“തീക്ഷ്‌ണ രാജ്യ​ഘോ​ഷകർ” ഡിസ്‌ട്രി​ക്‌റ്റ്‌ കൺ​വെൻ​ഷ​നിൽനിന്ന്‌ പൂർണ പ്രയോ​ജനം നേടൽ

¹ പ്രചോദനാത്മകമായ ഒരു പരിപാ​ടി: കഴിഞ്ഞ ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ എത്ര നവോ​ന്മേ​ഷ​ദാ​യ​ക​മായ പരിപാ​ടി​ക​ളാ​ണു നാം ആസ്വദി​ച്ചത്‌! ദൈവ​രാ​ജ്യം ഘോഷി​ക്കു​ന്ന​തി​നു കൂടുതൽ സജ്ജരാ​യി​ത്തീ​രുക എന്ന പൊതു ലക്ഷ്യ​ത്തോ​ടെ​യാ​ണു നാമേ​വ​രും കൂടി​വ​ന്നത്‌. പ്രാരംഭ പ്രസം​ഗ​ത്തിൽ “ഘോഷി​ക്കുക” എന്ന പദം പ്രസം​ഗകൻ നിർവ​ചി​ച്ചത്‌ എങ്ങനെ​യെന്നു നിങ്ങൾ ഓർക്കു​ന്നു​ണ്ടോ? “യഹോവ നമ്മോ​ടു​കൂ​ടെ​യുണ്ട്‌ എന്നറിഞ്ഞ്‌ നിർഭയർ ആയിരി​ക്കു​വിൻ” എന്ന പ്രസം​ഗ​ത്തിൽ എന്തു ഗവേഷണം നടത്താ​നാണ്‌ നമ്മെ പ്രോ​ത്സാ​ഹി​പ്പി​ച്ചത്‌? അതിനു​ശേഷം ഇന്നുവരെ നിങ്ങൾക്ക്‌ ഏതെല്ലാം ജീവിത കഥകൾ പരി​ശോ​ധി​ക്കാൻ കഴിഞ്ഞു?

² “നമ്മുടെ വിശ്വാ​സ​ത്തി​ന്റെ ഗുണമേന്മ വിവിധ പരീക്ഷ​ക​ളാൽ പരി​ശോ​ധി​ക്ക​പ്പെ​ടു​ന്നു” എന്ന സിമ്പോ​സി​യ​ത്തിൽ യഹോവ പീഡനങ്ങൾ അനുവ​ദി​ക്കു​ന്ന​തി​ന്റെ മൂന്നു പ്രധാന കാരണങ്ങൾ സംബന്ധി​ച്ചു പറയു​ക​യു​ണ്ടാ​യി. അവ ഏതെല്ലാ​മാ​ണെന്നു നിങ്ങൾക്കു വിശദീ​ക​രി​ക്കാ​മോ? നമ്മുടെ ക്രിസ്‌തീയ നിഷ്‌പ​ക്ഷ​ത​യു​ടെ തിരു​വെ​ഴു​ത്ത​ധി​ഷ്‌ഠിത കാരണം എന്താണ്‌? നിഷ്‌പക്ഷത നിമിത്തം ഉയർന്നു​വ​ന്നേ​ക്കാ​വുന്ന വെല്ലു​വി​ളി​കളെ നേരി​ടാൻ നമ്മെത്തന്നെ സജ്ജരാ​ക്കാ​നാ​യി എന്തു ചെയ്യാ​നാ​ണു നമ്മെ പ്രോ​ത്സാ​ഹി​പ്പി​ച്ചത്‌? പരി​ശോ​ന​ക​ളിൻ മധ്യേ നാം വിശ്വ​സ്‌ത​രാ​യി സഹിച്ചു നിൽക്കു​ന്നത്‌ യഹോ​വ​യ്‌ക്ക്‌ എങ്ങനെ​യാ​ണു മഹത്ത്വം കരേറ്റു​ന്നത്‌?

³ “പ്രക്ഷുബ്ധ നാളു​ക​ളിൽ ഉറച്ചു നിൽക്കുക” എന്ന നാടക​ത്തി​ലെ ഏതു രംഗങ്ങ​ളാണ്‌ വിശേ​ഷാൽ നിങ്ങളെ ശക്തീക​രി​ച്ചത്‌? യിരെ​മ്യാ​വി​നെ​പ്പോ​ലെ ആയിരി​ക്കാൻ നമുക്ക്‌ എങ്ങനെ കഴിയും?

⁴ “ഈ ലോക​ത്തി​ന്റെ രംഗം മാറി​ക്കൊ​ണ്ടി​രി​ക്കു​ന്നു” എന്ന പരസ്യ​പ്ര​സം​ഗം, ദൈവ​ത്തി​ന്റെ ഭയജന​ക​മായ ദിവസ​ത്തി​ലേക്കു നയിക്കുന്ന, ഏതു നിർണാ​യക ഭാവി സംഭവ​ങ്ങളെ കുറി​ച്ചാ​ണു പറഞ്ഞത്‌? “തീക്ഷ്‌ണ രാജ്യ​ഘോ​ഷകർ എന്ന നിലയിൽ സത്‌പ്ര​വൃ​ത്തി​ക​ളിൽ സമ്പന്നരാ​കു​വിൻ” എന്ന ഉപസം​ഹാര പ്രസം​ഗ​ത്തിൽ കേട്ട വിവര​ങ്ങളെ നിങ്ങളു​ടെ ശുശ്രൂ​ഷ​യു​മാ​യി നിങ്ങൾ എങ്ങനെ​യാ​ണു ബന്ധപ്പെ​ടു​ത്തി​യത്‌?

⁵ ബാധകമാക്കാനുള്ള പ്രധാന പോയി​ന്റു​കൾ: “നന്ദിയു​ള്ളവർ ആയിരി​ക്കു​വിൻ” എന്ന പ്രസം​ഗ​ത്തിൽ വിശദ​മാ​ക്കിയ പ്രകാരം യഹോ​വ​യോ​ടുള്ള നമ്മുടെ ആഴമായ നന്ദി നമുക്ക്‌ എങ്ങനെ പ്രകട​മാ​ക്കാ​നാ​കും? “രാജ്യ​ഘോ​ഷകർ തീക്ഷ്‌ണ​ത​യാൽ ജ്വലി​ക്കു​ന്നു” എന്ന മുഖ്യ​വി​ഷയ പ്രസം​ഗ​ത്തിൽ ആരുടെ തീക്ഷ്‌ണത അനുക​രി​ക്കാ​നാ​ണു നമ്മെ പ്രോ​ത്സാ​ഹി​പ്പി​ച്ചത്‌? സ്വയം എന്തു വിലയി​രു​ത്തൽ നടത്താ​നാണ്‌ നമ്മോട്‌ ആഹ്വാനം ചെയ്‌തത്‌?

⁶ “യഹോ​വ​യു​ടെ നാമത്തിൽ നടക്കാൻ മീഖാ പ്രവചനം നമ്മെ ശക്തീക​രി​ക്കു​ന്നു” എന്ന സിമ്പോ​സി​യ​ത്തിൽ യഹോ​വ​യു​ടെ പ്രീതി സമ്പാദി​ക്കു​ന്ന​തിന്‌ നാം എത്തി​ച്ചേ​രേണ്ട ഏതു മൂന്നു നിബന്ധ​നകൾ വിശേ​ഷ​വ​ത്‌ക​രി​ക്കു​ക​യു​ണ്ടാ​യി? അവയിൽ എത്തി​ച്ചേ​രാൻ നമുക്കു സാധി​ക്കു​മോ? (മീഖാ 6:8) “ഹൃദയത്തെ കാത്തു​കൊണ്ട്‌ നിർമ​ല​രാ​യി​രി​ക്കുക” എന്ന പ്രസംഗം കാണി​ച്ചു​ത​ന്ന​തു​പോ​ലെ ഏതു വിധങ്ങ​ളിൽ നാം ധാർമി​ക​മാ​യി ശുദ്ധരാ​യി​രി​ക്കണം? “വഞ്ചനയ്‌ക്കെ​തി​രെ ജാഗ്രത പുലർത്തുക” എന്ന പ്രസംഗം ഏതെല്ലാം മണ്ഡലങ്ങ​ളിൽ വഞ്ചിക്ക​പ്പെ​ടാ​തി​രി​ക്കാ​നും മറ്റുള്ള​വരെ വഞ്ചിക്കാ​തി​രി​ക്കാ​നു​മുള്ള മുന്നറി​യി​പ്പാ​ണു നമുക്കു നൽകി​യത്‌?

⁷ “തങ്ങളുടെ ശുശ്രൂ​ഷയെ മഹത്ത്വ​പ്പെ​ടു​ത്തുന്ന രാജ്യ​ഘോ​ഷകർ” എന്ന സിമ്പോ​സി​യ​ത്തിൽ കേട്ട ഏതു പ്രാ​യോ​ഗിക സംഗതി​കൾ നിങ്ങൾ ശുശ്രൂ​ഷ​യിൽ ഉപയോ​ഗി​ച്ചു തുടങ്ങി​യി​രി​ക്കു​ന്നു? “ആത്മീയ സംഭാ​ഷണം കെട്ടു​പണി ചെയ്യുന്നു” എന്ന പ്രസം​ഗ​ത്തിൽ ഫിലി​പ്പി​യർ 4:8 വിശക​ലനം ചെയ്യു​ക​യു​ണ്ടാ​യി. നമ്മുടെ സംഭാ​ഷ​ണത്തെ ആത്മീയ കാര്യ​ങ്ങ​ളി​ലേക്കു തിരി​ച്ചു​വി​ടാൻ ആ വാക്യം നമ്മെ എങ്ങനെ സഹായി​ക്കു​ന്നു, നാം എപ്പോ​ഴൊ​ക്കെ​യാണ്‌ അങ്ങനെ ചെയ്യേ​ണ്ടത്‌?

⁸ ദുരന്തങ്ങൾ, സാമ്പത്തിക ബുദ്ധി​മു​ട്ടു​കൾ, മോശ​മായ ആരോ​ഗ്യം, കുടുംബ പ്രശ്‌നങ്ങൾ, ബലഹീ​ന​തകൾ എന്നിവയെ എങ്ങനെ വിജയ​ക​ര​മാ​യി തരണം ചെയ്യാൻ കഴിയും എന്നതു സംബന്ധിച്ച്‌ “അരിഷ്ട​നാ​ളു​ക​ളിൽ യഹോ​വ​യിൽ പൂർണ​മാ​യി ആശ്രയി​ക്കുക” എന്ന പ്രസം​ഗ​ത്തിൽ ചർച്ച ചെയ്യു​ക​യു​ണ്ടാ​യി. ഇത്തരം സാഹച​ര്യ​ങ്ങളെ അഭിമു​ഖീ​ക​രി​ക്കു​മ്പോൾ നമുക്ക്‌ എങ്ങനെ യഹോ​വ​യിൽ ആശ്രയം പ്രകട​മാ​ക്കാൻ കഴിയും?

⁹ പുതിയ ആത്മീയ നിധികൾ: ഏക സത്യ​ദൈ​വത്തെ ആരാധി​ക്കുക എന്ന പുതിയ പുസ്‌തകം ലഭിച്ച​പ്പോൾ നാമെ​ല്ലാം സന്തോ​ഷി​ച്ചു. അതിന്റെ ഉദ്ദേശ്യം വ്യക്തമാ​ക്കി​ക്കൊ​ണ്ടുള്ള അറിയിപ്പ്‌ നിങ്ങളെ എങ്ങനെ ബാധിച്ചു? നമ്മുടെ ശിഷ്യ​രാ​ക്കൽ വേലയിൽ ഇത്‌ രണ്ടാം പാഠപു​സ്‌തകം എന്ന നിലയിൽ സഹായ​ക​മാ​യി​രി​ക്കു​ന്നത്‌ എന്തു​കൊ​ണ്ടാ​യി​രി​ക്കും?

¹⁰ തുടർന്ന്‌, യഹോ​വ​യോട്‌ അടുത്തു ചെല്ലുക (ഇംഗ്ലീഷ്‌) എന്ന പുസ്‌തകം നമുക്കു ലഭിച്ചു. ഈ പുസ്‌ത​ക​ത്തി​ന്റെ ചില സവി​ശേ​ഷ​തകൾ എന്തെല്ലാ​മാണ്‌? അതിലെ ഏതു ചിത്ര​ങ്ങ​ളാണ്‌ നിങ്ങൾക്കു വിശേ​ഷാൽ ഇഷ്ടപ്പെ​ട്ടത്‌? യഹോ​വ​യോ​ടു കൂടുതൽ അടുക്കു​ന്ന​തിന്‌ ആ പുസ്‌തകം നിങ്ങളെ സഹായി​ച്ചോ? മറ്റ്‌ ആർക്കൊ​ക്കെ അതിൽനി​ന്നു പ്രയോ​ജനം അനുഭ​വി​ക്കാൻ കഴി​ഞ്ഞേ​ക്കും?

¹¹ “തീക്ഷ്‌ണ രാജ്യ​ഘോ​ഷകർ” ഡിസ്‌ട്രി​ക്‌റ്റ്‌ കൺ​വെൻ​ഷൻ ഈ ദുർഘട നാളു​കളെ നേരി​ടു​ന്ന​തിന്‌ ആവശ്യ​മായ ആത്മീയ പ്രോ​ത്സാ​ഹനം നമുക്കു പ്രദാനം ചെയ്‌തു. കേട്ട കാര്യങ്ങൾ ഓർത്തി​രു​ന്നു​കൊ​ണ്ടും വിലമ​തി​ച്ചു​കൊ​ണ്ടും ബാധക​മാ​ക്കി​ക്കൊ​ണ്ടും ഈ ശ്രദ്ധേ​യ​മായ ആത്മീയ കരുത​ലിൽനി​ന്നു നമുക്കു പൂർണ പ്രയോ​ജനം നേടാം. (2 പത്രൊ. 3:14) അപ്രകാ​രം ചെയ്യു​ന്നത്‌ നിർമലത പാലി​ക്കാ​നും കർത്താ​വായ യേശു​ക്രി​സ്‌തു​വി​നെ അനുക​രി​ച്ചു​കൊണ്ട്‌ രാജ്യ ഘോഷ​ണ​ത്തിൽ തീക്ഷ്‌ണത പ്രകടി​പ്പി​ക്കാ​നും നമ്മെ ശക്തരാ​ക്കും. അങ്ങനെ എല്ലാം യഹോ​വ​യു​ടെ മഹത്ത്വ​ത്തിൽ കലാശി​ക്കും.—ഫിലി. 1:9-11.