നിയോ​ഗം നിറ​വേ​റ്റു​ന്ന​തിൽ എന്ത്‌ ഉൾപ്പെ​ട്ടി​രി​ക്കു​ന്നു?

3. ശുശ്രൂ​ഷ​യിൽ ആരോ​ടെ​ങ്കി​ലും സംസാ​രിച്ച ശേഷം നാം എന്തു ചെയ്യണം?

4. ഫലകര​മായ മടക്കസ​ന്ദർശ​നങ്ങൾ എങ്ങനെ നടത്താൻ കഴിയും?

5. ഒരു പയനിയർ എന്തു ശ്രമം നടത്തി, ഫലം എന്തായി​രു​ന്നു?

6. മടക്കസ​ന്ദർശ​നങ്ങൾ നടത്തു​ന്ന​തിൽ നാം അശ്രാന്തം പരി​ശ്ര​മി​ക്കേ​ണ്ടത്‌ എന്തു​കൊണ്ട്‌?