തയ്യാറാ​കൽ—ഫലപ്ര​ദ​മായ മടക്കസ​ന്ദർശ​ന​ങ്ങ​ളു​ടെ രഹസ്യം

1. ഒന്നാം നൂറ്റാ​ണ്ടി​ലെ ക്രിസ്‌തീയ ശുശ്രൂഷ ഏതു വിധത്തിൽ വ്യാപി​ക്കേ​ണ്ടി​യി​രു​ന്നു?

¹ ‘രാജ്യ​സു​വി​ശേ​ഷ​ത്തി​ന്റെ’ ഫലപ്ര​ദ​രായ ഘോഷ​ക​രാ​കാൻ യേശു തന്റെ ശിഷ്യ​ന്മാ​രെ പൂർണ​മാ​യി സജ്ജരാക്കി. (മത്താ. 4:23; 9:35) ആ പരിശീ​ല​ന​പ​രി​പാ​ടി നടന്നതു പാലസ്‌തീ​നിൽവെ​ച്ചാണ്‌. എന്നിരു​ന്നാ​ലും, “സകലജാ​തി​ക​ളെ​യും” ശിഷ്യ​രാ​ക്കാൻ തക്കവിധം ക്രിസ്‌തീയ ശുശ്രൂഷ വ്യാപ​ക​മാ​യി​ത്തീ​രു​മെന്ന്‌ സ്വർഗാ​രോ​ഹ​ണ​ത്തി​നു​മുമ്പ്‌ അവൻ വ്യക്തമാ​ക്കി.—മത്താ. 28:19, 20.

2. ശിഷ്യരെ ഉളവാ​ക്കാ​നുള്ള കൽപ്പന​യിൽ എന്തുൾപ്പെ​ട്ടി​രി​ക്കു​ന്നു?

² രാജ്യ​സു​വാർത്ത​യിൽ താത്‌പ​ര്യം പ്രകട​മാ​ക്കു​ന്ന​വരെ വീണ്ടും സന്ദർശി​ക്കു​ന്ന​തും ക്രിസ്‌തു കൽപ്പിച്ച സകലവും അനുസ​രി​ക്കാൻ അവരെ പഠിപ്പി​ക്കു​ന്ന​തും ആ വേലയിൽപ്പെ​ടു​മാ​യി​രു​ന്നു. നന്നായി തയ്യാറാ​യാൽ മാത്രമേ ഫലപ്ര​ദ​മായ മടക്കസ​ന്ദർശ​നങ്ങൾ നടത്താൻ നമുക്കാ​കൂ.

3. ആദ്യസ​ന്ദർശ​ന​ത്തിൽത്തന്നെ മടക്കസ​ന്ദർശ​ന​ത്തിന്‌ എങ്ങനെ അടിസ്ഥാ​ന​മി​ടാം?

³ മുൻകൂ​ട്ടി ആസൂ​ത്രണം ചെയ്യുക: ചില പ്രസാ​ധകർ ആദ്യസ​ന്ദർശ​ന​ത്തി​നൊ​ടു​വിൽ ഒരു ചോദ്യം ഉന്നയി​ക്കു​ക​യും അതേക്കു​റി​ച്ചു ചർച്ച​ചെ​യ്യാൻ പിന്നീടു മടങ്ങി​വ​രാ​മെന്നു സമ്മതി​ക്കു​ക​യും ചെയ്യുന്നു. മടങ്ങി​ച്ചെ​ല്ലു​മ്പോൾ ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ലെ വിവരങ്ങൾ പരാമർശി​ക്കു​ന്നത്‌, നേരിട്ട്‌ ഒരു ബൈബി​ള​ധ്യ​യ​ന​ത്തി​ലേക്കു കടക്കാൻ സഹായി​ച്ചി​രി​ക്കു​ന്ന​താ​യി അവർ മനസ്സി​ലാ​ക്കി​യി​രി​ക്കു​ന്നു.

4. മടക്കസ​ന്ദർശനം നടത്താൻ പുതിയ ലക്കം മാസി​കകൾ ലഭിക്കു​ന്ന​തു​വരെ കാത്തി​രി​ക്ക​രു​താ​ത്തത്‌ എന്തു​കൊണ്ട്‌?

⁴ മാസി​കകൾ മൂന്നു​മാ​സ​ത്തി​ലൊ​രി​ക്കൽ ലഭിക്കു​ന്ന​തി​നാൽ, പുതിയ ലക്കം കിട്ടി​യ​ശേഷം വീട്ടു​കാ​രനെ വീണ്ടും സന്ദർശി​ച്ചാൽ മതി​യെന്നു വിചാ​രി​ക്ക​രുത്‌. വീട്ടു​കാ​രനു നൽകി​യി​ട്ടുള്ള മാസി​ക​യി​ലെ​തന്നെ വിവരങ്ങൾ ചർച്ച​ചെ​യ്‌തു​കൊണ്ട്‌ താത്‌പ​ര്യം സജീവ​മാ​ക്കി​നി​റു​ത്താൻ കഴി​ഞ്ഞേ​ക്കും.

5. ഒരു ലക്ഷ്യമു​ണ്ടാ​യി​രി​ക്കു​ന്ന​തി​ന്റെ പ്രയോ​ജ​ന​മെന്ത്‌?

⁵ ഒരു ലക്ഷ്യമു​ണ്ടാ​യി​രി​ക്കുക: മടങ്ങി​ച്ചെ​ല്ലു​ന്ന​തി​നു​മുമ്പ്‌ വീടു​തോ​റു​മുള്ള രേഖ പുനഃ​പ​രി​ശോ​ധി​ക്കാ​നും എന്താണു ചെയ്യേ​ണ്ട​തെന്നു തീരു​മാ​നി​ക്കാ​നും അൽപ്പസ​മയം ചെലവ​ഴി​ക്കുക. ഉദാഹ​ര​ണ​ത്തിന്‌, കഴിഞ്ഞ പ്രാവ​ശ്യം നൽകിയ പ്രസി​ദ്ധീ​ക​ര​ണ​ത്തിൽനി​ന്നുള്ള ഒരു ആശയം ചർച്ച​ചെ​യ്യുക. അല്ലെങ്കിൽ മുമ്പു സംസാ​രിച്ച വിഷയ​ത്തോ​ടു ബന്ധപ്പെട്ട മറ്റൊരു പ്രസി​ദ്ധീ​ക​ര​ണം​കൂ​ടെ നൽകുക. മുൻസ​ന്ദർശ​ന​ത്തിൽ ഒരു ചോദ്യം ഉന്നയി​ച്ചി​ട്ടാ​ണു പോന്ന​തെ​ങ്കിൽ അതിന്‌ ഉത്തരം നൽകാൻ മറക്കരുത്‌. സംസാ​രി​ക്കുന്ന വിഷയ​ത്തിന്‌ ഉപോ​ദ്‌ബ​ല​ക​മായ ഒരു തിരു​വെ​ഴുത്ത്‌ പ്രദീ​പ്‌ത​മാ​ക്കു​മ്പോൾ ബൈബി​ളിൽനി​ന്നു നേരിട്ടു വായി​ക്കാൻ ശ്രമി​ക്കുക.

6. മടക്കസ​ന്ദർശ​നങ്ങൾ നടത്തു​ന്ന​തി​ന്റെ ലക്ഷ്യ​മെന്ത്‌?

⁶ നമ്മുടെ ലക്ഷ്യം: ബൈബി​ള​ധ്യ​യനം ആരംഭി​ക്കു​ക​യെ​ന്ന​താണ്‌ നമ്മുടെ ലക്ഷ്യം. മടക്കസ​ന്ദർശ​ന​വേ​ള​യിൽ ബൈബി​ള​ധ്യ​യനം ആരംഭി​ക്കാൻ ഒരു പ്രസാ​ധകൻ വീട്ടു​കാ​രനെ പ്രോ​ത്സാ​ഹി​പ്പി​ച്ചു, അദ്ദേഹം പക്ഷേ അതു നിരസി​ച്ചു. ഏറ്റവും പുതിയ മാസി​ക​ക​ളു​മാ​യി മടങ്ങി​ച്ചെന്ന സഹോ​ദരൻ ഇങ്ങനെ പറഞ്ഞു: “ഇന്ന്‌ ആളുകൾ ചോദി​ക്കുന്ന ഒരു ചോദ്യ​ത്തി​നുള്ള ഉത്തരം നൽകി​വ​രി​ക​യാണ്‌ ഞങ്ങൾ.” വീട്ടു​കാ​രന്റെ അഭി​പ്രാ​യം ശ്രദ്ധി​ച്ച​ശേഷം സഹോ​ദരൻ ഒരു തിരു​വെ​ഴു​ത്തും, ബൈബി​ള​ധ്യ​യ​ന​ത്തി​നുള്ള ഒരു പ്രസി​ദ്ധീ​ക​ര​ണ​ത്തിൽനിന്ന്‌ അതോടു ബന്ധപ്പെട്ട ഒരു ഖണ്ഡിക​യും വായിച്ചു. അങ്ങനെ ബൈബി​ള​ധ്യ​യ​ന​വും ആരംഭി​ച്ചു.

7. ബൈബി​ള​ധ്യ​യനം ആരംഭി​ക്കാൻ നല്ല തയ്യാറാ​കൽ നിങ്ങളെ എങ്ങനെ സഹായി​ച്ചി​രി​ക്കു​ന്നു?

⁷ മടക്കസ​ന്ദർശ​ന​ങ്ങൾക്കു തയ്യാറാ​കാൻ സമയം ചെലവ​ഴി​ക്കു​ന്നത്‌ ഒരിക്ക​ലും വ്യർഥമല്ല. അതു നമ്മുടെ സന്തോഷം വർധി​പ്പി​ക്കും. ‘നിത്യ​ജീ​വ​നു​വേണ്ട ഹൃദയ​നി​ല​യു​ള്ള​വരെ’ സഹായി​ക്കാ​നുള്ള അവസര​വും അതു നമുക്കു തുറന്നു​ത​ന്നേ​ക്കാം.—പ്രവൃ. 13:48, NW.