ആത്മീയ ലാക്കുകൾ വെക്കുക

¹ നിത്യ​ത​യി​ലു​ട​നീ​ളം യഹോ​വയെ സ്‌തു​തി​ക്കുക എന്നത്‌ എത്ര വലിയ ഒരു പദവി​യാ​യി​രി​ക്കും! ആ ലക്ഷ്യം സാക്ഷാത്‌ക​രി​ക്കു​ന്ന​തിന്‌, നമുക്ക്‌ ഇപ്പോൾ ആത്മീയ ലാക്കുകൾ വെക്കാ​നും അവയിൽ എത്തി​ച്ചേ​രാ​നും ശ്രമി​ക്കാം. നമ്മുടെ ഊർജം ജ്ഞാനപൂർവം ഉപയോ​ഗി​ക്കാൻ ഇതു നമ്മെ പ്രാപ്‌ത​രാ​ക്കു​ന്നു. (1 കൊരി. 9:26) നിങ്ങൾക്ക്‌ എത്തി​ച്ചേ​രാ​വുന്ന ലാക്കുകൾ ഏതൊ​ക്കെ​യാണ്‌?

² ബൈബിൾ പഠനം: ഓരോ സഭാ​യോ​ഗ​ത്തി​നും​വേണ്ടി നിങ്ങൾ തയ്യാറാ​കു​ന്നു​ണ്ടോ? ഉണ്ടെങ്കിൽ, ഗവേഷ​ണ​ത്തി​നും ധ്യാന​ത്തി​നു​മാ​യി നിങ്ങൾ സമയം മാറ്റി​വെ​ക്കാ​റു​ണ്ടോ? ഉദാഹ​ര​ണ​ത്തിന്‌, പ്രതി​വാര വീക്ഷാ​ഗോ​പുര അധ്യയ​ന​ത്തി​നും സഭാ പുസ്‌കാ​ധ്യ​യ​ന​ത്തി​നും വേണ്ടി തയ്യാറാ​കു​മ്പോൾ, നിങ്ങൾ കേവലം ഉത്തരങ്ങൾക്ക​ടി​യിൽ വരയ്‌ക്കു​ന്നതേ ഉള്ളോ, അതോ പരാമർശി​ച്ചി​രി​ക്കുന്ന തിരു​വെ​ഴു​ത്തു​കൾ എടുത്തു​നോ​ക്കു​ക​യും നൽകി​യി​രി​ക്കുന്ന വിശദീ​ക​ര​ണ​ങ്ങ​ളു​ടെ കാരണ​ങ്ങളെ കുറിച്ചു ചിന്തി​ക്കു​ക​യും ചെയ്യു​ന്നു​ണ്ടോ? ദിവ്യാ​ധി​പത്യ ശുശ്രൂ​ഷാസ്‌കൂ​ളി​ലെ നിയമിത ബൈബിൾ വായനാ ഭാഗത്തു​നി​ന്നുള്ള ഏതാനും ആശയങ്ങളെ കുറിച്ച്‌ ആഴ്‌ച​തോ​റും ഗവേഷണം ചെയ്യുക എന്ന ലാക്ക്‌ നിങ്ങൾക്കു വെക്കാ​നാ​കു​മോ? അത്തരം ആത്മീയ ഗവേഷ​ണ​ത്തി​നു സമയവും ശ്രമവും ആവശ്യ​മാണ്‌, എന്നാൽ അതു സമൃദ്ധ​മായ പ്രതി​ഫ​ലങ്ങൾ കൈവ​രു​ത്തും.—സദൃ. 2:4, 5.

³ സഭാ​യോ​ഗങ്ങൾ: അഞ്ചു സഭാ​യോ​ഗ​ങ്ങ​ളി​ലും ക്രമമാ​യി സംബന്ധി​ക്കുക എന്നതാണ്‌ വെക്കാ​വുന്ന മറ്റൊരു ലാക്ക്‌. സഹോ​ദ​ര​ങ്ങ​ളു​മാ​യി സഹവസി​ക്കാൻ കഴിയു​മാറ്‌ നേരത്തേ എത്തുന്ന​തും പ്രാരംഭ ഗീതത്തി​ലും പ്രാർഥ​ന​യി​ലും പങ്കെടു​ക്കു​ന്ന​തും സഭയെ മാനസി​ക​വും വൈകാ​രി​ക​വു​മാ​യി കെട്ടു​പണി ചെയ്യാ​നു​ത​കു​ന്നു. ഓരോ യോഗ​ത്തി​ലും ഉത്തരങ്ങൾ പറയാ​നും പറയുന്ന ഉത്തരങ്ങ​ളു​ടെ ഗുണമേന്മ മെച്ച​പ്പെ​ടു​ത്താ​നും നമുക്കു ശ്രമി​ക്കാ​വു​ന്ന​താണ്‌. ഒരുപക്ഷേ ഖണ്ഡിക​യി​ലെ ഒരു വാക്യ​ത്തി​ന്റെ പ്രസക്തി എന്താ​ണെന്നു വിശദീ​ക​രി​ക്കു​ക​യോ വിവരം ദൈനം​ദിന ജീവി​ത​ത്തിൽ എങ്ങനെ ബാധക​മാ​കു​ന്നു​വെന്നു ചൂണ്ടി​ക്കാ​ട്ടു​ക​യോ ചെയ്യാ​വു​ന്ന​താണ്‌.—എബ്രാ. 10:24, 25.

⁴ വയൽസേ​വനം: ലാക്കുകൾ വെക്കു​മ്പോൾ നമ്മുടെ ശുശ്രൂഷ കൂടുതൽ മെച്ച​പ്പെ​ടു​ന്നു. ഓരോ മാസവും സേവന​ത്തിൽ ചെലവ​ഴി​ക്കാൻ ഉദ്ദേശി​ക്കുന്ന മണിക്കൂർ സംബന്ധിച്ച്‌ നിങ്ങൾ വ്യക്തി​പ​ര​മായ ഒരു ലാക്കു വെക്കാ​റു​ണ്ടോ? അതു സഹായ​ക​മെന്നു ചിലർ കണ്ടെത്തു​ന്നു. അല്ലെങ്കിൽ, വീടു​തോ​റു​മുള്ള വേലയിൽ ബൈബിൾ ഉപയോ​ഗി​ക്കു​ന്ന​തോ കൂടുതൽ ഫലപ്ര​ദ​മായ മടക്കസ​ന്ദർശ​നങ്ങൾ നടത്തു​ന്ന​തോ ബൈബിൾ അധ്യയ​നങ്ങൾ ആരംഭി​ക്കാൻ ശ്രമി​ക്കു​ന്ന​തോ അധ്യയ​ന​ങ്ങ​ളിൽ കൂടുതൽ ഫലകര​മാ​യി പഠിപ്പി​ക്കു​ന്ന​തോ പോലെ ശുശ്രൂ​ഷ​യു​ടെ ഏതെങ്കി​ലും ഒരു മണ്ഡലത്തിൽ നിങ്ങൾക്കു പുരോ​ഗതി വരുത്താൻ കഴിയു​മോ?

⁵ മാതാ​പി​താ​ക്കളേ, യഹോ​വ​യു​ടെ സേവന​ത്തിൽ ലാക്കുകൾ വെക്കാൻ നിങ്ങൾ കുട്ടി​കളെ പ്രോ​ത്സാ​ഹി​പ്പി​ക്കാ​റു​ണ്ടോ? ഒരു പയനി​യ​റോ ബെഥേൽ അംഗമോ ആയി സേവി​ക്കു​ന്നത്‌ യഹോ​വ​യോ​ടുള്ള വിലമ​തി​പ്പി​ന്റെ ആഴം പ്രകട​മാ​ക്കാ​നുള്ള ഒരു മികച്ച മാർഗ​മാ​ണെന്നു മനസ്സി​ലാ​ക്കാൻ അവരെ സഹായി​ക്കുക.—സഭാ. 12:1.

⁶ നാം നമ്മുടെ പ്രവർത്ത​ന​ങ്ങളെ വിലയി​രു​ത്തു​ക​യും ആത്മീയ ലാക്കുകൾ വെച്ച്‌ അവയിൽ എത്തി​ച്ചേ​രാൻ ശ്രമി​ക്കു​ക​യും ചെയ്യു​മ്പോൾ, ദൈവ​സേ​വ​ന​ത്തി​ലെ നമ്മുടെ സന്തോഷം വർധി​ക്കു​ക​യും അതു മറ്റുള്ള​വർക്കു പ്രോ​ത്സാ​ഹ​ന​ത്തി​ന്റെ ഒരു ഉറവാ​യി​ത്തീ​രു​ക​യും ചെയ്യും.—റോമ. 1:12.