സവി​ശേ​ഷ​മായ ഒരു പ്രോ​ത്സാ​ഹന കൈമാ​റ്റം

¹ യഹോ​വ​യു​ടെ ജനം വിശ്വാ​സ​ത്തി​ന്റെ പരി​ശോ​ധ​ന​കളെ അഭിമു​ഖീ​ക​രി​ക്കാത്ത ഒരൊറ്റ ദിവസം പോലു​മില്ല. തനിക്ക്‌ അൽപ്പകാ​ലമേ ശേഷി​ച്ചി​ട്ടു​ള്ളൂ എന്നറി​ഞ്ഞു​കൊ​ണ്ടു പിശാച്‌ യഹോ​വ​യോ​ടുള്ള നമ്മുടെ ദൃഢവി​ശ്വസ്‌തത തകർക്കു​ന്ന​തി​നു അവസാന ശ്രമം നടത്തി​ക്കൊ​ണ്ടി​രി​ക്കു​ക​യാണ്‌. (വെളി. 12:12) നമുക്ക്‌ “ദുർദ്ദി​വ​സ​ത്തിൽ എതിർപ്പാ​നും സകലവും സമാപി​ച്ചി​ട്ടു [നമുക്ക്‌] ഉറെച്ചു നില്‌പാ​നും കഴി​യേ​ണ്ട​തി​ന്നു” “കർത്താ​വി​ലും അവന്റെ അമിത​ബ​ല​ത്തി​ലും ശക്തിപ്പെ”ടേണ്ടത്‌ മർമ​പ്ര​ധാ​ന​മാണ്‌.—എഫെ. 6:10, 13.

² ശക്തി ആർജി​ക്കാൻ നമ്മെ സഹായി​ക്കു​ന്ന​തി​നുള്ള യഹോ​വ​യു​ടെ ഒരു കരുത​ലാണ്‌ സഹവി​ശ്വാ​സി​ക​ളു​മൊ​ത്തുള്ള കൂടി​വ​രവ്‌. അപ്പൊസ്‌ത​ല​നായ പൗലൊസ്‌ അതു വിലമ​തി​ച്ചു. തന്റെ ക്രിസ്‌തീയ സഹോ​ദ​ര​ങ്ങ​ളോ​ടൊ​പ്പം ആയിരി​ക്കാൻ അവൻ അതിയാ​യി വാഞ്‌ഛി​ച്ചു, അങ്ങനെ അവർക്ക്‌ “ഒത്തൊ​രു​മിച്ച്‌ പ്രോ​ത്സാ​ഹി​ത​രാ​കാ​നും” “ഉറച്ചവ​രാ​യി​ത്തീ​രാ​നും” കഴിയു​മാ​യി​രു​ന്നു. (റോമ. 1:11, 12, NW, അടിക്കു.) ദൈ​വേഷ്ടം ചെയ്യു​ന്ന​തി​നാ​യി നമ്മെ ശക്തീക​രി​ക്കു​ന്ന​തിന്‌ ആവശ്യ​മായ പരസ്‌പര പ്രോ​ത്സാ​ഹനം നേടു​ന്ന​തി​നുള്ള അവസരം, വരാൻപോ​കുന്ന “തീക്ഷ്‌ണ രാജ്യ​ഘോ​ഷകർ” ഡിസ്‌ട്രിക്‌റ്റ്‌ കൺ​വെൻ​ഷ​നി​ലൂ​ടെ ഭരണസം​ഘം ഒരുക്കി​യി​രി​ക്കു​ന്നു.

³ പ്രയോ​ജനം നേടു​ന്ന​തിന്‌ അവിടെ ഉണ്ടായി​രി​ക്കുക: മൂന്നു ദിവസ​വും ഹാജരാ​കാൻ ലക്ഷ്യം വെക്കുക. പ്രാരംഭ ഗീതത്തി​നു മുമ്പ്‌ എത്തി​ച്ചേർന്നു​കൊ​ണ്ടും സമാപന പ്രാർഥ​ന​യിൽ ഹൃദയം​ഗ​മ​മാ​യി “ആമേൻ” പറയു​ന്ന​തു​വരെ അവിടെ ഉണ്ടായി​രു​ന്നു​കൊ​ണ്ടും നാം ‘പ്രയോ​ജനം’ നേടുന്നു. (യെശ. 48:17, 18) ഈ വർഷം പൊതു അവധി ദിവസ​ങ്ങ​ളി​ലാ​ണു കൺ​വെൻ​ഷ​നു​കൾ ക്രമീ​ക​രി​ച്ചി​രി​ക്കു​ന്നത്‌. അതു​കൊണ്ട്‌ നീണ്ട അവധി എടുക്കാ​തെ​തന്നെ കുട്ടി​കൾക്കും ജോലി​ക്കാ​രായ പ്രസാ​ധ​കർക്കും ഹാജരാ​കാൻ കഴിയും. എന്നിരു​ന്നാ​ലും, ഇന്ത്യയു​ടെ വടക്കും വടക്കു​കി​ഴക്കൻ പ്രദേ​ശ​ങ്ങ​ളി​ലും നിന്നു​ള്ള​വർക്ക്‌ മുംബൈ വരെ വരുന്ന​തിന്‌ കുറേ​യ​ധി​കം ദിവസങ്ങൾ വേണ്ടി​വ​ന്നേ​ക്കാം. അതു​കൊണ്ട്‌ മൂന്നു ദിവസ​വും ഹാജരാ​കാൻ സാധി​ക്ക​ത്ത​ക്ക​വി​ധം അവർ തങ്ങളുടെ ജോലി​യു​ടെ പട്ടിക​യിൽ ആവശ്യ​മായ ക്രമീ​ക​ര​ണങ്ങൾ കാലേ​കൂ​ട്ടി​ത്തന്നെ വരു​ത്തേ​ണ്ട​തുണ്ട്‌. വലിയ കൺ​വെൻ​ഷ​നു​കൾക്കു ഹാജരാ​കു​ന്ന​തി​നു കൂടുതൽ ശ്രമം ആവശ്യ​മാ​യി​രു​ന്നേ​ക്കാം, എന്നിരു​ന്നാ​ലും യഹോ​വ​യു​ടെ ഇഷ്ടം ചെയ്യു​ന്ന​തിന്‌ അവൻ നമ്മെ സഹായി​ക്കും എന്ന ഉറപ്പു നമുക്കുണ്ട്‌. (1 യോഹ. 5:14, 15) കൺ​വെൻ​ഷൻ യാത്രയ്‌ക്കുള്ള ട്രെയിൻ ടിക്കറ്റു​കൾ രണ്ടു മാസം മുമ്പേ ബുക്കു ചെയ്യാ​വു​ന്ന​താണ്‌. ഇതുവരെ അത്‌ ചെയ്‌തി​ട്ടി​ല്ലെ​ങ്കിൽ അവസാന നിമിഷം വരെ കാത്തി​രി​ക്കാ​തെ യാത്രയ്‌ക്കും താമസ​ത്തി​നും ഉള്ള ക്രമീ​ക​ര​ണങ്ങൾ ഇപ്പോൾത്തന്നെ ചെയ്യുക. മൂന്നു ദിവസ​വും ഹാജരാ​കാ​നുള്ള നമ്മുടെ ശ്രമങ്ങളെ യഹോവ അനു​ഗ്ര​ഹി​ക്കും എന്നതിൽ നമുക്ക്‌ ഉറപ്പു​ണ്ടാ​യി​രി​ക്കാ​നാ​കും.—സദൃ. 10:22.

⁴ പ്രോ​ത്സാ​ഹ​ന​ത്തി​നാ​യി ആകാം​ക്ഷാ​പൂർവം കാത്തി​രി​ക്കുക: “ഞാൻ ഇതേവരെ ഹാജരാ​യി​ട്ടു​ള്ള​തിൽ വെച്ച്‌ ഏറ്റവും നല്ലതാ​യി​രു​ന്നു ഇത്‌.” ഒരു ഡിസ്‌ട്രിക്‌റ്റ്‌ കൺ​വെൻ​ഷ​നിൽ നിന്നു മടങ്ങവേ നിങ്ങൾ എപ്പോ​ഴെ​ങ്കി​ലും ഇങ്ങനെ പറഞ്ഞി​ട്ടു​ണ്ടോ? എന്തു​കൊ​ണ്ടാ​യി​രി​ക്കാം നിങ്ങൾക്ക്‌ അങ്ങനെ തോന്നി​യത്‌? അപൂർണ മനുഷ്യ​രെന്ന നിലയിൽ നാം ക്രമേണ ക്ഷീണി​ത​രാ​യി​ത്തീർന്നേ​ക്കാം, അപ്പോൾ ആത്മീയ പ്രോ​ത്സാ​ഹ​ന​ത്തി​ന്റെ ആവശ്യം നമുക്ക്‌ അനുഭ​വ​പ്പെ​ടു​ന്നു. (യെശ. 40:30) ഒരു സഹോ​ദരി ഇപ്രകാ​രം പറഞ്ഞു: “ഈ വ്യവസ്ഥി​തി എന്നെ ക്ഷീണി​ത​യാ​ക്കു​ന്നു, എന്നാൽ കൺ​വെൻ​ഷ​നു​കൾ എന്റെ ആത്മീയ കാഴ്‌ച​പ്പാ​ടു പുതു​ക്കാൻ സഹായി​ക്കു​ന്നു, അവ എനിക്ക്‌ ആവശ്യ​മായ ആത്മീയ ശക്തി പകരുന്നു. പ്രോ​ത്സാ​ഹനം ഏറ്റവും ആവശ്യ​മാ​യി​രി​ക്കുന്ന സമയത്തു​തന്നെ എനിക്ക്‌ അതു ലഭിക്കാ​റുണ്ട്‌.” സാധ്യ​ത​യ​നു​സ​രിച്ച്‌ നിങ്ങൾക്കും സമാന​മായ വികാരം അനുഭ​വ​പ്പെ​ട്ടി​ട്ടു​ണ്ടാ​കാം.

⁵ പ്രസം​ഗ​ങ്ങ​ളി​ലൂ​ടെ​യും അഭിമു​ഖ​ങ്ങ​ളി​ലൂ​ടെ​യും മാത്രമല്ല, ആത്മീയ പോഷണം പ്രദാനം ചെയ്യുന്ന, കൺ​വെൻ​ഷന്റെ മറ്റു സവി​ശേ​ഷ​ത​ക​ളി​ലൂ​ടെ​യും നമുക്ക്‌ ആവശ്യ​മായ പ്രോ​ത്സാ​ഹനം ലഭിക്കു​ന്നു. ഒരു സഹോ​ദരൻ പറഞ്ഞു: “ബൈബിൾ തത്ത്വങ്ങൾ എങ്ങനെ ബാധക​മാ​കു​ന്നു എന്നുള്ള വ്യക്തവും പ്രാ​യോ​ഗി​ക​വു​മായ വിശദീ​ക​ര​ണ​ങ്ങ​ളാ​ണു ഞാൻ ഏറെ വിലമ​തി​ക്കു​ന്നത്‌. നല്ലതും മോശ​വു​മായ കഴിഞ്ഞ​കാല ദൃഷ്ടാ​ന്ത​ങ്ങ​ളിൽനി​ന്നു നമുക്ക്‌ എപ്രകാ​രം പ്രയോ​ജനം നേടാ​നാ​കു​മെന്ന്‌ കാണി​ക്കു​ന്ന​തിൽ നാടകങ്ങൾ തീർച്ച​യാ​യും മൂല്യ​വ​ത്തായ പങ്കു വഹിക്കു​ന്നു. ഞാൻ എപ്പോ​ഴും നോക്കി​പ്പാർത്തി​രി​ക്കുന്ന ഒന്നാണ്‌ പുതിയ പ്രസി​ദ്ധീ​ക​ര​ണങ്ങൾ, വീട്ടിൽ മടങ്ങി​യെത്തി വളരെ കഴിഞ്ഞും ഞാൻ അവ വളരെ​യ​ധി​കം ആസ്വദി​ക്കു​ന്നു.”

⁶ “ഇടപെ​ടാൻ പ്രയാ​സ​മായ” ഈ “ദുർഘ​ട​സ​മയങ്ങ”ളിൽ കൺ​വെൻ​ഷ​നു​കൾ യഹോ​വ​യിൽനി​ന്നുള്ള ജീവത്‌പ്ര​ധാന കരുത​ലാണ്‌. (2 തിമൊ. 3:1, NW) പിൻവ​രുന്ന നിശ്വസ്‌ത ബുദ്ധി​യു​പ​ദേശം ബാധക​മാ​ക്കാൻ അവ നമ്മെ സഹായി​ക്കു​ന്നു: “ഉണർന്നി​രി​പ്പിൻ; വിശ്വാ​സ​ത്തിൽ നിലനില്‌പിൻ; പുരു​ഷ​ത്വം കാണി​പ്പിൻ; ശക്തി​പ്പെ​ടു​വിൻ.” (1 കൊരി. 16:13) അതു​കൊണ്ട്‌ “തീക്ഷ്‌ണ രാജ്യ​ഘോ​ഷകർ” ഡിസ്‌ട്രിക്‌റ്റ്‌ കൺ​വെൻ​ഷന്റെ മുഴു പരിപാ​ടി​കൾക്കും ഹാജരാ​കു​ന്ന​തി​നും പരസ്‌പരം പ്രോ​ത്സാ​ഹി​പ്പി​ക്കു​ന്ന​തി​നും നമുക്കു ദൃഢചി​ത്ത​രാ​യി​രി​ക്കാം!

[3-ാം പേജിലെ ചതുരം]

മൂന്നു ദിവസ​വും ഹാജരാ​കാൻ

ആസൂ​ത്ര​ണം ചെയ്യുക

■ ജോലി​യിൽനിന്ന്‌ അവധിക്ക്‌ അപേക്ഷി​ക്കുക.

■ കൺ​വെൻ​ഷൻ നഗരത്തിൽ താമസ​സൗ​ക​ര്യം ക്രമീ​ക​രി​ക്കുക.

■ കൺ​വെൻ​ഷനു പോകാ​നുള്ള യാത്രാ ക്രമീ​ക​ര​ണങ്ങൾ ചെയ്യുക.