2002-ലേക്കുള്ള ദിവ്യാ​ധി​പത്യ ശുശ്രൂ​ഷാ​സ്‌കൂൾ

¹ സംസാര പ്രാപ്‌തി​യെ തികച്ചും സ്വാഭാ​വി​ക​മായ ഒന്നായി കണക്കാക്കി പലരും അതിനെ കുറിച്ച്‌ അത്ര വിലമ​തി​പ്പോ​ടെ ചിന്തി​ക്കാ​റില്ല. എന്നിരു​ന്നാ​ലും, അത്‌ യഹോ​വ​യിൽനി​ന്നുള്ള ഒരു ദാനമാണ്‌. മറ്റുള്ള​വ​രു​മാ​യി ആശയവി​നി​മയം ചെയ്യാ​നും നമ്മുടെ ചിന്തക​ളും വികാ​ര​ങ്ങ​ളും പ്രകടി​പ്പി​ക്കാ​നും അതിലൂ​ടെ നമുക്കു കഴിയു​ന്നു. സർവോ​പരി, ആ പ്രാപ്‌തി ഉള്ളതി​നാൽ നമുക്ക്‌ ദൈവത്തെ സ്‌തു​തി​ക്കാൻ കഴിയു​ന്നു.—സങ്കീ. 22:22; 1 കൊരി. 1:4-7.

² യഹോവയുടെ നാമം ഘോഷി​ക്കു​ന്ന​തിന്‌ ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും പരിശീ​ലി​പ്പി​ക്ക​പ്പെ​ടു​ന്നു. (സങ്കീ. 148:12, 13) വ്യക്തി​പ​ര​മാ​യി നമുക്കു പ്രയോ​ജനം ചെയ്യു​ന്ന​തും ശുശ്രൂ​ഷ​യിൽ ഉപയോ​ഗി​ക്കാൻ കഴിയു​ന്ന​തു​മായ വ്യത്യ​സ്‌ത​ങ്ങ​ളായ നിരവധി ബൈബിൾ വിഷയങ്ങൾ അടങ്ങു​ന്ന​താണ്‌ 2002-ലേക്കുള്ള സ്‌കൂൾ പരിപാ​ടി. സ്‌കൂ​ളി​നു​വേണ്ടി തയ്യാറാ​കു​ക​യും അതിൽ പങ്കെടു​ക്കു​ക​യും ചെയ്യു​ന്ന​തി​ലൂ​ടെ നമ്മുടെ പരിജ്ഞാ​ന​വും ദൈവ​വ​ചനം പഠിപ്പി​ക്കു​ന്നവർ എന്ന നിലയി​ലുള്ള വൈദ​ഗ്‌ധ്യ​വും നമുക്കു വർധി​പ്പി​ക്കാ​നാ​കും.—സങ്കീ. 45:1.

³ ദൈനംദിനം ബൈബിൾ വായി​ക്കുക: എപ്പോ​ഴും ഒരു ബൈബിൾ സമീപത്ത്‌ ഉണ്ടെങ്കിൽ, ഒഴിവു​സ​മയം ലഭിക്കു​മ്പോൾ അതു വായി​ക്കാൻ കഴിയും. ദിവസ​വും ഈ വിധത്തിൽ ഉപയോ​ഗി​ക്കാൻ കഴിയുന്ന കുറെ സമയം നമ്മിൽ മിക്കവർക്കും ലഭിക്കാ​റുണ്ട്‌. ഓരോ ദിവസ​വും കുറഞ്ഞത്‌ ഒരു പേജ്‌ എങ്കിലും വായി​ക്കു​ന്നത്‌ എത്ര പ്രയോ​ജ​ന​ക​ര​മാണ്‌! സ്‌കൂൾ പട്ടിക​യി​ലെ ബൈബിൾ വായനാ പരിപാ​ടി പിൻപ​റ്റു​ന്ന​തിന്‌ അത്രയേ നാം ചെയ്യേ​ണ്ട​തു​ള്ളൂ.—സങ്കീ. 1:1-3.

⁴ ബൈബിൾ നന്നായി വായി​ക്കാ​നുള്ള പ്രാപ്‌തിക്ക്‌ കേൾവി​ക്കാ​രന്റെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലാ​നും യഹോ​വയെ സ്‌തു​തി​ക്കാൻ അവരെ പ്രേരി​പ്പി​ക്കാ​നും നമ്മെ സഹായി​ക്കാ​നാ​കും. സ്‌കൂ​ളിൽ രണ്ടാം നമ്പർ നിയമനം ലഭിക്കുന്ന സഹോ​ദ​ര​ന്മാർ നിയമിത ഭാഗം നിരവധി തവണ വായിച്ചു പരിശീ​ലി​ക്കണം. സ്‌കൂൾ മേൽവി​ചാ​രകൻ അഭിന​ന്ദ​ന​ങ്ങ​ളും വായന മെച്ച​പ്പെ​ടു​ത്താ​നുള്ള നിർദേ​ശ​ങ്ങ​ളും നൽകും.

⁵ ന്യായവാദം പുസ്‌തകം ഉപയോ​ഗി​ക്കുക: മൂന്നും നാലും നിയമ​നങ്ങൾ ന്യായ​വാ​ദം പുസ്‌ത​ക​ത്തിൽനിന്ന്‌ ആയിരി​ക്കും. വയൽ ശുശ്രൂ​ഷ​യിൽ ഈ പ്രാ​യോ​ഗിക സഹായി കൂടു​ത​ലാ​യി ഉപയോ​ഗി​ക്കുന്ന കാര്യ​ത്തിൽ നമ്മിൽ മിക്കവർക്കും ഏറെ ശ്രദ്ധാ​ലു​ക്ക​ളാ​യി​രി​ക്കാൻ കഴിയും. പ്രദേ​ശത്ത്‌ പ്രാ​യോ​ഗി​ക​മായ അവതര​ണങ്ങൾ വേണം സഹോ​ദ​രി​മാർ തിര​ഞ്ഞെ​ടു​ക്കാൻ. അവർ എങ്ങനെ പഠിപ്പി​ക്കു​ന്നു, എങ്ങനെ തിരു​വെ​ഴു​ത്തു​കൾ ഉപയോ​ഗി​ക്കു​ന്നു എന്നതിന്‌ സ്‌കൂൾ മേൽവി​ചാ​രകൻ പ്രത്യേക ശ്രദ്ധ നൽകണം.

⁶ സുവാർത്ത ഘോഷി​ക്കാ​നും നമ്മുടെ മഹാ​ദൈ​വ​മായ യഹോ​വയെ സ്‌തു​തി​ക്കാ​നും നമ്മുടെ ദൈവദത്ത ദാനമായ സംസാര പ്രാപ്‌തി ഉപയോ​ഗി​ക്കു​ന്ന​തിൽ തുടരാൻ ദിവ്യാ​ധി​പത്യ ശുശ്രൂ​ഷാ​സ്‌കൂൾ നമ്മെ​യെ​ല്ലാം സഹായി​ക്കു​മാ​റാ​കട്ടെ!—സങ്കീ. 34:1; എഫെ. 6:19.