ചോദ്യ​പ്പെ​ട്ടി

◼ ഭവനത്തിൽ കണ്ടുമു​ട്ടാൻ കഴിയാ​ത്ത​വർക്കു കത്തെഴു​തു​മ്പോൾ നാം എന്തു മനസ്സിൽ പിടി​ക്കണം?

ഭവനങ്ങ​ളിൽ സന്ദർശനം നടത്തു​മ്പോൾ, പല കാരണ​ങ്ങ​ളാൽ വീട്ടു​കാ​രെ കണ്ടുമു​ട്ടുക കൂടുതൽ പ്രയാ​സ​മാ​ണെന്നു നാം മനസ്സി​ലാ​ക്കു​ന്നു. അവരു​മാ​യി സമ്പർക്കം പുലർത്തു​ന്ന​തി​നു കത്തെഴു​തു​ന്നതു സഹായ​ക​മാ​ണെന്നു ചില പ്രസാ​ധകർ കണ്ടിരി​ക്കു​ന്നു. ഇതു ചില സത്‌ഫ​ലങ്ങൾ ഉളവാ​ക്കി​യേ​ക്കാ​മെ​ങ്കി​ലും, ചില വൈത​ര​ണി​കൾ ഒഴിവാ​ക്കാൻ നമ്മെ സഹായി​ക്കുന്ന ചില ഓർമി​പ്പി​ക്ക​ലു​കൾ പരിചി​ന്തി​ക്കേ​ണ്ട​തി​ന്റെ ആവശ്യ​മുണ്ട്‌:

സൊ​സൈ​റ്റി​യു​ടെ മടക്ക വിലാസം ഉപയോ​ഗി​ക്ക​രുത്‌. സൊ​സൈ​റ്റി​യിൽനി​ന്നാ​ണു കത്തയച്ച​തെന്ന്‌ ഇത്‌ അനുചി​ത​മാ​യി സൂചി​പ്പി​ക്കു​മെന്നു മാത്രമല്ല അനാവശ്യ പ്രശ്‌ന​ങ്ങ​ളും ചില​പ്പോൾ കൂടുതൽ ചെലവു​ക​ളും അതു വരുത്തി​വെ​ക്കും.

ശരിയായ മേൽവി​ലാ​സ​വും വേണ്ടത്ര സ്റ്റാമ്പും ഉണ്ടെന്ന്‌ ഉറപ്പു​വ​രു​ത്തുക.

“താമസ​ക്കാ​രൻ” എന്ന പേരിൽ വിലാസം വെക്കരുത്‌; കൃത്യ​മായ പേര്‌ ഉപയോ​ഗി​ക്കുക.

വീട്ടിൽ ആളില്ലാ​ത്ത​പ്പോൾ കത്തുകൾ വാതിൽക്കൽ ഇട്ടേക്ക​രുത്‌.

ഹ്രസ്വ​മാ​യ കത്തുക​ളാണ്‌ ഏറ്റവും അഭികാ​മ്യം. ദീർഘ​മായ ഒരു സന്ദേശം എഴുതു​ന്ന​തി​നു പകരം ഒരു ലഘു​ലേ​ഖ​യോ പഴയ മാസി​ക​യോ അടക്കം ചെയ്യുക.

ടൈപ്പ്‌​റൈ​റ്റ​റിൽ എഴുതിയ കത്തുകൾ വായി​ക്കാൻ എളുപ്പ​മാ​ണെന്നു മാത്രമല്ല, ഒരു നല്ല മതിപ്പ്‌ ഉളവാ​ക്കു​ക​യും ചെയ്‌തേ​ക്കാം.

നിങ്ങൾ പ്രസ്‌തുത വ്യക്തി​യോട്‌ മുമ്പു നേരിട്ടു സംസാ​രി​ച്ചി​ട്ടി​ല്ലെ​ങ്കിൽ, കത്തുകൾ മടക്കസ​ന്ദർശ​ന​ങ്ങ​ളാ​യി കൂട്ടാൻ പാടില്ല.

മുമ്പു താത്‌പ​ര്യം കാട്ടിയ ഒരു വ്യക്തി​ക്കാണ്‌ നിങ്ങ​ളെ​ഴു​തു​ന്ന​തെ​ങ്കിൽ, നിങ്ങളു​മാ​യി ബന്ധപ്പെ​ടു​ന്ന​തിന്‌ ഒരു വിലാ​സ​മോ ഫോൺ നമ്പരോ ഉൾപ്പെ​ടു​ത്തണം. നമ്മുടെ ബൈബിൾ പഠനപ​രി​പാ​ടി വിശദീ​ക​രി​ക്കുക.

പ്രാ​ദേ​ശി​ക സഭയിലെ യോഗ​ങ്ങൾക്കു ക്ഷണിക്കുക. യോഗ​സ്ഥ​ല​ത്തി​ന്റെ വിലാ​സ​വും യോഗ​സ​മ​യ​വും നൽകുക.

പ്രദേശ കാർഡ്‌ മടക്കി​ക്കൊ​ടു​ത്ത​തി​നു​ശേഷം ആളില്ലാ​ഭ​വ​ന​ങ്ങ​ളി​ലേക്ക്‌ തുടർന്നും കത്തുകൾ അയയ്‌ക്ക​രുത്‌; നിലവിൽ പ്രദേശ കാർഡ്‌ കൈവ​ശ​മുള്ള പ്രസാ​ധ​ക​നാ​യി​രി​ക്കും അവിടെ പ്രവർത്തി​ക്കു​ന്ന​തി​നുള്ള ഉത്തരവാ​ദി​ത്വം.