“വിശ്വാ​സ​ത്തി​ന്റെ നല്ല പോർ പൊരു​തുക”

¹ ‘വിശ്വാ​സ​ത്തി​ന്റെ നല്ല പോർ പൊരു​താൻ’ അപ്പൊ​സ്‌ത​ല​നായ പൗലൊസ്‌ തിമൊ​ഥെ​യൊ​സി​നെ ഉദ്‌ബോ​ധി​പ്പി​ച്ചു. (1 തിമൊ. 6:12) പൗലൊസ്‌ തന്നെയും ആ വാക്കു​കൾക്കു ചേർച്ച​യി​ലാ​ണു ജീവി​ച്ചത്‌. അതു​കൊ​ണ്ടാണ്‌, നല്ല പോർ പൊരു​തി എന്ന്‌ തന്നെക്കു​റി​ച്ചു​തന്നെ അവന്‌ പിൽക്കാ​ലത്ത്‌ ഉറപ്പോ​ടെ പറയാൻ കഴിഞ്ഞത്‌. (2 തിമൊ. 4:6-8) എല്ലാ വിധത്തി​ലും അവൻ ധൈര്യ​ത്തോ​ടും സഹിഷ്‌ണു​ത​യോ​ടും കൂടെ ശുശ്രൂഷ നിർവ​ഹി​ച്ചു. അവന്റെ മാതൃക അനുക​രി​ക്കു​ന്നെ​ങ്കിൽ, ക്രിസ്‌തീയ വിശ്വാ​സ​ത്തി​നാ​യുള്ള പോരാ​ട്ട​ത്തിൽ പരമാ​വധി ചെയ്യു​ന്നു​ണ്ടെന്ന ആന്തരിക ഉറപ്പ്‌ നമുക്കും ഉണ്ടായി​രി​ക്കാൻ കഴിയും.

² ആവശ്യ​മായ ശ്രമം ചെലു​ത്തുക: പൗലൊസ്‌ ശുശ്രൂ​ഷ​യിൽ കഠിന​മാ​യി അധ്വാ​നി​ച്ചു. (1 കൊരി. 15:10) നമ്മുടെ പ്രദേ​ശ​ത്തുള്ള യോഗ്യ​രാ​യ​വരെ കണ്ടെത്താൻ ശ്രമി​ക്കു​മ്പോൾ നാമും അതുത​ന്നെ​യാ​ണു ചെയ്യു​ന്നത്‌. (മത്താ. 10:11) അവരിൽ ചിലരെ കണ്ടെത്താ​നാ​യി തെരുവു സാക്ഷീ​ക​രണം നടത്തു​ന്ന​തിന്‌ നേരത്തെ എഴു​ന്നേൽക്കേ​ണ്ട​തു​ണ്ടാ​യി​രി​ക്കാം. അല്ലെങ്കിൽ, ആളുകൾ ഭവനങ്ങ​ളിൽ മടങ്ങി​വ​രുന്ന സമയം നോക്കി വൈകു​ന്നേ​ര​ങ്ങ​ളിൽ പ്രവർത്തി​ക്കേ​ണ്ടത്‌ ആവശ്യ​മാ​യി വന്നേക്കാം.

³ വയൽ സേവന​ത്തി​നാ​യി നമ്മുടെ പുസ്‌ത​കാ​ധ്യ​യന കൂട്ട​ത്തോ​ടൊ​പ്പം കൂടി​വ​രുന്ന കാര്യ​ത്തിൽ കൃത്യ​നി​ഷ്‌ഠ​യു​ള്ള​വ​രാ​യി​രി​ക്കാൻ ആത്മശി​ക്ഷ​ണ​വും നല്ല ആസൂ​ത്ര​ണ​വും ആവശ്യ​മാണ്‌. ഉദാഹ​ര​ണ​ത്തിന്‌, ബെഥേൽ ഭവനത്തി​ലെ ചില അംഗങ്ങൾ ഒരു മണിക്കൂ​റോ അതില​ധി​ക​മോ യാത്ര ചെയ്‌താണ്‌ വാരാ​ന്ത​ങ്ങ​ളിൽ വയൽശു​ശ്രൂ​ഷ​യിൽ പങ്കെടു​ക്കാ​നാ​യി എത്തുന്നത്‌. ഇനി, നമ്മുടെ സഭയിൽത്തന്നെ ചില പ്രസാ​ധ​ക​രും കുടും​ബ​ങ്ങ​ളും വളരെ ദൂരം യാത്ര ചെയ്‌താണ്‌ വരുന്നത്‌. എങ്കിൽപ്പോ​ലും കൃത്യ​സ​മ​യത്ത്‌ എത്തി​ച്ചേ​രുന്ന അവരെ നമുക്ക്‌ അഭിന​ന്ദി​ക്കാ​വു​ന്ന​താണ്‌. തീക്ഷ്‌ണ​ത​യു​ടെ​യും വ്യക്തിഗത ആസൂ​ത്ര​ണ​ത്തി​ന്റെ​യും അത്തരം നല്ല മാതൃ​കകൾ അനുക​ര​ണാർഹ​മാണ്‌.

⁴ താത്‌പ​ര്യം കാണി​ക്കുന്ന എല്ലാവ​രു​ടെ​യും അടുക്കൽ മടങ്ങി​ച്ചെ​ല്ലാൻ നാം ശ്രമി​ക്കേ​ണ്ട​താണ്‌. തെരുവു സാക്ഷീ​കരണ സമയത്തോ അനൗപ​ചാ​രിക സാക്ഷീ​കരണ വേളയി​ലോ ആണ്‌ സാഹി​ത്യം സമർപ്പി​ക്കു​ന്ന​തെ​ങ്കിൽപോ​ലും, വ്യക്തി​യു​ടെ മേൽവി​ലാ​സ​വും ടെലി​ഫോൺ നമ്പരും കുറി​ച്ചെ​ടു​ക്കാൻ നാം ശ്രദ്ധി​ക്കണം. പിന്നീട്‌ ആ വ്യക്തി​യു​ടെ താത്‌പ​ര്യം വർധി​പ്പി​ക്കു​ന്ന​തി​നും ഒരു ബൈബി​ള​ധ്യ​യനം തുടങ്ങു​ന്ന​തി​നും ശ്രമി​ക്കുക.

⁵ സേവന​ത്തിൽ ക്രമമു​ള്ളവർ ആയിരി​ക്കുക: പൗലൊസ്‌ സുവാർത്താ പ്രസംഗ വേലയിൽ പതിവാ​യി ഏർപ്പെ​ടു​ക​യും അതു പൂർണ​മാ​യി നിർവ​ഹി​ക്കു​ക​യും ചെയ്‌തു. (റോമ. 15:19) നിങ്ങളോ? നിങ്ങൾ ക്രമമാ​യി ശുശ്രൂ​ഷ​യിൽ ഏർപ്പെ​ടു​ന്നു​ണ്ടോ? ഈ മാസം നിങ്ങൾ ശുശ്രൂ​ഷ​യിൽ പങ്കുപ​റ്റി​യോ? പുസ്‌ത​കാ​ധ്യ​യന കൂട്ടത്തി​ലുള്ള എല്ലാവ​രും ആഗസ്റ്റ്‌ മാസം വയൽ ശുശ്രൂ​ഷ​യിൽ പങ്കുപ​റ്റു​ന്നു എന്ന്‌ ഉറപ്പു വരുത്തു​ന്ന​തിൽ പുസ്‌ത​കാ​ധ്യ​യന നിർവാ​ഹ​ക​ന്മാർ തത്‌പ​ര​രാ​യി​രി​ക്കും. അങ്ങനെ ചെയ്യാൻ അവർ നിങ്ങളെ സഹായി​ക്കും.

⁶ സുവാർത്താ പ്രസം​ഗത്തെ പൂർണ​മാ​യി പിന്താ​ങ്ങു​ന്ന​തിൽ പൗലൊസ്‌ വെച്ച മാതൃക അനുക​രി​ക്കു​ക​വഴി നാം “വിശ്വാ​സ​ത്തി​ന്റെ നല്ല പോർ പൊരു​തു”ന്നതിൽ തുടരും.