ആത്മീയ ലാക്കു​ക​ളിൽ എത്തി​ച്ചേ​രാ​നാ​കുന്ന വിധം

1. പല യുവ ക്രിസ്‌ത്യാ​നി​ക​ളും ഏത്‌ ആത്മീയ ലാക്കുകൾ വെച്ചി​രി​ക്കു​ന്നു?

¹ ഒരു യുവ ക്രിസ്‌ത്യാ​നി​യെന്ന നിലയിൽ നിങ്ങളു​ടെ ജീവി​ത​ത്തിൽ നിങ്ങൾ വെച്ചി​രി​ക്കുന്ന ലാക്കു​കളെ യഹോ​വ​യോ​ടുള്ള സ്‌നേ​ഹ​വും ‘ഒന്നാമതു രാജ്യം അന്വേ​ഷി​ക്കുക’ എന്ന്‌ എല്ലാ ക്രിസ്‌ത്യാ​നി​ക​ളോ​ടും യേശു പറഞ്ഞ വാക്കു​ക​ളും സ്വാധീ​നി​ച്ചി​രി​ക്കു​ന്നു എന്നതിനു സംശയ​മില്ല. (മത്താ. 6:33) ഒരു പയനി​യ​റാ​യി സേവി​ക്കു​ക​യോ രാജ്യ​ഘോ​ഷ​ക​രു​ടെ ആവശ്യം ഏറെയു​ള്ളി​ടത്തു പ്രവർത്തി​ക്കു​ക​യോ ചെയ്‌തു​കൊണ്ട്‌ ശുശ്രൂഷ വികസി​പ്പി​ക്കുക എന്നതാ​യി​രി​ക്കാം നിങ്ങളു​ടെ ലാക്ക്‌. രാജ്യ​ഹാൾ നിർമാ​ണ​വേ​ല​യി​ലോ ഒരു ബ്രാഞ്ച്‌ ഓഫീ​സി​ലോ മിഷനറി വയലി​ലോ സ്വമേ​ധയാ പ്രവർത്തി​ക്കാൻ ചിലർ ലാക്കു​വെ​ച്ചി​ട്ടു​ണ്ടാ​യി​രി​ക്കാം. എത്ര സംതൃ​പ്‌തി​ദാ​യ​ക​വും അഭിന​ന്ദ​നാർഹ​വു​മായ ലാക്കു​ക​ളാണ്‌ അവ!

2. ആത്മീയ ലാക്കു​ക​ളിൽ എത്തി​ച്ചേ​രാൻ നിങ്ങളെ എന്തു സഹായി​ക്കും?

² ആത്മീയ ലാക്കു​ക​ളു​ടെ ഒരു പട്ടിക എഴുതി​യു​ണ്ടാ​ക്കു​ന്നത്‌ അവയിൽ എത്തി​ച്ചേ​രാൻ നിങ്ങളെ സഹായി​ക്കും. 2004 ജൂലൈ 15 ലക്കം വീക്ഷാ​ഗോ​പു​രം ഇപ്രകാ​രം പ്രസ്‌താ​വി​ച്ചു: “അമൂർത്ത​മായ ഒരു ആശയം വാക്കു​ക​ളിൽ പകർത്തു​മ്പോൾ അതിനു വ്യക്തത​യും രൂപവും കൈവ​രു​ന്നു. അതു​കൊണ്ട്‌, [നിങ്ങളു​ടെ] ലാക്കുകൾ ഏതൊ​ക്കെ​യാ​ണെ​ന്നും അത്‌ എത്തിപ്പി​ടി​ക്കു​ന്ന​തി​നാ​യി തയ്യാറാ​ക്കി​യി​രി​ക്കുന്ന പദ്ധതി എന്താ​ണെ​ന്നും എഴുതി​വെ​ക്കാൻ [നിങ്ങൾ] ആഗ്രഹി​ച്ചേ​ക്കാം.” കൂടാതെ ഇടക്കാല ലാക്കുകൾ വെക്കു​ന്നത്‌ ദീർഘ​കാല ലാക്കു​ക​ളിൽ എത്തി​ച്ചേ​രാൻ യത്‌നി​ക്കവേ പുരോ​ഗതി അളക്കാ​നും ആത്യന്തിക ലക്ഷ്യം മനസ്സിൽ ഉറപ്പി​ച്ചു​നി​റു​ത്താ​നും നിങ്ങളെ സഹായി​ക്കും.

3. സ്‌നാ​പ​ന​ത്തി​നുള്ള യോഗ്യ​ത​യിൽ എത്തി​ച്ചേ​രാൻ ഒരുവനെ സഹായി​ക്കുന്ന ചില ഹ്രസ്വ​കാല ലാക്കുകൾ ഏവ?

³ ഹ്രസ്വകാല ലാക്കുകൾ: നിങ്ങൾ ഇതുവരെ സ്‌നാ​പ​ന​മേ​റ്റി​ട്ടി​ല്ലെ​ങ്കിൽ ആ ലാക്കിൽ എത്തി​ച്ചേ​രാൻ എന്തു ചെയ്യേ​ണ്ട​തു​ണ്ടെന്നു പരിചി​ന്തി​ക്കുക. അടിസ്ഥാന ബൈബിൾ സത്യങ്ങ​ളു​ടെ കൂടു​ത​ലായ ഗ്രാഹ്യം സമ്പാദി​ക്കേ​ണ്ട​തു​ണ്ടാ​യി​രി​ക്കാം. അതിനാ​യി ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ലെ പരാമർശിത തിരു​വെ​ഴു​ത്തു​ക​ളെ​ല്ലാം എടുത്തു നോക്കി​ക്കൊണ്ട്‌ അതു സമഗ്ര​മാ​യി പഠിക്കാൻ ലക്ഷ്യം വെക്കുക. (1 തിമൊ. 4:15) ബെഥേൽ കുടും​ബാം​ഗ​ങ്ങ​ളും ഗിലെ​യാദ്‌ വിദ്യാർഥി​ക​ളും ചെയ്യു​ന്ന​തു​പോ​ലെ മുഴു​ബൈ​ബി​ളും അതായത്‌ ഉല്‌പ​ത്തി​മു​തൽ വെളി​പ്പാ​ടു​വരെ വായി​ക്കാ​നും ലാക്കു​വെ​ക്കാ​വു​ന്ന​താണ്‌. അതിനു​ശേഷം അനുദിന ബൈബിൾ വായന ഒരു ശീലമാ​ക്കി​ത്തീർക്കുക. (സങ്കീ. 1:2, 3) ആത്മീയ​മാ​യി വളരാൻ അതു നിങ്ങളെ വളരെ​യേറെ സഹായി​ക്കും. ഓരോ തവണ ബൈബിൾ വായി​ക്കു​ക​യും പഠിക്കു​ക​യും ചെയ്യു​ന്ന​തി​നു മുമ്പും പിമ്പും ഹൃദയം​ഗ​മ​മാ​യി പ്രാർഥി​ക്കുക, പഠിക്കുന്ന കാര്യങ്ങൾ പ്രാവർത്തി​ക​മാ​ക്കാൻ എല്ലായ്‌പോ​ഴും ശ്രമി​ക്കുക.—യാക്കോ. 1:25.

4. ബെഥേൽസേ​വ​ന​മോ മിഷന​റി​സേ​വ​ന​മോ പോലുള്ള ദീർഘ​കാല ലാക്കുകൾ വെച്ചി​രി​ക്കുന്ന ക്രിസ്‌ത്യാ​നി​കൾക്ക്‌ ഏത്‌ ഹ്രസ്വ​കാല ലാക്കുകൾ വെക്കാ​വു​ന്ന​താണ്‌?

⁴ നിങ്ങൾ സ്‌നാ​പ​ന​മേറ്റ ആളാ​ണെ​ങ്കിൽ കൂടു​ത​ലായ എന്തെല്ലാം ലാക്കുകൾ വെക്കാ​വു​ന്ന​താണ്‌? പ്രസം​ഗ​വേ​ല​യി​ലെ നിങ്ങളു​ടെ വൈദ​ഗ്‌ധ്യം മെച്ച​പ്പെ​ടു​ത്തേ​ണ്ട​തു​ണ്ടോ? ഉദാഹ​ര​ണ​ത്തിന്‌, വയൽശു​ശ്രൂ​ഷ​യിൽ തിരു​വെ​ഴു​ത്തു​കൾ ഉപയോ​ഗി​ക്കു​ന്ന​തിൽ വിദഗ്‌ധ​നാ​യി​ത്തീ​രാൻ നിങ്ങൾക്കു ലക്ഷ്യം വെക്കാ​നാ​കു​മോ? (2 തിമൊ. 2:15) നിങ്ങൾക്ക്‌ ശുശ്രൂഷ എങ്ങനെ വികസി​പ്പി​ക്കാ​വു​ന്ന​താണ്‌? നിങ്ങളു​ടെ പ്രായ​ത്തി​നും സാഹച​ര്യ​ങ്ങൾക്കും അനുസൃ​ത​മാ​യി നിശ്ചിത ഹ്രസ്വ​കാല ലാക്കുകൾ വെക്കുക, അത്‌ ദീർഘ​കാല ലാക്കു​ക​ളിൽ എത്തി​ച്ചേ​രാൻ നിങ്ങളെ സഹായി​ക്കും.

5. ബെഥേൽ സേവനം എന്ന ലാക്കിൽ എത്തി​ച്ചേ​രു​ന്ന​തിന്‌ ഹ്രസ്വ​കാല ലാക്കുകൾ ഒരു സഹോ​ദ​രനെ സഹായി​ച്ചത്‌ എങ്ങനെ?

⁵ ഒരു വിജയകഥ: യഹോ​വ​യു​ടെ സാക്ഷി​ക​ളു​ടെ ഒരു ബ്രാഞ്ച്‌ ഓഫീസ്‌ സന്ദർശിച്ച റ്റോണി എന്ന 19-കാരന്റെ മനസ്സിൽ ബെഥേ​ലിൽ സേവി​ക്ക​ണ​മെന്ന ആഗ്രഹ​മു​ണർന്നു. വഴിപി​ഴച്ച ജീവി​ത​രീ​തി ആയിരു​ന്നു അവന്റേത്‌. അവൻ തന്നെത്തന്നെ ദൈവ​ത്തി​നു സമർപ്പി​ച്ചി​ട്ടു​പോ​ലു​മി​ല്ലാ​യി​രു​ന്നു. എന്നാൽ അവൻ തന്റെ ജീവി​തത്തെ യഹോ​വ​യു​ടെ വഴിക​ളു​മാ​യി അനുരൂ​പ​പ്പെ​ടു​ത്താൻ തീരു​മാ​നി​ക്കു​ക​യും സ്‌നാ​പ​ന​ത്തി​നു യോഗ്യ​ത​പ്രാ​പി​ക്കാൻ ലാക്കു​വെ​ക്കു​ക​യും ചെയ്‌തു. ആ ലാക്കിൽ എത്തി​ച്ചേർന്ന ശേഷം അവൻ സഹായ പയനി​യ​റി​ങ്ങും തുടർന്ന്‌ സാധാരണ പയനി​യ​റി​ങ്ങും ലക്ഷ്യം​വെച്ചു. അവ ഓരോ​ന്നും ആരംഭി​ക്കാൻ ഉദ്ദേശി​ക്കുന്ന തീയതി അവൻ കലണ്ടറിൽ കുറി​ച്ചി​ടു​ക​യും ചെയ്‌തു. കുറച്ചു​കാ​ലത്തെ പയനി​യ​റി​ങ്ങി​നു​ശേഷം ബെഥേ​ലി​ലേക്ക്‌ ക്ഷണം ലഭിച്ച​പ്പോൾ അവനു​ണ്ടായ ആ സന്തോഷം ഒന്നോർത്തു നോക്കൂ!

6. ആത്മീയ ലാക്കു​ക​ളിൽ എത്തി​ച്ചേ​രാൻ നിങ്ങളെ എന്തു സഹായി​ക്കും?

⁶ ഒന്നാമതു രാജ്യം അന്വേ​ഷി​ക്കവേ നിങ്ങൾക്കും ആത്മീയ ലാക്കു​ക​ളിൽ എത്തി​ച്ചേ​രാ​നാ​കും. “നിന്റെ പ്രവൃ​ത്തി​കളെ” പ്രാർഥ​ന​യിൽ യഹോ​വ​യു​ടെ മുമ്പാകെ സമർപ്പി​ക്കു​ക​യും അവയിൽ എത്തി​ച്ചേ​രു​ന്ന​തിന്‌ ശുഷ്‌കാ​ന്തി​യോ​ടെ ശ്രമി​ക്കു​ക​യും ചെയ്യുക.—സദൃ. 16:3; 21:5.