നിഷ്‌ക്രി​യ​രാ​യ​വരെ മറന്നു​ക​ള​യ​രുത്‌

1. നിഷ്‌ക്രി​യരെ പ്രോ​ത്സാ​ഹി​പ്പി​ക്കാൻ നാം മുന്നോ​ട്ടു​വ​രേ​ണ്ടത്‌ എന്തു​കൊണ്ട്‌?

¹ നിഷ്‌ക്രിയനായിത്തീർന്ന ആരെ​യെ​ങ്കി​ലും നിങ്ങൾക്കു വ്യക്തി​പ​ര​മാ​യി അറിയാ​മോ? സഭയോ​ടൊ​പ്പ​മുള്ള സഹവാസം നിറു​ത്തു​ക​യും ക്രമേണ അകന്നു​പോ​കു​ക​യും ചെയ്‌ത ഒരു വ്യക്തി​യാ​യി​രി​ക്കാം അദ്ദേഹം. അങ്ങനെ​യുള്ള ഒരാളെ വീടു​തോ​റു​മുള്ള ശുശ്രൂ​ഷ​യിൽ നിങ്ങൾ കണ്ടുമു​ട്ടി​യി​ട്ടു​ണ്ടാ​കാം. ആ വ്യക്തി ഇപ്പോ​ഴും നമ്മുടെ ആത്മീയ സഹോ​ദ​ര​നാ​ണെന്ന കാര്യം ഓർക്കണം. നാം അദ്ദേഹത്തെ സ്‌നേ​ഹി​ക്കു​ന്നു​ണ്ടെന്ന്‌ ഉറപ്പു​കൊ​ടു​ക്കു​ന്ന​തോ​ടൊ​പ്പം സഭയി​ലേ​ക്കും നമ്മുടെ “ഇടയനും പാലക​നു​മാ​യ​വന്റെ” അടു​ത്തേ​ക്കും മടങ്ങി​വ​രാൻ അദ്ദേഹത്തെ സഹായി​ക്കു​ന്ന​തി​നും നാം ആഗ്രഹി​ക്കു​ന്നു.—1 പത്രൊ. 2:25, പി.ഒ.സി. ബൈബിൾ.

2. നിഷ്‌ക്രി​യ​നായ ഒരു വ്യക്തിക്ക്‌ എങ്ങനെ പ്രോ​ത്സാ​ഹനം കൊടു​ക്കാ​നാ​കും?

² താത്‌പര്യം പ്രകട​മാ​ക്കുക: നിഷ്‌ക്രി​യ​നാ​യി​ത്തീർന്നി​ട്ടുള്ള വ്യക്തിയെ ഫോണിൽ വിളി​ക്കു​ന്ന​തോ സന്ദർശി​ക്കു​ന്ന​തോ, അദ്ദേഹത്തെ നാം മറന്നി​ട്ടി​ല്ലെന്നു കാണാൻ സഹായി​ച്ചേ​ക്കും. നമുക്ക്‌ എന്തെല്ലാം സംസാ​രി​ക്കാൻ കഴിയും? അദ്ദേഹ​ത്തെ​ക്കു​റി​ച്ചു ചിന്തി​ക്കു​ന്നു​ണ്ടാ​യി​രു​ന്നു എന്നു പറയു​ന്ന​തു​പോ​ലും ഒരു പ്രോ​ത്സാ​ഹ​ന​മാ​യേ​ക്കാം. സംഭാ​ഷണം ക്രിയാ​ത്മ​ക​വും പരിപു​ഷ്ടി​പ്പെ​ടു​ത്തു​ന്ന​തു​മാ​യിരി​ക്കട്ടെ. (ഫിലി. 4:8) അടുത്ത​യി​ടെ ഒരു യോഗ​ത്തിൽ പഠിച്ച കാര്യം നമുക്കു പരാമർശി​ക്കാ​വു​ന്ന​താണ്‌. അടുത്തു​വ​രുന്ന ഒരു യോഗ​ത്തി​നോ സമ്മേള​ന​ത്തി​നോ അദ്ദേഹത്തെ ക്ഷണിക്കു​ക​യും ഒരുമി​ച്ചു പോകാ​മെ​ന്നോ ഒന്നിച്ചി​രി​ക്കാ​മെ​ന്നോ പറയു​ക​യും ചെയ്യാ​വു​ന്ന​താണ്‌.

3. നിഷ്‌ക്രി​യ​യാ​യി​രുന്ന ഒരു സഹോ​ദരി വീണ്ടു​മൊ​രു സജീവ സാക്ഷി​യാ​യി​ത്തീർന്നത്‌ എങ്ങനെ?

³ വയൽസേവനത്തിലായിരിക്കെ നമ്മുടെ ഒരു സഹോ​ദരി, ഇരുപ​തി​ലേറെ വർഷമാ​യി നിഷ്‌ക്രി​യ​യാ​യി കഴിയുന്ന ഒരു സഹോ​ദ​രി​യെ കണ്ടുമു​ട്ടി. ബൈബി​ള​ധ്യ​യനം സ്വീക​രി​ക്കാൻ താത്‌പ​ര്യം കാണി​ച്ചി​ല്ലെ​ങ്കി​ലും പുതിയ ലക്കം മാസി​ക​ക​ളു​മാ​യി സഹോ​ദരി അവരെ സന്ദർശി​ച്ചു​കൊ​ണ്ടി​രു​ന്നു. ഡിസ്‌ട്രി​ക്‌റ്റ്‌ കൺ​വെൻ​ഷ​നു​ശേഷം സഹോ​ദരി അവരു​മാ​യി കൺ​വെൻ​ഷന്റെ ചില വിശേ​ഷാ​ശ​യങ്ങൾ പങ്കു​വെച്ചു. ക്രമേണ അവർ ഒരു സജീവ സാക്ഷി​യാ​യി​ത്തീർന്നു.

4. യോഗ​ങ്ങൾക്കു വന്നു​കൊണ്ട്‌ വീണ്ടും സഹവസി​ച്ചു തുടങ്ങുന്ന ഒരു വ്യക്തി​യോ​ടു നാം എങ്ങനെ ഇടപെ​ടണം?

⁴ നിഷ്‌ക്രിയനായ വ്യക്തി മടങ്ങി​വ​രു​മ്പോൾ: നിഷ്‌ക്രി​യ​നായ ഒരു വ്യക്തി യോഗ​ങ്ങൾക്കു വന്നു തുടങ്ങു​മ്പോൾ നാം അദ്ദേഹ​ത്തോട്‌ എങ്ങനെ ഇടപെ​ടണം? താത്‌കാ​ലി​ക​മാ​യി യേശു​വി​നെ ഉപേക്ഷി​ച്ചു​പോയ ശിഷ്യ​ന്മാ​രോട്‌ അവൻ എങ്ങനെ​യാണ്‌ ഇടപെ​ട്ടത്‌? അവൻ അവരെ ‘എന്റെ സഹോ​ദ​ര​ന്മാർ’ എന്നു സ്‌നേ​ഹ​പൂർവം പരാമർശി​ക്കു​ക​യും പ്രധാ​ന​പ്പെട്ട ഒരു നിയമ​നം​പോ​ലും നൽകി​ക്കൊണ്ട്‌ അവരിൽ വിശ്വാ​സം പ്രകട​മാ​ക്കു​ക​യും ചെയ്‌തു. (മത്താ. 28:10, 18, 19, 20) അധികം താമസി​യാ​തെ അവർ സുവാർത്ത പ്രസം​ഗി​ക്കു​ന്ന​തിൽ തിര​ക്കോ​ടെ ഏർപ്പെ​ടാൻ തുടങ്ങി.—പ്രവൃ. 5:42.

5. നിഷ്‌ക്രി​യ​നായ ഒരു വ്യക്തി​യോ​ടുള്ള ബന്ധത്തിൽ നാം മൂപ്പന്മാ​രോ​ടു സംസാ​രി​ക്കേ​ണ്ട​തായ സാഹച​ര്യ​ങ്ങൾ ചൂണ്ടി​ക്കാ​ട്ടുക.

⁵ നിഷ്‌ക്രിയനായ ഒരു വ്യക്തി​യു​മാ​യി ബൈബി​ള​ധ്യ​യനം തുടങ്ങു​ന്ന​തി​നു​മുമ്പ്‌ അല്ലെങ്കിൽ ദീർഘ​കാ​ലം നിഷ്‌ക്രി​യ​നാ​യി​രുന്ന ഒരു വ്യക്തിയെ ശുശ്രൂ​ഷ​യിൽ പങ്കു​ചേ​രാൻ ക്ഷണിക്കു​ന്ന​തി​നു​മുമ്പ്‌ നാം മൂപ്പന്മാ​രു​ടെ മാർഗ​നിർദേശം ആരായണം. നിഷ്‌ക്രി​യ​നായ ഒരു വ്യക്തിയെ നമ്മുടെ പ്രദേ​ശത്തു കണ്ടുമു​ട്ടു​ന്നെ​ങ്കിൽ, അദ്ദേഹ​ത്തിന്‌ ആവശ്യ​മായ സഹായം നൽകാൻ കഴി​യേ​ണ്ട​തിന്‌ അക്കാര്യം നാം മൂപ്പന്മാ​രെ അറിയി​ക്കണം.

6. നിഷ്‌ക്രി​യ​രാ​യ​വരെ സഹായി​ക്കു​ന്ന​തി​ലൂ​ടെ നമുക്ക്‌ എന്തു സന്തോഷം അനുഭ​വി​ക്കാൻ കഴി​ഞ്ഞേ​ക്കും?

⁶ ബൈബിൾ വ്യക്തമാ​യി പ്രകട​മാ​ക്കു​ന്ന​തു​പോ​ലെ, ഓട്ടം പൂർത്തി​യാ​ക്കു​ന്ന​വർക്കു മാത്രമേ രക്ഷ ലഭിക്കു​ക​യു​ള്ളൂ. (മത്താ. 24:13) അതു​കൊണ്ട്‌ ഇടറി​പ്പോ​കു​ക​യോ ക്രമേണ അകന്നു​പോ​കു​ക​യോ ചെയ്‌തി​ട്ടു​ള്ള​വ​രെ​ക്കു​റി​ച്ചു ചിന്തയു​ള്ള​വ​രാ​യി​രി​ക്കുക. അങ്ങനെ​യു​ള്ള​വ​രു​ടെ കാര്യ​ത്തിൽ ആത്മാർഥ​മായ താത്‌പ​ര്യം പ്രകടി​പ്പി​ച്ചു​കൊണ്ട്‌ ക്ഷമാപൂർവം നാം യഹോ​വ​യു​ടെ സ്‌നേഹം പ്രതി​ഫ​ലി​പ്പി​ക്കു​ന്നെ​ങ്കിൽ വിശുദ്ധ സേവന​ത്തിൽ അവർ വീണ്ടും നമ്മോടു ചേരു​ന്നതു കാണു​ന്ന​തി​ന്റെ സന്തോഷം അനുഭ​വി​ക്കാൻ നമുക്കു സാധി​ച്ചേ​ക്കും.—ലൂക്കൊ. 15:4-10.