ചോദ്യ​പ്പെ​ട്ടി

◼ കത്തിലൂ​ടെ സാക്ഷീ​ക​രി​ക്കു​മ്പോൾ ജാഗ്രത പാലി​ക്കേ​ണ്ടത്‌ എന്തു​കൊണ്ട്‌?

സുവാർത്ത പങ്കു​വെ​ക്കു​ന്ന​തിന്‌ കാലം തെളി​യിച്ച ഒരു മാർഗ​മാണ്‌ കത്തിലൂ​ടെ​യുള്ള സാക്ഷീ​ക​രണം. എന്നാൽ അടുത്ത​കാ​ലത്തെ ലോക​സം​ഭ​വങ്ങൾ ആളുകൾ അപരി​ചി​ത​രു​ടെ കത്തുകളെ സംശയ​ത്തോ​ടെ വീക്ഷി​ക്കാൻ ഇടയാ​ക്കി​യി​രി​ക്കു​ന്നു. അജ്ഞാത ഉറവിൽനി​ന്നു​ള്ള​തോ അയച്ച ആളുടെ മേൽവി​ലാ​സ​മി​ല്ലാ​ത്ത​തോ ആയ കവറുകൾ മിക്ക​പ്പോ​ഴും സംശയ​ത്തോ​ടെ​യാ​ണു വീക്ഷി​ക്ക​പ്പെ​ടു​ന്നത്‌. മേൽവി​ലാ​സം കൈ​കൊണ്ട്‌ എഴുതിയ, തടിച്ച കവറു​ക​ളാണ്‌ അവയെ​ങ്കിൽ അതു പ്രത്യേ​കി​ച്ചും സത്യമാണ്‌. വീട്ടു​കാർ അത്തരം കത്തുകൾ പൊട്ടി​ക്കാ​തെ ഉപേക്ഷി​ച്ചേ​ക്കാം. അങ്ങനെ സംഭവി​ക്കാ​തി​രി​ക്കാൻ നമുക്ക്‌ എന്തു ചെയ്യാൻ കഴിയും?

സാധ്യ​മെ​ങ്കിൽ, കത്തെഴു​താ​നും കവറിൽ മേൽവി​ലാ​സം എഴുതാ​നും ടൈപ്പ്‌റൈറ്റർ ഉപയോ​ഗി​ക്കുക. കവറിൽ വീട്ടു​കാ​രന്റെ പേര്‌ ഉണ്ടായി​രി​ക്കണം. “താമസ​ക്കാ​രൻ” എന്ന്‌ എഴുത​രുത്‌. കൂടാതെ, എല്ലായ്‌പോ​ഴും മടക്ക മേൽവി​ലാ​സ​വും എഴുതുക. നിങ്ങളു​ടെ വ്യക്തി​പ​ര​മായ മേൽവി​ലാ​സം എഴുതു​ന്നത്‌ ഉചിത​മ​ല്ലെ​ങ്കിൽ, നിങ്ങളു​ടെ പേരും രാജ്യ​ഹാ​ളി​ന്റെ മേൽവി​ലാ​സ​വും നൽകുക. ഊമക്ക​ത്തു​കൾ അയയ്‌ക്ക​രുത്‌. ഒരിക്ക​ലും ബ്രാഞ്ച്‌ ഓഫീ​സി​ന്റെ മേൽവി​ലാ​സം ഉപയോ​ഗി​ക്ക​രുത്‌.—1996 നവംബർ ലക്കം നമ്മുടെ രാജ്യ ശുശ്രൂ​ഷ​യി​ലെ ചോദ്യ​പ്പെട്ടി കാണുക.

കൂടു​ത​ലാ​യ നിർദേ​ശ​ങ്ങ​ളും മാതൃകാ കത്തും ദിവ്യാ​ധി​പത്യ ശുശ്രൂ​ഷാ സ്‌കൂൾ വിദ്യാ​ഭ്യാ​സ​ത്തിൽനി​ന്നു പ്രയോ​ജനം നേടുക എന്ന പുസ്‌ത​ക​ത്തി​ന്റെ 71-3 പേജു​ക​ളിൽ കാണാ​വു​ന്ന​താണ്‌. മറ്റുള്ള​വ​രു​ടെ പക്കൽ സുവാർത്ത എത്തിക്കാ​നാ​യി കത്തുകൾ ഫലകര​മാ​യി ഉപയോ​ഗി​ക്കാൻ ഈ നിർദേ​ശങ്ങൾ നമ്മെ സഹായി​ക്കും.