യുവജ​ന​ങ്ങളേ—നിങ്ങളു​ടെ ആത്മീയ ലക്ഷ്യങ്ങൾ എന്താണ്‌?

¹ അർഥവ​ത്തായ വേലയും നേടി​യെ​ടു​ക്കാ​വുന്ന ലക്ഷ്യങ്ങ​ളും സന്തുഷ്ടി കൈവ​രി​ക്കു​ന്ന​തിൽ എത്രമാ​ത്രം പ്രാധാ​ന്യ​മു​ള്ള​താ​ണെന്ന്‌ യഹോ​വ​യ്‌ക്ക​റി​യാം. (ഉല്‌പത്തി 1:28; 2:15, 19 കാണുക.) ഇന്ന്‌, യഹോവ തന്റെ ജനത്തിന്‌ പ്രസം​ഗി​ക്കാ​നും പഠിപ്പി​ക്കാ​നു​മുള്ള നിയമനം നൽകി​യി​രി​ക്കു​ന്നു. പറുദീ​സ​യി​ലെ നിത്യ​ജീ​വൻ നേടുക എന്ന ആത്യന്തിക ലക്ഷ്യവും നമുക്കുണ്ട്‌. എങ്കിലും, നമ്മുടെ ഊർജ​വും വിഭവ​ങ്ങ​ളും തെറ്റായ ദിശയി​ലേക്കു തിരി​ച്ചു​വി​ടാ​തി​രി​ക്ക​ണ​മെ​ങ്കിൽ നാം പുരോ​ഗ​മ​നാ​ത്മ​ക​മായ ആത്മീയ ലക്ഷ്യങ്ങൾ വെക്കേ​ണ്ട​തുണ്ട്‌.—1 കൊരി. 9:26.

² യുവജ​ന​ങ്ങൾക്ക്‌ പ്രാ​യോ​ഗിക ലക്ഷ്യങ്ങൾ: യുവജ​ന​ങ്ങൾക്ക്‌, തങ്ങളുടെ വ്യക്തി​പ​ര​മായ പ്രാപ്‌തി​കൾക്ക​നു​സൃ​ത​മാ​യി എത്തിപ്പി​ടി​ക്കാൻ സാധി​ക്കുന്ന ആത്മീയ ലക്ഷ്യങ്ങൾ ഉണ്ടായി​രി​ക്കണം. (1 തിമൊ. 4:15) ചില കൊച്ചു​കു​ട്ടി​കൾ വായി​ക്കാൻ പഠിക്കു​ന്ന​തി​നു മുമ്പു​തന്നെ ബൈബിൾ പുസ്‌ത​ക​ങ്ങ​ളു​ടെ പേരുകൾ കാണാതെ ചൊല്ലുക എന്ന ലക്ഷ്യം കൈവ​രി​ച്ചി​ട്ടുണ്ട്‌. കുടും​ബാ​ധ്യ​യ​ന​ത്തി​ലൂ​ടെ കുട്ടികൾ യോഗ​ങ്ങൾക്കു തയ്യാറാ​കാൻ പഠിക്കു​ന്നു. ഇതവരെ, അർഥവ​ത്തായ അഭി​പ്രാ​യങ്ങൾ പറയുക, ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ പേർ ചാർത്തുക തുടങ്ങിയ ലക്ഷ്യങ്ങ​ളിൽ എത്തി​ച്ചേ​രു​ന്ന​തി​നു സഹായി​ക്കു​ന്നു. കുട്ടികൾ തങ്ങളുടെ മാതാ​പി​താ​ക്ക​ളോ​ടൊ​ത്തു വയൽസേ​വ​ന​ത്തി​നു പോകു​മ്പോൾ, സ്‌നാ​പ​ന​മേൽക്കാത്ത പ്രസാ​ധകർ എന്ന ലക്ഷ്യത്തി​ലേക്കു പുരോ​ഗ​മി​ക്കവേ സാക്ഷ്യം നൽകു​ന്ന​തിൽ പങ്കുപ​റ്റാൻ പഠിക്കു​ന്നു. മാതാ​പി​താ​ക്കൾ, സമർപ്പ​ണ​ത്തി​ന്റെ​യും സ്‌നാ​പ​ന​ത്തി​ന്റെ​യും ലക്ഷ്യം നന്നേ ചെറു​പ്പ​ത്തിൽത്തന്നെ മക്കളുടെ മുമ്പാകെ വെക്കേ​ണ്ട​തുണ്ട്‌.

³ നിങ്ങൾ കൗമാ​ര​പ്രാ​യ​ക്കാ​ര​നാ​ണെ​ങ്കിൽ, നിങ്ങളു​ടെ ആത്മീയ ലക്ഷ്യങ്ങ​ളിൽ എന്ത്‌ ഉൾപ്പെ​ട്ടി​രി​ക്കണം? ജീവി​ത​ത്തി​ലെ യഥാർഥ പ്രാധാ​ന്യ​മുള്ള ലക്ഷ്യങ്ങ​ളിൽ ശ്രദ്ധ കേന്ദ്രീ​ക​രി​ച്ചു​കൊണ്ട്‌ ഇപ്പോൾ “നിന്റെ സ്രഷ്ടാ​വി​നെ ഓർത്തു​കൊൾക.” (സഭാ. 12:1; സങ്കീ. 71:17) സ്‌കൂ​ളി​ലെ അവധി സമയങ്ങ​ളിൽ എന്തു​കൊ​ണ്ടു നിങ്ങൾക്കു സഹായ​പ​യ​നി​യ​റിങ്‌ ചെയ്‌തു​കൂ​ടാ? നിരന്ത​ര​പ​യ​നി​യർ എന്ന നിലയിൽ മുഴു​സമയ ശുശ്രൂഷ ഏറ്റെടു​ക്കു​ന്ന​തി​നെ​ക്കു​റി​ച്ചു നിങ്ങൾ ചിന്തി​ച്ചി​ട്ടു​ണ്ടോ? നിങ്ങളു​ടെ പ്രദേ​ശത്തെ അല്ലെങ്കിൽ മറ്റേ​തെ​ങ്കി​ലും സ്ഥലത്തെ ഒരു അന്യഭാ​ഷാ കൂട്ട​ത്തെ​യോ സഭയെ​യോ ഭാവി​യിൽ സഹായി​ക്കു​ന്ന​തി​നു​വേണ്ടി ഒരു പുതിയ ഭാഷ പഠിക്കു​ന്ന​തി​നെ സംബന്ധി​ച്ചെന്ത്‌? ഇപ്പോൾ ബെഥേ​ലി​ലോ സഞ്ചാര മേൽവി​ചാ​ര​ക​ന്മാ​രാ​യോ മിഷന​റി​മാ​രാ​യോ സേവി​ച്ചു​കൊ​ണ്ടി​രി​ക്കുന്ന അനേക​രും സ്‌കൂ​ളി​ലാ​യി​രു​ന്ന​പ്പോൾത്തന്നെ പ്രത്യേക മുഴു​സമയ ശുശ്രൂഷ തങ്ങളുടെ ലക്ഷ്യമാ​ക്കി​യി​രു​ന്നു. നിങ്ങൾക്കും എന്തു​കൊണ്ട്‌ അപ്രകാ​രം ചെയ്‌തു​കൂ​ടാ?

⁴ ഇളം പ്രായ​ത്തിൽത്തന്നെ യേശു​വി​ന്റെ മാതൃക പിൻപ​റ്റാൻ കഠിന​ശ്രമം ചെയ്യുക. വെറും 12 വയസ്സു​ണ്ടാ​യി​രു​ന്ന​പ്പോൾത്തന്നെ അവൻ യാതൊ​രു മടിയും കൂടാതെ ആത്മീയ കാര്യ​ങ്ങ​ളെ​ക്കു​റി​ച്ചു സംസാ​രി​ച്ചു. (ലൂക്കൊ. 2:42-49, 52) വ്യക്തി​പ​ര​മായ പഠനം, ക്രമമായ ബൈബിൾ വായന, യോഗ​ങ്ങ​ളി​ലും ശുശ്രൂ​ഷ​യി​ലും പങ്കുപ​റ്റു​ക​വഴി പക്വമ​തി​ക​ളായ ക്രിസ്‌ത്യാ​നി​ക​ളു​മാ​യി ക്രമമാ​യി സഹവസി​ക്കൽ തുടങ്ങിയ പ്രയോ​ജ​ന​പ്ര​ദ​മായ ലക്ഷ്യങ്ങൾ നിങ്ങളു​ടെ മുമ്പാകെ വെക്കു​ന്നത്‌, യേശു ചെയ്‌ത​തു​പോ​ലെ മറ്റുള്ള​വരെ ദൈവ​രാ​ജ്യ​ത്തെ​ക്കു​റി​ച്ചു പഠിപ്പി​ക്കു​ന്ന​തിൽ പ്രാവീ​ണ്യം നേടാൻ നിങ്ങളെ സഹായി​ക്കും.