പുതിയ സർക്കിട്ട്‌ സമ്മേളന പരിപാ​ടി

“ഭയം” എന്നതിന്റെ ഒരു നിർവ​ചനം “പ്രത്യേ​കിച്ച്‌ ദൈവ​ത്തോ​ടു തോന്നുന്ന ആഴമായ ബഹുമാ​ന​വും ഭക്ത്യാ​ദ​ര​വും” എന്നാണ്‌. അത്‌ ആരോ​ഗ്യാ​വ​ഹ​മായ ഭയത്തെ വർണി​ക്കു​ന്നു. അത്‌ “ജ്ഞാനത്തി​ന്റെ ആരംഭ”മാണെന്നു തിരു​വെ​ഴു​ത്തു​കൾ പരാമർശി​ക്കു​ന്നു. (സങ്കീ. 111:10) അതിൽനി​ന്നു വ്യത്യസ്‌ത​മാ​യി, നമുക്കു ചുറ്റു​മുള്ള ലോകത്തെ മറ്റൊരു ഭയം ഗ്രസി​ച്ചി​രി​ക്കു​ക​യാണ്‌. യഹോ​വ​യോട്‌ ഭക്ത്യാ​ദ​ര​പൂർവ​ക​മായ ഒരു ഭയം വളർത്തി​യെ​ടു​ക്കവേ, നമുക്ക്‌ എങ്ങനെ അനാ​രോ​ഗ്യ​ക​ര​മായ ആ ഭയം ഒഴിവാ​ക്കാൻ കഴിയും? സേവന​വർഷം 2002-ലെ പുതിയ സർക്കിട്ട്‌ സമ്മേളന പരിപാ​ടി ഈ ചോദ്യം കൈകാ​ര്യം ചെയ്യും. അതിന്റെ വിഷയം, ‘ദൈവത്തെ ഭയപ്പെട്ട്‌ അവനു മഹത്ത്വം കൊടു​പ്പിൻ” എന്നാണ്‌. (വെളി. 14:7) വ്യക്തി​ക​ളെന്ന നിലയി​ലും ഒരു സംഘട​ന​യെന്ന നിലയി​ലും യഹോ​വാ​ഭയം നമുക്കു പ്രയോ​ജനം ചെയ്യുന്ന വിവിധ വിധങ്ങൾ നാം അതിലൂ​ടെ മനസ്സി​ലാ​ക്കും.

ഭയം, ഉത്‌കണ്‌ഠയെ അല്ലെങ്കിൽ വിഷമ​ഘ​ട്ട​ങ്ങളെ നേരി​ടു​ന്ന​തി​നുള്ള ധൈര്യ​മി​ല്ലായ്‌മ​യെ​യും വിമു​ഖ​ത​യെ​യും സൂചി​പ്പി​ച്ചേ​ക്കാ​മെ​ങ്കി​ലും ബൈബിൾ ഇപ്രകാ​രം പറയുന്നു: ‘യഹോ​വയെ ഭയപ്പെ​ടുന്ന ഏവനും സന്തുഷ്ടൻ.’ (സങ്കീ. 128:1, NW) സത്യാ​രാ​ധ​നയ്‌ക്കു നേരെ​യുള്ള വെല്ലു​വി​ളി​കളെ എപ്രകാ​രം വിജയ​ക​ര​മാ​യി നേരി​ടാ​മെന്ന്‌ ഈ സമ്മേളന പരിപാ​ടി വ്യക്തമാ​ക്കും. ദൈവ​ത്തോട്‌ അത്തരം ആരോ​ഗ്യാ​വ​ഹ​മായ ഭയം നട്ടുവ​ളർത്താൻ പുതി​യ​വരെ എങ്ങനെ സഹായി​ക്കാ​മെന്നു നാം കാണും. അതു വാസ്‌ത​വ​ത്തിൽ, തങ്ങളുടെ മുഴു ഹൃദയ​ത്തോ​ടും മനസ്സോ​ടും ശക്തി​യോ​ടും കൂടെ ദൈവത്തെ സേവി​ക്കു​ന്ന​തി​നുള്ള ആഗ്രഹം വളർത്തി​യെ​ടു​ക്കാൻ അവരെ പ്രേരി​പ്പി​ക്കും. (മർക്കൊ. 12:30) ഡിസ്‌ട്രിക്‌റ്റ്‌ മേൽവി​ചാ​രകൻ നടത്തുന്ന “നിങ്ങൾ സ്‌നേ​ഹി​ക്കു​ന്ന​വ​രോ​ടു പൂർവാ​ധി​കം അടുത്തു​ചെ​ല്ലുക” എന്ന പ്രസം​ഗ​ത്തോ​ടെ ഒന്നാം ദിവസത്തെ പരിപാ​ടി​കൾ അവസാ​നി​ക്കും. യഹോ​വ​യിൽനി​ന്നും നമ്മുടെ കുടും​ബ​ത്തിൽനി​ന്നും ക്രിസ്‌തീയ സഹോ​ദ​ര​ങ്ങ​ളിൽനി​ന്നും നമ്മെ അകറ്റു​ന്ന​തി​നുള്ള പൈശാ​ചിക ശ്രമങ്ങൾ സംബന്ധിച്ച്‌ നമുക്ക്‌ എപ്രകാ​രം ജാഗ്ര​ത​യു​ള്ള​വ​രാ​യി​രി​ക്കാം എന്ന്‌ അദ്ദേഹം വിശദീ​ക​രി​ക്കും.

രണ്ടാം ദിവസത്തെ, നാലു ഭാഗമുള്ള സിമ്പോ​സി​യ​ത്തി​ന്റെ വിഷയം “മനുഷ്യ​രെ അല്ല, യഹോ​വയെ ഭയപ്പെ​ടുക” എന്നതാണ്‌. നമ്മുടെ ശുശ്രൂഷ പൂർണ​മാ​യി നിറ​വേ​റ്റു​ന്ന​തിൽനി​ന്നോ സ്‌കൂ​ളി​ലും ജോലി​സ്ഥ​ല​ത്തും നമ്മുടെ നിർമ​ല​ത​യും നല്ല മനസ്സാ​ക്ഷി​യും കാത്തു​സൂ​ക്ഷി​ക്കു​ന്ന​തിൽനി​ന്നോ നമ്മെ തടയുന്ന ഏതൊരു ഭയത്തെ​യും നാം എപ്രകാ​രം തരണം ചെയ്യണ​മെന്ന്‌ അതു വിശദീ​ക​രി​ക്കും. “ദൈവത്തെ ഭയപ്പെട്ട്‌ അവന്റെ കൽപ്പനകൾ പ്രമാ​ണി​ക്കുക” എന്ന പരസ്യ​പ്ര​സം​ഗം വെളി​പ്പാ​ടു 14-ാം അധ്യാ​യ​ത്തിൽ വിവരി​ച്ചി​രി​ക്കുന്ന സംഭവ​പ​ര​മ്പ​രയെ അടിസ്ഥാ​ന​മാ​ക്കി​യു​ള്ള​താ​യി​രി​ക്കും. “യഹോ​വാ​ഭ​യ​ത്തിൽ നടക്കു​ന്ന​തിൽ തുടരുക” എന്ന പ്രോ​ത്സാ​ഹ​ജ​ന​ക​മായ മാർഗ​നിർദേ​ശ​ത്തോ​ടെ സർക്കിട്ട്‌ സമ്മേളന പരിപാ​ടി അവസാ​നി​ക്കും.

പരിപാ​ടി​യു​ടെ കൂടു​ത​ലായ സവി​ശേ​ഷ​ത​ക​ളാ​യി​രി​ക്കും ദിവ്യാ​ധി​പത്യ ശുശ്രൂ​ഷാ സ്‌കൂൾ, മാതൃകാ സേവന യോഗം, സ്‌നാപന പ്രസംഗം, വീക്ഷാ​ഗോ​പുര അധ്യയ​ന​ത്തി​ന്റെ സംഗ്രഹം തുടങ്ങി​യവ. അവയൊ​ന്നും നഷ്ടപ്പെ​ടു​ത്താൻ നിങ്ങൾ ആഗ്രഹി​ക്കില്ല. നിങ്ങ​ളോ​ടൊ​പ്പം ഹാജരാ​കാൻ നിങ്ങളു​ടെ ബൈബിൾ വിദ്യാർഥി​കളെ ക്ഷണിക്കുക. സ്‌നാ​പ​ന​മേൽക്കാൻ ആഗ്രഹി​ക്കു​ന്നവർ എത്രയും പെട്ടെന്ന്‌ അധ്യക്ഷ​മേൽവി​ചാ​ര​ക​നോട്‌ അതേക്കു​റി​ച്ചു പറയണം. ഈ സവിശേഷ പരിപാ​ടി​യു​ടെ യാതൊ​രു ഭാഗവും നഷ്ടപ്പെ​ടു​ത്താ​തി​രു​ന്നു​കൊണ്ട്‌ യഹോ​വ​യോ​ടുള്ള നമ്മുടെ ആരോ​ഗ്യാ​വ​ഹ​മായ ഭയം പ്രകടി​പ്പി​ക്കാ​നും അവനു മഹത്ത്വം കൊടു​ക്കാ​നും നാമെ​ല്ലാം ആഗ്രഹി​ക്കും!