പുതിയ സർക്കിട്ട്‌ സമ്മേളന പരിപാ​ടി

¹ അസ്ഥിരമായ ഈ ലോക​ത്തിൽ വിശ്വാ​സ​ത്തിൽ ഉറച്ചു നിൽക്കാൻ നാം യഹോ​വ​യിൽ ആശ്രയി​ക്കേ​ണ്ടതു മർമ​പ്ര​ധാ​ന​മാണ്‌. ഈ ആശ്രയം ദൈനം​ദിന ജീവി​ത​ത്തിൽ നമുക്ക്‌ എങ്ങനെ പ്രകട​മാ​ക്കാൻ കഴിയും? യഹോ​വ​യിൽ ആശ്രയി​ക്കു​ന്നത്‌ നമ്മുടെ വ്യക്തി​പ​ര​മായ ജീവി​ത​ത്തെ​യും കുടുംബ ജീവി​ത​ത്തെ​യും എങ്ങനെ​യാ​ണു ബാധി​ക്കു​ന്നത്‌? സാത്താന്യ ലോക​ത്തി​ന്റെ സ്വാധീ​ന​ങ്ങളെ ചെറു​ക്കാൻ ഇതു നമ്മെ എങ്ങനെ സഹായി​ക്കു​ന്നു? സേവന​വർഷം 2003-ലെ സർക്കിട്ട്‌ സമ്മേളന പരിപാ​ടി ഈ ചോദ്യ​ങ്ങൾക്ക്‌ ഉത്തരം നൽകും. “യഹോ​വ​യിൽ ആശ്രയി​ച്ചു നന്മ ചെയ്യുക” എന്നതാണ്‌ അതിന്റെ പ്രതി​പാ​ദ്യ​വി​ഷയം.—സങ്കീ. 37:3.

² യഹോവയിലുള്ള നമ്മുടെ ആശ്രയം പ്രത്യേക സാഹച​ര്യ​ങ്ങ​ളി​ലും പ്രതി​കൂല നാളു​ക​ളി​ലും മാത്രം പ്രകട​മാ​ക്കി​യാൽ പോരാ. നമ്മുടെ ദൈനം​ദിന ജീവി​ത​ത്തി​ന്റെ സമസ്‌ത തലങ്ങളി​ലും അതു പ്രകട​മാ​യി​രി​ക്കണം. ‘എല്ലായ്‌പോ​ഴും യഹോ​വ​യിൽ ആശ്രയി​ക്കുക’ എന്ന പ്രാരംഭ പ്രസം​ഗ​ത്തിൽ ഈ സംഗതി​ക്കാണ്‌ ഊന്നൽ നൽകി​യി​രി​ക്കു​ന്നത്‌. (സങ്കീ. 62:8) വിജയ​പ്ര​ദ​മായ ഒരു വിവാ​ഹ​ജീ​വി​തം കെട്ടി​പ്പ​ടു​ക്കു​ന്ന​തി​നും കുടുംബ വൃത്തത്തിൽ ഉയർന്നു​വ​രുന്ന പ്രശ്‌നങ്ങൾ കൈകാ​ര്യം ചെയ്യു​ന്ന​തി​നും ഭൗതി​കാ​വ​ശ്യ​ങ്ങൾ നിറ​വേ​റ്റു​ന്ന​തി​നും നമ്മെ സഹായി​ക്കുന്ന ബൈബി​ള​ധി​ഷ്‌ഠിത വിവരങ്ങൾ എങ്ങനെ കണ്ടെത്താ​മെ​ന്നും ബാധക​മാ​ക്കാ​മെ​ന്നും നാലു ഭാഗങ്ങ​ളുള്ള ഒരു സിമ്പോ​സി​യം നമുക്കു കാണി​ച്ചു​ത​രും. ‘യഹോ​വ​യിൽ ആശ്രയം പ്രകട​മാ​ക്കൽ’ എന്നതാ​യി​രി​ക്കും അതിന്റെ പ്രതി​പാ​ദ്യ​വി​ഷയം.

³ സാത്താന്റെ ലോകം, ശരിയും തെറ്റും സംബന്ധിച്ച വികല​മായ ഒരു വീക്ഷണം നമ്മു​ടെ​മേൽ അടി​ച്ചേൽപ്പി​ക്കാൻ ശ്രമി​ക്കു​ന്നു. അതു​പോ​ലെ, സുപ്ര​ധാ​ന​വും അപ്രധാ​ന​വു​മായ കാര്യങ്ങൾ സംബന്ധിച്ച്‌ അതു നമ്മിൽ ആശയക്കു​ഴപ്പം സൃഷ്ടി​ക്കു​ക​യും ചെയ്യുന്നു. (യെശ. 5:20) “ജീവി​ത​ത്തി​ന്റെ വ്യർഥ​ത​യ്‌ക്കെ​തി​രെ ജാഗ്രത പാലി​ക്കുക,” “തിന്മ വെടി​യുക, നന്മ ചെയ്യു​ന്നവർ ആയിരി​ക്കുക” എന്നീ പരിപാ​ടി​കൾ യഹോ​വ​യു​ടെ ഉന്നത നിലവാ​രങ്ങൾ ഉയർത്തി​പ്പി​ടി​ക്കാ​നുള്ള നമ്മുടെ ദൃഢനി​ശ്ച​യത്തെ അരക്കി​ട്ടു​റ​പ്പി​ക്കും.—ആമോ. 5:14.

⁴ യഹോവ ഇന്നത്തെ ദുഷ്ടവ്യ​വ​സ്ഥി​തി​യെ നശിപ്പി​ക്കു​മ്പോൾ ദൈവ​ദാ​സ​ന്മാർ അവനിൽ പരിപൂർണ​മാ​യി ആശ്രയി​ക്കേ​ണ്ടത്‌ അനിവാ​ര്യ​മാ​യി​ത്തീ​രും. “ലോകാ​രി​ഷ്ട​ത​യിൽനി​ന്നുള്ള വിടുതൽ സമീപി​ച്ചി​രി​ക്കു​ന്നു” എന്ന പരസ്യ​പ്ര​സം​ഗം ഈ ആശയം വിശേ​ഷ​വ​ത്‌ക​രി​ക്കും. തുടർന്ന്‌, “ദൈവ​രാ​ജ്യ​ത്തി​നു യോഗ്യ​നാ​യി നിങ്ങൾ എണ്ണപ്പെ​ടു​മോ?” എന്ന ഭാഗം സ്വയം ഒന്നു വിലയി​രു​ത്താ​നുള്ള അവസരം പ്രദാനം ചെയ്യും. “യഹോ​വ​യു​ടെ വാഗ്‌ദാ​ന​ങ്ങ​ളിൽ ആശ്രയം വെക്കുക” എന്ന ആഹ്വാ​ന​ത്തോ​ടെ പരിപാ​ടി സമാപി​ക്കും.

⁵ എല്ലാ സമ്മേള​ന​ങ്ങ​ളു​ടെ​യും ഒരു സവി​ശേ​ഷ​ത​യാണ്‌ സ്‌നാപന പ്രസംഗം. സ്‌നാ​പ​ന​മേൽക്കാൻ ആഗ്രഹി​ക്കുന്ന ഏതൊ​രാ​ളും അക്കാര്യം കഴിവ​തും നേരത്തേ അധ്യക്ഷ മേൽവി​ചാ​ര​കനെ അറിയി​ക്കണം. അങ്ങനെ​യാ​കു​മ്പോൾ അദ്ദേഹ​ത്തിന്‌ ആവശ്യ​മായ ക്രമീ​ക​ര​ണങ്ങൾ ചെയ്യാൻ കഴിയും.

⁶ അനിശ്ചിതാവസ്ഥ നിലനിൽക്കുന്ന ഈ നാളു​ക​ളിൽ, യഹോവ മാത്ര​മാണ്‌ നമ്മുടെ ശരണവും പാറയും. (സങ്കീ. 118:8, 9) മുഴു സർക്കിട്ട്‌ സമ്മേളന പരിപാ​ടി​ക്കും സന്നിഹി​തർ ആയിരു​ന്നു​കൊണ്ട്‌ നമുക്ക്‌ ഓരോ​രു​ത്തർക്കും യഹോ​വ​യി​ലുള്ള ആശ്രയം പൂർവാ​ധി​കം ബലിഷ്‌ഠ​മാ​ക്കാം.