ദിവ്യാ​ധി​പത്യ ആസ്‌തി​ക​ളോ​ടു വിലമ​തി​പ്പു പ്രകട​മാ​ക്കു​ക

¹ ആലയത്തി​ന്റെ കേടു​പോ​ക്ക​ലി​നുള്ള ക്രമീ​ക​ര​ണങ്ങൾ ചെയ്യവേ, പ്രസ്‌തുത വേലയ്‌ക്കു നിയമി​ക്ക​പ്പെ​ട്ട​വരെ അഭിന​ന്ദി​ച്ചു​കൊണ്ട്‌ യോശീ​യാവ്‌ രാജാവ്‌ ഇപ്രകാ​രം പറഞ്ഞു: “ദ്രവ്യം കയ്യേറ​റു​വാ​ങ്ങി​യ​വ​രോ​ടു കണക്കു ചോദി​ക്കേണ്ടാ; അവർ വിശ്വാ​സ​ത്തി​ന്മേ​ല​ല്ലോ [“വിശ്വസ്‌ത​ത​യോ​ടെ​യ​ല്ലോ,” NW] പ്രവർത്തി​ക്കു​ന്നതു.” (2 രാജാ. 22:3-7) വിശുദ്ധ കാര്യ​ങ്ങ​ളോ​ടുള്ള അവരുടെ വിലമ​തിപ്പ്‌, അവരെ ഏൽപ്പിച്ച ധനം അവർ കൈകാ​ര്യം ചെയ്‌തി​രുന്ന വിധത്തിൽ വളരെ പ്രകട​മാ​യി​രു​ന്നു. ഇന്ന്‌, നാം ദൈവ​ത്തി​ന്റെ സുവാർത്ത​യു​ടെ വിശു​ദ്ധ​വേ​ല​യിൽ ഏർപ്പെ​ട്ടി​രി​ക്കെ, നമ്മെ ഭരമേൽപ്പി​ച്ചി​രി​ക്കുന്ന വസ്‌തു​വ​കകൾ കൈകാ​ര്യം ചെയ്യു​ന്ന​തിൽ നാമും വിശ്വസ്‌തത പ്രകട​മാ​ക്കണം.

² വയൽശു​ശ്രൂ​ഷ​യിൽ: നമ്മുടെ പ്രസി​ദ്ധീ​ക​ര​ണ​ങ്ങ​ളിൽ അടങ്ങി​യി​രി​ക്കുന്ന ജീവത്‌പ്ര​ധാന സന്ദേശ​ത്തോ​ടുള്ള വിലമ​തി​പ്പും അവ പ്രസി​ദ്ധീ​ക​രി​ക്കു​ന്ന​തിൽ ഉൾപ്പെ​ട്ടി​രി​ക്കുന്ന ചെലവി​നെ സംബന്ധിച്ച ബോധ​വും അവയ്‌ക്കു വലിയ മൂല്യം കൽപ്പി​ക്കാൻ നമ്മെ പ്രേരി​പ്പി​ക്കു​ന്നു. ബൈബിൾ സന്ദേശ​ത്തോ​ടു യഥാർഥ വിലമ​തി​പ്പു കാണി​ക്കാ​ത്ത​വർക്കു നാം വിവേ​ക​ര​ഹി​ത​മാ​യി നമ്മുടെ സാഹി​ത്യം നൽകരുത്‌. ഒരുവൻ സുവാർത്ത​യിൽ വളരെ കുറച്ചു താത്‌പ​ര്യ​മേ കാണി​ക്കു​ന്നു​ള്ളൂ എങ്കിൽ മറ്റു സാഹി​ത്യ​ങ്ങൾക്കു പകരം ഒരു ലഘുലേഖ അയാൾക്കു നൽകാ​വു​ന്ന​താണ്‌.

³ സാഹി​ത്യ​ങ്ങ​ളു​ടെ മൂല്യത്തെ നാം വിലമ​തി​ക്കു​ന്നു​വെന്ന്‌ പ്രകട​മാ​ക്കുന്ന വിധത്തിൽ അവ വിതരണം ചെയ്യുക. പൊതു സ്ഥലങ്ങളിൽ അവ വെറുതെ ഇട്ടിട്ടു പോന്നാൽ അത്‌ അവി​ടെ​യെ​ല്ലാം ചിതറി​ക്കി​ട​ക്കാ​നി​ട​യാ​കും, അതു​കൊണ്ട്‌ അങ്ങനെ ചെയ്യു​ന്നത്‌ ഒഴിവാ​ക്കുക. സാഹി​ത്യ​ങ്ങൾ പാഴാ​ക്കാ​തി​രി​ക്കാൻ, കൂടുതൽ സാഹി​ത്യ​ങ്ങൾ എടുക്കു​ന്ന​തി​നു മുമ്പ്‌ നിങ്ങളു​ടെ പക്കൽ എന്തെല്ലാം ഉണ്ട്‌ എന്നതിന്റെ കണക്കെ​ടു​ക്കുക. ഓരോ ലക്കം മാസി​ക​യും പതിവാ​യി മിച്ചം വരു​ന്നെ​ങ്കിൽ അവയുടെ ഓർഡർ കുറയ്‌ക്കുന്ന കാര്യം പരിചി​ന്തി​ക്കുക.

⁴ വ്യക്തി​പ​ര​മായ ഉപയോ​ഗ​ത്തി​നുള്ള പ്രസി​ദ്ധീ​ക​ര​ണങ്ങൾ: ഡീലക്‌സ്‌ ബൈബി​ളു​കൾക്കും റഫറൻസ്‌ ബൈബി​ളു​കൾ, കൺകോർഡൻസ്‌, ഇൻഡക്‌സ്‌, ഉൾക്കാഴ്‌ച വാല്യങ്ങൾ, ഘോഷകർ പുസ്‌തകം എന്നിങ്ങ​നെ​യുള്ള മറ്റു വലിയ പ്രസി​ദ്ധീ​ക​ര​ണ​ങ്ങൾക്കും വേണ്ടി മേലാൽ ഓർഡർ ചെയ്യാൻ സാധി​ക്കു​ക​യി​ല്ലാ​ത്ത​തി​നാൽ ഇവ എത്രമാ​ത്രം മൂല്യ​വ​ത്താണ്‌ എന്നു നമുക്ക​റി​യാം. നിങ്ങളു​ടെ ലൈ​ബ്ര​റി​യിൽ അവയുടെ പ്രതികൾ ഉണ്ടെങ്കിൽ അവ നന്നായി സൂക്ഷി​ക്കുക. മറ്റുള്ള​വർക്ക്‌ രാജ്യ​ഹാൾ ലൈ​ബ്ര​റി​യിൽ സൂക്ഷി​ച്ചി​രി​ക്കുന്ന പ്രതികൾ പരി​ശോ​ധി​ക്കേ​ണ്ട​തു​ണ്ടാ​യി​രി​ക്കാം. അവ നല്ല അവസ്ഥയിൽ യഥാസ്ഥാ​നത്തു തന്നെ ഉണ്ട്‌ എന്ന്‌ ഉറപ്പാ​ക്കു​ന്ന​തിൽ എല്ലാവ​രും സഹകരി​ക്കേ​ണ്ട​തുണ്ട്‌.

⁵ പ്രസി​ദ്ധീ​ക​ര​ണ​ങ്ങ​ളു​ടെ വ്യക്തി​പ​ര​മായ പ്രതി​ക​ളിൽ പേരും മേൽവി​ലാ​സ​വും എഴുതുന്ന രീതി നിങ്ങൾക്കു​ണ്ടോ? അങ്ങനെ ചെയ്യു​ന്നെ​ങ്കിൽ എവി​ടെ​യെ​ങ്കി​ലും വെച്ച്‌ മറന്ന്‌ നഷ്ടപ്പെട്ടു പോകുന്ന സാഹി​ത്യ​ങ്ങൾക്കു പകരമാ​യി പുതിയവ സമ്പാദി​ക്കേണ്ടി വരുക​യില്ല. കാരണം നിങ്ങളു​ടെ പാട്ടു​പുസ്‌ത​ക​മോ ബൈബി​ളോ അധ്യയന പ്രസി​ദ്ധീ​ക​ര​ണ​മോ നഷ്ടപ്പെ​ട്ടാൽ ഒരുപക്ഷേ രാജ്യ​ഹാ​ളി​ലെ​യോ സമ്മേളന ഹാളി​ലെ​യോ കളഞ്ഞു​കി​ട്ടിയ സാധന​ങ്ങ​ളു​ടെ കൂട്ടത്തിൽനിന്ന്‌ അവ തിരികെ ലഭി​ച്ചേ​ക്കാം.—ലൂക്കൊ. 15:8, 9.

⁶ നമ്മുടെ സാഹി​ത്യ​ങ്ങൾ ഏറ്റവും ജ്ഞാനപൂർവം ഉപയോ​ഗി​ക്കാൻ നമുക്കു ശ്രമി​ക്കാം. യഹോവ നമ്മെ ഭരമേൽപ്പി​ച്ചി​രി​ക്കുന്ന രാജ്യ വസ്‌തു​വ​കകൾ കൈകാ​ര്യം ചെയ്യു​ന്ന​തിൽ വിശ്വസ്‌തത പ്രകട​മാ​ക്കു​ന്ന​തി​നുള്ള ഒരു മാർഗ​മാ​ണത്‌.—ലൂക്കൊ. 16:10.