‘നിങ്ങളു​ടെ വെളിച്ചം പ്രകാ​ശി​ക്കട്ടെ’

1. മറ്റുള്ള​വ​രു​മാ​യി എന്തു പങ്കു​വെ​ക്കാ​നുള്ള പദവി​യാണ്‌ നമുക്കു​ള്ളത്‌?

¹ ദൃശ്യ​പ്ര​കാ​ശ​ത്തി​ന്റെ മനോ​ഹാ​രിത പകലന്തി​യോ​ളം യഹോ​വ​യാം ദൈവ​ത്തിന്‌ മഹത്വം കരേറ്റു​ന്നു. എന്നാൽ മറ്റൊ​രു​തരം വെളി​ച്ച​ത്തെ​ക്കു​റിച്ച്‌ യേശു പറഞ്ഞു—“ജീവന്റെ വെളിച്ചം!” അതു സ്വന്തമാ​ക്കാൻ അവൻ തന്റെ ശിഷ്യ​ന്മാ​രെ പ്രോ​ത്സാ​ഹി​പ്പി​ക്കു​ക​യും ചെയ്‌തു. (യോഹ. 8:12) ഈ ആത്മീയ പ്രബുദ്ധത കൈമു​ത​ലാ​യു​ണ്ടാ​യി​രി​ക്കുക എന്നത്‌ വലിയ ഉത്തരവാ​ദി​ത്വ​ങ്ങ​ള​ട​ങ്ങുന്ന ഒരു പ്രത്യേക പദവി​യാണ്‌. മറ്റുള്ള​വർക്ക്‌ പ്രയോ​ജനം നേടാൻ തക്കവിധം “നിങ്ങളു​ടെ വെളിച്ചം അവരുടെ മുമ്പിൽ പ്രകാ​ശി​ക്കട്ടെ” എന്നു യേശു തന്റെ ശിഷ്യ​ന്മാ​രെ ഉദ്‌ബോ​ധി​പ്പി​ച്ചു. (മത്താ. 5:16) അതെ, ആത്മീയ അന്ധകാരം നിറഞ്ഞ ഇന്നത്തെ ലോക​ത്തിൽ, നാം നമ്മുടെ വെളിച്ചം പ്രകാ​ശി​പ്പി​ക്കേ​ണ്ട​തുണ്ട്‌. അങ്ങനെ ചെയ്യേ​ണ്ട​തി​ന്റെ ആവശ്യം മുമ്പെ​ന്ന​ത്തെ​ക്കാൾ കൂടു​ത​ലാണ്‌ ഇന്ന്‌! എന്നാൽ നമുക്ക്‌ എങ്ങനെ യേശു​വി​നെ​പ്പോ​ലെ നമ്മുടെ വെളിച്ചം പ്രകാ​ശി​പ്പി​ക്കാൻ കഴിയും?

2. ആത്മീയ വെളിച്ചം പ്രകാ​ശി​പ്പി​ക്കു​ന്ന​തി​ന്റെ പ്രാധാ​ന്യം യേശു പ്രകട​മാ​ക്കി​യത്‌ എങ്ങനെ?

² പ്രസം​ഗ​വേ​ല​യിൽ ഏർപ്പെ​ട്ടു​കൊണ്ട്‌: സത്യത്തി​ന്റെ വെളിച്ചം ആളുകളെ അറിയി​ക്കാൻ തന്റെ സമയവും ഊർജ​വും ആസ്‌തി​യു​മെ​ല്ലാം യേശു ഉപയോ​ഗി​ക്കു​ക​യു​ണ്ടാ​യി. ആളുകളെ കണ്ടെത്താൻ സാധ്യ​ത​യുള്ള എല്ലായി​ട​ത്തും—വീടു​ക​ളി​ലും പൊതു​സ്ഥ​ല​ങ്ങ​ളി​ലും മലകളി​ലും—പോയി അവൻ പ്രസം​ഗി​ച്ചു. സത്യത്തി​ന്റെ വെളിച്ചം പ്രകാ​ശി​പ്പി​ച്ചു​കൊണ്ട്‌ മറ്റുള്ള​വരെ ആത്മീയ​മാ​യി പ്രബു​ദ്ധ​രാ​ക്കു​ന്നത്‌ നിലനിൽക്കുന്ന പ്രയോ​ജനം കൈവ​രു​ത്തു​മെന്ന്‌ അവന്‌ അറിയാ​മാ​യി​രു​ന്നു. (യോഹ. 12:46) കൂടുതൽ ആളുക​ളു​ടെ പക്കൽ സുവാർത്ത എത്തിക്കു​ന്ന​തിന്‌ ‘ലോക​ത്തി​ന്റെ വെളി​ച്ച​മാ​യി​ത്തീ​രാൻ’ യേശു തന്റെ ശിഷ്യ​ന്മാ​രെ ഒരുക്കി. (മത്താ. 5:14) ആത്മീയ സത്യങ്ങൾ പങ്കു​വെ​ച്ചു​കൊ​ണ്ടും സഹമനു​ഷ്യർക്ക്‌ നന്മ ചെയ്‌തു​കൊ​ണ്ടും അവർ തങ്ങളുടെ വെളിച്ചം പ്രകാ​ശി​പ്പി​ച്ചു.

3. സത്യത്തി​ന്റെ വെളി​ച്ച​ത്തോട്‌ ഹൃദയം​ഗ​മ​മായ വിലമ​തി​പ്പു പ്രകട​മാ​ക്കാൻ നമുക്ക്‌ എങ്ങനെ കഴിയും?

³ “വെളി​ച്ച​ത്തി​ന്റെ മക്കളായി നടക്കു​വിൻ” എന്ന ഉദ്‌ബോ​ധനം ഗൗരവ​മാ​യി എടുത്തു​കൊണ്ട്‌ ആളുകളെ കണ്ടെത്താ​നാ​കുന്ന എല്ലായി​ട​ങ്ങ​ളി​ലും ഇന്നു ദൈവ​ജനം സുവാർത്ത ഘോഷി​ക്കു​ന്നു. (എഫെ. 5:8) ജോലി​സ്ഥ​ല​ത്തോ സ്‌കൂ​ളി​ലോ ആയിരി​ക്കു​മ്പോൾ ഇടവേ​ള​ക​ളിൽ ബൈബി​ളോ തിരു​വെ​ഴു​ത്ത​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളോ മറ്റുള്ളവർ കാണത്ത​ക്ക​വി​ധം വായി​ക്കു​ന്നത്‌ തിരു​വെ​ഴുത്ത്‌ ചർച്ചകൾക്ക്‌ വഴി​യൊ​രു​ക്കി​യേ​ക്കാം. ഇങ്ങനെ ചെയ്‌ത​തു​മു​ഖാ​ന്തരം, ഒരു യുവ സഹോ​ദ​രിക്ക്‌ സ്‌കൂ​ളിൽ ഒരു ബൈബി​ള​ധ്യ​യനം ആരംഭി​ക്കാ​നും 12 സഹപാ​ഠി​കൾക്ക്‌ പുസ്‌തകം സമർപ്പി​ക്കാ​നും കഴിഞ്ഞു.

4. ‘നമ്മുടെ വെളിച്ചം പ്രകാ​ശി​പ്പി​ക്കു​ന്ന​തിൽ’ മാതൃ​കാ​യോ​ഗ്യ​മായ പെരു​മാ​റ്റം ഉൾപ്പെ​ട്ടി​രി​ക്കു​ന്നത്‌ എങ്ങനെ?

⁴ നല്ല നടത്തയി​ലൂ​ടെ: നമ്മുടെ വെളിച്ചം പ്രകാ​ശി​പ്പി​ക്കു​ന്ന​തിൽ നമ്മുടെ ദൈനം​ദിന നടത്തയും ഉൾപ്പെ​ട്ടി​രി​ക്കു​ന്നു. (എഫെ. 5:9) ജോലി​സ്ഥ​ല​ത്തും സ്‌കൂ​ളി​ലും മറ്റിട​ങ്ങ​ളി​ലു​മുള്ള നമ്മുടെ നല്ല പെരു​മാ​റ്റം ആളുക​ളു​ടെ ശ്രദ്ധയിൽപ്പെ​ട്ടേ​ക്കാം, അത്‌ ബൈബിൾ സത്യങ്ങൾ പങ്കു​വെ​ക്കാ​നുള്ള അവസരങ്ങൾ സൃഷ്ടി​ക്കും. (1 പത്രോ. 2:12) ഉദാഹ​ര​ണ​ത്തിന്‌, ഒരു അഞ്ചുവ​യ​സ്സു​കാ​രന്റെ നല്ല പെരു​മാ​റ്റം ടീച്ചറിൽ വളരെ​യ​ധി​കം മതിപ്പു​ള​വാ​ക്കി. “ഇത്രയ​ധി​കം സദാചാ​ര​ബോ​ധ​മുള്ള ഒരു കുട്ടിയെ ഞാൻ ഇതുവരെ കണ്ടിട്ടില്ല!” എന്നാണ്‌ ടീച്ചർ അവന്റെ മാതാ​പി​താ​ക്ക​ളോ​ടു പറഞ്ഞത്‌. അതെ, നമ്മുടെ ശുശ്രൂ​ഷ​യും നല്ല പെരു​മാ​റ്റ​വും “ജീവന്റെ വെളിച്ച”ത്തിലേക്ക്‌ ആളുകളെ ആകർഷി​ക്കു​ക​യും യഹോ​വ​യ്‌ക്കു സ്‌തുതി കൈവ​രു​ത്തു​ക​യും ചെയ്യും.