‘ശ്രദ്ധി​ച്ചു​കേട്ട്‌ കൂടുതൽ പ്രബോ​ധനം ഉൾക്കൊ​ള്ളുക’

¹ ജ്ഞാനം പിൻവ​രുന്ന പ്രകാരം വിളി​ച്ചു​പ​റ​യു​ന്ന​താ​യി സദൃശ​വാ​ക്യ​ങ്ങ​ളു​ടെ പുസ്‌തകം വർണി​ക്കു​ന്നു: “കേൾപ്പിൻ, ഞാൻ ഉൽകൃ​ഷ്ട​മാ​യതു സംസാ​രി​ക്കും; എന്റെ അധരങ്ങളെ തുറക്കു​ന്നതു നേരിന്നു ആയിരി​ക്കും. ആലോ​ച​ന​യും പരിജ്ഞാ​ന​വും എനിക്കു​ള്ളതു; . . . എന്റെ വാക്കു കേട്ടു കൊൾവിൻ; എന്റെ വഴികളെ പ്രമാ​ണി​ക്കു​ന്നവർ ഭാഗ്യ​വാ​ന്മാർ. എന്നെ കണ്ടെത്തു​ന്നവൻ ജീവനെ കണ്ടെത്തു​ന്നു; അവൻ യഹോ​വ​യു​ടെ കടാക്ഷം പ്രാപി​ക്കു​ന്നു.” (സദൃ. 8:6, 14, 32, 35) ആ വാക്കുകൾ, “ദൈവ​വ​ചനം പഠിപ്പി​ക്കു​ന്നവർ” ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ നമുക്കാ​യി കരുതി​യി​രി​ക്കുന്ന പ്രബോ​ധ​ന​ങ്ങളെ നന്നായി വർണി​ക്കു​ന്നു.

² ലോകവ്യാപക സഹോദര വർഗത്തി​ന്റെ ആവശ്യങ്ങൾ അവലോ​കനം ചെയ്‌ത്‌ അതിനു ചേർച്ച​യി​ലാണ്‌ കൺ​വെൻ​ഷൻ പരിപാ​ടി​കൾ തയ്യാറാ​ക്കി​യി​രി​ക്കു​ന്നത്‌. ലഭിക്കുന്ന ആത്മീയ പ്രബോ​ധ​ന​വും പ്രാ​യോ​ഗിക നിർദേ​ശ​ങ്ങ​ളും ബാധക​മാ​ക്കു​ന്നത്‌, സന്തുഷ്ട​രാ​യി​രി​ക്കാ​നും യഹോ​വ​യു​മാ​യി നല്ല ബന്ധം നിലനി​റു​ത്താ​നും നിത്യ​ജീ​വ​നി​ലേ​ക്കുള്ള വഴിയിൽ തുടരാ​നും നമ്മെ സഹായി​ക്കും. തീർച്ച​യാ​യും ‘ശ്രദ്ധി​ച്ചു​കേട്ട്‌ കൂടുതൽ പ്രബോ​ധനം ഉൾക്കൊ​ള്ളു​ന്ന​തിന്‌’ നമുക്കു നല്ല കാരണ​മുണ്ട്‌.—സദൃ. 1:5, NW.

³ പരിപാടിക്കു മുമ്പ്‌: അവതരി​പ്പി​ക്ക​പ്പെ​ടുന്ന കാര്യ​ങ്ങ​ളിൽനി​ന്നു പൂർണ പ്രയോ​ജനം നേടു​ന്ന​തിന്‌ പരിപാ​ടി തുടങ്ങു​മ്പോൾ, ഉചിത​മായ മനോ​നി​ല​യോ​ടെ നാം ഇരിപ്പി​ട​ങ്ങ​ളിൽ ഉണ്ടായി​രി​ക്കണം. അതിന്‌ വ്യക്തി​പ​ര​മായ നല്ല സംഘാ​ടനം ആവശ്യ​മാണ്‌. മുന്ന​മേ​തന്നെ പ്രവർത്തി​ച്ചു തുടങ്ങു​ന്നതു സുപ്ര​ധാ​ന​മാണ്‌. തലേ രാത്രി​യിൽ നേര​ത്തേ​തന്നെ ഉറങ്ങുക. കൂടെ ഉള്ള എല്ലാവർക്കും തയ്യാറാ​കു​ന്ന​തി​നും എന്തെങ്കി​ലും കഴിക്കു​ന്ന​തി​നും സാധി​ക്ക​ത്ത​ക്ക​വി​ധം വേണ്ടത്ര നേരത്തേ എഴു​ന്നേൽക്കുക. ഇരിപ്പി​ടം കണ്ടുപി​ടി​ക്കു​ന്ന​തി​നും പരിപാ​ടി തുടങ്ങു​ന്ന​തി​നു മുമ്പു​തന്നെ മറ്റ്‌ അത്യാ​വശ്യ കാര്യങ്ങൾ ചെയ്യു​ന്ന​തി​നും കഴിയ​ത്ത​ക്ക​വണ്ണം കൺ​വെൻ​ഷൻ സ്ഥലത്ത്‌ നേരത്തേ എത്തി​ച്ചേ​രുക. ദിവസ​വും രാവിലെ 8 മണിക്ക്‌ കൺ​വെൻ​ഷൻ ഹാൾ തുറന്നി​രി​ക്കും, പരിപാ​ടി തുടങ്ങു​ന്നത്‌ രാവിലെ 9:30-ന്‌ ആണ്‌.

⁴ കൂടിവരവിന്റെ മുഖ്യ ഉദ്ദേശ്യം “സമ്മിളിത കൂട്ടങ്ങ​ളിൽ” യഹോ​വയെ വാഴ്‌ത്തുക എന്നത്‌ ആയതി​നാൽ ദൈവത്തെ മഹത്ത്വ​പ്പെ​ടു​ത്തുന്ന വിധത്തിൽ വേണം ഓരോ പരിപാ​ടി​യും ആരംഭി​ക്കാൻ. (സങ്കീ. 26:12, NW) അതിനാ​യി പ്രാരംഭ ഗീതത്തി​നു മുമ്പു​തന്നെ എല്ലാവ​രും ഇരിപ്പി​ട​ത്തിൽ ഉണ്ടായി​രി​ക്കാൻ പ്രോ​ത്സാ​ഹി​പ്പി​ക്കു​ന്നു. അത്‌ പിൻവ​രുന്ന തിരു​വെ​ഴുത്ത്‌ ഉദ്‌ബോ​ധ​ന​ത്തി​നു ചേർച്ച​യി​ലാണ്‌: “സകലവും മാന്യ​മാ​യും ക്രമീ​ക​ര​ണ​പ്ര​കാ​ര​വും നടക്കട്ടെ.” (1 കൊരി. 14:40, NW) നമ്മുടെ ഓരോ​രു​ത്ത​രു​ടെ​യും കാര്യ​ത്തിൽ അത്‌ എന്തർഥ​മാ​ക്കു​ന്നു? പ്രാരംഭ സംഗീ​ത​ത്തി​ന്റെ സമയത്ത്‌ അധ്യക്ഷനെ സ്റ്റേജിൽ കാണു​മ്പോൾത്തന്നെ നിങ്ങളു​ടെ ഇരിപ്പി​ട​ങ്ങ​ളിൽ പോയി ഇരിക്കുക. അങ്ങനെ​യാ​കു​മ്പോൾ യഹോ​വയെ സ്‌തു​തി​ച്ചു​കൊണ്ട്‌ പരിപാ​ടി​ക്കു മുമ്പ്‌ ഉള്ള ഗീതത്തിൽ മുഴു​ഹൃ​ദ​യ​ത്തോ​ടെ പങ്കു​ചേ​രാൻ നിങ്ങൾക്കു സാധി​ക്കും.—സങ്കീ. 149:1.

⁵ പരിപാടിയുടെ സമയത്ത്‌: “യഹോ​വ​യു​ടെ ന്യായ​പ്ര​മാ​ണം പരി​ശോ​ധി​പ്പാ​നും അതു അനുസ​രി​ച്ചു നടപ്പാ​നും [എസ്രാ] . . . മനസ്സു​വെ​ച്ചി​രു​ന്നു [“തന്റെ ഹൃദയത്തെ ഒരുക്കി,” NW]. (എസ്രാ 7:10) യഹോവ പ്രദാനം ചെയ്യുന്ന പ്രബോ​ധ​നങ്ങൾ സ്വീക​രി​ക്കാൻ നമുക്ക്‌ എങ്ങനെ നമ്മുടെ ഹൃദയത്തെ ഒരുക്കാൻ കഴിയും? കാര്യ​പ​രി​പാ​ടി​യിൽ കൊടു​ത്തി​രി​ക്കുന്ന വിവിധ പ്രസംഗ വിഷയങ്ങൾ പരിചി​ന്തി​ക്കവേ നിങ്ങ​ളോ​ടു​തന്നെ ചോദി​ക്കുക, ‘ഈ പരിപാ​ടി​യി​ലൂ​ടെ യഹോവ എന്നോട്‌ എന്താണു പറയു​ന്നത്‌? എന്റെയും കുടും​ബ​ത്തി​ന്റെ​യും പ്രയോ​ജ​ന​ത്തി​നാ​യി എനി​ക്കെ​ങ്ങനെ ഈ വിവരങ്ങൾ ഉപയോ​ഗി​ക്കാൻ കഴിയും?’ (യെശ. 30:21; എഫെ. 5:17) കൺ​വെൻ​ഷൻ സമയത്ത്‌ ഉടനീളം ആ ചോദ്യ​ങ്ങൾ ചോദി​ക്കുക. നിങ്ങൾ ഉപയോ​ഗി​ക്കാൻ ഉദ്ദേശി​ക്കുന്ന ആശയങ്ങൾ കുറി​ച്ചു​വെ​ക്കുക. ഓരോ ദിവസ​ത്തെ​യും പരിപാ​ടി​കൾക്കു ശേഷം അവ ചർച്ച​ചെ​യ്യാൻ സമയ​മെ​ടു​ക്കുക. അപ്രകാ​രം ചെയ്യു​ന്നത്‌ വിവരങ്ങൾ ഓർത്തി​രി​ക്കാ​നും ബാധക​മാ​ക്കാ​നും നിങ്ങളെ സഹായി​ക്കും.

⁶ ഒരുമിച്ച്‌ കുറെ മണിക്കൂ​റു​കൾ ശ്രദ്ധ കേന്ദ്രീ​ക​രി​ക്കുക എന്നത്‌ ഒരു വെല്ലു​വി​ളി​യാണ്‌. മാനസി​ക​മാ​യി അലഞ്ഞു​തി​രി​യാ​നുള്ള പ്രവണ​തയെ ചെറുത്തു നിൽക്കാൻ നമ്മെ എന്തു സഹായി​ക്കും? കണ്ണിന്റെ പ്രാപ്‌തി പ്രയോ​ജ​ന​പ്പെ​ടു​ത്തുക. വലിയ ഒരളവു​വരെ നാം ദൃഷ്ടികൾ എവിടെ പതിപ്പി​ക്കു​ന്നു എന്നതിനെ ആശ്രയി​ച്ചി​രി​ക്കും നമ്മുടെ ശ്രദ്ധയും. (മത്താ. 6:22) അതു​കൊണ്ട്‌ എന്തെങ്കി​ലും ഒച്ചയോ അനക്കമോ ഉണ്ടാകു​മ്പോൾ തിരിഞ്ഞു നോക്കാ​നുള്ള പ്രവണ​തയെ ചെറു​ത്തു​നിൽക്കുക. നിങ്ങളു​ടെ ദൃഷ്ടികൾ പ്രസം​ഗ​ക​നിൽത്തന്നെ കേന്ദ്രീ​ക​രി​ക്കുക. തിരു​വെ​ഴു​ത്തു വായി​ക്കു​മ്പോൾ നിങ്ങളു​ടെ ബൈബിൾ തുറന്ന്‌ അതു നോക്കുക, അതു ചർച്ച ചെയ്യു​മ്പോൾ ബൈബിൾ തുറന്നു​തന്നെ പിടി​ക്കുക.

⁷ പരിപാടി നടക്കു​ന്ന​തി​നി​ട​യിൽ മറ്റുള്ള​വരെ ശല്യം ചെയ്യാ​തി​രി​ക്കാൻ ക്രിസ്‌തീയ സ്‌നേഹം നമ്മെ പ്രേരി​പ്പി​ക്കും. (1 കൊരി. 13:5) ‘മിണ്ടാ​തി​രുന്ന്‌’ ശ്രദ്ധി​ക്കു​ന്ന​തി​നുള്ള സമയമാണ്‌ അത്‌. (സഭാ. 3:7) അതു​കൊണ്ട്‌ അനാവ​ശ്യ​മായ വർത്തമാ​നം പറച്ചി​ലും കറങ്ങി​ന​ട​പ്പും ഒഴിവാ​ക്കുക. കൂടെ​ക്കൂ​ടെ ടോയ്‌ലെ​റ്റിൽ പോകു​ന്ന​രീ​തി ഒഴിവാ​ക്കുക, നേര​ത്തേ​തന്നെ അൽപ്പം ശ്രദ്ധി​ച്ചാൽ സാധി​ക്കുന്ന കാര്യ​മാ​ണിത്‌. ഗൗരവ​മേ​റിയ ആരോ​ഗ്യ​പ്ര​ശ്‌ന​ങ്ങ​ളൊ​ന്നും ഇല്ലെങ്കിൽ പരിപാ​ടി​യു​ടെ സമയത്ത്‌ തിന്നു​ക​യും കുടി​ക്കു​ക​യും ചെയ്യാതെ അതിനാ​യി അനുവ​ദി​ച്ചി​രി​ക്കുന്ന സമയം വരെ കാത്തി​രി​ക്കുക. മൊ​ബൈൽ ഫോണു​ക​ളും പേജറു​ക​ളും വീഡി​യോ​ക്യാ​മ​റ​ക​ളും ക്യാമ​റ​ക​ളും മറ്റുള്ള​വർക്ക്‌ ശ്രദ്ധാ​ശൈ​ഥ​ല്യം ഉണ്ടാക്കുന്ന രീതി​യിൽ ഉപയോ​ഗി​ക്ക​രുത്‌. കുട്ടി​ക​ളു​ടെ​മേൽ ഉചിത​മായ മേൽനോ​ട്ടം ഉണ്ടായി​രി​ക്കാൻ തക്കവണ്ണം കൗമാ​ര​പ്രാ​യ​ക്കാർ ഉൾപ്പെടെ മുഴു കുടും​ബ​വും ഒരുമിച്ച്‌ ഇരിക്കാൻ മാതാ​പി​താ​ക്കൾ ശ്രദ്ധി​ക്കണം.—സദൃ. 29:15.

⁸ അനേകം ദശാബ്ദ​ങ്ങ​ളാ​യി കൺ​വെൻ​ഷനു ഹാജരാ​യി​ട്ടുള്ള ഒരു മൂപ്പൻ കഴിഞ്ഞ വർഷം ഇപ്രകാ​രം അഭി​പ്രാ​യ​പ്പെ​ടു​ക​യു​ണ്ടാ​യി: “കഴിഞ്ഞ കൺ​വെൻ​ഷ​നു​കളെ അപേക്ഷിച്ച്‌ ഈ കൺ​വെൻ​ഷന്‌ ഒരു പ്രത്യേ​കത എനിക്കു കാണാൻ കഴിഞ്ഞു. കൊച്ചു കുട്ടികൾ ഉൾപ്പെടെ സദസ്യ​രിൽ എല്ലാവ​രും​തന്നെ കുറി​പ്പു​കൾ എഴുതു​ന്നു​ണ്ടാ​യി​രു​ന്നു. അതു കണ്ടപ്പോൾ എനിക്കു വലിയ സന്തോഷം തോന്നി. തിരു​വെ​ഴു​ത്തു​കൾ പരി​ശോ​ധി​ക്കു​ന്ന​തിന്‌ പ്രസം​ഗകൻ ക്ഷണിച്ച​പ്പോ​ഴൊ​ക്കെ സദസ്സ്‌ ബൈബിൾ നന്നായി ഉപയോ​ഗി​ക്കു​ക​യു​ണ്ടാ​യി.” ഈ വിധത്തിൽ നന്നായി ശ്രദ്ധി​ക്കു​ന്നത്‌ അഭിന​ന്ദ​നാർഹം​ത​ന്നെ​യാണ്‌. അത്‌ നമുക്കും നമ്മോ​ടൊ​പ്പം കൺ​വെൻ​ഷനു ഹാജരാ​യി​രി​ക്കു​ന്ന​വർക്കും പ്രയോ​ജനം ചെയ്യുന്നു. സർവോ​പരി, നമ്മുടെ “മഹാ പ്രബോ​ധക”നായ യഹോ​വ​യാം ദൈവ​ത്തിന്‌ അതു മഹത്ത്വം കൈവ​രു​ത്തു​ന്നു.—യെശ. 30:20, NW.