‘നിങ്ങളു​ടെ വെളിച്ചം പ്രകാ​ശി​ക്കട്ടെ’

¹ നമുക്കു ചുറ്റു​മുള്ള ലോകം ആത്മീയ​വും ധാർമി​ക​വു​മാ​യി അന്ധകാ​ര​ത്തി​ലാണ്‌. “ഇരുട്ടി​ന്റെ നിഷ്‌ഫ​ല​പ്ര​വൃ​ത്തി”കളായ മാരക​മായ ഈ ഇടർച്ച​ക്ക​ല്ലു​കളെ സത്യത്തി​ന്റെ വെളിച്ചം തുറന്നു​കാ​ട്ടു​ന്ന​തി​നാൽ നമുക്ക്‌ ഒഴിവാ​ക്കാ​നാ​കും. തത്‌ഫ​ല​മാ​യി, അപ്പൊ​സ്‌ത​ല​നായ പൗലൊസ്‌ എഴുതി: “വെളി​ച്ച​ത്തി​ലു​ള്ള​വ​രാ​യി [“വെളി​ച്ച​ത്തി​ന്റെ മക്കളായി,” NW] നടന്നു​കൊൾവിൻ.”—എഫെ. 5:8, 9, 11.

² “വെളി​ച്ച​ത്തി​ന്റെ ഫലം” ലോക​ത്തി​ന്റെ അന്ധകാ​ര​ത്തിൽ നിന്ന്‌ വേറിട്ടു നിൽക്കു​ന്നു. (എഫെ. 5:10) ഈ ഫലം പുറ​പ്പെ​ടു​വി​ക്കു​ന്ന​തിന്‌, നമ്മൾ മാതൃ​കാ​യോ​ഗ്യ​മായ ക്രിസ്‌തീയ ജീവിതം നയിക്കുന്ന, യേശു​ക്രി​സ്‌തു അംഗീ​ക​രി​ക്കു​ന്ന​തരം വ്യക്തി​ക​ളാ​യി​രി​ക്കണം. സത്യ​ത്തോട്‌ നമുക്ക്‌ അർപ്പണ മനോ​ഭാ​വ​വും ആത്മാർഥ​ത​യും അതി​നെ​പ്രതി ഉത്സാഹ​വും ഉണ്ടായി​രി​ക്കണം. ദൈനം​ദിന ജീവി​ത​ത്തി​ലും ശുശ്രൂ​ഷ​യി​ലും നാം ഈ ഗുണങ്ങൾ പ്രകട​മാ​ക്കു​ക​യും വേണം.

³ എല്ലാ അവസര​ത്തി​ലും വെളിച്ചം പ്രകാ​ശി​പ്പി​ക്കു​വിൻ: യേശു ശിഷ്യ​ന്മാ​രോട്‌ പറഞ്ഞു: “നിങ്ങളു​ടെ വെളിച്ചം അവരുടെ [മനുഷ്യ​രു​ടെ] മുമ്പിൽ പ്രകാ​ശി​ക്കട്ടെ.” (മത്താ. 5:16) യേശു​വി​നെ അനുക​രി​ച്ചു​കൊണ്ട്‌, ദൈവ​രാ​ജ്യ​ത്തെ​യും ദൈ​വോ​ദ്ദേ​ശ്യ​ങ്ങ​ളെ​യും കുറിച്ചു പ്രസം​ഗി​ക്കു​ന്ന​തി​ലൂ​ടെ നാം യഹോ​വ​യു​ടെ വെളിച്ചം പ്രതി​ഫ​ലി​പ്പി​ക്കു​ന്നു. ആളുക​ളു​ടെ വീടുകൾ സന്ദർശി​ക്കു​മ്പോ​ഴും ജോലി​സ്ഥ​ല​ത്തും സ്‌കൂ​ളി​ലും അയൽക്കാ​രോ​ടും സത്യം പങ്കിടു​മ്പോ​ഴും സാക്ഷീ​ക​രി​ക്കാ​നുള്ള മറ്റ്‌ ഏത്‌ അവസര​ത്തി​ലും നാം ജ്യോ​തി​സ്സു​ക​ളെ​പ്പോ​ലെ പ്രകാ​ശി​ക്കു​ന്നു.—ഫിലി. 2:15.

⁴ ചിലർ വെളി​ച്ചത്തെ പകയ്‌ക്കു​മെന്ന്‌ യേശു പറഞ്ഞു. (യോഹ. 3:20) അതു​കൊണ്ട്‌, ബഹുഭൂ​രി​പക്ഷം ആളുക​ളും ‘ക്രിസ്‌തു​വി​ന്റെ തേജസ്സുള്ള സുവി​ശേ​ഷ​ത്തി​ന്റെ പ്രകാ​ശനം തങ്ങളു​ടെ​മേൽ ശോഭി​ക്കാൻ’ അനുവ​ദി​ക്കു​ന്നില്ല എന്ന സംഗതി നമ്മെ നിരു​ത്സാ​ഹി​ത​രാ​ക്കു​ന്നില്ല. (2 കൊരി. 4:4) യഹോവ മനുഷ്യ​രു​ടെ ഹൃദയം വായി​ക്കു​ന്നു, അനീതി പ്രവർത്തി​ക്കു​ന്നവർ തന്റെ ജനത്തിന്റെ ഭാഗമാ​യി​രി​ക്കാൻ അവൻ ആഗ്രഹി​ക്കു​ന്നില്ല.

⁵ യഹോവയുടെ വഴികൾ പിൻപറ്റി ആത്മീയ വെളിച്ചം ആസ്വദി​ക്കു​മ്പോൾ, നമുക്ക്‌ അത്‌ മറ്റുള്ള​വ​രു​ടെ മുമ്പാകെ പ്രതി​ഫ​ലി​പ്പി​ക്കാൻ സാധി​ക്കും. നമ്മുടെ നടത്തയി​ലൂ​ടെ അവർ നമ്മുടെ പക്കൽ “ജീവന്റെ വെളിച്ച”മുണ്ടെന്ന്‌ തിരി​ച്ച​റി​യു​ന്നെ​ങ്കിൽ, പ്രകാശ വാഹക​രാ​യി​ത്തീ​രു​ന്ന​തി​നു വേണ്ട മാറ്റങ്ങൾ വരുത്താൻ അവരും പ്രചോ​ദി​ത​രാ​യേ​ക്കാം.—യോഹ. 8:12.

⁶ വെളിച്ചം പ്രകാ​ശി​പ്പി​ക്കു​ന്നതു മുഖാ​ന്തരം നാം സ്രഷ്ടാ​വിന്‌ സ്‌തുതി കരേറ്റു​ക​യും അവനെ​ക്കു​റിച്ച്‌ അറിയാ​നും നിത്യ​ജീ​വന്റെ പ്രത്യാശ നേടാ​നും ആത്മാർഥ ഹൃദയരെ സഹായി​ക്കു​ക​യു​മാണ്‌ ചെയ്യു​ന്നത്‌. (1 പത്രൊ. 2:12) ആത്മീയ അന്ധകാ​ര​ത്തിൽനി​ന്നു പുറ​ത്തേ​ക്കുള്ള പാത കാണാ​നും വെളി​ച്ച​ത്തി​ന്റെ ഫലം ഉത്‌പാ​ദി​പ്പി​ക്കാ​നും മറ്റുള്ള​വരെ സഹായി​ക്കാൻ നമ്മുടെ പക്കലുള്ള വെളിച്ചം നമുക്ക്‌ ഉപയോ​ഗി​ക്കാം.