ചോദ്യ​പ്പെ​ട്ടി

◼ വളരെ​ക്കാ​ല​മാ​യി നിഷ്‌ക്രി​യ​നാ​യി​രി​ക്കുന്ന ഒരു വ്യക്തിയെ വീണ്ടും സുവാർത്ത​യു​ടെ സജീവ പ്രസാ​ധ​ക​നാ​യി​ത്തീ​രു​ന്ന​തിന്‌ എങ്ങനെ സഹായി​ക്കാം?

നിഷ്‌ക്രി​യ​നായ ഒരാൾ യഹോ​വയെ സേവി​ക്കാ​നുള്ള തന്റെ ആത്മാർഥ​മായ ആഗ്രഹ​ത്തി​നു തെളിവു നൽകു​ന്നത്‌ സന്തോ​ഷ​ക​ര​മായ ഒരു സംഗതി​യാണ്‌. (ലൂക്കൊ. 15:4-6) എതിർപ്പോ ജീവിത സമ്മർദ​ങ്ങ​ളോ ഒക്കെയാ​യി​രി​ക്കാം അയാൾ വ്യക്തി​പ​ര​മായ പഠനവും യോഗ​ങ്ങ​ളും ശുശ്രൂ​ഷ​യി​ലെ പങ്കുപ​റ്റ​ലും മറ്റും ഉപേക്ഷി​ക്കാൻ ഇടയാ​ക്കി​യത്‌. ആത്മീയ പുരോ​ഗതി കൈവ​രി​ക്കു​ന്ന​തിന്‌ ആ വ്യക്തിയെ നമു​ക്കെ​ങ്ങനെ ഏറ്റവും നന്നായി സഹായി​ക്കാൻ കഴിയും?

ആ വ്യക്തി​യോട്‌ ക്രിസ്‌തീയ സ്‌നേഹം കാണി​ക്കു​ന്ന​തിൽ നാമേ​വ​രും മുൻ​കൈ​യെ​ടു​ക്കേ​ണ്ട​തുണ്ട്‌. അയാൾക്ക്‌ എന്തു സഹായം ആവശ്യ​മാ​ണെന്ന്‌ നിശ്ചയ​പ്പെ​ടു​ത്തു​ന്ന​തിൽ മൂപ്പന്മാർ ഒട്ടും സമയം പാഴാ​ക്കില്ല. (യാക്കോബ്‌ 5:14, 15) അയാൾ നിഷ്‌ക്രി​യ​നാ​യിട്ട്‌ ഏറെനാൾ ആയിട്ടി​ല്ലെ​ങ്കിൽ അയാളെ വയൽസേ​വ​ന​ത്തി​നു വീണ്ടും സജീവ​മാ​ക്കാൻ പരിചയ സമ്പന്നനായ ഒരു പ്രസാ​ധ​കന്റെ സഹായം മതിയാ​യി​രി​ക്കാം. എന്നാൽ നിഷ്‌ക്രി​യ​നായ വ്യക്തി സഭയു​മാ​യുള്ള സഹവാസം നിറു​ത്തി​യിട്ട്‌ വളരെ​ക്കാ​ല​മാ​യെ​ങ്കിൽ, കൂടുതൽ സഹായം ആവശ്യ​മാ​യി​വ​ന്നേ​ക്കാം. വിലമ​തി​പ്പും വിശ്വാ​സ​വും കെട്ടു​പണി ചെയ്യാ​നാ​യി ഉചിത​മായ ഒരു പ്രസി​ദ്ധീ​ക​രണം ഉപയോ​ഗി​ച്ചു​കൊണ്ട്‌ വ്യക്തി​പ​ര​മായ ബൈബിൾ അധ്യയനം ക്രമീ​ക​രി​ക്കാ​വു​ന്ന​താണ്‌. ഈ സാഹച​ര്യ​ത്തിൽ അധ്യയനം നടത്താ​നാ​യി സേവന മേൽവി​ചാ​രകൻ യോഗ്യ​നായ ഒരു പ്രസാ​ധ​കനെ നിയമി​ക്കു​ന്ന​താ​യി​രി​ക്കും. (എബ്രാ. 5:12-14; 1998 നവംബർ ലക്കം നമ്മുടെ രാജ്യ ശുശ്രൂ​ഷ​യു​ടെ ചോദ്യ​പ്പെട്ടി കാണുക.) അത്തരം സഹായം ആവശ്യ​മുള്ള ആരെങ്കി​ലും ഉള്ളതായി നിങ്ങൾക്ക്‌ അറിയാ​മെ​ങ്കിൽ, നിങ്ങളു​ടെ സഭയിലെ സേവന മേൽവി​ചാ​ര​ക​നോ​ടു സംസാ​രി​ക്കുക.

വളരെ​ക്കാ​ല​മാ​യി നിഷ്‌ക്രി​യ​നാ​യി​രി​ക്കുന്ന ഒരാളെ വയൽശു​ശ്രൂ​ഷ​യിൽ ഏർപ്പെ​ടാൻ ക്ഷണിക്കു​ന്ന​തി​നു മുമ്പ്‌, അയാൾ ഒരു രാജ്യ പ്രസാ​ധ​ക​നാ​യി യോഗ്യത പ്രാപി​ക്കു​ന്നു​ണ്ടോ എന്നു മനസ്സി​ലാ​ക്കാൻ രണ്ടു മൂപ്പന്മാർ അയാളു​മാ​യി ചർച്ച നടത്തണം. പുതിയ രാജ്യ​പ്ര​സാ​ധ​ക​രു​ടെ കാര്യ​ത്തിൽ പിൻപ​റ്റു​ന്ന​തിന്‌ സമാന​മായ ഒരു നടപടി​ക്രമം ആണ്‌ ഇവി​ടെ​യും പിൻപ​റ്റേ​ണ്ടത്‌. (1988 നവംബർ 15 ലക്കം വീക്ഷാ​ഗോ​പു​ര​ത്തി​ന്റെ 20-ാം പേജു കാണുക.) മറ്റുള്ള​വ​രോ​ടൊത്ത്‌ ശുശ്രൂ​ഷ​യിൽ ഏർപ്പെ​ടാ​നുള്ള ആത്മാർഥ​മായ ആഗ്രഹം നിഷ്‌ക്രി​യ​നായ വ്യക്തിക്ക്‌ ഉണ്ടായി​രി​ക്കണം. അയാൾ നമ്മുടെ ശുശ്രൂ​ഷാ പുസ്‌ത​ക​ത്തി​ന്റെ 98-9 പേജു​ക​ളിൽ വിവരി​ച്ചി​രി​ക്കുന്ന അടിസ്ഥാന യോഗ്യ​ത​ക​ളിൽ എത്തി​ച്ചേ​രു​ക​യും സഭാ​യോ​ഗ​ങ്ങ​ളിൽ ക്രമമാ​യി ഹാജരാ​കു​ക​യും ചെയ്യേ​ണ്ട​താണ്‌.

സജീവ പ്രവർത്ത​ന​ത്തി​ലേക്കു മടങ്ങി​വ​രുന്ന വ്യക്തിക്ക്‌ ഒരു നല്ല ആത്മീയ ചര്യ ഉണ്ടായി​രി​ക്കേ​ണ്ട​തുണ്ട്‌. അത്‌ യഹോ​വ​യു​മാ​യുള്ള തന്റെ അമൂല്യ ബന്ധം ശക്തി​പ്പെ​ടു​ത്താ​നും നിലനി​റു​ത്താ​നും നിത്യ​ജീ​വന്റെ പാതയിൽ തുടർന്നു നടക്കാ​നും ആ വ്യക്തിയെ വളരെ​യ​ധി​കം സഹായി​ക്കും. (മത്താ. 7:14; എബ്രാ. 10:23-25) ‘ആത്മാർഥ​മായ സകല ശ്രമവും’ ചെയ്യു​ന്ന​തും നിലനിൽക്കുന്ന ക്രിസ്‌തീയ ഗുണങ്ങൾ വളർത്തി​യെ​ടു​ക്കു​ന്ന​തും ഒരു ക്രിസ്‌ത്യാ​നി എന്ന നിലയിൽ വീണ്ടും ‘നിഷ്‌ക്രി​യ​നോ നിഷ്‌ഫ​ല​നോ’ ആയിത്തീ​രാ​തി​രി​ക്കാൻ അയാളെ സഹായി​ക്കും.—2 പത്രൊ. 1:5-8, NW.