അതു പ്രസം​ഗ​വേ​ല​യ്‌ക്ക്‌ ഒരു തടസ്സമാ​ണോ?

¹ മിക്ക ആളുക​ളും തിരക്കു​ള്ള​വ​രാണ്‌. യഹോ​വ​യു​ടെ സാക്ഷികൾ ഏറ്റവും തിരക്കു​ള്ള​വ​രു​ടെ ഗണത്തിൽപ്പെ​ടും—അവർക്ക്‌ ദൈവ​വ​ചനം പഠിക്കു​ക​യും സഭാ​യോ​ഗ​ങ്ങൾക്കു ഹാജരാ​കു​ക​യും വയൽസേ​വ​ന​ത്തിൽ പങ്കെടു​ക്കു​ക​യും ചെയ്യേ​ണ്ട​തുണ്ട്‌. അതിനു പുറമേ ലൗകിക ജോലി, വീട്ടു​ജോ​ലി, ഗൃഹപാ​ഠം എന്നിങ്ങനെ മറ്റ്‌ പല ഉത്തരവാ​ദി​ത്വ​ങ്ങ​ളും ഉണ്ട്‌, അതി​നെ​ല്ലാം സമയം ആവശ്യ​മാണ്‌. കുടും​ബ​നാ​ഥ​ന്മാ​രു​ടെ കാര്യ​ത്തിൽ ഇത്‌ വിശേ​ഷാൽ വെല്ലു​വി​ളി ഉയർത്തു​ന്നു.

² പല സ്ഥലങ്ങളി​ലെ​യും അനുകൂ​ല​മ​ല്ലാത്ത സാമ്പത്തിക സ്ഥിതി നിമിത്തം ജീവി​താ​വ​ശ്യ​ങ്ങൾക്കു വേണ്ടി കുടും​ബ​നാ​ഥ​ന്മാർക്ക്‌ അനേകം മണിക്കൂ​റു​കൾ കഠിനാ​ധ്വാ​നം ചെയ്യേ​ണ്ടി​വ​രു​ന്നു. ലൗകിക ജോലി​ക്കു​വേണ്ടി തങ്ങളുടെ സമയത്തി​ന്റെ​യും ഊർജ​ത്തി​ന്റെ​യും നല്ലൊരു പങ്ക്‌ ചെലവ​ഴി​ച്ചു കഴിയു​മ്പോൾ പ്രസം​ഗ​വേ​ല​യ്‌ക്കു വേണ്ടി ഏറെ​യൊ​ന്നും ശേഷി​ച്ചി​ട്ടു​ണ്ടാ​വില്ല. കുടും​ബ​ത്തി​നു​വേണ്ടി ഭൗതി​ക​മാ​യി കരുതാ​നുള്ള കടപ്പാ​ടു​ള്ള​തി​നാൽ തങ്ങൾക്കു ശുശ്രൂ​ഷ​യിൽ പരിമി​ത​മായ പങ്കേ ഉണ്ടായി​രി​ക്കാ​നാ​വു എന്ന്‌ ചിലർ വിചാ​രി​ക്കു​ന്നു. (1 തിമൊ. 5:8) ജീവി​താ​വ​ശ്യ​ങ്ങൾക്കുള്ള വക നേടു​ന്ന​തി​നോ​ടു ബന്ധപ്പെട്ട്‌ ഇന്ന്‌ പല സമ്മർദ​ങ്ങ​ളും ഉണ്ടെന്നു​ള്ളതു സത്യമാണ്‌. എന്നാൽ ഒരുവന്റെ ലൗകിക ജോലി സുവാർത്താ പ്രസം​ഗ​ത്തിന്‌ ഒരു തടസ്സമാ​യി​രി​ക്കേ​ണ്ട​തില്ല. (മർക്കൊ. 13:10) അതു​കൊണ്ട്‌ നാം നമ്മുടെ യഥാർഥ സാഹച​ര്യം ഒന്നു വിലയി​രു​ത്തു​ന്നതു നന്നായി​രി​ക്കും.

³ ലോകരംഗത്ത്‌ നിരന്തരം മാറ്റങ്ങൾ ഉണ്ടായി​ക്കൊ​ണ്ടി​രി​ക്കു​ന്ന​തി​നാൽ അപ്രതീ​ക്ഷിത പ്രതി​സ​ന്ധി​കളെ നേരി​ടു​ന്ന​തി​നാ​യി തന്റെ സാമ്പത്തി​ക​നില മെച്ച​പ്പെ​ടു​ത്താൻ തക്കവണ്ണം ജോലി​യിൽ വളരെ​യ​ധി​കം സമയം ചെലവ​ഴി​ക്കാൻ ഒരു കുടും​ബ​നാ​ഥൻ പ്രേരി​ത​നാ​യേ​ക്കാം. (1 കൊരി. 7:31, പി.ഒ.സി. ബൈബിൾ) കൂടുതൽ സമയം ജോലി ചെയ്‌ത്‌ പണം സമ്പാദി​ക്കു​ന്ന​തി​ലൂ​ടെ കൂടു​ത​ലായ ഭൗതിക വസ്‌തു​ക്ക​ളോ വിനോ​ദ​ത്തി​നും ഉല്ലാസ​ത്തി​നു​മുള്ള കൂടു​ത​ലായ അവസര​ങ്ങ​ളോ നേടാ​നാ​കു​ന്ന​താ​യി തോന്നി​യേ​ക്കാ​മെ​ങ്കി​ലും, ആത്മീയ അനുധാ​വ​ന​ങ്ങൾക്കും ക്രമമായ യോഗ ഹാജരി​നു​മുള്ള സമയം ബലിക​ഴി​ച്ചി​ട്ടാണ്‌ അതു ചെയ്യു​ന്ന​തെ​ങ്കിൽ അവ കുടും​ബ​ത്തി​ന്റെ വർധിച്ച സന്തുഷ്ടി​യി​ലും സംതൃ​പ്‌തി​യി​ലും കലാശി​ക്കു​മോ? നമ്മുടെ ആത്മീയ​തയെ അപകട​ത്തി​ലാ​ക്കി​യേ​ക്കാ​വുന്ന എന്തും ഒഴിവാ​ക്കാൻ നാം തീർച്ച​യാ​യും ആഗ്രഹി​ക്കും. ‘സ്വർഗ​ത്തിൽ നിക്ഷേപം സ്വരൂ​പി​ച്ചു​കൊ​ള്ളാ​നും’ ‘ദൈവ​വി​ഷ​യ​മാ​യി സമ്പന്നനാ​കാ​നും’ ഉള്ള യേശു​വി​ന്റെ ബുദ്ധി​യു​പ​ദേശം ചെവി​ക്കൊ​ള്ളു​ന്ന​താണ്‌ ബുദ്ധി​പൂർവ​ക​മായ ഗതി.—മത്താ. 6:19-21; ലൂക്കൊ. 12:15-21.

⁴ ഒന്നാമതു രാജ്യ താത്‌പ​ര്യ​ങ്ങൾ അന്വേ​ഷി​ക്കുക: എല്ലാറ്റി​നും ഉപരി​യാ​യി ആത്മീയ കാര്യങ്ങൾ വെക്കാൻ യേശു തന്റെ അനുഗാ​മി​കളെ പഠിപ്പി​ച്ചു. അവൻ അവരെ ഇങ്ങനെ ഉദ്‌ബോ​ധി​പ്പി​ച്ചു: “ആകയാൽ നാം എന്തു തിന്നും എന്തു കുടി​ക്കും എന്തു ഉടുക്കും എന്നിങ്ങനെ നിങ്ങൾ വിചാ​ര​പ്പെ​ട​രു​തു.” എന്തു​കൊ​ണ്ടാണ്‌ അവൻ അങ്ങനെ പറഞ്ഞത്‌? അവൻ വിശദീ​ക​രി​ച്ചു: “സ്വർഗ്ഗ​സ്ഥ​നായ നിങ്ങളു​ടെ പിതാവു ഇതൊ​ക്കെ​യും നിങ്ങൾക്കു ആവശ്യം എന്നു അറിയു​ന്നു​വ​ല്ലോ.” ഈ കാര്യ​ത്തിൽ നമുക്ക്‌ ഉറച്ച ബോധ്യം ഉണ്ടെങ്കിൽ, യേശു തുടർന്നു പറഞ്ഞ കാര്യം ചെയ്യു​ന്ന​തിൽനിന്ന്‌ നമ്മെ യാതൊ​ന്നും തടയു​ക​യില്ല: “മുമ്പെ അവന്റെ രാജ്യ​വും നീതി​യും അന്വേ​ഷി​പ്പിൻ; അതോ​ടു​കൂ​ടെ ഇതൊ​ക്കെ​യും [ഭൗതി​ക​മാ​യി ആവശ്യ​മാ​യത്‌] നിങ്ങൾക്കു കിട്ടും.” അതേ, നമുക്ക്‌ ആവശ്യ​മാ​യ​തൊ​ക്കെ​യും ലഭിക്കു​ന്നു​വെന്ന്‌ ദൈവം ഉറപ്പു​വ​രു​ത്തും! (മത്താ. 6:31-33) ജീവി​ക്കാൻ ആവശ്യ​മായ വക നേടു​ന്ന​തി​നെ കുറിച്ച്‌ അനാവ​ശ്യ​മാ​യി ഉത്‌ക​ണ്‌ഠ​പ്പെ​ട്ടു​കൊ​ണ്ടോ പെട്ടെ​ന്നു​തന്നെ ഒഴിഞ്ഞു​പോ​കാ​നി​രി​ക്കുന്ന ഒരു വ്യവസ്ഥി​തി​യിൽ സുഖസൗ​ക​ര്യ​ങ്ങൾ തേടി​ക്കൊ​ണ്ടോ ശ്രദ്ധാ​ശൈ​ഥി​ല്യം പ്രകട​മാ​ക്കു​ന്ന​തി​നുള്ള സമയമല്ല ഇത്‌.—1 പത്രൊ. 5:7; 1 യോഹ. 2:15-17.

⁵ ഒരുവന്റെ ഭൗതിക ആവശ്യ​ങ്ങൾക്കാ​യി സമ്പാദി​ക്കുക എന്നതാണ്‌ ലൗകിക ജോലി​യു​ടെ പ്രമുഖ ഉദ്ദേശ്യം. എന്നാൽ നമുക്ക്‌ ആവശ്യ​മു​ള്ളത്‌ എന്തുമാ​ത്ര​മാണ്‌? അപ്പൊ​സ്‌ത​ല​നായ പൗലൊസ്‌ എഴുതി: “ഉണ്മാനും ഉടുപ്പാ​നും ഉണ്ടെങ്കിൽ മതി എന്നു നാം വിചാ​രിക്ക.” അതിൽ കൂടുതൽ സമ്പാദി​ക്കാൻ നാം ശ്രമി​ക്കു​ന്നു​ണ്ടോ? അങ്ങനെ​യെ​ങ്കിൽ പൗലൊസ്‌ മുന്നറി​യി​പ്പു നൽകിയ അനന്തര​ഫ​ലങ്ങൾ നാം കൊയ്യു​ന്നു​ണ്ടാ​യി​രി​ക്കാം: “ധനിക​ന്മാ​രാ​കു​വാൻ ആഗ്രഹി​ക്കു​ന്നവർ പരീക്ഷ​യി​ലും കണിയി​ലും കുടു​ങ്ങു​ക​യും മനുഷ്യർ സംഹാ​ര​നാ​ശ​ങ്ങ​ളിൽ മുങ്ങി​പ്പോ​കു​വാൻ ഇടവരുന്ന മൌഢ്യ​വും ദോഷ​ക​ര​വു​മായ പല മോഹ​ങ്ങൾക്കും ഇരയാ​യി​ത്തീ​രു​ക​യും ചെയ്യുന്നു.” (1 തിമൊ. 6:8, 9; മത്താ. 6:24; ലൂക്കൊ. 14:33) അമിത​മായ ആഗ്രഹങ്ങൾ നമുക്ക്‌ തടസ്സം സൃഷ്ടി​ക്കു​ന്നു​ണ്ടോ എന്ന്‌ നമുക്ക്‌ എങ്ങനെ അറിയാൻ കഴിയും?

⁶ നമ്മുടെ ലൗകിക അനുധാ​വ​നങ്ങൾ നിമിത്തം വയൽസേ​വ​ന​ത്തിൽ നമുക്ക്‌ നാമമാ​ത്ര​മായ ഒരു പങ്കേ ഉള്ളൂ എങ്കിൽ അല്ലെങ്കിൽ സുവാർത്ത​യ്‌ക്കു വേണ്ടി ത്യാഗങ്ങൾ ചെയ്യേ​ണ്ട​തി​ന്റെ ആവശ്യം കാണാൻ നാം പരാജ​യ​പ്പെ​ടു​ന്നെ​ങ്കിൽ നമ്മുടെ മുൻഗ​ണ​ന​ക​ളിൽ പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ട​തുണ്ട്‌. (എബ്രാ. 13:15, 16) കൂടുതൽ ലളിത​മായ ഒരു ജീവിത രീതിക്ക്‌ പ്രസം​ഗ​വേ​ല​യിൽ ഏർപ്പെ​ടു​ന്ന​തി​ലുള്ള ഈ തടസ്സത്തെ തരണം ചെയ്യു​ന്ന​തിൽ വളരെ സഹായ​ക​മാ​യി​രി​ക്കാൻ കഴിയും. നമ്മുടെ സമയത്തി​ന്റെ​യും ഊർജ​ത്തി​ന്റെ​യും ഉപയോ​ഗം ഉൾപ്പെ​ടുന്ന കാര്യ​ങ്ങ​ളിൽ രാജ്യ​താ​ത്‌പ​ര്യ​ങ്ങൾക്കാ​യി​രി​ക്കണം എപ്പോ​ഴും പ്രഥമ സ്ഥാനം.

⁷ വ്യർഥമല്ലാത്ത പ്രയത്‌നം: “[നമ്മുടെ] പ്രയത്‌നം കർത്താ​വിൽ വ്യർത്ഥമല്ല എന്നു അറിഞ്ഞി​രി​ക്ക​യാൽ കർത്താ​വി​ന്റെ വേലയിൽ എപ്പോ​ഴും വർദ്ധി​ച്ചു​വ​രു​ന്നവ”ർ ആയിരി​ക്കാൻ പൗലൊ​സി​ന്റെ വാക്കുകൾ നമ്മെ പ്രോ​ത്സാ​ഹി​പ്പി​ക്കു​ന്നു. (1 കൊരി. 15:58) “കർത്താ​വി​ന്റെ വേലയിൽ” ഏറ്റവും പ്രധാനം രാജ്യ പ്രസം​ഗ​വും ശിഷ്യ​രാ​ക്കൽ വേലയും ആണ്‌. (മത്താ. 24:14; 28:19, 20) അതിൽ സാധ്യ​മാ​കു​ന്ന​തി​ന്റെ പരമാ​വധി പങ്കുണ്ടാ​യി​രി​ക്കു​ന്ന​തിന്‌ ഓരോ വാരവും നാം വയൽസേ​വ​ന​ത്തി​നാ​യി സമയം പട്ടിക​പ്പെ​ടു​ത്തണം, ആ സമയം മറ്റു യാതൊ​ന്നി​നും​വേണ്ടി ഉപയോ​ഗി​ക്കാ​തി​രി​ക്കാൻ ശ്രമി​ക്കു​ക​യും വേണം. (എഫെ. 5:15-17) അപ്പോൾ ലൗകിക ജോലി​യോ മറ്റു യാതൊ​ന്നു​മോ നമ്മുടെ ശുശ്രൂ​ഷ​യ്‌ക്ക്‌ ഒരു തടസ്സമാ​യി​രി​ക്കില്ല.

⁸ ബൈബിൾ സത്യം മറ്റുള്ള​വ​രു​മാ​യി പങ്കു​വെ​ക്കു​ന്ന​തിന്‌ നാം നമ്മെത്തന്നെ വിട്ടു​കൊ​ടു​ക്കു​മ്പോൾ, കൊടു​ക്കു​ന്ന​തിൽനി​ന്നു ലഭിക്കുന്ന ശ്രേഷ്‌ഠ​മായ സന്തോഷം നാം അനുഭ​വി​ക്കു​ന്നു. (പ്രവൃ. 20:35) രാജ്യ​പ്ര​സംഗ വേലയിൽ ഏർപ്പെ​ട്ടു​കൊണ്ട്‌ നമുക്ക്‌ ആത്മവി​ശ്വാ​സ​ത്തോ​ടെ ഭാവി​യി​ലേക്കു നോക്കാൻ കഴിയും, കാരണം “ദൈവം [നമ്മുടെ] പ്രവൃ​ത്തി​യും വിശു​ദ്ധ​ന്മാ​രെ ശുശ്രൂ​ഷി​ച്ച​തി​നാ​ലും ശുശ്രൂ​ഷി​ക്കു​ന്ന​തി​നാ​ലും തന്റെ നാമ​ത്തോ​ടു കാണിച്ച സ്‌നേ​ഹ​വും മറന്നു​ക​ള​വാൻ തക്കവണ്ണം അനീതി​യു​ള്ള​വനല്ല.”—എബ്രാ. 6:10.